بالنسبة لجيرايا و أنه في الأكاتسكي .. أنا استبعد هالشي وايد ..
أول شي لو كان من الكاتسكي ما كانو بيطرشو ايتاشي و كيسامي عسب يشيلو ناروتو .. و لما طرشوهم لو تذكرو هم شو قالو: ( مشكلتنا مع جيرايا و هو اللي بيعرقل كل شي ) ..
و لما تقابل ناروتو معاهم في الفندق و لما كان كيسامي بيقطع ريل ناروتو ليش جيرايا طلع فجأة؟؟ كان بيخليهم يخلصو شغلهم من دون ما يتدخل و محد بيشك فيه أبدا لأنه كان مع الحرمة المنومة ؟؟!!
و صراحة السبب الرئيسي اللي يخليني استبعد هالشي ان جيرايا كم مرة انفرد بناروتو و كان من السهل عليه انه ياخذه للاكاتسكي و بكل هدوء لكن هالشي ما صار بل بالعكس هو دافع عنه ضدهم و كان على وشك انه يقتل ايتاشي و كيسامي بتكنيك معدة الضفدع لو ما تصرف ايتاشي ..
و ثاني شي .. نقطة هامة فهذا الشابتر .. العصابة تبغ حاملي الوحوش أحياء بينما جيرايا شو قال؟؟ قال أن ناروتو ممكن يعرض حياته للخطر باستخدامه شاكرا الكيوبي يعني ممكن يموت و بالتالي تضيع عليهم فرصة أخذ الكيوبي و جيرايا لو كان من الاكاتسكي ما كان بيخلي ناروتو يروح علشان ما يفقدوه و هو يحمل أهم وحش هم بحاجة اليه ..
و لا تنسو وفاء جيرايا لقرية الكونوها و كيف انه تأثر لما مات الهوكاجي الثالث و هو اللي درب الهوكاجي الرابع و خلاه يصير الهوكاجي عسب يحمي القرية و كيف انه راح يبحث عن تسونادي علشان يعينوها هوكاجي ... إلخ من الأشياء اللي سواها للقرية ..
و ان شاء الله اكون كفيت و وفيت و اقنعتكم ..
المشاركة الأصلية كتبت بواسطة ryu_2004
..
.. أول ما نزل الجابتر طلعت الترجمة و هذا اللي يخوف شوية ..
.. 
( توقع )
؟!