قضية الاسبوع ҉ಢ ೋ المولود الجديد ೋ ಢ

[Arashi]

فرحة هلي في يونيو وللدنيا جيت
وأسعدتهم بولادتي ونوّرت البيت
أقبلْت عالدنيا ومن الفرحة بكيت
وفتحت عيوني وعلى وجه الوالدة طلّيت
شفت فيها الابتسامة ومنها ما ملّيت
وكانت أمّي أوّل انسانة حبّيت
يالله يا ضيوفنا خذوا هداياكم وروحوا ملّيت
ما تسوا علي هالولادة ومن تعب مجابلتكم انهدّيت
بالونات وزينة وفطاير هذا وليلحين ما مشيت
عيل ايش خليتوا لعيدميلادي وتخرّجي وعرسي يا بلفيت؟




هذا ما يقوله الطفل عندما توزّع المسجات بولادته وما يُكتب على علب الهدايا التي توّزع على الضيوف والتي هي في الحقيقة قبل الترجمة "اغغغغغ غغغغغغ غوغوغو اعععععععععع وااااااااااااااااااااااء"....الخ



كما تعلمون كثرت التقليعات والحركات النسوانيّة في الكثير من المناسبات...ولم تسلم منها الولادة
يا جماعة...كل ثانية يولد المئات من الاطفال في العالم...والله مب شي غريب <<< الحين اقلبت عامي
ما قلنا لا تفرحون..بالعكس شي حلو ان في حياة جديدة...لكن ايش لزمة الأشعار اللي على لسان الياهل؟
وليش خساير تزيين غرفة الولادة اللي ماتقعد الوحدة فيها اكثر من ليلتين؟
ولا ومب بس جذي...البيت بعد له تجهيزات ثانية...اخر مرّة قالوا لي وحده حاطه سريرها وسرير البيبي على مسرح!!!
والتوزيعات... خرابيط ومثال ميداليات من النوع الغالي وفص شوارفسكي سعر كل وحده ما يقل عن 80 ريال...تخيّلوا فوق الـ100 حبّه للتوزيع لو ما تعدّي 300!!!



أخلّيكم مع الصور


تذكرت Silent Hill لما يصير العالم مظلم بحيطان من الدماء والامعاء XD


صدقوني هذا بيت مب قاعة عرس P:


هالأكل كلّه بروح في بطن البيبي؟ O.o


بوابّة الشر الأعظم 3:


طبعا هذا الباب السرّي ما يفتح إلا بعد ما تركّب في وسطه قلادة "عين التنين" @_@


ما معوّرني قلبي إلا عالمسامير اللي ضاربينها الطوف حق كم يوم >_<


كوشه (:


الحين شلون بتطلعون من الغرفه؟ <:


هاذي احتلّت طابق طابق كامل!! ):<



قسما بالله انا كتبت الشعر من قبل ما احصل هالصوره..صدفه اول بيت كاااااااااااااااااااااااااااااااااااااااااااااااااااااااااااااااك X"D







اغغغغغغغغغ غوغوغغغغغ




أقصد



فليبدأ النقاش

[darkitp]

وحدة من صديقات اختي ربت و جابت بنت .. فقدموا لها باقة ( توقعت انها تكون ورود )

لكن لما دققت عليها , شفت بانها اوراق فلوس على شكل ورود او يمكن ايسكريم ( ما ادري XD ) ,كان فيها فوق الـ 4000 درهم

هذه صورة بعد ما شالوا الورود و بقيت الاقماع ( جمع قمع )


الورود كانت عبارة عن 100 درهم ( لأنها وردية ) = 15 × 100 = 1500
والقمع عبارة عن 200 درهم ( عددهم يمكن 15 ) 15 × 200 = 3000

انا اشوف هالشيء عادي , ولو كانت الحرمة بتجيب عيل كل 6 شهور , ما عملوا هالشيء
المرة الاولى حلوة تونس البنت , لكن إذا كل مرة .. مسخرة !!

[Arashi]

^^^^
مب مشكلة الهديّه...تعطيها ألف ألفين 10 او ذهب...تهادوا تحابوا
لكن كم كلفّها تزيين الهديّه...يمكن 300 درهم زياده وكانت تقدر تحط الفلوس في ظرف حلو مع كلمتين حلوين @_@

بس في ناس ما شاء الله تسوي هالحركات بيدها في البيت
الاحسن الواحد يتعلم بدل ما يعتمد عالمحلات...تجليد الهديّه وحده سعره مبالغ فيه الحين >_<

[TiTaN]

من الغريب انه مافي ردود كثيرة على هذا الموضوع !

من اكثر الأمور الممتعة في المنتديات ليست المواضيع أو المنشورات ، بل هي الردود و النقاشات

و وجود موضوع للنقاشات امر ممتع و مطلوب ، و ان كان يتطلب متابعة مستمرة و افكار "طازجة" عشان الموضوع يستمر
و ملاحظ ما شاء الله المراقبين مستمرين في تنشيط الموضوع ، تحية لكم


_______________________


بالنسبة للموضوع الأساسي ، بكوني الأخ الأكبر ، شاهدت ولادة 3 من أخواني و اخواتي الله يحفظهم
و لاحظت مع كل مولود الأمور دي كانت تكتر و الهروج تسير اصعب و تكلف أكتر

و لمن واجهت أمي و قلتها حرام ليش كل دا ؟


قالتلي الجواب !

""انقلع شكلك مقهور ما سوينالك كدا""

فما قدرت اعرف ايش السبب بصراحة ، و اللي يقدر يسأل اهله ليش بيسوو كدا يفيدني مشكورا

[Arashi]

^^^^
المفروض ان نعمل بنر لكل موضوع نقاشي جديد لكن واجهتني ظروف فما قدرت..بس القضيه ليلحين ما بتتغير وباذن الله نعمل لها بنر ^_^

بالنسبه لجواب امك الله يحفظها....هههههههههههه XD
ترى سألت نفس السؤال ودايما حجتهم ان الناس كلها تسوي فمايصير "نطلع بخيلين جدامهم"
نفس الامر مع الاعراس والحفلات @_@
غير هذا كثير عندنا يسوون حفلات كبيره للطفل لما يكمل سنه من عمره وهو مسكين مب فاهم ايش قاعد يصير حولينه XD

اسخف مافي الموضوع اللي يسوونه في غرفة الولاده
المفروض الوحده بعد ما تولد تقعد ليله وترجع لبيتها ثاني يوم
بس عشان هالزينه والخساير حضراتهم يقعدون 3 ليالي عالاقل عشان يطلعون قيمتها ويسوون زحمه والناس ما تحصل غريف >_>
يعني هالخرابيط تجيب وراها متاعب للناس O.o

جوفوا الهدايا اللي نحصلها من كل وحده نزورها XD






المشكله أشياء تكلف لكن مردها تروح للزباله لأن ما منها فايده :\

[TiTaN]

و تسير الروحة لزيارة الأم الجديدة زي المناسبة ، تقوم الوحدة تورط ولدها المسكين يقوم يوصلها

و لا أيش كمان ، جوا الغرفة كله حريم و ما يقدر ولدها يدخل ، يجلس تحت في سيارته زي الحلوين ابو ساعة و نص ساعتين ملطوع يبكي ضياع ساعات يوم الخميس الثمينة

True Story ..

[ام ابـراهيم]

قبل الحديث عن قدوم المولود الجديد سأتحدث عن فترة الحمل .
من أصعب فترات التي تمر بها الام , دوخة أربع و عشرين ساعة تقلب في مزاج بشكل ملحوظ
و الترجيع . و لا شيء بيثبت في البطن .

أنا هالفترة كل الناس متشاجرة معاهم " ما أبي أكلم أحد "
و أفكر بترك الشغل , اليوم غائبة من على الصبح اتشاجر انا و المديرة .
كل الناس تتصل ما أرفع على أحد .

اتوقع بكرى بأخذ إنذار .................

يا ربي تنتهي هالمرحلة على خير .
و خلاص لما يجي البيبي تبدأ مشاكل أخرى ليش ما يرضع؟ ليش يبكي ؟ما ينام؟ فيه حرارة ؟ليش ما يجلس؟
يترى يمشي بدري أو لا ؟ ليش تاخر ما تكلم ؟
ما يبي يأكل ؟
ثم مشاكل الدراسة لين يتخرج ثم زواجه ثم مشاكل مع زوجته و اهل الزوجة .................

المهم لحظات السعادة اختصرها في أربع لحظات.
مبروك انت حامل .
مبروك جنينك بخير و الحمد الله على السلامة
مبروك تخرج إبنك
مبروك زواج إبنك .
و الباقي تعب و تفكير ........... بس في النهاية هذه سنة الحياة يجب ان نتأقلم معاها