ساحة المناقشة للانمي Gundam SEED Destiny

[ShinGundam]

takumi

اشلونكم شخباركم يا محبين الكاندام ^^

الحمدلله ^^

انا توني مخلصه من حلقه 43 و 44 نزلتهم و را بعض كووول

الحلقتين و ايد حلوين
بس القتال شويه في حلقه 43 يعني ما ظهر قتال كيرا و اثرين وايد شويه المفروض يطول القتال بين شين و ري و كيرا و اثرين ..
اما ميا مسكينه خافت ما تدري شنو تسوي لانها المزيفه و بعدين الشعب يكرهااا

القتال شوية بس كان وااااايد حلو ^__^ أما ميا فهي الي راح تدفع ثمن تمثيل دور لاكس الحقيقية في
الـPlant و الأرض

اما بالنسبة للشعاع كان يخرع دمر بلانت كلهااا الناس كسروااا خاطري و امير بلانت قاعد ريل على ريل و مرتاح اكيد يخطط حق شي كبير ×_×

Requim سلاح مو متوقع و خطير +__+ .... بس أول مرة نشوف هجوم مدمر على الـPlant
في SEED Destiny ..... بس إنبطة جبدي و أنا اشوف فلان حاط ريل على ريل >__< :


-----------------------------------------------------------------------------------------------

[**Relena**]

السلام عليكم ورحمة الله

كيف حالكم جميعا؟؟ان شاء الله بخير؟

تحية خاصة لقلبو تاكي وألف الحمدلله على سلامتك غاليتي
وان شاء الله تكونين استمتعتي بالرحلة ^.^

واخيرا نزلت الحلقة 45 تحميل مباشر ^^

اقول لكم شي غريب؟؟انا شفت الحلقة RAW يوم السبت ماعندي صبر

-----------------------------------------------

Gundam SEED Destiny Phase 45: Prelude to Revolution

Prelude to Revolution



------------

[ Download Direct .rm ]

OR

[ Download .avi (bittorrent) ]

------------------------------------------------------

تمنياتي للجميع بمشاهدة ممتعه^_^

تحديثنا ان شاء الله راح يكون يوم الثلاثاء

وبالتوفيق للجميع^^

تحياتي
RaLoOoNa

[Kira]

وأخيرا أشوفها

جاري التحميل وراد لكم

[**Relena**]

وأخيرا أشوفها

جاري التحميل وراد لكم

نعم واخيرا
بصراحة الحلقة جدا راااائعة لكن فيها شي واحد محزن ويرفع الضغط
فيما عدا ذلك الحلقة ممتازة والحلقة القادمة اروع واحلى ^_^
وننتظر جميع الاخوان يشوفونها حتى نتناقش فيها ^^

[Thunder Strike]

SHINN GUNDAM
ياخوي ترى الصورة ألي حطيتها توضح قوة Legend الرهيبه وبالذات الـ dragonsystem
وتوضح هالصورة ان القتال بين جستك و ديستني وهذا يدل ان نهايه شين مؤكدة ....
واظن اتفراضاتي صحيحه بشأنه...
وأحم أحم ..نرد للصورة ..ونشوف الـ doms ماتو يا خسارة ....وفريدوم خارج النطاق طبعا ..



** Relena **

نعم واخيرا

بصراحة الحلقة جدا راااائعة لكن فيها شي واحد محزن ويرفع الضغط

بصراحه الحلقه ألي خوفني فيها قوة rey وبالذات anti armor الاشعاعي ..انتو شفتوه اشلون اخترقه
بكل سهوله كأنه مافي درع ليزري...وياخوفي على فريدوم و جستك من هالضربه..
وواما لونا ماريا هاواك تمشي على خطى ستيلار ..بس مادري ليش...

فيما عدا ذلك الحلقة ممتازة والحلقة القادمة اروع واحلى ^_^

طبعا طبعا
ألي شاف بريفيو ..يشوف أن آثران يكّن شعور للاكسو الحقيقيه ...مادري ليش احس بهشي..
أهتمامه أكثر من اهتمام بكاغالي ...

وننتظر جميع الاخوان يشوفونها حتى نتناقش فيها ^^

لا لا ..ردينا على طير ياللي ريلينا..؟
تذكرتي في بدايه النقاش شنو كنا موافقين عليه ..؟
ألي شافه يقول رايه ..وألي ما شافه هذي مشكلتة ..واظن احنا اتفقنا بهشي
شكلنا نبي ننطر ليما تجي حلقه 46 وبعد الناس ما شافت حلقه 45
جذي ألي يشوف الحلقه على طول يتناقش ويقول وبدورنا نرد ونتناقش فيها



رساله عتب :
ليش المجموعات
وآآآه منكم يا المراقبين ..زين أنهم اضافوني للمجموعه وانا اكره المجموعات بصراحه ...

[Kira]

خخخخخخخخخخخ كيرا ياماتو كالعاده سابقني
أنا جلبيرت من خططه يقتل جبيرل أعوذ بالله وش هذا القلب القاسي:vereymad:
هههههههه صاير شين يخاف على لونماريا مثل ستيلير تخيلوا أن لونماريا قتلها فرييدوم مافي أمل يجي مع كيرا
أنا أحس بديت أحب شين مادري ليه
عجبني قتال أيزاك وديكا شو رايكم فيه الثنائي
عجبتني كاغالي في النهايه مع Mow عطته أكاتسوكي أخيرا أشوفه يقاتل
توقعاتي للحقه جايه بعدين لما أشوف رايكم بحلقه 45

[ShinGundam]

ياخوي ترى الصورة ألي حطيتها توضح قوة Legend الرهيبه وبالذات الـ dragonsystem
وتوضح هالصورة ان القتال بين جستك و ديستني وهذا يدل ان نهايه شين مؤكدة ....
واظن اتفراضاتي صحيحه بشأنه...
وأحم أحم ..نرد للصورة ..ونشوف الـ doms ماتو يا خسارة ....وفريدوم خارج النطاق طبعا ..

السلام عليكم

بصراحة Legend روعة ^^ و في شغلة ما حطوها في الأنمي حتى الأن و هي javelin * رمح*
تتحد مع Dragoon و هذي صورة و رمح مع الأسلحة ::

[**Relena**]

ShinGundam
شكرا على الـScan وصورة Legend ^_^

---------------------------------------------------------------

Kira yamato

لا ..ردينا على طير ياللي ريلينا..؟
تذكرتي في بدايه النقاش شنو كنا موافقين عليه ..؟
ألي شافه يقول رايه ..وألي ما شافه هذي مشكلتة ..واظن احنا اتفقنا بهشي
شكلنا نبي ننطر ليما تجي حلقه 46 وبعد الناس ما شافت حلقه 45
جذي ألي يشوف الحلقه على طول يتناقش ويقول وبدورنا نرد ونتناقش فيها

هدي اعصابك يابطل
انا كنت اقصد يعني لما تجتمعون كلكم في الساحة
لاني لما كتبت جملتي هذي ماكان فيه الا انا وكيرا
بس حتى كيرا كان لسى ماشاف الحلقة فقلت له
ننتظركم حتى نتناقش...هذا الموضوع ^__^

المهم نرجع لموضوع نقاشنا

تـــــــــــحـــــــــذيــــــــر ردودي القادمة تحتوي على SPOILER!

بصراحه الحلقه ألي خوفني فيها قوة rey وبالذات anti armor الاشعاعي ..انتو شفتوه اشلون اخترقه
بكل سهوله كأنه مافي درع ليزري...وياخوفي على فريدوم و جستك من هالضربه..
وواما لونا ماريا هاواك تمشي على خطى ستيلار ..بس مادري ليش...

كان شي عجيب بصراحة .اما لوناماريا بتموت اكيد,ومايحتاج تخاف على كيرا البطل من Rey
اما آثرن فما صرت اهتم مات او لا ماعاد يهمني ابدا واذا مات يكون احسن مليووووون مرة بعد :vereymad:
بس اموت واعرف ليه كاجالي انفصلت عنه؟؟؟والمسكينة تقول لميرين اهتمي فيه وتبكي وهو مو مهتم ابدا يضحك ويبتسم عادي ولاكأنه صار شي وقال ايش؟؟؟احلامنا واحده...اتوقع يقصد انه حتى لو انفصلوا يبقى حلمهم واحد,من جد كرهته ,وعجيب كيرا ماقال شي؟؟

طبعا طبعا
ألي شاف بريفيو ..يشوف أن آثران يكّن شعور للاكسو الحقيقيه ...مادري ليش احس بهشي..
أهتمامه أكثر من اهتمام بكاغالي ...

ربي ياخذه هو وشعوره,,,,كريه جدا صار:vereymad:
احترم رايك لكني اخالفك يازميلي لان اللي كانت مع آثرن هي ميا لو انتبهت كانت لابسه معطف بني اما لاكوس كانت مع كيرا ,وشكل البنت اللي لابسه نظارات عجيبة مكلفة بقتل ميا والمغفل آثرن ينقذها او شي من كذا ولو لاحظنا ان حالة ميا النفسية سيئة جدا واعتقد انها يمكن تصاب بالجنون

--------------------------------------------

Kira

أنا جلبيرت من خططه يقتل جبيرل أعوذ بالله وش هذا القلب القاسي:vereymad:

لا ماشاء الله عاد دجبريل كان طيب القلب؟؟؟
احسن يستاهل كان مجرم وسفاح لكن الغريب ان موته كان طبيعي وسهل جدا يعني توقعت يكون موته صعب جدا ويحتاج معارك اكثر باختصار يكون موته اكثر اثارة من اللي حصل .

هههههههه صاير شين يخاف على لونماريا مثل ستيلير تخيلوا أن لونماريا قتلها فرييدوم مافي أمل يجي مع كيرا

اموت واعرف هالحب العجيب الغريب كيف طلع؟؟اللي يشوفهم يقول انهم حابين بعض من سنوات
اللي يقتلها اتوقع يكون Rey لان آثرن يعرف ان شين معاه Destiny وRey معاه Legend فراح يستنتج انه لونا معاها Impulse يعني راح يقول لكيرا ابتعد عنها الا اذا Rey سوى غسيل مخ محترم للونا هذا شي ثاني ×_×

أنا أحس بديت أحب شين مادري ليه

لانه يحب لونا فصارت تصرفاته افضل واطيب من السابق ^_^

عجبتني كاغالي في النهايه مع Mow عطته أكاتسوكي أخيرا أشوفه يقاتل

واخيرا حلينا موضوع الموبيل سوت لـMu واعتقد انه ماراح يجد افضل من Akatsuki الحين بس راح ياخذ Akatsuki حقه في الظهور القوي

[The Wahish]

حرام عليكم لا تظلموا آثرن

انا متأكد انهم رح يرجعوا

بس الكل لديه مسؤوليات

و اصلا الحق على كاغالي يلي تخلت عنه
و على فكرة انا احترمهم هم الاثنين الآن اكثر
و اخيرا كاجالي صارت تفكر بشكل عاقل متزن و بدأت تصير قيادية ممتازة و صاحبة قرارات حازمة
و ما فعلته كان الاصلح لمصلحة الكل

على الاقل حتى انتهاء الحرب

و هو آثرن ايضا حس أنه لازم كل واحد يؤدي واجبه لانهاء الحرب

ذلك ما لحقها و تخلى عن مهامه
و كيرا ما عارضه
يبدوان كيرا متأكد ان الامور سترجع كما كانت


نقطة ثانية :ا صلا لو كان حبهم مو مكتوب له ان يستمر فمن الافضل الانفصال
لذلك فإن مثل هذه المواقف تثبت العكس
ممكن يرجعوا حتى احسن من قبل


هذا رأيي و السلام

بعدين شفتوا موو الفظيع رح يركب اكاتوسكي

يا سلام

[**Relena**]

تـــــــــــحـــــــــذيــــــــر ردي القادم يحتوي على SPOILER!

اما الان راح نناقش بعض الاشياء في الحلقة :

ماهي توقعاتكم عن:-

1 - ردة فعل تاليا في الحلقات القادمة؟؟؟

2 - ماذا سيفعل جلبيرت بعد ان تخلص من دجبريل؟؟؟

3 - ماسبب انفصال كاجلي عن آثرن؟؟؟.....لماذا اتخذت هذا القرار الغريب؟؟؟

4 - هل سيعود آثرن لكاجالي في آخر المسلسل؟؟اما ان ميا او ميرين ستحل محل كاجالي؟؟

5 - مارأيكم بموت دجبريل؟؟؟.............بصراحة اعتبره خالي من اي اثارة يعني توقعت شي افضل من هذا

6 - ماهو مصير ديركا ويزاك؟؟هل سيبقون مع جلبيرت ام ينضمون لكيرا وآثرن؟؟

7 - ماهو مصير لوناماريا؟؟

8 - ماهو مصير ميا؟؟؟؟؟؟؟

9 - ماهي توقعاتكم عن نهاية جلبيرت ؟؟؟؟؟؟؟؟؟؟؟؟؟ الانتصار او الموت؟؟؟؟؟؟؟؟؟

-----------------------------------------------------------

هذا حاليا ولنا عودة فيما بعد ^__^

[ShinGundam]

The Wahish
كلامك أخوي الوحش وايد منطقي و عجبني ^_^ و كاجالي عندها الكثير من المسؤوليات و المشاكل
خصوصا بعد الدمار الي حدث في أورب من هجوم مينرفا و الزافت فشي أكيد أنها راح تحاول أن تأجل
الحب على الاقل الى أن تنتهي الحرب * يعني المسلسل +_+ *
------------------------------------------------------------------------------------------
Relena

1 - ردة فعل تاليا في الحلقات القادمة؟؟؟

بصراحة صرت ما أتوقع منها الكثير حاليا و ما أحس أنها راح تموت بس أتمنى لو تموت بسرعة

2 - ماذا سيفعل جلبيرت بعد ان تخلص من دجبريل؟؟؟

سؤال مهم و ما كان في بالي ^_^ و أعتقد أن أول شي راح يسويه هو أن يخطب لناس +__+
ثم راح يهجم على AA لأنه اكيد يدري أنهم في القمر

3 - ماسبب انفصال كاجلي عن آثرن؟؟؟.....لماذا اتخذت هذا القرار الغريب؟؟؟

المسؤوليات أهم من الحب ^__^ عندج شك في هذي ؟؟

4 - هل سيعود آثرن لكاجالي في آخر المسلسل؟؟اما ان ميا او ميرين ستحل محل كاجالي؟؟

الحين شخصية كاجالي تطورة و أصبحت تتخذ القرارات بشكل أفضل لها و لغيره ...... و أعتقد
أن قصتها في SEED Destiny تركز و تعرض كيفية تطور شخصيتها لتكون قائدة مثالية
و سياسية أكثر من السابق فقط من دون التركيز على علاقتها مع آثران

5 - مارأيكم بموت دجبريل؟؟؟.............بصراحة اعتبره خالي من اي اثارة يعني توقعت شي افضل من هذا

موته عادية الصراحة و هو مو هامني أساساً ~_~

6 - ماهو مصير ديركا ويزاك؟؟هل سيبقون مع جلبيرت ام ينضمون لكيرا وآثرن؟؟

Pass ^^

7 - ماهو مصير لوناماريا؟؟

لو لاحظتي أختي أنهم بدوا يركزوا على علاقة لوناماريا مع شين في هذي الفترة و أنا متأكد أن
هذا شي له دافع من المؤلف و أكيد هو جعل نهايتها دراماية مثل نهاية ستيلار

8 - ماهو مصير ميا؟؟؟؟؟؟؟

راح يبين في الحلقة القادمة ^^

9 - ماهي توقعاتكم عن نهاية جلبيرت ؟؟؟؟؟؟؟؟؟؟؟؟؟ الانتصار او الموت؟؟؟؟؟؟؟؟؟

أرغب بإنتصار لزافت ... عشان يحطوا جزء جديد في 2009 ^__~

و لو سمحتي حطي تسويد على Spoilers عشان بتهنى في آخر حلقات من الأنمي ^_^
و على فكرة لو لاحظتي الحلقة هذي و على ما اعتقد 42 الي يركزوا فيها على الزافت ما تكون
بالمستوى القوي مثل السابق ما قبل 40 حلقة و أعتقد ان السبب هو نقصهم لشخصية من مستوى
آثران أو هيني عشان جذي أعتبر موته خسارة T_T

و على فكرة لا تذموا آثران لأن كاجالي هي الي تركت آثران مرتين +__+

على العموم ناطر ردودكم ^__^

[**Relena**]

حرام عليكم لا تظلموا آثرن
انا متأكد انهم رح يرجعوا
بس الكل لديه مسؤوليات
و اصلا الحق على كاغالي يلي تخلت عنه
و على فكرة انا احترمهم هم الاثنين الآن اكثر
و اخيرا كاجالي صارت تفكر بشكل عاقل متزن و بدأت تصير قيادية ممتازة و صاحبة قرارات حازمة
و ما فعلته كان الاصلح لمصلحة الكل
على الاقل حتى انتهاء الحرب
و هو آثرن ايضا حس أنه لازم كل واحد يؤدي واجبه لانهاء الحرب
ذلك ما لحقها و تخلى عن مهامه
و كيرا ما عارضه
يبدوان كيرا متأكد ان الامور سترجع كما كانت
نقطة ثانية :ا صلا لو كان حبهم مو مكتوب له ان يستمر فمن الافضل الانفصال
لذلك فإن مثل هذه المواقف تثبت العكس
ممكن يرجعوا حتى احسن من قبل
هذا رأيي و السلا

طيب طيب خلاص عفونا عن آثرن علما اني مااحب كاجالي كثير لكنها كسرت خاطري وهي تبكي
اهم شي ان كيرا ولاكوس في امان تام ^__^

----------------------------------------

ShinGundam

بصراحة صرت ما أتوقع منها الكثير حاليا و ما أحس أنها راح تموت بس أتمنى لو تموت بسرعة

انا اموت واعرف انت ليه ناوي تموتها بأي طريقة؟ لكني اعتقد انها حتى لو بتموت لازم تسوي شي مثلا تصطدم بمقر جلبيرت وتفجره وينتهي المسلسل لكن اكيد لها دور ,يمكن يكلمها آثرن خصوصا انها ماكانت مقتنعه بخيانته فممكن تصدقه,اما ان ينتهي المسلسل من غير ماتسوي شي فهذا شي يصعب تصديقه بالنسبة لي ×_×

سؤال مهم و ما كان في بالي ^_^ و أعتقد أن أول شي راح يسويه هو أن يخطب لناس +__+
ثم راح يهجم على AA لأنه اكيد يدري أنهم في القمر

وانا سألته لان اجابته محيرة شوي ^_^, نعم نعم وبيخطب وبكل لطف وبالنسبة للهجوم فهذا شي متوقع تقريبا ويذكرني بالمعركة الفاصلة....ماتذكرك الكلمة هذي بشي كان بعيد عن التصور بالنسبة لك لكني اتوقع يبدأ بشي بسيط من مخططه الجهنمي على الاقل بدايات ثم تبدأ المعركة

المسؤوليات أهم من الحب ^__^ عندج شك في هذي ؟؟

لاابدا لكني صدمت فقط لااكثر ولا اقل

الحين شخصية كاجالي تطورة و أصبحت تتخذ القرارات بشكل أفضل لها و لغيره ...... و أعتقد
أن قصتها في SEED Destiny تركز و تعرض كيفية تطور شخصيتها لتكون قائدة مثالية
و سياسية أكثر من السابق فقط من دون التركيز على علاقتها مع آثران

كلام سليم ,لكن هل انتهى دورها كقائد في الحلقة 45 ؟؟

موته عادية الصراحة و هو مو هامني أساساً ~_~

انا فعلا مستغربة ^^ انت قبل كم يوم كنت تقول كيف راح يتخلصون منه؟توقعت انك مهتم على الاقل بنهايته ^_^..عموما كان موته خالي من الاثارة مثل موت اي جندي عادي وكنت اظن ان شخصية مثل هذي استمرت طول المسلسل راح يكون موته اكثر اثارة من اللي حصل

لو لاحظتي أختي أنهم بدوا يركزوا على علاقة لوناماريا مع شين في هذي الفترة و أنا متأكد أن
هذا شي له دافع من المؤلف و أكيد هو جعل نهايتها دراماية مثل نهاية ستيلار

اذن الجميع يتفق على موتها في النهاية لكن السؤال هو كيف راح تموت؟؟يقتلها Rey ؟؟ او تضحي بحياتها من اجل شين؟؟ او ممكن تموت بسبب جلبيرت يعني يطلب تفجير مكان تكون هي فيه او اطلاق مدفع بالتالي يكره شين جلبيرت ويحاول ينتقم منه ويقتله ويموت هو في النهاية ×__×

راح يبين في الحلقة القادمة ^^

اتوقع آثرن ياخذها معاه للآرك اينجل وتساعدهم ضد جلبيرت لاني اعتقد انها تعرف شي عن مقره الجديد او اي معلومة ثانية ممكن تنفعهم

أرغب بإنتصار لزافت ... عشان يحطوا جزء جديد في 2009 ^__~

جزء جديد؟؟قصدك OVA مثلا؟؟ او Special Edition ؟؟ او جزء ثالث؟؟

لو سمحتي حطي تسويد على Spoilers عشان بتهنى في آخر حلقات من الأنمي ^_^

اوووه>< احرقت عليك الحلقة بأسئلتي؟؟؟ اسفة ماكنت اقصد لكني اضفت الاسئلة يوم الاربعاء الصبح وتوقعت ان الكل شاف الحلقة وتنتظرون نبدأ بالنقاش>< العذر والسموحة وان شاء الله ماتتكرر مرة ثانية

على فكرة لو لاحظتي الحلقة هذي و على ما اعتقد 42 الي يركزوا فيها على الزافت ما تكون بالمستوى القوي مثل السابق ما قبل 40 حلقة و أعتقد ان السبب هو نقصهم لشخصية من مستوى آثران أو هيني عشان جذي أعتبر موته خسارة T_T

فعلا معاك حق,وهذا هو السبب اللي جعل جلبيرت يضم آثرن لصفه لانه يريد قوته او مثل ماقالت لاكوس في الحلقة 42 لانه آثرن زالا ,ولاتنسى ان جيش ORB اصبح قوة جبارة لاتهزم خصوصا بعد انضمام Mu لهم مع Akatsuki المذهل

و على فكرة لا تذموا آثران لأن كاجالي هي الي تركت آثران مرتين +__+

مافيه احد ذمه مثل ماذميته انا لكن عذرا هذا شيء خارج عن السيطرة ×__×

[Ultralest]

هلووو شباب
كيف حالكم شباب
كيف حالك شين جاندم - ريلينا - The Wahish
لي فترة ما شفتكم ><"
ان شاء الله تكونوا بخير
ها
في شي جديد ؟؟^^

[Kira]

ههههههه أخوي تعرفني زين بس مب هنا خخخ ممكن ماتعرف المهم
في أشياء جديده وكثيره
أختي ريلينا 46 متى تنزل
مثلا نزلت 45 كم يوم علشان تنزل 46

[**Relena**]

هلووو شباب


كيف حالكم شباب
كيف حالك شين جاندم - ريلينا - The Wahish
لي فترة ما شفتكم ><"
ان شاء الله تكونوا بخير
ها
في شي جديد ؟؟^^

اهليييييييييين اخوي King Of Hearts

الحمدلله على السلامة ^_^

انا الحمدلله بخير ^^ وانت كيف حالك؟؟ان شاء الله بخير؟؟

قصدك اشيااااااااااااااااء وين وصلت في المتابعة؟؟

--------------------------------------------------------------------

ههههههه أخوي تعرفني زين بس مب هنا خخخ ممكن ماتعرف المهم
في أشياء جديده وكثيره
أختي ريلينا 46 متى تنزل
مثلا نزلت 45 كم يوم علشان تنزل 46

الحلقة 46 تنزل بكرا ان شاء الله ^_^

ومثل ماقلت لك من قبل

الحلقة تنزل كل سبت

وتنزل مترجمة كل يوم احد