بصراحة لا أتنمنى صدور ألعاب منسوخة على البلاي ستيشن3 ! ماذا عن رأيك؟

[Mr.Mohsen]

اخوي الجام العربي .. شكرا لك على هالموضوع الرائع .. من خلال اطلاعي على ردود الاعضاء أتضح أنه :

37 عضو مؤيد للأصلي
19 عضو مؤيد للكوبي

هناك طبعا ردود خارج عن نطاق الموضوع . وشكرا

[البيكهام هام]

انا العب 15 لعبه كوبي ب9دنانير
وهم يلعبون 15 لعبه اصليه ب300دينار

مااقول الا يازينك يالكوبي

[بازوكا]

السلام عليكم ورحمه اله وبركاته ......

انا اشوف لو يخفضون سعر الشريط الاصلي راح يكون احسن يعني بين 100الى 200 علشان الشريط يقعد معك
اطول مده هذا اولا اما ثانيا الكوبي صح انه رخيص بس راح يخرب معك او مايشتغل معك
سلملم

[البيكهام هام]

على طاري اللي يقولون انه الكوبي يخرب بسرعه بيطلعون اعذار عشان محد يقرب عند الكوبي

المهم بقولكم من سنتين يوم شرائي الاكس بوكس الاول عمري ماواجهت اي مشكله مع الالعاب الكوبي شغالين تمااااااااام كأنهم اصليين اهم شي انك تحافظ عالديفيديات انهم مايتخدشون وخلاص انتهت المشكلهجيرز اوف وور عندي اياها كوبي من اول مانزلت ولالحين شغاله ميه ميه

اللي يقول انه الكوبي يخرب باسبوع او اسبوعين مع احترامي له كلام فاضي كل الالعاب عندي اياهم كوبي اللي نزل قبل سنتين واللي نزل قبل سنه واللي نزل قبل ست شهور واللي ينزل قبل شهر كلهم نفس الشي شغالين تماااااااااااااام

اصحاب الكوبي براحه

[FARES360]

على طاري اللي يقولون انه الكوبي يخرب بسرعه بيطلعون اعذار

ترا الريال معاه حق خراب العدسه او دسك الكوبي .. هذا بسببك
كمثال البلاي1 ..كان عندي حوالي 500 لعبة كوبي ..ولي يومكم لو تشغلونه يشتغل عادي تمام
الدريم كاست .. عندي حوالي 300 لعبة كوبي والجهاز معاي من اول ما نزل .. قبل جم شهر شغلت لعبة سونيك شغاله تمام !
الا شعندك شاري البلاي3 دامك من شباب الكوبي يالبيكهام

طبعا تأيدي للأصلي وتمسكي بالأصلي برغم وجود الكوبي لل360 الا اني للحين اشتري الأصلي.. له عدة اسباب كالتالي
- الONLINE هذا اهم شي بالنسبه لي شخصيا
- اختيار اللعبة صحيح صار مربك لكن تضيف متعه في تجربة الديمو والبحث عنها وتقييمها قبل لا تطيح بجبدك
- ومنها نساند الشركات .. لأنه فيه العاب فعلا سنعه فمن حق الشركة تربح , حرام تشتري لعبة متعوب عليها برخيص !

ومن ناحية ثانيه عندي فلسفه الي تقول
" لعبة وحده بالشهر مع القعده وتحليلها احسن من 15 لعبة كوبي تقطها بالدرج "

[البيكهام هام]

الا شعندك شاري البلاي3 دامك من شباب الكوبي يالبيكهام

لعدة اسباب:
1-عشان الالعاب الحصريه
2-عشان خدمة الهوم
3-وير هوك وادمانها بالاونلاين بروحها تستاهل البلاي3 وغير هذا الدوري الياباني اليده مالت الاكس بوكس ماتساعد للعب الدوري الياباني وفوق هذا بالبلاي3 اكثر تواجدا بالاونلاين عشان جذيه خذيتها عالبلاي3
والحين عندي ميتل غير4 مو انا اللي شاريها رفيجي عطاني اياها يعني كأني العبها ببلاش صار اوفر من الكوبي

وغير هذا كله عاجبتني الخدمات بالبلاي3 مثل حفظ اللي تكتبه عشان اذا بتكتب نفس الكلام يطلعلك عاليمين وغيرها من المميزات

[QUOTE][الONLINE هذا اهم شي بالنسبه لي شخصيا /QUOTE]
ايه خل جهازك هذا للاونلاين واشترلك اكس بوكس اركيد وطوره وخله للكوبي اذا بتلعب توصيل تلعب بالاركيد واذا بتلعب بالاونلاين تلعب بجهازك الثاني جذيه تضرب عصفورين بحجر

اختيار اللعبة صحيح صار مربك لكن تضيف متعه في تجربة الديمو والبحث عنها وتقييمها قبل لا تطيح بجبدك

هذا الشي اعتبره سلبي لانه تخسر وقتك في البحث والتجربه وانت تعرف زمن الاونلاين زمن السرعهحتى ماقمت اشارك بالفتره الاخيره بسبب ادمان الاونلاين

ومنها نساند الشركات .. لأنه فيه العاب فعلا سنعه فمن حق الشركة تربح , حرام تشتري لعبة متعوب عليها برخيص !

لا لاتخاف عليهم فلوسهم كثر التراب وخصوصا الشركات الكبيره وهم يعتبرون الخليج مالها وجود بربحهم يعني لو فكرت فيها مثلا وقلت ماراح اهتم فيهم وخلهم يخسرون هل هذا يعني راح يوقفون جيرز اوف وور3 مثلابالعكس راح يخلونها افضل من جيرز اوف2 سواه شريتها اصليه او كوبي

[QUOTE][ومن ناحية ثانيه عندي فلسفه الي تقول
" لعبة وحده بالشهر مع القعده وتحليلها احسن من 15 لعبة كوبي تقطها بالدرج " /QUOTE]

يمكن الفلسفه هذه تنطبق عليك بس عندي انا اي لعبه توصيل كوبي اوصل فيها للنهايه الا الالعاب البايخه مثل الون ان ذا دارك(المقلب الكبير)يعني ماتفرق معاي سواه اصلي او كوبي كلهم العبهم واوصل فيهم للنهايه

افضل حل انك تشتري جهاز ثاني وتخليه للكوبي بدون قلق ولا شي ولا هم يحزنون تلعب وانت مرتاح البال وبدون قلق الاصلي

[فوق المستحيل]

انا شخصيا اعتقد ان الي قضية الكوبي قضية اخلاقيه قبل ماتكون ماديه

للاسف في اعضاء يظنون انهم اذكياء وفاهمين لما يتشرون كوبي كثير ويقولون هذا سعره مساوي حق لعبه وحده من الاصلي

طبعا مع وجود الانترنت وسهوله البحث...صارت العمليه سهله

بمعنى ان اختياري للالعاب يكون افضل من بدون انترنت

وجود مواقع تقييم للالعاب..مراجعات..فيديو...كلام واراء مجربين

الي يحبون الكوبي اغلبهم من النوع الي يفتقد الذوق في الالعاب..يعني يلعبون اي شي

زائد ان حالتهم الماديه تعبانه نوعا ما..فما يقدرون يشترون الاصلي

واقل ثقافة وعلم بعالم الجيمز من محبي الاصلي ( لان محبي الاصلي يبحثون ويختارون الشي الزين )...يمكن يقول لنا واحد من مروجي الكوبي..هذا تضيع وقت..لكن نقول له..هذا شي زين ومفيد لما تبحث وتوصل لنتيجه ..يكفي انك سويت شي

[التانغو7]

الوحيد الي فاهم هو بيكهام

[التانغو7]

انا الي امبي افهمه ليش هالأنانيه! ماتبون ينزل كوبي؟ اذا تبون اصلي اخذو اصلي محد قال ليكم شيء يعني لازم انكون مثلكم و ناخذ اصلي بس على كيف كيفكم ماعجبك الكوبي طق راسك بالطوف ولااحد يقول لي شركات ماشركات اروح اساعدهم اخذ اصلي ب30 دينار بدل مااعطيها للمحتاج اذا ماتبون كوبي لاتاخذ كوبي غصب يعني يه؟

وانا عندي xbox360 اللعب فيه كوبي لمده 6 اشهور ولا اخترب والي يقول جهازه اخترب هو مايحافض عليه

والله تسببون حاله نفسيه ترفعون الضغط

[ShinGundam]

^
^
هدي أعصابك ترى الدنيا ما تسوى XD

[التانغو7]

^^^
ههههههه والله حاله شان زين تسوى

[زيزو الملكي]

مرحبا

كيفك ؟
ان شاء الله تمام

انا اوافقك الراي من ناحية ولا اوافقك الراي من ناحية اخرى .
اوافقك بان الاشرطة الاصليه يسهل التعامل معها عكس الاشرطة المنسوخه .
ولكن الاشرطة المنسوخة لا يصعب التعامل معها وسعرها رخيص .
ملخص كلامي ان تكون هناك اشرطه منسوخة واشرطه اصليه في جميع المحلات .
والذي يريد المنسوخه يشتريها والذي يريد الاشرطه الاصليه ذات الجودة يشتريها .

مع السلامه

[gran]

اتمنى ان يكون هناك سوق الكتروني عربي مثل موقع امازون

يتمكن من خلاله من شراء العاب اصليه جديده فور نزولها وبعد ما اتخلص اللعبه يمكنك بيعها للموقع ويشتريها غرك مستعمله وهكذا

الغني يشتري اصلي جديد

والفقير يشتري اصلي مستعمل

[toushiro]

انا شخصيا ارضى بشراء الاصلي بس بسعره الرسمي وهذا مستحيل عندنا
تخيل ميتل جير 120 دولار!!!!

[Dark Sky]

انا اقولكم الحل..

مب لازم كوبي ولا خرابيط

اشتروا من النت بيكون ارخص من السعر الي يبيعونه في بلدك بواايد

هذا في حالة اذا ما نزل الكوبي

وبصراحة انا اييد راي اخواني الي ردوا من قبل و قالوا ان الاصلي افضل من الكوبي

و بعدين ارد على الي تكلم عن البحرين و بقوله مب كل البحرينيين جذي

وانا بحرينية و اقول الاصلي احسن بوايد و الكوبي فيه نوع من الغش و السرقة

و عندي بعد حلول ثانية بسويها قريبا هو المبادلة و بيع السيدي القديم

و السلام (: