اقتراحات؟

[XenO]

ويلكوم باك انجلوه ..

وبالتوفيق في الاختيار ..

[Angel whisper]

انا حاليا حاطه كم اسم في بالي .. وناويه اراويهم حق اشخاص معينين ..

لاني ابغي شخص اعتمد عليه 100% .. خاصة وانه دخلاتي للنت استوت قليله .. لهالسبب بعد فكرت اترك الرقابة لانه وجودي استوى مثل عدمه ..

فلازم يكون اختياري تمام 100% .. بس مب عارفه منو احسن اشاور .. الاعضاء ولا المراقبين

[الموهوب]

انا حاليا حاطه كم اسم في بالي .. وناويه اراويهم حق اشخاص معينين ..

لاني ابغي شخص اعتمد عليه 100% .. خاصة وانه دخلاتي للنت استوت قليله .. لهالسبب بعد فكرت اترك الرقابة لانه وجودي استوى مثل عدمه ..

فلازم يكون اختياري تمام 100% .. بس مب عارفه منو احسن اشاور .. الاعضاء ولا المراقبين

اذا كان في احد متوقعه انه بيتحمل المسؤولية .. استشيري مراقبين يدخلون المنتدىXD((يعني عارفين الأعضاء وو))


اما اذا كان اكثر من شخص فأقترح استخدام الديمقراطية هنا .. ووضع تصويت


بعدين وش تتركي المنتدى وماتتركي المنتدى ,,بلا كلام فاضي

[Electro M]

هي!
وش تتركين المنتدى؟!
الحين غبتي اسبوع و المنتدى مات بمعنى الكلمة
شلون لو تتركينه؟
تعوذي من ابليس بس و اجلسي
و الا ترى هالباخرة بتغرق بدونك يالنوخذة

[BIG-M]

Vote 4 BIG-M

Montada Main gaming forum MOD




---

انجل شكلها تبي تعمل زحمة وتطلع من لمنتظرها تخرج علشان تحذف اسمه من القائمة لحاطتها ×_×

[XenO]

والله يخليكم لنا ..
بس تذكرو ..
whenever you abandon this montada .. a kitten dies ..!

don't forget this ..

[asf4ever]

انا حاليا حاطه كم اسم في بالي .. وناويه اراويهم حق اشخاص معينين ..

لاني ابغي شخص اعتمد عليه 100% .. خاصة وانه دخلاتي للنت استوت قليله .. لهالسبب بعد فكرت اترك الرقابة لانه وجودي استوى مثل عدمه ..

فلازم يكون اختياري تمام 100% .. بس مب عارفه منو احسن اشاور .. الاعضاء ولا المراقبين

ويين تبيين؟؟؟
حتى لو دخلاتك صارت قليلة إنتي تعرفين هالمنتدى وأنسب مراقب له
يعني لا تفكري حتى في هالشي..
بخصوص التصويت فأظن إنه راي المراقبين أبرك
وكل حد فيه الخير والبركة
نشوفكم على خير..

[Rory]

لا تفاولوووون .. هي انزين ما قالت بتررك المنتدى T_T!!
وبعدين أنا أتفق مع آسف تراج تعرفين ها المنتدى انجل وانتي وايد مناسبه له كمراقبة .. فـ reconsider please
هو ما يحتاي وايد مراقبه المنتدى لأنه ماشي أوكيه بس مرات تطلع موجه قويه بالغلط !
أنا أقول تحطين مراقب وياج يساعدج .. وماله داعي التصويت .. اختاري أي حد إنتي تحسينه مناسب.

[golden_sky]

صحيح ، فين قالت بتترك المنتدى >.>
الصيام مأثر عليكم <.<
أقرأوا عدل

لهالسبب بعد فكرت اترك الرقابة لانه وجودي استوى مثل عدمه ..

من رح يسوي LOCKED بعدين >.>

-.-

[Classic Evil]

كيف الحال يا انجل ؟؟ من زمان ما شفناكم

تعرفيني ولا لا

الصراحة انتِ من الوفيّات لهذا المنتدى وان شا الله تستمرين في خدمة المنتدى و الوطن العربي ...

انا اقترح اذا تبون المنتدى فيه مواضيع وردود مثل اول تييبون عناصر شابة ( يهالوه ) يكتبون فيه ,, لأن زمان اول بارك الله فيج <=( تكلم الشايب ) نحن كنا نقعد لا شغلة و لا مشغلة , نرد من المدرسة عالمنتدى بس ما كنا نعرف مواقع وايد ... والحين كبرنا وضعفت قوتنا ما صرنا مثل اول , وأول تحول , واول كان مسموح فيه مواضيع الشات و المنقولة و المنظمات وما أدراك ما المنظمات وكان الواحد يوصله ايميل مايصدق يلزقه هنيه , على باله ياب شي يديد ,, والحين كل ذلك غير متوفر , فصعب يرجع مثل أول . <== داش يحبطكم


لكن إذا توبنه فعلا يرجع مثل أول من رأيي تكثرون المواضيع اللي تقرب الأعضا من بعضهم البعض , واحد مثلا يألف قصة حلوة يحط فيه الأعضا هم الأبطال و هم الضحايا (واذا بتألفين من الحين اقول حطيني بطل) أو يكتب موضوع يمزح فيه مع اخوانه هنيه , ونقلل من المواضيع اللي فيها : انا سويت وانا قلت لكم وانا وانا أصلا انت منوو ... لكن المنتدى مادري ليش راقد هالكثر مادري سهران امس ... على الرغم ان الادارة قامت تكرم المتميزين بمواضيعهم ,, ولا يعني خلاص صرنا مميزين ما نشتغل الله أعلم وين يكمن الخلل ,, صار يذكرني هالمنتدى بفريق ريال مدريد , فريق كامل محد يعرف وين النقص ؟؟!!! ترى كثرة الأعضا ليس بالضرورة تكثر المشاركات !!!!




وانا الصراحة توي أقرى انج بتطلعين بعد ما ريدت لاني ماقريت الردود كلها بس من رفعت بعد ردي قريته ,, واقولج قضبي ارضج احسن وانت صاحبة خبرة وكنت كتبت الكلام اللي فوق قبل ما اقرى هالخبر .. حاليا لا يوجد بديل مناسب .. ولو - لاسمح الله طلعتي - بصير فعلا المنتدى مثل فريق الريال لما طلع مكليلي عنه .. ما عليه اسمحي لي تشبيه مع الفارق بارك الله فيج وبعدين هذا تناقض كيف تكتبين موضوع تطلبين فيه تحريك المنتدى وانت يالسة تنفرين بهالموضوع بخبر انج تتركين المنتدى !! و الله يوفق الجميع .

[leopard_1]

ولو - لاسمح الله طلعتي - بصير فعلا المنتدى مثل فريق الريال لما طلع مكليلي عنه .. ما عليه اسمحي لي تشبيه مع الفارق بارك الله فيج وبعدين هذا تناقض كيف تكتبين موضوع تطلبين فيه تحريك المنتدى وانت يالسة تنفرين بهالموضوع بخبر انج تتركين المنتدى !! و الله يوفق الجميع .

ههههه ضحكتني من خاطر بهالتشبيه

اقووول ايفل ماشاءالله عليك انته لين الحين ماظهرت من المنتدى

شخبار انتشارتد ..الله يذكره بالخير

[Mada Mada Dane]

عارف اني جاي متأخر كثير @_@

بس من جدها هذي بتترك المنتدى ولا هونت الحين ؟


انا برأيي . . . نخليها مراقبه لو تدخل مره بالأسبوع @@ ماادري احس اينجل صارت جزء من ستايل المنتدى
ولو كان لازم بوضع مراقبين, ضيفوا مراقبين . . . دون حذفها

لازم الـ Nazimod يكون موجود, له هيبه بالمنتدى يخافون الاعضاء

[Pentium]

اسم المنتدى العام متربط فيك يا انجل...

لذلك...نرجو منك الاستمرار حتى و لو تعين مراقب معك....

كل المنتديات معرضة لهذه الفترة...

و باذن الله سيتحسن الوضع و لكن بوجودك هنا....... سيكون افضل...