[ PC Chat Box / الدردشة ]

[Gentleman]

ديجيراتي ..

مروحة زالمان 9500 .. وزنها 3 باوند ..

والكيلو 2 باوند تقريبا .. وتعال احسبها معاي ..

اول مصف باوند بـ 2.500 دينار ..

وباقي الباوندات على 1.750 يعني ..

2.500 + 1.750 5x

2.500 + 8.750 = 11.250

يعني تقريبا 115 ريال ..

تصدق غالي .. بس اعتقد انه بالكويت اغلى ..

وشكرا ..

[Gentleman]

اشوف قمتو على فرنسا .. محد يفور على فرنسا ..

زيزو راح يتصرف >> الي يقول وكيل اعماله .. ههه

ان شاء الله الفوز لفرنسا ..

وعلى فكره ..

تصفح المنتدى عندي بطيييء جدا جدا .. وهذا لا يحدث لي عند تصفح المنتديات الاخرى ..

هل هذا يحدث لديكم ايضا ..؟؟

وشكرا ..

[son of liberty]

انا بعد عندي التصفح بطئ جدا
----------
شباب خلونا من الحين نبني توقعاتنا للمباراة الضخمة "الأرجنتين X ألمانيا" ,, انا اتوقع تعادل و انتهاء المباراة بضربات الجزاء

[Digerati]

سعر الشحن 115 ريال ؟! هممم ، يمكن تكون أغلى حتى في السوق

يا أخي ، شكل الشباب بيلعبوا ركلات ترجيح الحين أوكرانيا !

بالنسبة لألمانيا ، only God knows what might happen في هذه المعركة الكبيرة

[Gentleman]

بصراحه .. تصفح المنتدى اصبح متعب جدا ..

يعني لازم انتظر على الاقل دقيقه كامله قبل دخولي للمنتدى .. ودقيقه لدخولي للموضوع ودقيقه لخروجي منه ..

ما ادري شسالفة .. هذا امر ظهر فجأة .. وهذا امر يثير اعصابي بشده ..

son :: متى صارت لك المشكله ..

وشكرا ..

[عمود ارتكاز]

والله المروحة كايفة من جد ، درجة الحرارة كانت من 40 إلى 52 وماتتعدى هذي الحدود
طبعا درجة الحرارة السابقة كانت مع Artic silver5 و مروحة إنتل
المعالج اللي عندي 3.2 @ 3.9 !
مع مروحة إنتل ماقدرت أتعدى الـ 3.72 بس مع زالمان وصلت 4.0 ×_×
بس المشكلة في الرام ماقدر يتحمل وشريتله المشتت النحاسي حق ثيرمالتيك وضبطت الأوضاع
على 3.9 ، المهم درجة الحرارة الحالية من 25 إلى 34 وقت الضغط
هذا مع مروحة زالمان و Artiec Selvir5 ، عيب المروحة الوحيد إنها تشبك في المذربورد
عن طريق الـ System Fan مهو عن طريق الـ CPU FAN والله ماأشوف انه عيب بس مدري ليه
مسوين ذالحركة ، على العموم الـ 9500 ماعليها كلام واللي يميزها غير التبريد الهدووووووء
من أول مروحة إنتل تغطي على المكيف من الصوت ! ، أما الحين أحسبها طافية بعض الأحيان
هدوء من جد ! ماشاء الله لا أحسد نفسي
الكيس اللي عندي Shark يعني التهوية مايحتاج مروحة 12 Cm بعد مروحة زالمان على طول
يعني الهواء الحار يطلع على طول .........
أقول شباب أرض البرامج صار رخييييييييييييييييييييييييييييييييييييييييييييييص
الكاندالف بـ 970 ريال هو والآرمور و الشارك بـ 690 ريال ×__×
والـ Amd 3200 M2 بـ 550 ريال !
وفيه عنده أشكال وألوان من التبريد المائي من زالمان وثيرمالتيك من 240 ريال إلى 1100 !
المهم اللي وده يشتري لايفوته ، وفيه محل اسمه أوراكس مقابله على اليسار بشوي
صاحبه سعودي مضبط الأمور دايم متابعهم ، وعنده بضاعة حلوة وسعرها رخيص
لقيت عنده الـ X-FI بـ 350 ريال ! ، بس خذ من عنده كل شي إلا كروت الشاشة ، لاغنى عن باث
المهم اكتشفت في ذالاسبوعين ان الرياض مليان قطع من شركات عالمية وماركات محترمة
وقريب من سعر الانترنت وبعض الأحيان أرخص ، لكن وين تلقى المحل المناسب
وسلامتكم ، كثرت هرج اليوم بس من زمان عنكم ، دعواتكم ،،،

[123man]

السلام عليكم ورحمة الله

وها نحن نرجع إليكم بعد انقطاع اتصال الإنترنت والخلل من المصدر.

على العموم في أخبار جديدة عن الGTA القادمة؟؟؟؟؟

[son of liberty]

son:: متى صارت لك المشكله ..

تقريبا 3 أيام ,, و نفس اللي يصير معاك انه انتظر دقيقة و أحيانا اكثر ,, مع العلم انه اشتراكي ADSL 128kbps

[Gentleman]

المشكله انتهت ولله الحمد .. خلاص المنتدى صار تمام .. والحين نقدر نشارك مثل اول ..

علعموم فرنسا على اسبانيا 2 - 1 .. والبرازيل على غانا 4 - 1 ..

وشكرا ..

[Digerati]

بندر / والله خطير ! من وين جبت المروحة ، أفكر في وحدة ! هذه مع ال overclocking ؟! و خلاص كل ما أبي أشتري شيء بأسألك على الأسعار و المكان المناسب

خالد / هلا والله ، خلاص كله تمام الحين ، great ! بالنسبة ل GTA IV ما في ولا خبر عنها ، بعد E3 .. الي كان خبر الاعلان عنها فقط

أنس / لا متفائل ، فرنسا 2-1 ، لو تلعب مثل ما لعبت في الدور الأول ، صعبة ! البرازيل ، شيء عادي

[Gentleman]

صحيح .. لو فرنسا لعبت مثل لعبها الاول .. ما اعتقد بتفوز ..

لكن ربك يستر .. وان شاء الله تفوز ..

وودي اشوف البرازيل خسرانه .. ههه

وشكرا ..

[Gentleman]

شباب .. كان في موضوع في منتدى الاعضاء ( اخر منتدى في الموقع ) ..

كان في موضوع على ما اظن للاخ جيمر اكستريم .. كان موضوعه عن كيفية رفع الصور في المرفقات .. ومن ثم اخذ رقم الصوره ووضعها في الموضوع مباشره ..

هل في واحد يعرف هذه الطريقه ..؟؟

[MaGn.ae]

صحيح .. لو فرنسا لعبت مثل لعبها الاول .. ما اعتقد بتفوز ..

لكن ربك يستر .. وان شاء الله تفوز ..

وودي اشوف البرازيل خسرانه .. ههه

وشكرا ..

ممكن تعيد كلامك

خل الموضوع يطــوف على خير

ولا خــايف اذا فازت فرنسـا وفازت البرازيل لانهم بيتقــابلون ^^

والنتيجة معروفة

[MaGn.ae]

شباب .. كان في موضوع في منتدى الاعضاء ( اخر منتدى في الموقع ) ..

كان في موضوع على ما اظن للاخ جيمر اكستريم .. كان موضوعه عن كيفية رفع الصور في المرفقات .. ومن ثم اخذ رقم الصوره ووضعها في الموضوع مباشره ..

هل في واحد يعرف هذه الطريقه ..؟؟

بدال ما تعور راسك أرفــع الصورة على اي موقع لرفع الصور ..

وليكن xs.to على سبيل المثال

[Gentleman]

مو لانه انا برفع صور كثيره .. تقريبا 60 صوره ..

والمرفقات اقدر ارفع اكثر من صوره بوقت واحد ..

شنو الحل ..؟؟