بيت شعر تهديه للي قبلك

[قلب الحياة]

حي الله اللي جات بالمنطق الزين
اللي يعبـر عـن حقيقـة ادبهـا
نبضة وفاء ما غيرت في الموازين
ميزانهـا يرجـح بكفـة ذهبهـا

[جوليا بندلتون]

ـيالنا مـن كـل نـبعٍ سقانا
..................... وأيـامنا تـسوق عـبراتنا سـوق

مـيـعادنا عـند الـتمنّي نسانا
..................... وظـروفنا تزرع على دربنا عوق

[قلب الحياة]

خذني على قد الغرام اللي تجاذبـه العيـون
خذني على قد الهيام اللي ترعرع في هـواك
خذني على قد الهوى والشوق وأحلام الجنون
خذني وخل العين تتهنى على شوفـة لقـاك

[جوليا بندلتون]

انا المجروح والعالم بحال القلب مايدرون
......................... جروحي تنزف احزاني ولاادري وش يداويها

وحيد وحالتي حاله..طليق فواقعي مسجون
......................... لو اصل غاية سنيني..مغير احلامي ارجيها

ظلام وغربة ايامي..وقلب محترق مغبون
......................... وليل يعزف الحانه لروح غاب غاليها

[قلب الحياة]

قالت تحدانـي علـى كتـم الأشـواق
قلت التحـدي صعـب بينـك وبينـي
حنا خلقنـا الله يـا الاثنيـن عشـاق
وقلبـي يبـي قلبـك وقلبـك يبينـي
وشلون نرضى هم وجـراح وفـراق
وشلون ننسى ما مضى مـن حنينـي
أنا لـك إخـلاص وتباريـح وافـاق
وأنتي قدر مكتوب لـي فـي جبينـي
بين القلم وابيـات شعـري والأوراق
هـمٍ يراوحـنـي وهــمٍ يجيـنـي

[جوليا بندلتون]

توك سألت وتوك تقول وش فيك
0000 توك تعذر توك تقول آسف
لا0لا تعذر لا تحاولني أعفيك
0000 مهما فعلت الحب في القلب كاسف
عكرت صفو المحبة يوم الرجا فيك
0000 عكرت صفوة ولا أنت اليوم بحاسف
مصاب أنا بالهوى والله معافيك
0000 والحين أنا أصبحت للحب ناسف
خلك على صدّك وقول وش فيك
0000 حبك مضى وأقولها لك بأسف

[رحيل الروح]

كتبت أنا في تالي الليل
بيتين...لعيون من يسوى جميع
الخلايق... الي معاهدني علي الزين
والشين...واللي بشوفه يصبح الفكر
رايق... الصاحب اللي منزله داخل العين
...هو الخوي وقت السعه والضوايق

[جوليا بندلتون]

نفسي عزيزه ماتحب الأهانه
ولاهي بترغب خاينين العهودي
نفسي تحب اهل الشرف والمانه
اهل الوفاء اللي ماتبوح السدودي

[قلب الحياة]

انا انسان مع نفسي قبل لا اكون معاك انسان
ولي نظره ولي مبدء "وتحكمني قناعاتي"
احاسيسي حقيقه ثابته في الوصل والهجران
انا طبعي اذا حبيت "احب بكل حالاتي"
منادي والندى نابع من الوجدان للوجدان
اذا ماينطق احساسي حديثي يشبه سكاتي
غموضي في الهوى تصريح سره يفضح الكتمان
ونظرات الوله والوجد هي اجمل عباراتي
ولا "اجامل" باحاسيسي "ولا اقبل في الهوى احسان"
"ولا للمصلحه ياسيدي دور بعلاقاتي"
"احب الصدق" واعمل به كسبت او كنت انا الخسران
"واذا صدقي يخسرني تشرفني خساراتي

[جوليا بندلتون]

أنا تعلمت الجفاء من تغليك...........ومن المذلة والخضوع انتهينا
من كل قلبي يشهد الله ناسيك.........غير الضياع بحبكم وش iiلقينا
ابحتفظ في عزة النفس مابيك.........بالناس نلقى اللي نبيه iiويبينـا
مما معي زينت للنفس ما ضيك......في درب حبك ليتنا ما iiمشينا
هديت عرش الحب يازين بايديك.....من بحر حبك بالنجاة iiاكتفينـا
ذاب الحنين بعين قلب تراعيك.......مثلك على النسيان والله iiقوينا
أنهيت قصة حبنا في تغليك.........امسح دموعك...بالجفا ما iiبدينا

[قلب الحياة]

لا والذي صورك ما لا ق للعيـن
غيرك ولا سوى بي أحد سواتـك
أنت الذي حطيت بالجوف رمحين
رمح العيون ورمح وَردي شفاتك
وأنت الذي زينت يا غاية الزيـن
حياتي اللي نورها مـن حياتـك
أحب فيك الحب يا جامع أثنيـن
الزين وطبوع(ن) تكمل حلاتـك
أحب فيك العطف واللطف واللين
وأحب فيك رضاك عقب زعلاتك
وأحب هاك الجيد بين الجديليـن
وأحب ما تخفيه طرقة غطاتـك
يا جارح المجروح لا تودع البين
يقضي علي بغيبتـك وسفراتـك

[جوليا بندلتون]

عـن حبـي الصافـي خـذ iiاعتـذاري
عفت المحبة والسبب هو خداعي
عـرفـتـك بوجـهـيـن مــاعــاد اداري
قلبـك لكـل النـاس قـاع اجتماعـي
قنعت نفسي عنك وابعد iiمسـاري
حقيقـتـك غـــدار طـــاح iiالقـنـاعـي
لا وعشـيـري لـيـه تـنـوي iiدمـــاري
لجل المصالح تهتني في iiضياعـي
حطيتنـي بامريـن والـمـر iiاجـبـاري
مابـيـك يالـخـوان بـكــل اقتـنـاعـي
ابشـرك قلبـي علـى الهـم iiضـاري
عجل ببعدك ما بقربـك لـي iiداعـي
حــذاري تـرجـع للمحـبـه iiحـــذاري
فارقني يالمغشوش حبك صناعي
ابعـد خـلاص ارجـوك هـذا iiقــراري
عشرة فشل بطوي منك iiشراعي
فـرح قلـوب نـاس تبـي iiانكـسـاري
فـرقــا تفـارقـنـا وحـــل iiالـوداعــي
وعن حبي الصافـي خـذ iiاعتـذاري
كرهت كـل الحـب سبـت iiخِداعـي

[قلب الحياة]

من عذابي قلت لعيونـك هـلا

يا هلا بك يا عذابي يا هـلا

ما يكفّي لوعتي بك من غـلاك

رحت تبعد عن عيوني يا غلا

تحسب اني سالي مثلـك وانـا

في هواك الله حسيبك مبتلـى

ما يسلينـي مكـان ولا زمـان

لا ولا غيـرك حبيـبِ لا ولا

قلبي الي ما يطيع لمـن بغـاه

من نظر عينك تعهّد بالـولا

صار لك بالقلب مرباع ومصيف

يوم غيرك عن مرابيعه جـلا

فيه لك مقيال عن حرّ الزمـان

والدفا عن برد شمله بالخـلا

[جوليا بندلتون]

كنت أحسب اني عرفت الحب قبل اعرفك
................ وعشقت قبل اعشقك واشتقت قبل التقيك

و كنت احسب اني لقيت احباب قبل اوصلك
................ واثري توهمت في غيرك وانا كنت ابيك

اخاف اغمض عيوني وان رمشت افقدك
................ واخاف افتح وتصبح حلم ولا التقيك

[قلب الحياة]

يا روحي أحيا بك و حنّا غريبيـن
ما نيب أشوفك و انت يا روح ذاتي

في داخلي و أشكي معك لوعة البين
بعيد عني وانـت نبضـة حياتـي

يا لحظتي لو الزمن بيننـا سنيـن
و يا منوتي لو ما حصـل مناتـي

صوتي تقطّع فـي فـلاة المحبيـن
و شوفي تبدّد مـع سـراب الفـلاةِ

لا واهنيّ من هم على الما مقيميـن
و أنا يبَس صوت الرّجا في لهاتـي

أهيم في صحـرا عديمـة عنـاوي
متاهة(ن) خلو الشجـر والحصـاةِ

الليل يوحش و الضحى يجرح العين
و الحزن يكتب من عذابي غناتـي

أمنّي عيوني مـن الحيـن للحيـن
عسى الفرج مع طلعة الصبح ياتي

ياطاغي الفتنه من الـراس للقيـن
ياليتي أستر لوعتـي فـي عباتـي