لمنتدى البوكمون ...

[عماد 18]

انت ليش تلف و تدور ؟؟؟
اصلا ما في من المنتديات الا فاينل فانتسي هو اللي تقريبا يشبه البوكمون فقط ...

[مشرف المنتدى]

أرجو انك تحترم اللي يحاورك. والا فلا داعي لاستمرار الحوار. انا قلت لك اني بناقش كل نقطة. فليه الاستعجال؟

طيب يعني أنت تشوف ان الفاينال فانتاسي حرام؟

[عماد 18]

انا ما اعرف وش قصتها بس اللي سمعته انها قريبة من البوكمون ...
فاذا كانت فعلا زي البوكمون فهي اكيد حرام ...

[CHALLENGER]

هنها يجيء دوري لأتدخل :

أولاً لو بيسكر منتدى البوكيمون يعني بيسكر كل منتديات الموقع و ثانيا وش فيكم انتوا العرب أنا منكم هجمتوا على البوكيمون و لما ديزني سوت صورة المسلمين يدورن حول ديزني لاند بدل الكعبة ؟؟؟ و في ثيم بارك وورلد اسم جلالته الله مكتوب على الأرض ينداس تحت الأقدام و فاينل فانتسي نحن جالسين نلعبه للتسلية فقط و البوكيمون أيضاً و نحن و الله ما بنروح و بننتحر مثل أطفال الآباء الغير مثقفين فلو ابائهم علموهم جيداً لما حدثت هذه الأشياء

عندك كلام الحين ؟؟؟

على فكرة أنا اسم على مسمى يا عماد 18 يعني أتحداك اتحداك
و If I want to do some thing >>> I WIL

[عماد 18]

رجعنا لديزني يا خي انت لو تتابع الامور من اول شي كان عرفت اني قايل في موضوع عن البوكمون ان ديزني شركة يهودية و يكفي انها طلعت لعبة امير من مصر برينس فروم ايجبت و هرقل فلا تتدخل الا وانت عارف وش قايل انا سابقا ....

[CHALLENGER]

اسمع ما تقول اني مني متابع الموضوع من اوله
اصلا انت ما متابع عالم العاب الفيديو من اول عمرك !!!

لا تعرف فاينل فانتسي و لا شي و لا شي مين ما يعرف فاينل فانتسي فأنت روح سوي تصويت على حذف منتدى البلاي ستيشن احسنلك لأنك ما تعرف وش في بالألعاب حتى انك ما تعرف شي عن ثيم بارك وورلد

[مشرف المنتدى]

تشالنجر..

أرجو أن تلتزم بأدب الحوار.


سأعود للموضوع لاحقا.

[عماد 18]

الحين انت وش دخلك في الموضوع انا اتكلم مع واحد محترم هو admin انت وش دخلك ؟؟؟
و بعدين انا اعرف فاينل فانتسي بس ما حبيت طريقة لعبهاو كذلك ثيم بارك اللي تقدر تصنع فيها مدينة ملاهي بس انا مو فاضي زيك العب في كل الالعاب اللي تسوى و اللي ما تسوى و اذا كان الغرب معجب فيها مو لازم اقلدهم و اعجب فيها و انا قصدي انك مو متابع الموضوع لاني قلت ان شركة ديزني يهودية قبل ما تجي تقولي انت ورح تأكد في هالموضوع http://montada.com/games4arab/showth...eadid=12638...

[CHALLENGER]

هدي هدي يا admin انا ما طلعت خارج حدود الحوار بس اريد اقله لهذا الشخص عماد :

انه الله سبحانه و تعالى خلى الدين الاسلامي و الي يريد يدخل فيخ يدخل و الي ما يريد ما حد يغصبه فكل واحد حر برأيه

[R.B.G]

التصويت على منتدى البوكيمون لسه مانتهى .


(( اخيرا اكتشفو العرب انه البوكيمون اخطر من اليهود ))

[SAM@GOOL]

يا اخ admin بسألك سؤال ليش شخص مثل عماد يحرق اعصابه ويروح يجمع امور توكد ان البوكيمون حرام ؟ لانه حاقد مثلا . ولا بينه وبين رواد المنتدى شيئ بالله عليك لو تصدر فتوى شرعيه بعد رمضان ان الشهردخل ناقص وعلى المسلمين ان يصوموا بعد رمضان يوم اضافي (وحدثت من قبل ) ماذا يكون موقفك يا اخي نحن من وجدنى لا نناقش علمائنا بديننا لانهم الابخص فيه
وانا متاكد انك مع الجماعه لان (يد الله مع الجماعه ) وانا متاكد ايضا انك
تكره البوكيمون وتتمنى زواله منع للفتن (ارجوك ان تحكم عقلك ) وانا اقول لك
لاتحذفوا منتدى البوكمون دعوه فهو سينحل يوما من الايام لانه باطل ولكن
قف مع الحق وكن رجل حق وانصفنى نحن محاربي البوكيمون ولا نحاربه لشيئ
الا خوفا على رواده الذين يتخبطون بكلام يمس الدين (وهذا لا يقبله الله )
وعندي اقتراح (ارجوا ان تزيدوا الرقابه عليه ) على الاقل وتكونوا حازمين مع من يمس ديننا الاسلامي وهم كثر والعياذ بالله وشكرا لاخي عماد لجهده الذي لم يقدره احد وهو اراد الخير بهم لا غير
وشكرا لك اخيadmin على رحابتة صدرك وارجوا مره اخرى (ان تحكم العقل والدين ) وسلامي لكم جميعا..........

[R.B.G]

يالله يا شباب نوقف كلنا ضد عودنا الاول ( البوكيمون ) وطز في امريكا ولي تسويه بالعراق وطز فاليهود واللي يسونه في فلسطين وطز في كل اعداءنا في كل العالم لانه البوكيمون اخطر منهم كلهم وهو السبب في تخلفنا وهو السبب في تشريد ملايين المسلمين من دولهم هذا غير المجاعات والفقر في بعض الدول والترف والفسق في الدول الثانيه ( اقصد الدول العربيه ) واللي سببها البوكيمون الشرير .
خلنا نقضي على البوكيمون وباقي المشاكل راح تنحل بنفسها لانها مشاكل تافهه وماترقا لدرجة المشكله اصلا .
هههههههههههههه ( شر البلية مايضحك ).

(( كل شي مو زين في الدنيا سببه الرئيسي هو البوكيمون ))

[SAM@GOOL]

انت معاك حق بعض الشيئ ولكن بدون سخريه الله لا يهينك
والموضوع الذي تتكلم فيه له ابعاد اخرى لا تحتمل المقارنه (لاتستحقر صغائر الامور ) و(الشرك الاصغر اخطر من الشرك الاكبر) لانه يمس العقيده
لو لقيت كلمه اوجه من (طز) كان احسن
وسلامي........................انت اول واحد يدافع عن البوكيمون بمنطق (لكن منطق غلط)

[عماد 18]

يا admin وين رحت ؟؟؟

[R.B.G]

يا خوان انا ما ادافع عن البوكيمون انا ابي انوركم وبس
يعني في اشياء ( والله اني قلت هالكلام الف مره ) اهم بكثير من البوكيمون بس مشايخنا نسوها او تناسوها .

وبعدين خلو المنطق بر موضوعنا لانه نحن اصلن ابعد ما يكون عن شي اسمه منطق واللي يصير فينا الحين اكبر دليل على كلمامي .