السلام عليكم ورحمة الله وبركاته
يالطيين ياحلوين يا شاطرين انا بقول لكم وجهة نظري وهي تبقى وجهة نظري انا يعني مو شرط تعجبكم
خلونا نتنتاقش بقوانين المنتدى
1_ المواضيع المخالفه للدين الاسلامي
وهي تشمل اكثر من باب
فيه مواضيع تكون مخالفه للدين مخالفه صريحه وفيه مواضيع تكون مخالفه من تحت لتحت ونكتشف هذا الشي من الردود
يااخوان فيه الدين الاسلامي تعلمنا شي مهم الاوهو سد باب الذرائع كيف يعني؟؟
اجي انا افتح موضوع بسيط وعارفه واثقه تمام اثقه اني ماراح القى الجواب عندكم او عند اكبر شيخ
بس من باب فتح باب للفتنه والقبل والقال والكل يجي ويفتي على كيفه والي يطلع من الموضوع تماماً
البعض من الاعضاء يدورون على الغرابه بالمواضيع حتى لو كانت خطر على دينهم !!!
عارفين رب كلمة تهوي بصاحبها الى قعر جهنم
وللأسف من فتره شفت موضوع لواحد من الاخوان يقول يبي دليل علمي على وجود الله سبحانه وتعالى موضوع غريب جدا لو ماتقفل كان الله يعلم ايش صار يعني هو مادرس معرفة الله بأفعاله ؟؟
شفتو كيف حرية الاراء بعض الاحيان ايش تجيب ؟؟؟
2_ منع المواضيع المنقوله
شوفو حال المنتديات الثانيه والله فيه منتديات المواضيع منقوله بعنوانها
معناها المنتدى كله يصير منقول فيه منقول وخصوصا من الاعضاء الجدد الي يبون يكثرون مشاركاتهم
بعدين بالمستقبل بدل مانشوف عضو مميز يصير حرامي مميز
4_ المواضيع الي فيه تهجم على دول اخرى
هذي النوعيه شفناها كثير كثير
شوفو يالطيبن لو انا اكتب موضوع اتكلم فيه مثلا عن اخواننا الكويتين او الامارتين او اي جنسيه اخرى ويجي الموضوع ويتقفل رح اقول يالله هالمنتدى مافيه حرية اراء بتاتاً البته
بس لو يجي عضو ويكتب موضوع عن السعودين ويبقى الموضوع مفتوح رح اقول يالله شلون خلو هالموضوع مفتوح وين مراقب المنتدى
ــــــــــــــــــــــــــــــــــــــ
بعض الاحيان نستغرب من حاجه انا اكتب موضوع مثلا ويتقفل ويجي واحد غيري ويكتب مشابهه له ومايتقفل ايش السبب ياترى؟؟
انا اقول لكم
طريقتك فيه طرح الموضوع اجي انا اكتب موضوع فيه فكره ويتقفل يجي غيري ويكتب الفكره نفسها وعادي مايتقفل يجي ثالث ويكتب الفكره ايضا نفسها ويصير مميز
طريقة طرحك للموضوع تحدد ايش رح يصير انت بيدك تحدد اذا موضوع رح يتقفل او لا
والله اني شفت موضوع من فتره مجرد النظر الى عنوان الموضوع كنت متأكده انه رح ينحذف وانحذف فعلاً
لنا حرية الاراء بهذا المنتدى بس ياترى اي نوع من الحريه ؟
انا اقول لكم
حرية الاراء او الحريه الشخصيه تكون على العضو نفسه يعني لايتعدى حدود غيره ولايتعدى حدود الدين طبعا
من اسمها حريه شخصيه يعني حريه فرديه سوي الي تبي دامك ماتتعدى الدين ولاتجرح احد
يعني انت عندك تجربه مع شخص معين وحاب تقول هذي التجربه بدل ماتقول والله السعودين فيهم كذا او الكويتين فيهم كذا او المصرين فيهم كذا .... الخ الخ الخ
قول الموضوع الاساسي وتجربتك مع الشخص بدون ماتتعدى حدود غيرك وكثير شفت مواضيع علشان كم شخص طلع من تصرف سيء عمو على الشعب كله انه نفس الحال حتى لو كان 99% من هالشعب سيء نحترم 1%
عندك موضوع ديني ابعد عن المواضيع الغيبيه لأن محد رح يقدر يساعدك
بعدين بالمنتدى رح تلقى ناس من جنسيات اخرى واعمار متخلفه وافكار مختلفه حاول تبعد عن المواضيع الدينيه الي مانقدر نفتي فيها
عجبك موضوع فيه منتدى ثاني ودك تحطه فيه منتدى المنتدى بكل بساطه اخذ الفكره العامه وانت اكتب من بالك مو تنقل نص قص ولصق
فيه مواضيع غير لأقئه وتنكتب من باب لاحياء بالدين وانا احب اقول ان الرسول عليه الصلاة والسلام كان اشد حياء من العذراء فيه خدرها
وبعدين حرام فيه صغار بالمنتدى انا اخوي يكتب بالمنتدى وعمره 13 سنه بس ايش رح تكون ردة فعله لو شاف موضوع غير لأئق او موضوع ديني غيبي ؟؟؟
ـــــــــــــــــــــــــــــــــــــــــــــــــــــــــــ
طيب نجي نتكلم عن توقيف عضو او اغلاق موضوع
يوم جيت اكتب بالمنتدى العام طلعت لي قائمه وافقت على شروطها
ويوم اخالف واحد من هذي الشروط واتوقف او ينغلق موضوعي فأنا استاهل لأن بمجرد موافقتي على القوانين كانت انذار اول لي
طيب تقفل موضوع وهو مايخالف اي قانون من قوانين المنتدى؟؟
فيه مواضيع بديهاً تكون مخالفه مو شرط ان القوانين تنكتب كلها ولا كان وصلت 1000 قانون
او اذا شفت موضوعك مايستعدي انه يتقفل اسأل المراقب صاحب الجريمه
شفت ان مافيه تعاون او مافادك قدم شكوه بقسم الشكاوي
وبالنسبه لموضوع منتدى الاحتجاج والله يالطيبين رح تشوفون اشياء كنا بغنى عنها وماكان ودنا نشوفها يعني رح ننشر الغسيل مادري شسمه
انغلق موضوع لي اكتب موضوع بقسم الشكاوي اذا كان الحق معي يرجع ينفتح والله الحق مو معي لو كتب الف عضو شكوه ماراح يفتح
توقف عضو اتوقع ان الاعضاء الموقفين عندهم خاصية الرسائل الخاصه يتفاهم مع المراقبين كان مظلوم يرجع ثاني كان غلطان مثل ماقلت ولاالف عضو رح يرجعه
ـــــــــــــــــــــ
يااخوان كل واحد محاسب على الي يكتبه يمكن انا ماعرفكم وانتم ماتعرفوني الا من خلال اسماء مستعاره بس رب العباد يعلم بكل شي
انتبهو الحريه ساعات تكون نعمه وساعات تكون نقمه وعارفه ان مو كل الاعضاء هدفهم سيء بالحريه بس مثل مانتم عارفين الشر يعم والخير يخص
أسفه على التطويل واتمنى محد يزعل من كلامي يالطيبين
السلام عليكم
