رسومات من الانيمي ناروتو

**Legendary Dakku** · 08-11-2005, 10:58 PM

Welcome Back Toota18

o_0 ليش اوقفوا عضويتج ؟ انا متأكد ان ما عندهم سالفه او اهمه غلطانين ... ممكن توريني شالمشكله

,,

بالنسبه للرسمه اليديده الي بالقلم الضوئي حلوه ؛؛ بس ليش مب مضبوطه نفس الباقيين ؟

و على اي برنامج رسمتيها .. و قولي لي شلون القلم يريح او صعب شوي ... الخ من هذي التعليقات

انا بعد صار لي فتره ادور بس ما حصلت <<< بيني و بينج انا متكيسل اروح اتعب على عمري

و آخر شي عندي بس طلب واحد

ممكن تحطين وصلات كل دروسج مال رسم شخصيات ناروتو ..

لأن انا دورت و حصلت بس 5 مال ناروتو و نجي و كاكاشي و جيرايا و الاخير اتاشي .. بس سمعت انج

سويتي لـ شيكا و هيناتا و ساكرا .. ابيهم

**صقر المغرب الأقصى** · 09-11-2005, 02:00 AM

ماشاء الله كل رسماتك متقنة

**tootaaeighteen** · 09-11-2005, 02:25 AM

مشكورين يا إخوان على الردود

بالنسبة للدروس يا أخ داكو انا ما سويت إلا اللي ذكرتهم اما الباقي للحين ما سويتهم هذي طلبات الأعضاء في منتدى ثاني

وبالنسبة لسبب التوقيف....أنا كنت مشاركة في موضوع غبي وتافه والله مادري ليش شاركت فيه أصلا.
صاحب الموضوع كان يقول شنو أحسن....العرب بتاريخهم ودينهم ولا الأجانب بتقدمهم وعلمهم؟

قلتله شلون تقارن الدين بالتكنولوجيا ما يصير

قام المراقب المحترم المؤدب الخلوق وقال اللي مو عاجبه الموضوع لا يشارك فيه
هذا مو تلميح صريح لي أنا؟؟؟؟

قمت وقلتله أنا آسفة ما كنت أدري إن الواحد مايصير يشارك في المواضيع اللي ما تعجبه.....ضيفوا هالبند ضمن قوانين المنتدى

المراقب المحترم زعل.......شلون وحدة شريرة مثل توتة 18 تهزأه جدام الأعضاء؟...مايصييييييييير

قام يقول احترمي نفسج....انتي من زمان مثيرة للمشاكل....وانتي وانتي
قمت ورديت عليه وقلتله انت اللي دخلت الموضوع وقمت تقط نغزات علي

بوووووووووووووم.....واختكم توتة موقوفة اسبوعين

وما كفاه اللي سواه قام وهزأني جدام الأعضاء
قمت دخلت باسم جديد وهزأته ووريتهم منو فينا الصادق ومنو فينا الكذاب

والظاهر لما حس إن ويهه انمسح بالأرض قام يستنجد بمراقبين ثانيين و بوووووووووووووووم.....اختكم توتة انطردت نهائيا ً من المنتدى

والموضوع موجود بالقسم العام.............دوروا الموضوع المغلق

وكونوا شاهدين منو فينا اللي تهجم على الثاني بالأول

**السفاح المرعب** · 09-11-2005, 10:52 AM

قلتله شلون تقارن الدين بالتكنولوجيا ما يصير

كلام صحيح .

وهيه وجهت نضر ما يحق للمراقب التدخل

قمت وقلتله أنا آسفة ما كنت أدري إن الواحد مايصير يشارك في المواضيع اللي ما تعجبه.....ضيفوا هالبند ضمن قوانين المنتدى

لووووووول

المفروض يحرر الرد ما يتفلس ويوقفج .....هو إلي بدء (المفروض صاحب الموضوع يناقش ويوضح)
ومن الاساس هو ما فتح الموضوع إلى لي النقاش

وتلميحات المراقب لي عضو مب حلوه (عضو لي عضو ممكن يتفاهمون )

بس الله يهديهم المراقبين ما يتحملون اتفه الاسباب

على العموم الحمد لله إنج رجعتي لنا و برسماتج الحلوه
ومانبغي ننحرم من رسماتج الحلوه

**88_Shadow** · 09-11-2005, 02:33 PM

توتة 18 رجعت بعضوية جديدة

ويل كام باك ^^
مبروك عل القلم انشاء الله اشتري لي واحد قريبا ^^

و حلوه الرسمه

**tootaaeighteen** · 09-11-2005, 04:34 PM

السفاح المرعب:

مشكور أخوي على كلامك الطيب
وأنا والله مو هامني التوقيف......خليه يفرح فيه، المهم إني رفعت ضغطه حييييييييييييييييييييل لدرجة خلته يوقف عضويتي نهائيا ً

وأنا مو راجعة المنتدى إلا عشان اخواني في منتدى الرسم
الله لا يحرمنا من بعض ولا يفرق بينا انشالله

88_Shadow:

الله يبارك فيج اختي
والقلم روووووووووووووووعة لازم تجربينه
بس تحتاجين وقت على ما تتعودين عليه

**tootaaeighteen** · 10-11-2005, 02:24 AM

شكرا ً على رسالتك أخ داكو
انا ما أقدر أرد عليها لأني ما وصلت 50 رد

بس الله يخليك لا تقول حق صاحبك يرد لي عضويتي
مابي هذاك المعقد يصدق نفسه ويظن إني قاعدة اطلب مساعدة أحد أو إني استعطفكم

وكفاية علي وقفتكم معاي
هذي بروحها تسوى مليون عضوية مثل العضوية اللي راحت

وأنا أصلا حابة أفتح صفحة يديدة بعضويتي اليديدة

عشان جذيه ماله داعي تكلم صاحبك

**الملاك الأبيض** · 10-11-2005, 02:56 AM

الحمد لله على السلامة الأخت القديرة توتا18
ما تهم الأسامي المهم انتي موجودة بيننا أختي ^^..
يالله شدي حيلج ومبروك على البورد

**tootaaeighteen** · 10-11-2005, 05:01 AM

المشاركة الأصلية كتبت بواسطة الملاك الأبيض

الحمد لله على السلامة الأخت القديرة توتا18

ما تهم الأسامي المهم انتي موجودة بيننا أختي ^^..
يالله شدي حيلج ومبروك على البورد

الله يسلمك أخ ملاك
فعلا ً أهم شي إني موجودة بينكم

**::.SnOw.::** · 10-11-2005, 08:55 AM

السلام عليكم و رحمة الله

.. اولا... كل عام و انتي بخييير,بمناسبة شهر رمضان المبارك, يا القطووعة

و ثانيا كل عام و انتي بخير بمناسبة عيد الفطر السعيد...

.. وثالثا مبرووك عليك العضوية الجديدة..... و ان شا الله تكون.. عضوية.. للأبد

.. رابعا الصراحة.. كلامك.. صحيح.. في ناس بمنتدانا.. معقدين نفسيا.. و غير كذا

((يبيلهم جلسات بالكهرباء))

عشان يعرفون ما يتلاعبون بعضوية الأعضاء

((زي ما تلاعبوا بعضويتي.. حسبي الله و نعم الوكييل))

و خامسا رسمتك حقت اسوما المزيون المطقون

.. جدا جدا جدا جدا جدا حلووووووووة

.. أحلى أحلى أحلى من قدك.... تطورتي.. أكثر و أكثر.. من قبل.

..

و لو تقارنين.. أول رسمة رسمتيها بالموضوع و آخر رسممة عرضتيها

.. راح تلاحظين تطورك بالرسم

..

على العموم.

..

سادسا لا تنسين.. تورينا المزيد.. عاد انتي هالمرة.. زودتيها بغيابك. المقلق

لازم .. تريحينا برسماتك الجديدة

**صقر المغرب الأقصى** · 10-11-2005, 04:06 PM

السلام عليكم ورحمة الله
مبروك أختي العضوية الجديدة وإن شاء لله تكون للأبد كيف ماقالت ماي
وأوجه نداء للمراقبين انهم يتقوا الله في عملهم ويعرفوا حق المسؤولية الي ملقاة عليهم

والسلام عليكم

**tootaaeighteen** · 10-11-2005, 07:25 PM