عضو في غرفة التحقيق

[GM Head]

و جاء الجلاد جيم (الأخ متحمس)

س1:ما هي أحزن لقطة لأنمي عندج؟

س2:ما هو أفضل مسلسل أنمي مدبلج للإنجليزي او العربي من وجه نظرج؟

س3:ما هو نوع الفوبيا(مرض الخوف) عندج؟

س4:هل مر بأنكِ تريدين أن تقولين لصديق لكن شيء يمنعكِ من أن تقولينه مع أن صداقتكم قوية؟

س5: ما هي وجه نظرج كونك عشت في بلد لم يمر عليه حروب خلال 300 عام و ترين أشخاص يتعاطفون بكل سهوله مع الظالم؟

أكتفيت بأسئلتي هذه المرة يا القاضية

[Loly]

باااال !!
كل هالاسئلة؟!!!
حرااااام
______________________________________________
: شو هو اظرف موقف مريتي فيه؟؟
هههههههههه هو موقف واحد بس يتكرر واااايد ،و مريت فيه الاسبوع الي طاف ،معظم و أغلبية البنات الي معانا(أنا و روري)ما يكتشفون اننا خوات الا بعد فترة ،شهر او اكثر ،دايما يفكرون اننا بيست فريندس
و ينصدمون في النهاية ،لان روري ما تشبهني ابدا،مختلفين180 درجة في الشكل و التصرفات ههههه...
-----------------------------------------------------------------
اتحبين اختج روري ؟
هممممممممم.........اي احبها بس لا تقولين لها :6

شنو الشعورإلي تحسين فيه لين تبين شخص يفهمج و هو مايحس ^ ^؟و شنو خاطرج تقولين له ؟
أولا اقولج at homeلاني منبهتج كم مرة ما تجيبين هالسيرة جدام حد :غضب:
خاطري اقول............:":
ليش ما تحسسسسسسس !!! :"

شنو الطلب إلي يمللج دايما وودج لو يوقف ؟
اوكي، ما احب حد يجبرني على شي ...
حتى في الرسم،احيانا ما اكون في المود بس انجبر ارسم عشان محد يزعل :":
من مثلج الأعلى بالمنتدى و خاطرج تصيرين مثله ( و لا تقولين انا !!) ؟
ههههههههه شنو هالثقة!!! من قال انت ؟؟!
ههههههههههههههه لا امزح معاج حبيبتي، روري و أكيد إنت مثلي الاعلى في الرسم ;-)
بس من المنتدى ....في ناس بس مابي احدد اسماء ....
----------------------------------------------------------------------

ليش اشتركتي بليلة راس السنة ؟ 31/12/2001
اتصدق توني ملاحظة!!

- سجلتي من زمان .. عدد مشاركاتج قليلة >> لقافة ادري
شي طبيعي،لاني طالبة جامعية و احب احافظ على مستواي العالي في التقادير،و مب لازم اضيع وايد وقت ع النت ..

شنو حيوانج المفضل ؟ .. وهل تريبنه ؟ .. ولو ما تربينه .. شنو الأسباب ؟
القطاوة (القطط)، كنت اربي بس حاليا لا، السبب ..ماما .......


أكلتج المفضلة ؟
الأيس كريم !!!!

شنو مثلج في الحياة ؟
عندي واايد بس احب المثل(عامل الآخرين كما تحب ان يعاملوك)
-------------------------------------------------------------------------

سوري بس قريت سؤال يضحك...لووووووووووووول
ميراااااج :غضب:
------------------------------------------------------------------------: شو الهوايات اللي تمارسينها غير الرسم ؟؟
احب اقعد مع الoct،احب السباحة(عندنا بركة في البيت) ،تنس الريشة(دايما اغلب الكابتن روري، )،سماع الموسيقى و أخيرا متابعة المانجا...

شو تحبين أكثر من نوعيات الأنمي ... اللي فيها أكشن وعنف والا دراما ؟؟ رومانسية والخ من هالأمور ؟؟؟
انا احب القصص الي فيها فانتسي و الآكشن و الكوميدي، بس هو يعتمد على القصة نفسها و موضوعيتها ....و ما احب السخافات الي يزودونها بالأنيمي

لو قالولج بنغير لون المنتدى من الألوان الزرقاء الى لون آخر ... شو اللون اللي بتختارينه ؟؟
وردي فااااتح (الاولاد بيطلعون من المنتدى) !!!


من اللي أتى أول برأيج ... البيضة والا الدجاجة (لازم تختارين واحد منهم)؟؟
يا ماما شنو هالسؤااال ؟؟؟!!!
اوكي اوكي,,اظن البيضة ،؟؟؟؟؟؟؟؟!!!! _بس الدجاجة هي الي جابتها؟؟!!!_ ?:

-------------------------------------------------------------------------

- هل عندك خلفية أن الأعضاء من أول يوم أسئلتهم كثيرة على خلاف نيو سيد ، ليش يا ترى ؟
لا،، مادري ليش ...

- هل أنت مشتركة في قروبات للياهو أو شئ شبيه له ؟
لا...
3- شنهي أحلى نكتة سمعتيها ؟
همممممم......يمكن النكته سخيفة بس اتذكرني بوحدة احبها
فار يجر اسد ميت بالغابة،شافو الحيوانات و صفقو له، التفت عليهم و قام يرفس الاسد و يقول: أنا لما اعصب ما ارحم :غضب:

- إيش أفضل لبن عندك ؟ ( بعد لبن -بو لبن- طبعا )؟
بولبن بلا منازع..لووول!!!
------------------------------------------------------------------------

-عدّدي الأفضل خمسة أنيمي لديكِ؟
trigun
please save my earth
card capture sakura
orphen
hellsing
ما هو فيلمِك المفضّل؟لماذا؟
brave heart،الفلم معبر و بعدين كفاية ان ميل جبسون يمثل فيه.

شنو أملِك و طموحِك بالرسم؟
امالي و طموحاتي كبيرة وااايد،منها اني اتمنى اشترك في انتاج انيمي للعرب ،او حتى كوميكات بسيطة و هادفة..و محتفظه بطابعنا العربي..

-لو نزل الأنيمي الموعود من شركة ألوكاردكو هل تتوقّعي له النجاح الأمثل ؟
لو انت راسمه ,,,,,,,أكيييييد !!
ليش سأل ألوكارد السؤال السابق برايك؟
أكيد يشتغل في شي من ورانا ;-)
ما هو أصعب شي في الصداقة برايك؟
الفراق ...
رضى الناس غاية لا تدرك)متى تأكدتي من صحة هالمقولة؟(موقف مثلاً)
هممممم....أنا ما تأكدت من هالمقولة بعد،ما مريت بمثل هالمواقف ?:

-(الإنسان عدو ما يجهل)برايك ما مدى صحّة هذا الكلام لو فرضنا أن ما يجهله هذا الإنسان هو شخص آخر؟
صحيح على حسب علمي،لان كثير من الناس يحكمون على الشخص قبل ما يعرفون جوهره ..
باتسو:بالله هذي أسئلة يا ألوكارد!؟


-شرايك في نيكو ذا شيمبرليت؟
ههههههههههه ماعرفه بس الاسم يضحك ،صعب النطق !!!

-----------------------------------------------------------------------
- شخبارج اليوم؟
تعبانة..
2- انتي تخصصج فنيه صح؟ لومادخلتي التخصص اللي انتي فيه، شنو التخصص اللي ممكن تفكرين فيه؟
صح،/ انجليزي...

3- من متى تعرفين الاعضاء التاليين:

روري: من يوم انولدت ..
ميراج:من ايام الاعدادية و هي روريز بيست فريند .
المها: صديقة روري و الحين صديقتنا كلنا لانها حبوبة!!
زومبي:أول سنة لي بالجامعة و هي الي عرفتناعلى توتو و من توتو عرفنا نيكي و كتشب و ونتر سول..
رانزي:آخر وحدة عرفناها و لين اليوم احمد ربي اننا كسبنا صداقتها..

4- في قصص انتي مألفتها؟ كم عددها؟ ممكن تعطينا فكره عن قصة او قصتين؟
عندي قصص،ينعدون عالاصابع منهم
dear sister......(مشترك مع روري )
fangs of darkness
marbil
bulits of justice(مشترك مع روري)
colors of love(مشترك مع توتو و ونتر سول)
و كثير غيرهم ....
أحب قصة لقلبي هي أختي العزيزة،الي بدينا انا و روري انألفها من أيام الروضة و هي تحكي عن يوميات اختين(روري و لولي)الي بينهم اختلافات كثيرة و مع ذلك ما تمنعهم هالاختلافات من انهم يكونون أفضل اختين بالدنيا.. بااال اتذكر لما كنا نلعب الادوااار و نغير اصواتنا ،و لين الحين انسويها!! :"

5- من متى بديتي ترسمين؟ ومن اللي يساعدج في رسومج؟
من نعومة أظافري،و محد ساعدني،هاي موهبة من ربي ، أنا و روري كنا و ما نزال انشجع بعض ..

6- ليش مشاركات الاوسيتي قليله؟ يعني ماشوف الا توتو اللي تعرض رسومها..
لأني مب فاضية و ما عندي وقت ...الدراسة ماخذة وقتي ..
- (سؤال ختير).. ليش مادخلتي الجسر الاكاديمي هههههههههههههههه..
أنا أسأل نفسي هالسؤال ...
---------------------------------------------------------------------------
س1:ما هي أحزن لقطة لأنمي عندج؟
في فقرة في بليز سيف ماي ارث،كان البطل مع فريق من الباحثين في القمر و بدوا يموتون واحد وراء الثاني بسبب مرض و في الأخير ماتت حبيبته و تم يصيح عليها ،و ما بقى غيره عالقمر و تم عايش 8 سنوات بروحه و كان بينتحر لولا ان حبيبته وصته انه ما يموت نفسه ،و لما اصيب بالمرض تم يضحك هستيريا لانه فترة الوحدة انقضت :"

س2:ما هو أفضل مسلسل أنمي مدبلج للإنجليزي او العربي من وجه نظرج؟
انجليزي :مافي واحد معين،بس بقول trigun
عربي:أسرار المحيط و عهد الاصدقاء و أنا و أخي..
س3:ما هو نوع الفوبيا(مرض الخوف) عندج؟
مب فوبيا!!بس أخاف من الصراصير،مب لدرجة الصراخ نفس توتو
س4:هل مر بأنكِ تريدين أن تقولين لصديق لكن شيء يمنعكِ من أن تقولينه مع أن صداقتكم قوية؟
لا الحمد لله ،صداقتنا قوية وايد،حتى لو ما عجبني تصرف بدر منهم أقولهم بيني و بينهم و ما أحطه بقلبي...
س5: ما هي وجه نظرج كونك عشت في بلد لم يمر عليه حروب خلال 300 عام و ترين أشخاص يتعاطفون بكل سهوله مع الظالم؟
أنا ما فهمت السؤال عدل بس ما أقول غير الحمدلله على كل شي و حسبي الله و نعم الوكيل ..
____________________________________________________
الحمد لله عدت هالمرة على خير
بس متى الافراج؟؟!!!
تحياتي،الضحية
أقصد المتهمة لولي

[Madoka]

سلام ^_____^

اشلوووونج عزيزتي لولي ؟ الصراحه ودي اشوفج تشاركين أكثر بالمنتدى ^^ و أكيد كل الأعضاء ودهم هالشي بعد ...

أسئلتي روتينيه شوي ^^ بس لان محد سألها راح اسألج انا

- كم عدد اخوانج و خواتج ؟
- شنو مركزج بينهم ؟
- كم وزنج ؟ طولج ؟ لون عينج ؟؟ ^^
- لو قررتي تربين قطوه الحين ^.^ شنو راح تسمينها ؟

- منو من الفنانين المشهورين (اليابانيين اقصد) اللي تحسين اهو انشهر لكنه ما يستحق هذي الشهره ^^! ؟
- من متى تعرفين مادوكا ؟ ( الشخصيه الأصليه مو انا ! ههههه)
- شرايج بمسلسل ليدي ليدي ؟

- شنو الشي اللي سويتيه و ندمتي عليه طول حياتك ؟
- شنو الشي اللي ما سويتيه و ندمت لانج ما سويته طول حياتك ؟ :0) سؤال معاد ^^

و سلامتج ^___________^

[Bu Laban]

الله أكبر ... :واو:

حرام عليكم راحت فيها البنت ( كسرت خاطري :": ) .. بس أقول وسيعة صدر .. (ماشالله :-) )

أنا بسأل سؤال واحد (أو أكثر) :

1- إذا شفتي فقير و عطيتيه من اللي عندك بس بدال ما يرد عليش بالحسنى قاللك (هذي مب كفاية .. :غضب: ) شبيكون موقفك ؟

2- إذا كان معدل الأسئلة في تزايد يوميا ، هل ستصمدين أم (ستعترفين :6 ) ؟



خلصت أسئلتي و إذا نشف ريقك من الإجابة على الأسئلة هذا كوب لبن تشربينه بالهنا و الشفا ( من إنتاج مزارعي .. )

[alucardracula]

السلام عليكم
ممتازة يا لولي!;-)
فرييييييدوووووووم!
..
..
..
-شنو أكثر موقف عجبِك في بريف هارت؟
-شنو أكثر موقف حزين(يا كثرهم)في بريف هارت؟:"
-شنو بعد من أفلام تعجبِك الى ميل جيبسون؟
-ممثّل آخر يعجبِك تمثيله غير ميل جيبسون؟
-عدّدي ثلاثة أفلام تعجبِك؟
باتسو:و اللي يرحم والديك بس أسئلة عن الأفلام..و عطها أسئلتي..
ألوكارد:أوكي
..
..
باتسو:
-شنو أحلى شي يطير؟
-من هو أكره فامباير في الوجود؟
-من هو الطيّب طبّاخ القصر؟
-متى بينتقم ألوكارد من البشر على اللي سوّوه في العم فلاد؟
-كيف راح يقدر يحقّق الإنتقام؟
ألوكارد:اسئلتك مُملّة يا باتسو أنصحِك لا تجاوبي عليهم يا لولي..
باتسو:وات ايفير
..
..
بالتوفيق يا لولي..الحين خلني أروح الى نيكو ذا شيمبرليت صاحبي

[MeMe CHaaN]

واااااااااال.. يا حليلج يا لولي..
والله كسرتي خاطريه من الخاطر.. لووووووول..

كنت بسألج أسئلة.. لكن لا يكفيج الي عندج.. بخليها لين باجر.. لووول

لولي.. حبيبتي.. لا تكرهيني إنزين... :":

و هي مشكورة والله انتي الفنانة و إجننين..;-)

تحياتي..
ميمي.......

[mirage]

عندي كم سؤال لج حبوبة...

1- شرايج بالمسنجر...؟

2- شودج اتسوين باللي ياخذون رسماتكم ويعرضونها في مواقع ثانية على اساس انه رسمهم..؟
(ان شاء الله يحترق كمبيوترهم :غضب: ..وهم للحين ما حفظوا ملفاتهم المهمة )

3- شالنصيحة اللي توجهينها لي ولج؟؟؟؟؟;-)

ان شاء الله المرة الياية الدور يكون على روري...هههههه

[Loly]

الله يستر!!!
_______________________________________________
- كم عدد اخوانج و خواتج ؟
4 خوات
_اخوان

- شنو مركزج بينهم ؟
الثانية.
- كم وزنج ؟ طولج ؟ لون عينج ؟؟ ^^
:! ..................
مادوكا حبيبتي.....أعرف ان نيتج حسنة و ما تقصدين شي، بس هالسؤال مستحيل أجاوب عليه ،لانه في وصف و مب حلوة أوصف نفسي و أنا بنت أكيد فهمتي قصدي،عالعموم حصل خير
و ياريت بعد باقي الأعضاء يبتعدون عن الأسئلة الي فيها وصف ..
- لو قررتي تربين قطوه الحين ^.^ شنو راح تسمينها ؟
الله قطوة!! ^^ ،هممممممم بسميها توتو(يمكن اتجيب لي الحظ)

منو من الفنانين المشهورين (اليابانيين اقصد) اللي تحسين اهو انشهر لكنه ما يستحق هذي الشهره ^^! ؟
انا الصراحة ما أتابع الفنانين اليابانين ،فماعندي فكرة عنهم ...
- من متى تعرفين مادوكا ؟ ( الشخصيه الأصليه مو انا ! ههههه)
أعرفها من أيام الابتدائية،و كنت أموت عليها !!كانت صورها تطلع على ستيكرز مع علكه بابل هههههه،و كانت هوايتي أجمع صورها و للحين الصور عندي -_^
- شرايج بمسلسل ليدي ليدي ؟
أحب الشخصيات سارا و آرثر و ادوارد ,و القصة حلوة بس ليدي نفسها اتحرني!! صياحة و شخصيتها ضعيفة و حساسة زيادة عن اللزوم ،غير انها دلوعة!!

- شنو الشي اللي سويتيه و ندمتي عليه طول حياتك ؟
- شنو الشي اللي ما سويتيه و ندمت لانج ما سويته طول حياتك ؟ سؤال معاد ^^
الصراحة ماعتقد اني ندمت في يوم على قرار اتخذته أو ما اتخذته،لاني أفكر وااايد قبل ما أتخذ أي قرار ،و اذا أخطأت فأتحمل المسؤلية لان القرار كان قراري من البداية،و الندم ما بيفيد ..
و الله يسلمج على أسئلتج الخفيفة ^ ^
----------------------------------------------------------------------
1- إذا شفتي فقير و عطيتيه من اللي عندك بس بدال ما يرد عليش بالحسنى قاللك (هذي مب كفاية .. ) شبيكون موقفك ؟
بأستحي و بأعطي له زيادة، بس في مخي بقول:طرار و يتشرط :غضب:


- إذا كان معدل الأسئلة في تزايد يوميا ، هل ستصمدين أم (ستعترفين ) ؟
سوف أصمد الى النهاية ‍‍‍‍!!!
و مشكور على كوب اللبن !!!يمييي لذيذ..!!
--------------------------------------------------------------------
شنو أكثر موقف عجبِك في بريف هارت؟
لما كان ينصح الجنود و يقولهم ان الأعداء ممكن يآخذون مننا كل شي
BUT THEY CAN NOT TAKE OUR FREEDOM !!

شنو أكثر موقف حزين(يا كثرهم)في بريف هارت؟
اي والله يا كثرهم‍‍‍‍!!
أولا حبيبته قبل ما تموت،مسكوها الاعداء و كانت اتدور عليه بعيونها (كان عندها امل ان يظهر فجأة و ينقذها) بس ذبحوها المجرمين :"
و الثانية الأحلى،في النهاية قبل ما يذبحونه ‍‍‍‍!!!لما صرخ
FREEEEDOOOM و طاح المنديل من يده :"

شنو بعد من أفلام تعجبِك الى ميل جيبسون؟
كل أفلامه حلوة‍‍!!ليثيل ويبون 3،2،1
مان وذ أوت أ فيس
باتريوت.....الخ
ممثّل آخر يعجبِك تمثيله غير ميل جيبسون؟
ويل سميث و جيم كيري
-عدّدي أربعة أفلام تعجبِك؟
_bad company(هاي شفته في السينما مع روري و زومبي و المها و رانزي و ميراج !!!)
_enemy at the gates
_harry potter
_my best friends wedding
شنو أحلى شي يطير؟
الخفاش و خاصة باتسو

-من هو أكره فامباير في الوجود؟
هممممممم ...ماعرف!!
-من هو الطيّب طبّاخ القصر؟
يمكن إنت...بس لو طيب عيل ديث!! لوول
-متى بينتقم ألوكارد من البشر على اللي سوّوه في العم فلاد؟
بسأله و بقول لك،بس انت أقرب ليش ما تسأله بنفسك؟؟

كيف راح يقدر يحقّق الإنتقام؟
ماعرف ،مين فلاد أصلا؟؟!!

ألوكارد:اسئلتك مُملّة يا باتسو أنصحِك لا تجاوبي عليهم يا لولي..
من ناحية مملة معاك حق!!بس اتضحك ^^
--------------------------------------------------------------
لولي.. حبيبتي.. لا تكرهيني إنزين...
لا حبيبتي ،أنا مستحيل أكرهج ;-)
-------------------------------------------------------------
1- شرايج بالمسنجر...؟
ههههههه حلو بعد ما أدمنت عليه
2- شودج اتسوين باللي ياخذون رسماتكم ويعرضونها في مواقع ثانية على اساس انه رسمهم..؟
نفس الكلام!! ان شاء الله يحترق كمبيوترهم ..وهم للحين ما حفظوا ملفاتهم المهمة :غضب:

3- شالنصيحة اللي توجهينها لي ولج؟؟؟؟؟
Grow up
و اشتروا لعبة السيمز ;-)
________________________________________________
الحمد لله الجلسة الثالثة و عدت على خير
الله يصبرني :"

[Ranma Saotome]

هعهعهع انا ببدأ بالجوله الثالثه..

مشكوره على سعة صدرج واجابتج لكل اسئلتنا..

اسئلتي:
1- سؤال توقعتي احد يسئله لكن ماشفتيه؟ وشنو اجابتج عليه؟

2- سؤال كان ودج تنسألينه لكن محد قاله؟ وشنو اجابتج عليه؟

3- من يتابع انيمي اكثر، انتي ولا روري؟

4- لو كان في فرصة ان تقابلين احد عضوات المنتدى، من اكثر وحده تتمنين تقابلينها؟

5- في مره فكرتي تتركين المنتدى نهائيا؟

6- اكثر بلد زرتيها وحبيتيها؟ بلد مازرتيها وتتمنين تزورينها؟

7- تعرفين مندرين؟ هعهعهع... لو تعرفينه، شنو العصير اللي تشربينه هناك؟

سوري على الاطاله.. have a nice day

و ايه سؤال اخير:
عسى ماشر ليش تعبانه؟ (لما جاوبتي على اسئلتي السابقه)

باي

[Neo Cid]

واااااااااااااااااااااو ..

الله يعينج لولي ..

مشاء الله .. الاسئلة فيها حماس كبير و منافسة من الطرفين ..

والله مادري شسأل .. هذول ما خلو لنا شي نسأل فيه . :":

اسألتي هي :

1- اشرايك بفيلم سيد الخواتم ( ذي لورد اوف ذي رينجز ) ؟

2- هل جميع أخواتج بالمنتدى ؟

3- شنو علاقتج بخلود و فطوم ( قرابة ) ؟

هذول اسألتي الحين على الخفيف .. بس بعدين بكثر .. ":" ":"

سلام ..

[GM Head]

أوكي أنا آسف عدم وضوح السؤال الأخير مني...

خلنا نكمل الأسئلة:

س1:ما الذي يأتي في بالج عندما تسمعين هذه المقولة المشهورة "كونوا أحرار في دنياكم"؟

س2:ما هو الفكرة التي يأتي في بالج عندما تسمعين الكلمات التالية:
-الحمامة
-الأسد
-السور
-الزنبق

س3:هل تحبين الأشياء الظريفة(Cute) ؟

س4:إذا أردتي أن ترسلي بطاقة معايدة لشخص عزيز , ما هي صورة الغلاف المناسبة له؟

س5:ما هو إنطباعج من الألوان التالية:
-أحمر
-أخضر
-أزرق
-أصفر

[Loly]

أوكي....
here we go again!!!
_______________________________________
1- سؤال توقعتي احد يسئله لكن ماشفتيه؟ وشنو اجابتج عليه؟
اتوقعت حد يسألني:
من أكثر وحدة اتحبينها من الoct?
اجابتي بتكون :أحبهم كلهم كثر بعض و كل وحدة منهم لها معزة و مكان خاص في قلبي!!بس أكيد معزة روري زيادة شوي ،لانها اختي!!
- سؤال كان ودج تنسألينه لكن محد قاله؟ وشنو اجابتج عليه؟
اذا كان ممكن تختارين عالم خيالي اتعيشين فيه من أنيمي أو كارتون معين ،شنو بتختارين؟
ههههههههه،الإجابة يمكن اتضحكم بس أنا من طفولتي أتمنى أعيش في
وادي الأمان !!
3- من يتابع انيمي اكثر، انتي ولا روري؟
نفس الشي تقريبا ،لأننا نشوف كل شي مع بعض،و على فكرة احنا مب من المتابعين الدائمين للأنيمي و أخباره ،يعني الأنيمي مب شي أساسي عندنا،صج انحبه و نشتري شغلات بس مب مهوسين فيه،ومب أي أنيمي يجذبنا..

4- لو كان في فرصة ان تقابلين احد عضوات المنتدى، من اكثر وحده تتمنين تقابلينها؟
في واايد !! ماقدر أختار منهم!! الي هم سارا ساما و مادوكا و ميمي شان و تي إم ثرتين و واينا و لينير !!

5- في مره فكرتي تتركين المنتدى نهائيا؟
ههههههه...بكون صريحة معاك، فكرت في هالشي أكثر من مرة!! ^ ^
6- اكثر بلد زرتيها وحبيتيها؟ بلد مازرتيها وتتمنين تزورينها؟
البلد الي حبيتها السعودية (في مكة المكرمة)
الي أتمنى أزورها.........اليابان :"

7- تعرفين مندرين؟ هعهعهع... لو تعرفينه، شنو العصير اللي تشربينه هناك؟
لا ما أعرفه... ?:

عسى ماشر ليش تعبانه؟
تعبانة من الجامعة و بلاويها ....
و شكرا رانما،أسئلتك حلوة و خفيفة ^^
--------------------------------------------------------
1- اشرايك بفيلم سيد الخواتم ( ذي لورد اوف ذي رينجز ) ؟
ماشفته !!! بس خاطري أشوفه،أفكر اشتري الجزئين الأول و الثاني !!

2- هل جميع أخواتج بالمنتدى ؟
لا ،بس روري...


3- شنو علاقتج بخلود و فطوم ( قرابة ) ؟
ههههه...ياريت!!
مجرد صداقة،بس توتو أعتبرها أكثر من اخت لي :0)
--------------------------------------------------------
س1:ما الذي يأتي في بالج عندما تسمعين هذه المقولة المشهورة "كونوا أحرار في دنياكم"؟
المقولة ما تعجبني، لاني احس مغزاها ان الانسان يعمل الي في خاطره و يعيش للدنيا و لذاتها،و ينسى ربه و دينه،حتى الحرية لها حدود،وهي للي يفهمها و يعرف قيمتها، هاي من وجهة نظري..
س2:ما هو الفكرة التي يأتي في بالج عندما تسمعين الكلمات التالية:
الحمامة : سلام..
الأسد : توتو ،ههههههههههه
السور :قيود و حبس ..
الزنبق : حديقة في لندن اسمها ريجنس بارك!!

س3:هل تحبين الأشياء الظريفة(Cute) ؟
لا ما أحبها....
أنا أموت فيها!!!

س4:إذا أردتي أن ترسلي بطاقة معايدة لشخص عزيز , ما هي صورة الغلاف المناسبة له؟
اذا الشخص عزيز،أفضل أصمم له الغلاف بنفسي!!
س5:ما هو إنطباعج من الألوان التالية:

الأحمر : غضب/مصاصي الدماء!
الأخضر :مرح/حدائق و مروج..
الأزرق :صفاء/روري!!!
الأصفر حركة/بيكاتشو!!
_________________________________________
أشكركم شباب عالأسئلة الحلوة و السهلة
متى يخلص الاسبوع؟؟!!! ?:

[Ranma Saotome]

و بعد ابي افتتح الجولة هذي هعهعهع (الله يعينج)..
هالاسبوع بيكون طويييييييل كخخخ..
(ماتعرفين مندرين :"... اسئلي الاو سي تي اكيد في وحده تعرفه)..

المهم.. اسئلتي:

1- مطعمج المفضل؟
2- اكلتج الشعبية المفضلة؟
3- مشروبج او عصيرج المفضل؟
4- لو تاكلين كافي، شنو احلى نوع عندج؟
5- تحبين البحر ولا البر اكثر؟
6- توقعتي هالكم من الاسئلة ولا توقعتي اكثر-اقل؟
7- من اي برج؟ و أي برج صيني(سؤال اختياري)؟

8- (سؤال اختياري).. لو كان بيدج اصدار قانون او اثنين، ماهو\هما؟

أعتقد خلاص بس.. 8 اسئلة وايد..

لالا سؤال بعد ?:
9- من تتوقعين يكون الضحية الجاية؟ من تتمنين يكون؟

واسمحيلنا عالاطاله and have a nice weekend

[GM Head]

"كونوا أحرار في دنياكم",الحسين بن العلي(ع) 62 هـ في كربلاء (العراق) منادياً المسلمين بأن لا يكونوا أتباع للطغيان وأن لا تعبدوا إلا لله رب العالمين.(إضافة معلومة)

لأكمل أسئلتي:

س1: ما هو اول فكرة يأتي في بالج عن هذه الدول:

-مصر
-فرنسا
-البرازيل
-الهند
-اليابان
-لبنان

س2: ما هو أفضل لقب لمسلسل أنمي من كل نوعية:

-فانتسي
-كوميدي
-أكشن
-رياضة(أكيد من كابتن ماجد طلع له:6 )
-دراما
-آليين

س3: بالنسبة للأكلات العالمية, أي أكلة دولية مفضلة؟

س4: ماذا يأتي في إنطباعج من سماع كلمة "الوطن"؟

س5: ما هي أحلى انواع الأفلام لديج؟

[-][HaNa Sun][-]

هلا و الله بلولي في غرفه التحقيق:6

كل هاي أسئله الله يعينج:! حتى كنت بحط أسئلتي بس يوم شفت كل هذا قلت حرام أثجل عاالبنت

بس هذا يدل على شعبيتج لولي:-) إنتي محبوبه في المنتدى;-) ماشاالله

سؤال واحد بس:":


توبين مساعده في الرد على الاسئله؟.. أنا في الخدمه:6