Nintendo Fan's Club

[Freaky Angel]

كح كح

السلام على من اتبع الهدى

[KSA_BOY]

( ... ) << ينظف الغبار
عليك السلام ..
فجأة ترجع .. فجأة تختفي ! @@

[cantona222]

شباب انا كتبت رد و محد رد عليي......... راح اكتبه مرة ثانية

انا حاليا قاعد العب Super Mario 64 DS "ادري اني قديم شوي"

بس عندي استفسار ........ هل في اختلاف كبير بين نسختي الـDS و الـ64؟
انا ما لعبتها عالـ64
انا ادري انه بنسخه الـDS ضافو Luigi, Wario, Yoshi بس هل المراحل و اماكن النجوم اختلفت؟
لان بنسخة الـ DS بعض النجوم ما تقدر تاخذها الا بـWario و بعضها ما تقدر الا بـLuigi. لان كل شخصية لها قدراتها الخاصة. ........... فشلون ؟؟ مع عدم وجود هذه الشخصيات بنسخة الـ64
ارجو التفسيير......... لان الامر محيرني
و اللعبة تحفة ...... وايد حلوة

وشكرا

[MeLeE]

شو رايكم بهاذا الفيديو http://youtube.com/watch?v=MDjMCSEHLxE

[ashraf_2003]

البتنجامون يا حليب السعودية

[The Broken Legend]

السلام عليكم ورحمة الله و بركاته ..
هذا الرد مخصص على اللي ردوا علي بالمسابقة ..
نبدأ مع بوجسوم ..

كيف بدت الاسئلة سخيفة ؟!؟ بالعكس اشوفهم عاديين ومافيهم اي شيئ ولا بس عشان سالفة الألغاز؟

أولا هذه وجهة نظري بالإسئلة ..
ثانيا احنا شنبي بالألغاز ؟ أطول حيوان اصغر حيوان و غيرها .. احنا نبي شيء يفيد أعضاء النيتندو .. ولو أبي ألغاز أشتري لي كتاب ألغاز أفضل و أحسن .. على الأقل الأجوبة تكون مضمونه مو علشان قال صديقي هالحل لازم أصر عليه علشان يكسب نقاط

وشنو صار اذا ما سوينا توقيع وشخصية ؟!؟ والمشكلة تطلب نقاط على ذلك
انا اشوفه انه شيئ اختياري مش اجباري انك تسوي توقيع او تختار شخصية (( للعلم توقيعنا قريب جدا مع الشخصية ))

مع أن رونالدوا و ضع هالقرار من ضمن القوانين ..
إذا لنضع هذه أول نقطة في بند سوء التنظيم ..

والتنظيم مش مشكلة اخوي علي ، المنتدى اخترب بنفسه وش تبيه يسوي ؟ هل يفتح سيرفر ثاني ويحط الأسئلة فيه يعني بالعقل فكر فيها اخوي وتنظيم اخوي علي ماكو احلى منه ولا احسن

لا .. لكن في شيء أسمه تمديد .. تدري أن صار خطأ في السيرفر لازم تمدد جولتك علشان الكل يقدر يشارك .. و هذه النقطة الثانية تحت بند سوء التنظيم ..

الفايدة من الإسئلة = المتعة وتشغيل العقل

المتعه ؟
طيب أخوي ماعليك أمر .. افتح الصفحة الرئيسية للمنتدى .. تلقى منتدى الترفيهي .. هناك تلقى فيه المتعه .. منتدى النينتدو الفائدة و المعلومات الخاصة هي أول أهتماماته .. و ليس المتعه و الترفييه

يعني صراحة ما ادري ليش هذة الحركات
اذا انت تبي تطلع من المسابقة اطلع محد مانعك لكن تقعد تقول اسئلة سخفية وما ادري ايش
صراحة خلهم لك لأني ما اشوف فيهم شيئ وصراحة ما تمتعت بحل اسئلة الا هذة الأسئلة

عفوا !! .. منتدى النينتدو منتدى ديمقراطي .. ما تقدر تمنعني من أبداء رأيي بأي شيء دام أني ما غلطت على أحد .. لما أقول الأسئلة سخيفه أنا تكلمت على الأسئلة مو عن رونالدو ..

وحركتك مش حلوة بحق اخوي ذا ليجيند يعني شفت المسكين الحين بيترك المسابقة لأنك تركتها ....

اصلا ليجند كنسل الفريق قبل ما أطلع أنا .. قلت له بالمسنجر أني بنسحب قالي أصلا أرسلت رسالة و قلت فيها أننا بننسحب .. و ليجند ما شاء الله عليه يساوي مجموعة بحالها .. مو موحتاج لمساعدتي ..

خلصنا من بوجاسم .. و الحين مع أخوي رونالدو..

سالفة التوقيع والشخصيه موإجباري ((إختياري)) وحلوه هذي ازيد نقاط لأنكم سويتو توقيع !!!

اما من ناحية التوقيع لازم يكون لكل فريق توقيع ^^ (((((( نسيت لاأكتب ))))))

سبحانه مغير الآراء و الأحوال !!!!
تقول لنا لازم و بعدين تقول انا ماقلت انها أجباريه !!!!
هذه هي النقطة الثالثة تحت بند سوء التنظيم

وترى كل المسابقه ماعدا اول سؤال بس من لونار اما الباقي كله انا كاتبه وانا مطلع القوانين وانا اللي مسوي كل صغيره وكبيره ((يعني زين مني وترى هذي اول محاوله لي !!)) وانا اذا بقعد ارضي جميع الاذواق ماراح أخلص !! ولا راح ارضي احد

يعطيك العافية و الجهد اللي بذلته على العين و الراس و تشكر عليه ..

وترى هدف المسابقه الترفيه عن النفس !! مو على سؤال لغز اتيي تقولي سؤال سخيف وماراح نستفيد منه !!

نفس ما قلت لأخوي بوجاسم .. أفتح الصفحة الرئيسية للمنتدى .. تلقى منتدى الترفيهي .. هناك تقام مسابقات الترفيه عن النفس .. هنا منتدى النيتندو .. معلومات قيمة و فائدة هي المكسب الأول ..

بغيرها

(( بس ترى انت وهقت ذا ليجيند !! مسكين اهو الوحيد اللي قبل لا تبدي المسابقه كان متمحمس جدا ((ويمكن اكثر مني !! )) حطيته جدام الامر الواقع وخليته ينسحب غصب !! ))

نفس الكلام .. ليجند يقدر يغلب مجموعة كاملة .. وانا ماتركته لوحده في معاه فالكيري و شادو ..

خلصنا من حبيبنا رونالدو .. و الحين مع أخونا العزيز كانتونا ..

-اللي يبي ينسحب عشان الاسئلة مو عاجبته؟! يعني تبي C RONALDO يروح يدور بكتب الأحياء و الحيوانات عشان يراضيك؟

من قاله يبحث بكتب الأحياء .. احنا هنا بمنتدى النينتدو .. مالنا علاقة بكتب الأحياء .. لكن لا يسأل شيء و هو مو متأكد من إجابته ..

و أبيك تعرف .. ان هيبتك و شخصيتك تفرضها بأخلاقك .. مو بطول لسانك ..

و آسف إذا قسيت على أحد .. لكن هذه الحقيقية .. و انا حبيت أناقشهم اهني علشان مابي أخرب المسابقة .. كافي أن بعض الأعضاء مستانسين فيها ..

و علعموم شباب انا راح أغيب عن المنتدى ثلاث أيام .. لأني بعتكف في المسجد .. ماراح أنساكم بالدعاء ^ ^

[The Broken Legend]

هذا رد على أخوي العزيز رونالدو ( الظاهر حذف رده )

انا قلت لازم صح !! لازم = اجباري اوكي .. بعدين الكل غير ذا ليجيند ماسوو توقيع ليلحين اقولهم انتوا مطرودين ومانبيكم !! ولا لأن ذا ليجيند سوو توقيع اعطيكم نقاط !! خلك واقعي !! ((((انا دايما اقول اني مع راي الاغلبيه !!

لا .. لكن مثل ما تعطي 4 نقاط حق اول مجموعة ترسل الجواب .. عط كم نقطة لأول مجموعة سوت التوقيع .. هذه الواقعية ..

شهالكلام !! عيب والله عيب !! المهم انا ماني راد نفس ردك بس بقولك (( كل من يرى الناس بعين طبعه ))

أنا ما وجهت الكلام لك .. لكن اللي على راسه بطيخه يحس فيها على قولتهم ..

[C RONALDO]

أخوي فاينال ,,

انا قلت لازم صح !! لازم = اجباري اوكي .. بعدين الكل غير ذا ليجيند ماسوو توقيع ليلحين اقولهم انتوا مطرودين ومانبيكم !! ولا لأن ذا ليجيند سوو توقيع اعطيكم نقاط !! خلك واقعي !! ((((انا دايما اقول اني مع راي الاغلبيه !!

على الأقل الأجوبة تكون مضمونه مو علشان قال صديقي هالحل لازم أصر عليه علشان يكسب نقاط

شهالكلام !! عيب والله عيب !! المهم انا ماني راد نفس ردك بس بقولك (( كل من يرى الناس بعين طبعه )) !!

المتعه ؟
طيب أخوي ماعليك أمر .. افتح الصفحة الرئيسية للمنتدى .. تلقى منتدى الترفيهي .. هناك تلقى فيه المتعه .. منتدى النينتدو الفائدة و المعلومات الخاصة هي أول أهتماماته .. و ليس المتعه و الترفييه

!!!

يعني الحين منتدى الننتندو كلش مافيه متعه كله معلومات ماشاء الله ,,
المهم المسابقه هدفها المتعه والترفيه عن النفس واذا انت ماتحب ترفه عن نفسك ولاتحب المتعه فهذي مشكلتك

من قاله يبحث بكتب الأحياء .. احنا هنا بمنتدى النينتدو .. مالنا علاقة بكتب الأحياء .. لكن لا يسأل شيء و هو مو متأكد من إجابته ..

مو متأكد !!!!!! انت اللي ماتعرف الاجابه وغصب انت الصح واحنا الغلط !!

و أبيك تعرف .. ان هيبتك و شخصيتك تفرضها بأخلاقك .. مو بطول لسانك ..

طول لسانه !! بالعكس نفس ماانت ابديت وجهة نظرك اهو بعد ابدى وجهة نظره,, ووجهة نظره على عيني وعلى راسي وكل كلامه منطقي وعين الصواب

[QUOTE]و علعموم شباب انا راح أغيب عن المنتدى ثلاث أيام .. لأني بعتكف في المسجد .. ماراح أنساكم بالدعاء ^ ^[/QUOTE]

عاد ادعي لنا مو تدعي علينا

[C RONALDO]

هذا رد على أخوي العزيز رونالدو ( الظاهر حذف رده )

حذفته لأني ماكملته !!

[C RONALDO]

أنا ما وجهت الكلام لك .. لكن اللي على راسه بطيخه يحس فيها على قولتهم ..

خخخخخخخ

والله انك موطبيعي (( اي صح الظاهر انت موجه الكلام حق خدامتنا ))

[BoJasem]

السلام عليكم :

ثانيا احنا شنبي بالألغاز ؟ أطول حيوان اصغر حيوان و غيرها .. احنا نبي شيء يفيد أعضاء النيتندو ..

اممم...يعني هذا شيئ ما يفيد ابدا ؟ عموما يعني انت ما تبين الفاز (( اه صح اعذرني اسم موضوع المسابقة مش فوازير ))

على الأقل الأجوبة تكون مضمونه مو علشان قال صديقي هالحل لازم أصر عليه علشان يكسب نقاط

ما فهمت المغزى من هذا

عموما الألغاز كلها لها جواب واحد الا مال الأكل
يعني اعيد لك روح اي مكان له علاقة بالحيوان او اسأل دكتور متخصص في علم الحيوان يقول لك الفيل ما يقفز هذة معلومة مفيدة !

مع أن رونالدوا و ضع هالقرار من ضمن القوانين ..

اعذرني اخوي لكن نظري ضعيف ؟ ما لقيته مع القوانين كل ما وجدته هو :

الفكره كالتالي :ــ

1- : يكون فيه فرق متكونه من 4 أعضاء بالكثير ((يصير اقل سواءا أو 2 أو 3 فقط )) وكل فريق يكون له اسم خاص فيه هو يختاره ,,

كل ما وجدته فكرة وليست قانون اي رونالدو لم يقل قانونا انه يجب قال فكرة يعني يمكن تطبق او لأ

وهذة النسخة الأخيرة من "قانون" المسابقة

المهم ,,

طريقة الأسئله :

طبعا مثل ماقلنا 5 أسئله باليوم لكل سؤال نقطتين ,,

الأسئله كالتالي ,,

السؤال الأول : للنتندو وألعابه وأجهزته وكل شي عنه ^^ ..,,
السؤال الثاني : أيضا للنتندو ^^
السؤال الثالث : للألعاب العامه على حسب الاجهزه ((لجميع الاجهزه^^))
السؤال الرابع :أسئله عامه ((معلومات عامه)) ^^
السؤال الخامس : صوره عن شخصيه أو لعبه على جهاز الننتندو ولكن ملعوب فيها بالفوتوشوب ^^

أما الوقت فستعرض الاسئله الساعه 3 عصرا وتنتهي مدة الاجابه الساعه الثانيه عشر بعد منتصف الليل !!

وتكون الاجابه عن طريق الخاص (( اي كل فريق يختار واحد من الاعضاء للإجابه على الاسئله واذا اكثر من عضو من نفس الفرقه ارسل الاجابه سوف أأخذ الرساله الاولى اما الباقي فسيحذفون ))


اللي عنده اي استفسار انا حاضر ^^

ما شفت شيئ اسمه زيادة نقاط او نقصان بخصوص التواقيع ولا جيبت سيرتها اصلا ...

الشخصيات كانت مجرد فكرة اختيارية ....

لا .. لكن في شيء أسمه تمديد .. تدري أن صار خطأ في السيرفر لازم تمدد جولتك علشان الكل يقدر يشارك ..

اللي يقول الحين الكل ما جاوب وفاته الوقت !!! الكل قدر يجاوب بذيك الفترة الا فريق ميستا بسبب خطأ انه عباله يرسل الاجوبة باكثر من رسالة

يعني ما كان فيه داعي للتمديد

المتعه ؟
طيب أخوي ماعليك أمر .. افتح الصفحة الرئيسية للمنتدى .. تلقى منتدى الترفيهي .. هناك تلقى فيه المتعه .. منتدى النينتدو الفائدة و المعلومات الخاصة هي أول أهتماماته .. و ليس المتعه و الترفييه

ليش ما تبيني استمتع بالأسئلة ؟ يعني لازم تكون اسئلة جامدة وباردة

وش المشكلة اني اتمتع بحل الأسئلة

وما اتوقع فيها شيئ اني ادش منتدى الننتندو للمتعة

يعني اذا ابي استانس لازم اروح المنتدى الترفيهي واذا ما ابي منتدى الننتندو ؟!؟

الموضوع فوازير يعني للمتعة والتسلية وفيها فائدة

يعني لازم اذا بنسوي مسابقة بمنتدى الننتندو لازم تكون مسابقة جدية ما فيها اي شكل من الوناسة وووو...

عموما لو الموضوع كان فيه شيئ كان المراقبين ما وافقوا عليه بحجة انه "للمتعة" فقط

عفوا !! .. منتدى النينتدو منتدى ديمقراطي .. ما تقدر تمنعني من أبداء رأيي بأي شيء دام أني ما غلطت على أحد .. لما أقول الأسئلة سخيفه أنا تكلمت على الأسئلة مو عن رونالدو ..

عفوا 2 !!! يعني لما تقول حق انسان اسئلتك سخفية مو تجرحه ؟ خصوصا امام الكل ولا انا غلطان
يعني على الأقل لو عندك شيئ فيه رسايل خاصة

سبحانه مغير الآراء و الأحوال !!!!
تقول لنا لازم و بعدين تقول انا ماقلت انها أجباريه !!!!

لما وضع النسخة الأخيرة من القوانين حذفت وما شفتها يعني الخطأ انك ما قريت القوانين عدل مو منه

[KSA_BOY]

شباب ماله داعي كل هذا ..
الي حاب في المسابقة يشارك أهلا وسهلا , والي مو حاب ماله داعي يكتب رد ينقص من مجهود الأخ علي ..

[THE-LEGEND]

خلاص ياشباااااااااااااااب انتم صايمين اذا فطرتو سبو علي كييييييفك(امزح )

ولاتنسا تدعي لنا صلووح

[Black Box]

يا شباب ترى الدعوة كلها مسابقة لا أكثر ولا أقل .. الأخ رونالدو بدون شك هو بطل على مجهوداته الكبيرة في هالمسابقة وما قصر أبداً والدليل على هذا العدد الكبير من الأعضاء اللي يرغبون بالمشاركة حتى أن البعض ما لقى له مكان!! , عالعموم ما لها داعي كل هالنقاشات والمشادات الكلامية.. على الأقل تقديراً للأخ علي اللي تعب كثير على هالموضوع ..


ألف شكر لك للمرة المليون على هالمسابقة وإن شاء الله نشوفك مشرف على جميع المسابقات القادمة

[NMD]

السلام عليكم ورحمة الله وبركاته ..
قالي صديقي فاينل عن مسأله الحيوان الوحيد اللي ينقز ههههههههههه
حبيت أقولكم ان مو الفيل هو الوحيد .. في 100 حيوان ما يقدر يقفز ..
لو بعددهم ماراح اخلص ..
مثل البكتيريا و اليوجلينا و الربيان و السلحفاه و الديدان و البراميسيوم و الأميبا و التمساح و نجم البحر و اللخمه والنمله و النحله و الدب الكسلان .. تبي أكثر ؟
علعموم انا عارف بهالأمور وايد لأنها مجال دراستي و تخصصيي ..
و شكرا <.<