المشاركة الأصلية كتبت بواسطة Yoshimetsu
شوف وارشيف كل شركه سواء كانت كبيرهـ او صغيرهـ همها الأول هو الربح اكيد ..
اجل ليش فاتحين الشركه عشان نساعد الناس ونقدر ظروفهم اكيد لا
ومافي احد مجبور يلعب اللى عاجبته اللعبه حياهـ الله واللي مو عاجبتهم هو حر في نفسه يلعب اللى يبي ,,
لاكن للامانه اكثر إكسبانشن خاب ظني فيه كثير هو الكاتا وكثير من الناس
تأيد كلامي وانا فاهم ليش انت معصب ,, من حقكـ بصراحه لاكن صدقني مهما
كان سوء اللعبه ومهما صار فيها من نيرف وبلاوي
إذا انت تلعب مع مجموعه خاصه فيك ( شباب القلد ) ( Frindes IRL ) ماراح تحس بالفرق الشاسع او الكبير ,,
انا إذا بليزرد عملت نيرف لكل ال Warr مو مشكله جرب كلاس ثاني يمكن تبدع فيه أكثر !
صحيح احنا نطلب من بليزرد تهتهم في شغلات اخرى مثل
المناطق / اشكال الملابس / البلانس في ال game واخرى غ ـيرها ..
وحاجه ثانيه خى لو ظهرت تيتان مو معناته ان واو راح تموت ..
صحيح راح يخف اللعيبه وتخف السيرفرات وراح يقلصون منها لاكن
متأكد راح تبقى متواجدهـ ,,
سلام
انا بسألك سؤال
الحين في لعبه ووركرافت مجانيه , بدون فلوس وبدون اي شي مجرد انك تسجل وتلعب واللفل بسرعه تلفل
اقصد fun server او private server
ليش ماتروح تلعب انت فيهم دام مجانا و نفس اللعبه ؟
انت وباقي الشباب ليش ماتروحون تلعبون ووركرافت مجانا ؟
انا بجاوبك , لأن ماكو متعه فيها , ماكو ناس
تلعب شنو تسوي ؟ انت بروحك هناك تدخل رايد وتخلصه بدون ماتحتاج احد
عرفت المتعه وين الحين
مع انهم نفس اللعبه ونفس كل شي , لكن هذي مجانيه و هذي بفلوس
المتعه تحصلها لما تشوف ناس معاك تلعب , اما اذا كانوا الناس قليل ماراح تحصل متعه وتقول العب بلاي ستيشن او اكس بوكس احسن
اذا نزلت جيلد وور 2 كثير من الناس راح تروح تلعبها , فيهم اللي يعرفها ولاعب الجزء القديم وفيهم اول مره يلعبها نفسي
راح نكون فوق ال6 ملايين لاعب
تيتان انا للأمانه مااعرفها ولا عمري شفتها او سمعت عنها الا من خلال بعض الاخوه بالموضوع هذا
تيتان حسب علمي انها جديده , واكيد راح تكون بنفس مستوى جيلد وور 2 و ليس بمستوى ووركرافت اللي صارلها 8 سنوات
والشباب في ووركرافت راح يروحون يلعبونها غير اللي اول مره يلعبها
ووركرافت اللي تلعبها الحين راح تصير بنفس مستوى السيرفرات الخاصه fun server
راح تدخل وماتشوف شي جديد ولا تشوف ناس , راح تمل وتقول بغير الى جيلد وور 2 او تيتان لأنك في ووركرافت يمكن تقعد اسبوع عشان تدخل دنجن
او 10 ايام عشان راندوم باتل جراند
اذا كان كل شي بطيئ على طول راح تغير ان كنت من هواة هذي الالعاب
واعتقد بليزرد راح تخليها مجانيه <اقص ايدي> لأن ماكو احد وتسوي دعايه للعبتها الجديده , او مجانيه للي اكاونتهم صارله 5 سنوات وفوق
صدقني راح تموت اللعبه هذي , واذا قلت لا مابي اغير وقعدت سنتين تلعبها من صدور الالعاب الجديده
راح يجي اليوم اللي تغير فيه , وتدخل مثلا جيلد وور 2 وتشوف الناس لفلهم 70 , تقول ها شنو صاير ؟ يقولولك كنا لفل 60 ودخلها رايد ودنجن , تفس ووركرافت ايام لفل 60
لأن اغلب الناس دخلوا naxx في لفل 80 و ايام لفل 60 ما لحقوا عليه لأن فكروا يدخلون اللعبه متأخرين
انت جذي راح تصير معاك , تشوف ان نص المتعه باللعبه راح عليك