Fushigi Yugi التعريف بالقصةو بشخصياته

[orange road]

في جزء يديد ترى بينزل قريب بعد الاوفا

وفي هالجزء بنت مياكا وتاماهومي بتدخل الكتاب
ومقاتلوا سوزاكو السبعة بيرجعون يجتمعون مرة ثانية

قريت هالكلام في موقع وحسيته شلخ
لكني اخيرا جفت دعاية عنه في انيمي توني يديد شاريته

[Asuka]

انا حبيت المسلسل وااايد و خاصة شخصية نوريكو . بس الOVA كان يرفع الضغط.... كل شي عن مياكا و تاماهومي... مب عاطين الباجين سالفه

و الOVA ما ينفهم الا اذا تابعت المسلسل كله.

و بالنسبه للأعمار, لما اشتريت الDVD كان مكتوب أن للي فوق ال 13 سنه... و "اللقطات" ممكن انك اتطوف عنهم

و اللي حب Fushigi Yuugi لازم يتابع Ayashi no Ceres لان من نفس الرسامه و أظن كاتب القصه بعد

[kitten]

orange road
WoooooooW
جزء يديد بعد
طبعا مصخوها
لكن ما عليه هذا المسلسل يستاهل ان الواحد يشتريه
و ان شاء الله اذا نزل راح اشتريه
و راح اتكلم عنه علشانك بس :-)


Asuka
انا معاك في كل كلمه ;-)
لاني انا امووووووت على شي اسمه نوريكو و yui

و ان شاء الله اشتري مسلسل ayashi no ceres
لكن انا الحين مصممة اني اشتري مسلسل Love Hina
و ان شاء الله يطلع حلو مثل ما قال الاعضاء
و لا راح اذبحهم اذا طلع مو حلو :6 اتغشمر :6


مشكورين حبيباتي على المشاركة ;-)

[Asuka]

و أنا بعد نوريكو و يوي يعجبوني, Kitten.

Love Hina وايد أحلى من Ayashi No Ceres , أنصحج اتشوفينه أول.

و مشكوره على الصور الحلوه

[kitten]

انت اول وحدة مثلي تحب هذي الشخصيتين معا
نوريكو و يوي
يعني ذوقك مثل ذوقي

ما ادري ليش ان الناس ما يحبون يوي و ظالمينها مع انها
من اروع الشخصيات و انا حبيت شكلها اكثر في OVA
لما كان شعرها طويل كان شكلها وااااااااايد حلو
و هي حلوة ايضا بالشعر القصير ;-)

خلااااااص مدام قلتي اني اشوف love hina
خلاص انا تطمنت
لان ذوقك في الشخصيات مثل ذوقي
;-)

باي حبيبتي :-)

[orange road]

كيتين

انا احب اكثر شي هوتوهوري وتاسكي ونوريكو

والاوفا عجبني لانه راوانا جانب من تاسكي ما كنا نعرفه
وجفنا فيه اخو نوريكو الجبان
وعرفنا فيه قصة شيركو

علشان جذي عجبني الاوفا

وعجبتني اللقطات المضحكة اللي فيه وخصوصا رحلة الباص
كانت تحفة
هههههههههه

بس اكثر شخصية عاجبتني هو ناكاجو
صج انه شرير وايد
لكنه غير عن اي شرير جفته في اي مسلسل

وترى اياشي نو سيريس بيعجبج
وبتلقين فيه شرير من نوع يديد اللي هو ميكاجي... شرير بتكرهينة للنخاع :غضب:

[kitten]

orange road

عن الباص انا معاك
يمووووووت من الضحك
انا حبيته وااااااايد
و اذا لاحظتي شيء ان بعد كل حلقة فيها الباص يكون في توقيع Tama
يعني القطوة علشان شذي حلقات الباص هبله مثل القطوة :6

انا اكررررررره ناكاغو واااااااايد
يبط كبدي ( لا تقرون في تخريب على القصة )

هو كان السبب في ان يوي تكره مياكا
و هذا السبب الوحيد اللي خلاني اكرهه جدا جدا :غضب:

بعد هذا اللي ناقص ان في واحد اخيس من ناكاغو في الشر
اتوقع اني كلما اشوف ميكاجي راح انتف شعري من الحرة و القهر :غضب:


و شككككككرا حبيبتي :-)

[java_sun]

اووووه آآآآآآآآآآآآآآآآآآآآآآآآآآآآآآآآآآسفه عالرد المتأخر kitten :": :":

مشككككووووووووووووووووووووره الموضوع وااااااااااااايد حلو تسلمييييييييييييييين

[sion001]

السلام عليكم

الموضوع حلو وجميل
أعرف أن الموضوع قديم بس هذه أول مرة أشوفو

بس أبغى أسئل : المسلسل إش يفرق عن الأوفا

و هل منه بس يباني مترجم إنجليزي و لا في مدبلج انجليزي لأني أبغا
أشتريه بس إذا كان بالياباني بس ما أبغى أشتريه وشكرا

[orange road]

انا باجاوب على هالسؤال
بعد اذنج كيتين

الاوفا مكملة لقصة المسلسل التلفزيوني

تنتهي احداث المسلسل التلفزيوني
وتنتهي القصة معاها

فيك حيل تكمل؟؟؟
اشتر الاوفا
بتطلع لك احداث من تحت الارض

خلصت الاوفا
فيك حيل تكمل؟؟؟
تبي شي يديد؟؟؟
انطر الجزء اليديد من المسلسل
الاحداث ما بتتوقعها

وعلى فكرة.. كل الاجزاء مدبلجة للغتين اليابانية والانجليزية
واجوف ان الدبلجة الانجليزية حلوة وراقية
والاصوات اوكي

[Akasuna No Sasori]

ارجع اقول مشكووووووور كيتين على الموضوع



ياليت لو تقولي لي او اورنج رود


قصة هوتوهوري حتى لو في تخريب في القصه :

[orange road]

تبي تعرف قصة هوتوهوري

طيب.. باقول لك اللي اذكره لاني ما جفت الانيمي من مدة

هو هوتوهوري حكم بلاده في سن صغير
وكانت امه وايد تخاف عليه فما كان يطلع من القصر ودايما كان فيه

وهو صغير سمع عن اسطورة الكاهنة المنتظرة لسوزاكو واللي بتيي من عالم ثاني
فحط في باله انها اللي بتطلعه من وحدته اللي هو فيها.. وحبها وهو ينتظرها قبل لا يجوفها او يعرفها

لما كبر وتقابل مع مياكا وتاماهومي في السوق عرف انها كاهنة سوزاكو وقبض عليها وبعدين افرج عنها وبدت مياكا مهمتها

شارك مايكا في بعض اسفارها ..
تقاتل مع تاماهومي على حبها.. خصوصا بعد ما سيطر ناكاجو عليه
حسيت هوتوهوري في ذيكي الفترة يصيد في المي العكر..

بعدين تقبل موضوع ان مياكا تحب تاماهومي وانها مب حابته هو
فتزوج وحدة ثانية

في اخر المسلسل تقريبا بيموت على يد ناكاجو
وبتعرف مياكا بموته عن طريق الكتاب وبتكلمه من خلاله

زوجته تكون حامل حزتها
وبتنجب ولده اللي بيكون الحاكم المنتظر

في الاوفا نجوف روح هوتوهوري
اللي تحوم حوالين زوجته وولده
يحاول يكلمهم لكنه ما يقدر.. نتأثر معاه في هالموقف خصوصا لما يقعد يلوم نفسه انه السبب في حزن زوجته ومرضها وان ولده ما يتكلم لحد الحين

يطلع لهم وحش ولانقاذ ولده تدخل فيه روحه وتنقذه وبعدين يتكلم حق زوجته من خلال جسم ولده

تدخل روح هوتوهوري بعدين في جسم تاماهومي علشان يقدر يضم ولده

ما يكون له دور كبير في الاوفا ... يرجع يظهر في الاخير ويكون في جسد يان يان

اما عن الجزء اليديد ما اعرف عنه لاني للحين ما جفته
لكن اعتقد انهم بيرجعون .. لانهم قالوا they weill reborn

اللي يميز هوتوهوري غروره وتكراره دايما انه اجمل رجل في العالم

قوته هي مهارة السيف اللي عطاه اياها سوزاكو
والعالمة على رقبته ومعناها حية الماء

انشاءالله تكون عرفت الحين قصة هوتوهري
واذا حبيت قصة حد ثاني انا مستعدة

[Akasuna No Sasori]

الرسالة الأصلية كتبت بواسطة orange road
تبي تعرف قصة هوتوهوري

طيب.. باقول لك اللي اذكره لاني ما جفت الانيمي من مدة

هو هوتوهوري حكم بلاده في سن صغير
وكانت امه وايد تخاف عليه فما كان يطلع من القصر ودايما كان فيه

وهو صغير سمع عن اسطورة الكاهنة المنتظرة لسوزاكو واللي بتيي من عالم ثاني
فحط في باله انها اللي بتطلعه من وحدته اللي هو فيها.. وحبها وهو ينتظرها قبل لا يجوفها او يعرفها

لما كبر وتقابل مع مياكا وتاماهومي في السوق عرف انها كاهنة سوزاكو وقبض عليها وبعدين افرج عنها وبدت مياكا مهمتها

شارك مايكا في بعض اسفارها ..
تقاتل مع تاماهومي على حبها.. خصوصا بعد ما سيطر ناكاجو عليه
حسيت هوتوهوري في ذيكي الفترة يصيد في المي العكر..

بعدين تقبل موضوع ان مياكا تحب تاماهومي وانها مب حابته هو
فتزوج وحدة ثانية

في اخر المسلسل تقريبا بيموت على يد ناكاجو
وبتعرف مياكا بموته عن طريق الكتاب وبتكلمه من خلاله

زوجته تكون حامل حزتها
وبتنجب ولده اللي بيكون الحاكم المنتظر

في الاوفا نجوف روح هوتوهوري
اللي تحوم حوالين زوجته وولده
يحاول يكلمهم لكنه ما يقدر.. نتأثر معاه في هالموقف خصوصا لما يقعد يلوم نفسه انه السبب في حزن زوجته ومرضها وان ولده ما يتكلم لحد الحين

يطلع لهم وحش ولانقاذ ولده تدخل فيه روحه وتنقذه وبعدين يتكلم حق زوجته من خلال جسم ولده

تدخل روح هوتوهوري بعدين في جسم تاماهومي علشان يقدر يضم ولده

ما يكون له دور كبير في الاوفا ... يرجع يظهر في الاخير ويكون في جسد يان يان

اما عن الجزء اليديد ما اعرف عنه لاني للحين ما جفته
لكن اعتقد انهم بيرجعون .. لانهم قالوا they weill reborn

اللي يميز هوتوهوري غروره وتكراره دايما انه اجمل رجل في العالم

قوته هي مهارة السيف اللي عطاه اياها سوزاكو
والعالمة على رقبته ومعناها حية الماء

انشاءالله تكون عرفت الحين قصة هوتوهري
واذا حبيت قصة حد ثاني انا مستعدة

ثااااااانكس يا ارونج رود
من جد مو اجمل رجل في العالم:واو: :واو:
والله هو الى خلاني احب هذا الانمي مو نوريكو

طيب مو هو يموت ونوريكو وهم من السبع الى لازم تجمهم مايكا علشان ترجع (اظن كذا ناا ماشفته بس سمعت) ترجع وبعدين يموتوا ولا كيف?:



وهذي هديه بسيطه (تبقى في الذكريات) بس نادره

[sion001]

السلام عليكم

أنا أبي أكمل الموضوع التقرير

و عندي صور لشخصيات جديدة..

لكن مو راضي يستقبل الصور بأرسلها (( من جهازي )) ممكن تساعدوني

أبغا أحط صور جدية أبغا أكمل :" :" :" :"

لا تطفشو مني

[orange road]

هم صج بيموتون

بس ما بيكون في ضرورة انهم يرجعون علشان تستدعي سوزاكو

لانها في البداية بتدور على الشينزهو اللي يخليها تستدعيه حتى لو كانوا المقاتلين مب موجودين

وبعدين لما بتنجح يوي وتاخذ الشينزهو منها وتستدعي سيريو

بتكون اخر امنية لها ان مياكا تستدعي سوزاكو

(الشينزيهو هو شي كان مع الكاهنيتين اللي استدعوا ال beast god قبلهم
وهم في هالحالة منظرة صغيرة وقلادة)

اخ سيون
روح لموقع www.arab3.com
وحمل عليه الصور

كلنا الحين نسوي جذي