شرح كامل للعبة Warcraft 3 + جميع الاسئلة والاستفسارات هنا ..

[Education]

الأخ / BiN-3Li ..
وعليكم السـلالام ..
- هل طريقة اللعب تختلف من فروزن ثايرون عن واو ؟
طبعـاً .. اختلاف جذري ..
في Wow انت تلعب بهيرو واحد وتقاتل ..
أما في فروزن على العكس .. تبني مدينة كامـلة ..
وتضبط جيشك وتعطي الهيرو أسحار خاصة .. وتطور القاعدة..
وخطط واستراتيجية .. مثل استراتيجية الهجوم من عدة محاور لتشتيت الخصم ..
أو أن يكون كل الجيش جوي .. اذا كان ضدك Undead ..
لأنهم ضعفاء شوي ضد الجوي ..
و .. و ..
ما أتفلسف بس أبين لك أنها تختلف اختلاف كامل ..
- عندي النسخة 1,07 هل يكفي انزل اخر اصدار ام انزل كل الإصـدارات ؟
للدخول للباتل نت (الأونلايـن) أفضل انك تنزل آخر اصدار ..
- في طور القصة لعبة ب راكساس وخلصت الشابتر الاول واتفاجاء انه يطلب مني التكمله من الباتل نت فهل التحديث راح يكملل المرحلة ؟
راكساس ؟؟
ما سمعت فيهـا !!
- هل طريقة تركيب التطوير معقدة (اذا كان الجواب بنعم فياريت شرح مبسط) وماهو افضل موقع لذلك؟
ماني فاهم شتقصد بالتطوير ..
اذا قصدك التحديث (Update) ..
فـبالعكس سهـلة جداً..
وبالنسبة لآخر تحديث اضغط هنا ..

-هل اللعب بالانترنت معقد (يقبل الكوبي بدون مشاكل) ويلزمه خط سريع لانه خطي دايل اب ؟
ممممم ..
سهل ..
بس لازم سيديين أصليين ..
لأن لكل سيدي CD Key خاص فيه ..
ما تقدر تدخل الأونلاين إلا فيه ..
وأفضل الــDSL للعب فيه..

صدقني مو صعبة ..
بس نصيحة مني لك ولكل الأخــوان المبتدئين ..
ادخلو مع البوتات ..
وخل معاك طور هارد ضد 3 نورمال ..
وشوي شوي خل الهارد يكون نورمال ..
وبعدها يكون إيزي ..
وبعدها بروحك ..
والله بيتطور لعبك ..
ولا ننسى الـCamping ..
،

[BiN-3Li]

مشكور اخوي وماتقصر
بس سؤال هل في طريقة الواحد يشوف اعادات النسخ الجديدة لانه نسختي 1.07 وماني قادر اشوف الاعادات اللي في المواقع

[Education]

العفو..
لا ، لازم تكون منزل تحديث لنسختك..
بحيث تكون بنفس تحديث نسخ اللاعبين اللي يلعبون بالإعـادة..
ولتنزل التحديث ادخل ..
www.battle.net
بتلاقي على اليسار تصميم فلاش ..
اختار WaCraftIII ..
بعدها Files ..
واضغط CTRL + F ..
واكتب "Patch" واضغط انتر ..
وادخل للصفحة المناسبة ..
وأنصحك تحمل التحديث الأخـير ..
وتريح نفسك
وانصحك بأقوى موقع إعادات..
www.wcreplays.com ..
وأنا شخصيــاً طورت مهاراتي عن طريق اعادات هالموقع
والسلام ختام ،،،

[بوجاسم+]

عندي سؤالين ؟؟

الأول : نسختي 1.00 شلون أطورها

الثاني : كلمات السر ما تشتغل ؟؟

[Ner'zhul]

ولا ننسى الـCamping ..

Campaign *

--

الأول : نسختي 1.00 شلون أطورها

بالتحميل من موقعهم أو بالطريقة الأسهل والأكثر فعالية انك تتصل بـBattlen.net من واركرافت وهو بيحملها لك على طول وبدون وجع راس.

الثاني : كلمات السر ما تشتغل ؟؟

بتشتغل في الـCampaign اللي هو القصة وتأكد من الـSpelling بدون مسافات أو أخطاء ثانية.

[Ner'zhul]

- في طور القصة لعبة ب راكساس وخلصت الشابتر الاول واتفاجاء انه يطلب مني التكمله من الباتل نت فهل التحديث راح يكملل المرحلة ؟
راكساس ؟؟
ما سمعت فيهـا !!

الأخ يقصد ريكسار Rexxar

نعم في الـUpdates الجديدة بتنزل المرحلتين الباقيات
2-Old Hatreds
3-A Blaze of Glory
وهي احدى أمتع المراحل في واركرافت.




-
شيء آخر أخوي Education

الأنديد بالعكس أقوياء جداً ضد الجو سواءً بالقارقويلز الأقوياء جداً، أو بالطريقة الفعالة أكثر،الـWeb الشبكة حقت العناكب Crypt Fiends.

[Education]

Campaign *

الأنديد بالعكس أقوياء جداً ضد الجو سواءً بالقارقويلز الأقوياء جداً، أو بالطريقة الفعالة أكثر،الـWeb الشبكة حقت العناكب Crypt Fiends.

لا لا انت ما فهمت قصدي..
اللي كنت بقوله انهم اضعف الـRaces ضد الجوي..
ولو تسوي مقارنة بين الـRaces بـتلاقي الأنديد الأضعـف ..

ما قلتلي يالطيب انت تلعب بأي ريس ؟
انا بـOrc ..

[Silver Wolf]

لا لا انت ما فهمت قصدي..
اللي كنت بقوله انهم اضعف الـRaces ضد الجوي..
ولو تسوي مقارنة بين الـRaces بـتلاقي الأنديد الأضعـف ..

ما قلتلي يالطيب انت تلعب بأي ريس ؟
انا بـOrc ..

بالعكس .. اخوي لاتنسى السبايدر ويب ..
انت اهم شي اذا خمنت ان عدوك راح يستخدم الهجمات الجوية
اول شي تفكر تسويه هو تطوير الويب !!
وايضا تقوي الCreeps في الGraveyard صدقني بهالطريقة ماراح تعاني مشكلة مع الغارات الجوية

[Ner'zhul]

وفعلاً قصدي نفس ما قال Silver Wolf هم في الـAnti-Air احسن شيء الويب، اما إن كانك تقصد Air Vs Air فالقارقويلز أقوى من الـWyvrens والGyrphon Riders والـGyrocopters ولكن يهزمه الـHippos، في Reign of Chaos.
أما في Frozen Throne فالقارقويل اقوى من الـWyvrens والـGyrocopters فقط ويهزمه الHippogryph والـGyrphon Riders.

وأنا ألعب أنديد

[Education]

شوف من ناحية الجوي الـOrc لا يعلى عليهم..
عندهم troll batrider..
الإنتحاريين ضد الجوي ..
رعب الجوي
وطبعـاً كل ريس له مميزاته..
بس بالنسبة لي أشوف الأورك أفضل مميزات
وأنا اكره الآنديد..
ما أحبه -_-

[Silver Wolf]

صحيح كل ريس له مميزاته

الاورك يمكن ممتع اللعب فيهم ... خصوصا انك بامكانك تنهي اللعبة باستخدام الGrunts فقط لانهم اقوى وحدة اولية فاللعبة ...

لكن انا مااعرف العب الا بالانديد واطقطق بالاوركس ... الهيومان او النايت الفز لا تسألني فيهم !

بما انك تلعب اوركس جرب استخدم الGoblin Shredder ترى بيفيدك كثير في تجميع الخشب ... خصوصا اذا كنت ناوي تطول في المباراة ...
الاوركس يستهلكون الخشب كثير

[BiN-3Li]

شباب عندي النسخه كوبي
وحاولت اركب الباتش موب راضي
يحتاج كراك وي احصله لانه اللي عندي مايركب

[Ner'zhul]

إنا لله وإنا إليه راجعون..

أخوي بن علي أشتر اللعبة أصلية مع CD Keyأصلي وموب جايك أي مشكلة فلا تحاول بأي طريقة انك تخترق حماية Battle.net لأنك منتب قادر وحتى لو قدرت لن تلعب فيها كما يلعب الآخرين ممن لديهم سي دي كي أصلي.
وتأكد ان ما فيه شيء ببلاش ومافيه مشاكل.

يعني بالعربي الحل لـ كل مشاكلك اشتر اللعبة أصلية..

[Education]

صحيح كل ريس له مميزاته

الاورك يمكن ممتع اللعب فيهم ... خصوصا انك بامكانك تنهي اللعبة باستخدام الGrunts فقط لانهم اقوى وحدة اولية فاللعبة ...

لكن انا مااعرف العب الا بالانديد واطقطق بالاوركس ... الهيومان او النايت الفز لا تسألني فيهم !

بما انك تلعب اوركس جرب استخدم الGoblin Shredder ترى بيفيدك كثير في تجميع الخشب ... خصوصا اذا كنت ناوي تطول في المباراة ...
الاوركس يستهلكون الخشب كثير

أوووخ..
Goblin Shredder يسوي العجايب..
خصوصا في خريطة lost temple ..
طلع عامل ببداية القيم يطلع اثنين ..
بس غاليين شوي..
350 على ما اظن..
وبالنسبة لمشكلة الخشب هذي سهلة..
مبنى التطويرات War Mill ..
تبنيه عند الخشب ..
وتخلي عمال الخشب يكسرون الخشب عند هالمبنى..
تاخذ خشب بسرعة ..
وتفيدك ببداية القيم ..
وغلطان حدك ، النايت إلف سهل تعلمهم ، عندهم الدببة يسوون بلاوي
والهيومن أقوى سحرة عندهم
وبعدين من مميزات أورك ، ان هيرواته أقوى هيروات في army vs army..
خاصة shadow hunter + TC ..
وآنديد مميزات خطيرة..
البناية بلمسة واحدة هذي عاجبتني

[mgs7]

هلا شباب



عندي سؤال وشي تنصحوني اسوي هل اشتري اللعبه اصليه وبكم السعر ووين في الشرقيه او احاول في هالتحديثات الي مي رضيه تركب مع ان الاخ فلنطس قال الكوبي عادي

[OctoBot]

أنصحك تشتري أصلية إذا تبغى تلعب عالنت, غير كذا ما في سبب.
أنا شخصيا شريتها تقليد, لعبتها كثير و لمن صرت ألعب زين و حبيت اللعبة رحت شريتها أصلي عشان أستمتع عالنت.

[Gentleman]

الموضوع استمر لسنتين .. وهو من المواضيع القديمه ..

يمنع رفع المواضيع القديمة والتي تزيد عن شهرين ..

الموضوع مغلق ..

وشكرا ..