موضوع نقاش عام عن الانيمي

[ahmadkb]

السلام عليكم رحمة الله وركته

أكثم

بما إني مستعجل هذا فلم كشن عجيب

Shin Angyou Onshi تورنت هنا

[أكثـــــــــــم]

طيب وكيف اللي في بداية الصفحة قبل ذي
وكيف Paprika
وفي شي اسمه فيه خمسة يقولوا جيد
واش هو فلم ميازاكي الجديد
سلام

[ahmadkb]

السلام عليكم ورحمة الله وبركاته

هلا أكثم

The Girl Who Leapt Through Time

رومنسي/خيالي. أفضل فلم شاهده لسنة 2007

Paprika أنمي خيالي معقد. تحب التعقيد والتفكير. شاهد الفلم.

Byousoku 5 Centimeter ماشفته للحين. ولكن شاهدة أحد اعمال المخرج وكان OVA رائع. "Voices of a Distant Star"

الفلم المنتظر لميازاكي هو Gake no ue no Ponyo سيصدر في هذه السنه."في السينما اليابانية"

أي فلم من ميازاكي يعني حلو. أخر عمل لميازاكي الأب هو Howl's Moving Castle

وميازاكي الأبن كان Ged Senki: Tales from Earthsea.

من أفضل الأفلام عندي هي
Vampire Hunter D
Vampire Hunter D - Bloodlust
Fist of the North Star
Blood: The Last Vampire
Ghost in the Shell
Princess Mononoke

هذا الذي استطعت تذكره.

[أكثـــــــــــم]

احمد...انت احسن واحد في العالم <_<
ياخي دايما تحرجني
يعطيك العافية

The Girl Who Leapt Through Time

رومنسي/خيالي. أفضل فلم شاهده لسنة 2007

هذا بينشاف

Paprika أنمي خيالي معقد. تحب التعقيد والتفكير. شاهد الفلم.

هذا مابشوفه

Byousoku 5 Centimeter ماشفته للحين. ولكن شاهدة أحد اعمال المخرج وكان OVA رائع. "Voices of a Distant Star"

ولا ذا.

من أفضل الأفلام عندي هي
Vampire Hunter D
Vampire Hunter D - Bloodlust
Fist of the North Star
Blood: The Last Vampire
Ghost in the Shell
Princess Mononoke

شفتها كلها

Shin Angyou Onshi

جيد جيد؟؟ ولا هه؟؟ احسه مخروش
مشكور احمد
وهذا فلم انا وايد عجبني انصحك بيه _اكيد شفته_: tokyo godfather
jana

[ahmadkb]

السلام عليكم ورحمة الله وبركاته

هلا أكثم

الله يعافيك.

جيد جيد؟؟ ولا هه؟؟ احسه مخروش

الفيلم رائع جداً لا تحبطك الصور.

وبالذات إنه تحت تصنيف Gore يعني شيء بيعجبك. والبطل نذل درجة إولى.

وهذا فلم انا وايد عجبني انصحك بيه _اكيد شفته_: tokyo godfather

نعم شفته وهو رائع أيضاً.

[Homeless]

السلام عليكم و رحمة الله و بركاته ..

Tokyo Marble Chocolate
A very sweet OVA..
حلقتين..بالرغم من انهم نفس القصة..الا انك تستمتع حيث ان كل وحدة منهم بمنظور شخصية..
الرسم ممتاز (التصميم ذكرني بـHoney & Clover) و الالوان رائعة..كأنها الوان مائية..
الاخراج رائع..الموسيقى خفيفة و مناسبة..
شوفوها..

بما إنه حلقتين نزلته و شفته .. قعدت ساعة أفكر أبدأ في أي جزأ و اخترت الجزء الولد , و شكله كان إختيار صحيح ..

الفكرة حلوة , وايد عجبتني .. الواحد يشوف نفس القصة من زاويتين .. الأشياء الغامضة في جزء الولد تفسيرها في جزء البنت .. مثل شلون عرفت إنه طاح و هو طالع من البيت , السبب اللي خلاها تترك المطعم , شلون البالون و الهدية وصلوا لبرج طوكيو ..

NsaN .. أشكرك على النصيحة .. و كثر لنا من هالشغلات الخفيفة ..

____

Initail D

من زمااان خاطري أشوفه و من فترة بسيطة انتهيت منه بمراحله الأربعة + الـ Extra Stage + الـ Battle Stage 1 ..

ما لقيت الـ Battle Stage 2 للحين .. نزلت واحد و طلع RAW .. فاللي عنده وصلة لا يبخل علينا بها ..

أنيمي جبـّار و الله .. القصة , الشخصيات , و لا الجرافيك .. السباقات تحس شغل متعوب عليه .. أصوات السيارات , التيربو , تبديل القير .. تحسسك إنك موجود معاهم في الشارع ..

و كل اللي قلتهم ينحطون في كفة .. و الموسيقى و الأغاني تنحط في كفة ثانية .. لاعبين دور كبير كبير في الأنيمي .. يعني غصب تتحمس معاها ..

بعد ما انتهيت من المرحلة الأولى .. خفت إن يقل الحماس لكن طلعت غلطان و الدليل إن ذروة الحماس هي في المرحلة الرابعة " Project D " ..

كانت عندي الحلقات بالصوتين الياباني و الإنجليزي .. طبعاً تابعته بالياباني و ماكانت في مقارنة و أبسط مثال هو إن لما كنت تسمع "Hachi-Ruko" كان وقعها على الأذن أحلى مليون مرة من "Eight-Six" ..

يطول الكلام .. لكن نكتفي ..

مرحلة خامسة !! .. أتمنى هالشي ..

___

حالياً أتابع Ranma ½ .. أدري مغبر .. بس بعد ..

[ahmadkb]

السلام عليكم ورحمة الله وبركاته

هلا Homeless

ما لقيت الـ Battle Stage 2 للحين .. نزلت واحد و طلع RAW .. فاللي عنده وصلة لا يبخل علينا بها ..

لم يتم ترجمة من أي قروب لأن الـOVA جديد نسبياً لمزيد من المعلومات هنا ولو تلاحظ الـGroup status فلن تجد أي قروب بعد.

حالياً أتابع Ranma ½ .. أدري مغبر .. بس بعد ..

أحلى شيء القديم

شخصياً موقف شويه من المسلسلات الأنمي.

وأتابع الآن أفلام أنمي ومسلسلات أمريكيه.

[NsaN]

احمد و هوملس

زين الي عيبكم..
انا عاد عكسكم..بديت بالبنت..
لان الملف كان فوق ملف الولد..فوق هذا..Ladies first ياخي..

مع ان الكوميديا فيه جداً جداً خفيفة..بس اسميني ضحكت على مشهد البنية يوم تسكر..
الطريقة الي تمت تضرب فيها الريال..ههههههه..والله اني عدته كم مرة..

بخصوص الوضع الحالي..

يالس اتابع Eyeshield 21..موصل 63 اذا مش غلطان..
بصراحة..مستواه جداً Average..
و الرسم جداً جداً تعيس..
احلى ما فيه شخصية Hiruma الي اعتبرها جديدة نسبياً..
و عندك اهتمامهم بباقي الشخصيات ايضاً جيد..
يعني يوضحون المشاكل الي يعانون منها..سواء من نظرة المجتمع..او نظرة اصحابهم..او حتى العائق الجسدي الغير مستحب بمثل هالرياضة..
ناهيك عن بعض الاثارة..بالرغم من ان المسلسل بشكل عام وايد Predictable..
هاي نقاط تنحسب لصالح المسلسل..

و اما عليهم اسماء عبيطة!!
عيل Moby Dick Anchor؟؟

و عن Ranma

اذكر تابعت للموسم الثالث مادري الرابع و وقفت..مليت..
غلطتي كانت اني ما كنت اطالع غيره..يعني حاط في بالي اقعد عليه و اخلصه..
بس غلط..لان التكرار بالمسلسل كثير..فوق هذا ماشي احداث تمشي..فتمل..
يعني اعتبره من الانميات الي تشوف منها حلقة او ثنتين كـBreak من مسلسلات ثانية..يعني فاصل..
صحيح بتطول لين ما تخلصه..بس و لا انك تمل و توقف مثل ما صار معاي..

غير هذا..شكله حد داعي عليه اني ما اخلص المسلسلات الي عندي..
طفرت قسم بالله!!

[Homeless]

السلام عليكم ورحمة الله وبركاته
لم يتم ترجمة من أي قروب لأن الـOVA جديد نسبياً لمزيد من المعلومات هنا ولو تلاحظ الـGroup status فلن تجد أي قروب بعد.

و عليكم السلام و رحمة الله و بركاته ..

أهـا .. عيل ما ترجموه , و أنا أقـول شفيني مو محصله ..

شخصياً موقف شويه من المسلسلات الأنمي.
وأتابع الآن أفلام أنمي ومسلسلات أمريكيه.

على طاري المسلسلات الأمريكية , توني متذكر إني ما نزلت Prison Break 10 <-- المسلسل الوحيد اللي أتابعه ..

____

NsaN

مع ان الكوميديا فيه جداً جداً خفيفة..بس اسميني ضحكت على مشهد البنية يوم تسكر..
الطريقة الي تمت تضرب فيها الريال..ههههههه..والله اني عدته كم مرة..

ياخي المشهد ذي رفع ضغطي .. مادري ليش ..

و عن Ranma
اذكر تابعت للموسم الثالث مادري الرابع و وقفت..مليت..
غلطتي كانت اني ما كنت اطالع غيره..يعني حاط في بالي اقعد عليه و اخلصه..
بس غلط..لان التكرار بالمسلسل كثير..فوق هذا ماشي احداث تمشي..فتمل..
يعني اعتبره من الانميات الي تشوف منها حلقة او ثنتين كـBreak من مسلسلات ثانية..يعني فاصل..
صحيح بتطول لين ما تخلصه..بس و لا انك تمل و توقف مثل ما صار معاي..

و أنا قاعد أكرر غلطتك .. بس بالنسبة لي مب غلطة ..

شوف , أنا ماحب أتابع أكثر من مسلسل أنيمي في نفس الوقت " Naruto, Bleach & One Piece استثناء من هالقاعدة "

يعني مثلاً الحين استلمت Ranma ماراح أبدأ في مسلسل غيره إلا أخلصه ..

و بعده شكلي بابدأ في Berserk أو يمكن Rurouni kenshin .. طبعاً في الفترة اللي أكون فيها مشغول بأنيمي .. أكون أنزل أنيمي غيره .. و هكذا ..

غير هذا..شكله حد داعي عليه اني ما اخلص المسلسلات الي عندي..
طفرت قسم بالله

أو شكلك من كثرهم , مو عارف تبدأ في أي واحد و تخلص أي واحد ..

[أكثـــــــــــم]

بخصوص الوضع الحالي..

يالس اتابع Eyeshield 21..موصل 63 اذا مش غلطان..
بصراحة..مستواه جداً Average..
و الرسم جداً جداً تعيس..
احلى ما فيه شخصية Hiruma الي اعتبرها جديدة نسبياً..
و عندك اهتمامهم بباقي الشخصيات ايضاً جيد..
يعني يوضحون المشاكل الي يعانون منها..سواء من نظرة المجتمع..او نظرة اصحابهم..او حتى العائق الجسدي الغير مستحب بمثل هالرياضة..
ناهيك عن بعض الاثارة..بالرغم من ان المسلسل بشكل عام وايد Predictable..

ترى المسلسل في تدهور مستمر ...يعني الحلقات الجاية اسوء واسوء...انا موصل 86
هي افضل حلقات فيه الديث مارتش اللي في امريكا
وترى قريت اخبار انه الانمي بيوقف في نقطة مناسبة والتكملة بالمانجا ...حاليا هو موصل 135 على مااعتقد



وبالنسبة للاوفا هاي واش تنصحونا نبدأ بالولد ولا البنت؟؟
سييا

[أكثـــــــــــم]

ياشباب اللي يتابع H X H
انا عندي المسلسل و3 اوفات
كيف نبدأ بايش؟؟؟
وكيف يجي منه ؟؟
انا واحد رجني عليه يقلي مررة جيد
سلام

[NsaN]

شوفهم بالترتيب الي نزلوا فيه..

المسلسل
الاوفا الاولى
اوفا Greed Island
اوفا Greed Island Finale

[ahmadkb]

السلام عليكم ورحمة الله وبركاته

أكثـــــــــــم

وبالنسبة للاوفا هاي واش تنصحونا نبدأ بالولد ولا البنت؟؟
سييا

الولد أولاً.

NsaN

مع ان الكوميديا فيه جداً جداً خفيفة..بس اسميني ضحكت على مشهد البنية يوم تسكر..
الطريقة الي تمت تضرب فيها الريال..ههههههه..والله اني عدته كم مرة..

هههههههههه نفس الشيء هنا. وأيضاً لقطة الولد يوم يطيع على وجهه. مادري ليش بس هلكتني من الضحك وعدتها كم مره. "الحركه كانت على مُفاجئه".

Homeless

و بعده شكلي بابدأ في Berserk أو يمكن Rurouni kenshin .. طبعاً في الفترة اللي أكون فيها مشغول بأنيمي .. أكون أنزل أنيمي غيره .. و هكذا ..

أنصحك تشوف Rurouni kenshin على حسب صدور الأنمي وليس على حسب القصه.

يعني أولاً المسلسل حتى 62 وبعدها تستطيع مشاهدة الفيلم وتكمل المسلسل إلى النهايه "من 63 إلى 95 كله فيلر". تستطيع عدم مشاهدة الفيلر.

وبعدها تشوف الـOVA 1 "أحلى شيء في كينشن".

وإذا تريد تكملة القصه تقرأ المانجا من الشابتر 146 تقريباً. المانجا هنا

وآخر شيء تشوف الـOVA 2. إذا تريد قرآءة المانجا لا تشاهد هذا الـOVA إلى أن تنهي المانجا.

[Homeless]

السلام عليكم و رحمة الله و بركاته ..

The Girl Who Leapt Through Time

تـوني الحين شفته .. و أي حد ماشافه يحمله الحين و بدون أي تأخير ..

الأداء الصوتي لـ Makoto كان قمة في الإبداع ..

____

ahmadkb

أكتب ردي ذي و أنا أحمل الحلقة 70 راح أوقف تحميل المسلسل دامه فيلر .. و أنزل الفلم و الـ OVA1+2 .. و نرجع للفيلر بعدين .. زين قلت لي ولا تراني كنت ناوي أشخطها بالترتيب [ مسلسل -> OVA1+2 -> فلم ] ..

مممم و السالفة فيها تكملة في المانجا .. ماحب هالشيء ..

[ahmadkb]

Homeless

مممم و السالفة فيها تكملة في المانجا .. ماحب هالشيء ..

لا فهمت غلط.

الـOVA2 من حلقتان وهما إختصار شديد جداً للقصه الموجوده في المانجا مع زياده في نهاية جديده لا توجد في المانجا. ولكنها من الكاتب نفسه. "يعني ليس فيلر". لهذا قلت إذا تريد قرآءة المانجا لا تشاهد هذا الـOVA إلى أن تنهي المانجا.