وداعا 2d

[Neo Cid]

وااااااااو
آسف أنيتأخرت عليكم بالرد ..
الصراحة الموضوع ولا أحلى .. لأنه يذكرنا بالألعاب السابقة ..
يا شباب سمعت خبر من أحد المجلات تقول أن Final Fantasy Tactics 2 ستنزل بالاسواق قريبا .. لكن فيه أحد منكم سامع عن هذا الشي ؟ .. لأني من أشد المعجبين لهذا الجزء ..

[RPG_master]

الرسالة الأصلية كتبت بواسطة Neo Cid
وااااااااو
آسف أنيتأخرت عليكم بالرد ..
الصراحة الموضوع ولا أحلى .. لأنه يذكرنا بالألعاب السابقة ..
يا شباب سمعت خبر من أحد المجلات تقول أن Final Fantasy Tactics 2 ستنزل بالاسواق قريبا .. لكن فيه أحد منكم سامع عن هذا الشي ؟ .. لأني من أشد المعجبين لهذا الجزء ..

بالنسبه لي ما سمعت شي لكن ممكن يكون فيه جزء ثاني

[ash 90]

شفتكم تكلمون عن الاربيجي ال 2D قلت بشتري لعبه يمكن اغير رايي و و شريت لعبة

















































Eternal Eye





صراحه لعبه غبيه حييل و طريقة القتال اغبى

هذي صوره توضح طريقة القتال

ووصلت عند رئيس ما قدرت اذبحه و شكله طيه ورديه

المهم رميته شوفوا الصور


و احلى شيئ عروضه





مثل الديجيمون

[ash 90]

شفتكم تكلمون عن الاربيجي ال 2D قلت بشتري لعبه يمكن اغير رايي و و شريت لعبة

















































Eternal Eye





صراحه لعبه غبيه حييل و طريقة القتال اغبى

هذي صوره توضح طريقة القتال

ووصلت عند رئيس ما قدرت اذبحه و شكله طيه ورديه

المهم رميته شوفوا الصور


و احلى شيئ عروضه





مثل الديجيمون

[Neo Cid]

انشاء الله تكون FFT2 على السوني 2 !
لأنها من أروع الألعاب ..

[Touya]

طحت على لعبه مش ولابد مع أن ستايل الرسم حقها حلو واجد ألا أنها ضعيفه من ناحية القتال والأستدعاءات

بس صراحه أعجبني فلم البدايه لEternal Eyes

[RPG_master]

[COLOR=royalblue]الحين راح اكتب تقرير مبسط عن زينو جيرز وما راح اتطرق للقصه كثير لانها معقده جدا جدا وفيها بعض التخريف...







طبعا قصه اللعبه معقده ما اقدر اشرحها لكن بتكلم عن شخصيات اللعبه...


الشخصيه الرئيسيه Fei Fong Wong




عمره 18

الgears حقته اولا :Weltall وهو الجير الأول الي يحصل عليه feiوهذي صورته...



والثاني weltall2(طبعا تحصل عليها بتقدمك في اللعبه)

صورته ما تختلف كثير عن الاول لكن هذا بعد التطوير لكن ما اذكر مين طوره يمكن الشايب الي في المغاره

وهو اعرض من الاول بشوي...

وهذا الثالث وهو الاخير...وبتحصل عليه بآخر اللعبه والله ما ودي اخرب بس
الي يبي يشوف صورته يشوفها والي ما يبي لا يشوف...


وهذا اروعهم واقوى جير في اللعبه ورائع جدا جدا جدا...

كذا انتهينا من fei

والحين نبدأ في elly

اعتقد اسمها كذا....




العمر:18....

الجيرز: virage


وهذا الثاني Regurus
تحصل عليه بنهايه اللعبه وهو اخر تطوير للجير..

صورته:




الصور كثيره اخاف ما تكفي ...راح اقسم التقرير لردين

[RPG_master]

نكمل...


هذا Citan Uzuki دكتور...
الصوره:


رهيب هالدكتور ويعجبك بس بعض الاحيان بتحقد عليه...


العمر:29

الجيرز:Heimdal
الصوره:




وهذا الثاني طبعا بالاخير تحصل عليه...وهو من اروعهم خاصتا السيف...




وهذا بارت..

العمر:ايضا 18

الجيرز:Brigandier
الصوره:
الثاني:Andvari
الصوره:


وهذي Maria Balthasar

الجيرز:Seibzehn

صورته:


نسيت صورتها...:

يبدو انه بياخذ ثلاث ردود او اربع

[RPG_master]

نكمل...

Billy Black
العمر:16

صورته:


الجيرز:Renmazuo الصورهسقيم شوي)




الثاني:Renmazuo2


الحين:Ricardo Banderas
العمر:30
الصوره:
الجيرز:El-Stier
الصوره:



الحين Emeralda Kasimمن اغرب الشخصيات

العمر: في احد المواقع كاتبين 4000~(لا تعليق)

الصوره:


الجيرز:Crescens

الصوره:


باقي chu chu
العمر:غير معروف
الصوره:


هو اشبه بالدميه وهو نفسه يكبر ويصبح مثل الجير ويقاتل ايضا...

بكذا نكون انتهينا من الشخصيات الرئيسيه.. في شخصيات شريره كثيـره ورائعه مثل جراف ورامسوس

[RPG_master]

الحين بتلكم عن طريقه القتال...


في نوعين من القتال قتال عادي مثل اي لعبه اربي جي...


والثاني والي مميز اللعبه هو القتال بأستخدام الجيرز...

كل شخصيه لها الجير الخاص فيها وفيها حركات كومبو وابدعات كثيره

والقتال بالجيرز ممتع جدا ورائع برسم ثلاثي ابعاد...

اسلحه الشخصيات:
fei: باليدين اعتقد نوع من الكاراتيه او ما شابه..

elly: مسدس الظاهر..

الدكتور: ما اتذكر وش يكون مع بالبدايه بس بعدين بيصير معه سيف..

بارت:سوط...

بيلي: بندقيه...

ريكاردو: باليدين وبكوس يحبها قلبك...

--------------------------------------------

في خريطه للعالم باللعبه وخريطه واسه جدا مليئه بالمدن

في كل مدينه محلات تهتم بتجهيز حاجيات الجيرز مثل الوقود والاسلحه

القصه قويه جدا جدا ومعقده جدا جدا جدا اوس 10

لكن مبدعين بالقصه...


اللعبه تتميز ببعض الأحداث الي تشدك للعبه وحماس غير طبيعي في بعض المقاطع خاصتا ضد رامسوس

في شخصيه لها علاقه كبيره بالقصه وعلاقه ب fei لكن من تعقيد القصه ما اتذكر بالظبط...

لكن fei بعض الاحيان يغمى عليه ويسيطر على الجسم الشخصيه الغريبه الي اسمها ID ...

اللعبه راح تاخذ منك 70 وفوق وهي طويله وممتعه جدا جدا...

هذا ID




انا اعطي اللعبه تقدير 99%

[RPG_master]

انشالله يكون تقرير جيد مع انه ما في شي عن القصه بس اعذروني لعبتها من سنتين المره الثانيه والمره الااولى قبلها بسنه...

على فكره الي ما لعب اللعبه فاته نص عمره...وهي من افضل ما انتجت سكوير

بعض الصور من داخل اللعبه

[Majid Ali]

واو
روعه
يشكر عليه ez2dj وباقي الاعضاء;-)

[Touya]

أنا ماقريت التقرير لأني للحين أدور على اللعبه علشان ألعبها

مشكوووووووووور ماستر على كل الأحوال تعبناك


آخخخ كل مأسمع أسم زينوجيرز قلبي يعورني لازززززززم ألعبها:"

[RPG_master]

العفو

[Angel whisper]

مشكوور على التقرير الحلو فهد
-----------------------------------------------------------------------------

وهذا تقريري عن لعبة Vanguard Bandits

القصة:
تدور احداث القصة حول الشاب Bastion واصدقائه اللي دخلو في حرب مع الجنرال المتعطش للدماء Faulkner .. فالواجب على Bastion واصدقائه المساعدة في انهم يقضون على هذا الجنرال اللي يبغي يسيطر على العالم باكثر الطرق دموية.. وانهم يقاومون مملكة Junaris اللي قدر Faulkner ان يسيطر عليها .. وهم ما بيقدرون ان يقضون عليه الا بمساعدة قوات الامبراطورية اللي هي الهدف القادم ل Faulkner ..وعندكم في هاللعبة حوالي 60 مهمة لازم تخلصونها .. و5 نهايات مختلفة.. تعتمد على طريقة لعبكم واختياركم لمجرى الاحداث اللي يعجبكم..

ATAC:
صنعت على شكل الفرسان النبلاء.. ومقواة بالطاقة السحرية للاحجار الكريمة.. هذي العمالقة الالية طورت فنون الحرب في العالم.. ال ATAC الاصلية عددها 10 بس.. وحصلو عليها من عقود طويلة في اراضي مملكة Pharastia.. ودرسوها العلماء بدقة..وكنتيجة لهالدراسات العديد من الامم طورت التكنولوجيا اللي عندها عشان تصنع ال ATAC الخاصة فيها.. وعموما.. ولا واحد من هال ATAC قدر يوصل لقوة الاصلية.. ومع ان ملك مملكة Pharastia ظن ان صناعة ال ATAC ممكن يخلي السلام يعم العالم.. الا ان صناعتها خلت العكس يصير.. وبدات بسببها حرب Eptinan الثانية.. اكثر الحروب وحشية في التاريخ..
وهذي صورة لل ATAC :

الشخصيات:

Bastion:

تحت اوامر ابوه Kamorge الصارمة.. Bastion يتمنى ان يصير جندي وان يخوض الحرب ضد امبراطورية Junaris .. وهو يرافق ابوه واخته Milea وميكانيكي ال ATAC الشاب Puck .. وهم يحاولون كثر ما يقدرون ان يتجنبون الجيش الامبراطوري اللي يبغي يمسك ابوه .. وفي الوقت الحالي .. Bastion مشغول بالتدريب على استخدام ال ATAC ..

Sadira:

مثل كل بنات ال17 سنة .. الاميرة Sadira كتلة من النشاط والحيوية..والعدالة.. وهي على عكس اخوها الامير Duyere تحس ان الحرب مع المملكة لازم تنتهي.. وهي بالسر بدات تاخذ خطواتها الاولى في انها تبدا السلام بين الامبراطورية والمملكة..

Faulkner:

قائد الجيش الامبراطوري المعروف بانه اقوى رجل في القارةكلها..وهو يحاول ان ينتقم من الناس اللي شالو ابوه من الحكم..ولسوء حظ الكل.. مخططاته ما توقف لحد الانتقام وبس.. فهو وبالسر يحاول ان يحكم العالم كله من بعد ما ينجح في السيطرة على الامبراطورية والمملكة..

وفي غير هالشخصيات اصدقاء Bastion واعداءه الكثار.. وللاسف انا ما حصلت صور للشخصيات..

نظام القتال:
المعارك مشابهة لمعارك FFT لكنها ابسط منها.. وتقدرون تتحكمون بمجموعة مختلفة من الشخصيات طول اللعبة.. ولكل شخصية مجموعة مختلفة من الهجمات والمهارات.. وعلى حسب بعدك عن عدوك ممكن تختار هجمات مختلفة.. وقبل ما تبدا الهجوم.. تقدر تشوف نسبةتاثير هجمتك على عدوك.. ولما يصير لك ال level up فانت تقدر توزع النقاط على كيفك.. وعلى حسب توزيعك بتحصل على ضربات ومهارات جديدة..ومعارك اللعبة كلها بال 3D
وهذي صور لبعض المعارك:






بعد المعارك؟!
من بعد المعارك.. عندك اشياء كثيرة ممكن تسويها.. مثل انك تشتري اسلحة ودروع لفريقك.. وتقدر بعد تكلم اعضاء الفريق عشان تخليهم يوثقون ب Bastion .. لانهم اذا ما كانو واثقين فيه .. مستواهم القتالي بينخفض..

الرسومات والموسيقى:
رسومات اللعبة ممتازة جدا .. وفي المعارك تطلع رسوم خاصة على حسب الهجمة اللي تسويها ..والموسيقى حلوة وتناسب كل مشهد وكل مهمة تدخل فيها.. بالاضافة الى ظهور اصوات السيوف لما تضرب خلال المعارك(شي يحمس بصراحة)






هذا تقريري عن اللعبة .. ان شاء الله يكون افادكم..
وتقديري للعبة 94%