المشاركة الأصلية كتبت بواسطة TheCAge
لا ماصار إلا الخير ..نرجع لمودجي ,شفت مردونا ؟ تعرف مين جابه لنابولي وخلى نابولي يفوز بالدوري ؟ مودجي ماغيره ولا ازيدك من الشعر بيت كان وقتها مردونا مصاب وكانت ادارة نابولي تقول لمودجي انت مجنون تشتري هالاعب وبهالمبلغ الكبير ؟ قال مودجي اشتروه وبيجيب لكم الأمجاد وفعلا سمعت الإدارة كلام مودجي ودفعت المبلغ في الاعب المصاب وقتها "مردونا" ويوم شفي من الأصابه قاد نابولي للفوز ببطولة الدوري اللي كانوا ومازالوا يحلمون فيها وصار فريق نابولي في هذاك العصر هو نابولي الذهبي بسبب مين؟ الداهيه مودجي .
قصه ثانيه روبيرتو باجيو مين مايعرفه؟ باعه لميلان في وقت الصحافه والعالم كلللللللله انتقده على هالحركه لكن وش سوى مودجي؟ قال لالا انا بكسب اليوفي وفعلا باع باجيو للميلان وجاب بديل مثل او يمكن افضل من باجيو "بلغت الأرقام" جاب لنا الملك ديلبيرو اللي ايطاليا كلها تغني بأسمه الآن واول وحقق اللي ماقدر يحققه باجيو مع اليوفي ارقام قياسيه وبطولات إلى ان اصبح ولد اليوفي المدلل "ولو ان كلمت ولد اليوفي المدلل مختلف فيها شوي عشان مثل مانعرف ان اليوفي مايعترف بالأسماء بل المستوى فقط" عموما ..هذي قصه ثانيه القصه الثالثه قصت بيع زيدان لريال مدريد بأكبر صفقه تمت في تاريخ كرة القدم قاااااااااااااطبه إلى يومك هذا وكالعاده الناس انتقدته وقالت لا هذا خطأ وكيف تفرط بزيدان وللمعلوميه في قصه اخرى وهي قصه كيف اليوفي جاب زيدان من فريق فرنسي وخلاه من لاعب مغمور لأسطوره حيه وللمعلوميه ايضا افضل وقت لزيدان كان مع اليوفي لكن الإعلام وماادراك مالإعلام بهدفين كأس العالم 98 جعلوا زيدان إله استغفر الله العظيم مع ان اللي سواه زيدان مع الريال مايقارن مع اللي سواه مع اليوفي من مستويات ,نرجع لقصه بيع زيدان بيع زيدان عام تقريبا 2000 بمبلغ يفوق الـ 56مليون دولار في صفقه انتقال فقط وطبعا الناس استغربت لكن في الصيف اللي باع فيه زيدان مين شرى ياترى؟
تورام الصخره اللي فرق العالم كلها "بدون استثناء تتمنى خدماته" وبوفون افضل حارس في العالم خلال الثلاث سنوات الماضيه وبافيل نيدفد افضل لاعب في اوروبا عام 2003 والمرشح لها اكثر من مره وصاحب القدم الذهبيه اللي مازال يعطي اكثر من اسماء كثيره في فرق ثانيه واظن فهمتوا وش قصدي .
القصص كثيره ياخوان واخص بالكلام هذا اخوي اكسوديا وانا اؤكد لك ان افضل رجل في الميركاتو في العالم حاليا هو مودجي بعتراف اعدائنا فأبيك تفتخر بهالرجل الداهيه اللي جاب لك فييرا في لمحت بصر مع العلم ان فيه انديه كبيره جدا جدا تحاول تشتريه من سنوات لكن دون جدوى.
هذي نبذه بسيطه جدا جدا من اللي عرفته حبيت ابينها لكم ومثل مايقولون الخافي اعظم لكن والله تعبت يديني من الكتابه فأعذروني.
تسلم يدك أخوي TheCAge والله يعطيك العافية ، سامحني اخوي أتعبتك معاي ، بس معلومات مهمة جداً للرابطة إن شاء الله الجميع يستفيد منها ، ولأول مره أسمع عن بعض المعلومات ، والصراحة طلع داهية بمعنى الكلمة ...
مره ثانية أخوي TheCAge الله يعطيك العافية
