كرسي الاعتراف

[المفنوووووده]

انا اصوت لايفل ههههههه ياويلك

[Evil Gaara]

الله يستر

و أنا ما أصوت لـ Evil Gaara

[is me]

انا بعد اصوت لايفل

اقول عاد جهز نفسك الاسئلة بتحاصرك من كل جهة ومافي مخرج

[DEATH DRAGON]

هاهاهاهاهاهاهاهاهاها
راح فيها ايفل

1- شنو اكلتك المفضله؟؟
2-باجر مباراه ريال مدريد ضد فالنسيا...راح تطالعها؟؟ ( اكيد بالمقهى مع الشيشه )
3- منو تشجع؟؟
4- منو لاعبك المفضل؟؟
5- منو حارسك المفضل؟؟
6-منو اكثر عضو تفضله بقسم الترفيهي؟؟
7- منو اكثر عضو تكرهه؟؟
8-انت ما عندك دوام ولا دراسه ولا شي؟؟
9-تلعب كره؟؟
10-شنو هو تلفونك النقال؟؟
11-تطالع المسلسلات على MBC2??
12- شنو تطالع؟؟
اخر شي:.:
13- منو مسوي توقيعك انت مسويه ولا واحد مسويه لك؟؟

[Evil Gaara]

ما شاء الله تبارك الله على الدفعة الأولى من الأسئلة

يالله إنبلّش بالإجابة

1- شنو اكلتك المفضله؟؟

عيش أبيض و تشريبة , بطاط مقلي .

-باجر مباراه ريال مدريد ضد فالنسيا...راح تطالعها؟؟ ( اكيد بالمقهى مع الشيشه )

لا والله ما أعتقد إنّي راح أطالعها بس إذا حصل لي وقت أشوفها راح آخذك معاي القهوة و إنشيّش على راحتنا

3- منو تشجع؟؟

Real Madrid

4- منو لاعبك المفضل؟؟

زين الدين زيدان

5- منو حارسك المفضل؟؟

إشمايكل , بس عقب ما إعتزل فحارسي المفضل هو Evil Gaara >>>> إمصدّق قصّة death dragon

6-منو اكثر عضو تفضله بقسم الترفيهي؟؟

ما أقدر أقول , بس الصراحة , إنت >>>> ما يعرف يكذّب

7- منو اكثر عضو تكرهه؟؟

صراحتا أنا ما أكره ولا واحد

8-انت ما عندك دوام ولا دراسه ولا شي؟؟

أهاااااا , هذا سؤال شخصي قوي جدّا جدّا , أكيد إنت ما سإلتني هذا السؤال إلا لإنك مستغرب ليش أغلب مشاركاتي تكون بالفجر و الصبح الساعة 9 بعض المرّات , بس يالله أمر لله و أجاوبك ,إمبلى عندي دوام

9-تلعب كره؟؟

إي ألعب بس مو إب نادي , ألعب بالممشى و بعض المرّات نادر ما ألعب بالبراحة , بس ما أدري إشفيني هذي الأيام ما قمت ألعب وايد

10-شنو هو تلفونك النقال؟؟

Nokia 6100 أبيض اللون , بس أبوي الله يخليه لي راح ياخذ لي واحد يديد توّه نازل و يمكن لي ألحين ما نزل

11-تطالع المسلسلات على MBC2??

إي أطالع وايد .

12- شنو تطالع؟؟

fraiser , sienfeld , full house , و أفلام الأكشن , و بعض المرّات أشوف Friends , مو العضو F.R.I.E.N.D.S لأ مسلسل إسمه fRIENds و أعتقد الكي يعرفه

13- منو مسوي توقيعك انت مسويه ولا واحد مسويه لك؟؟

لأ مو أنا , ليش عاجبك التوقيع ؟

[RIGHT-STEP]

1:اشلونك واشلون مزاجك انشأ الله متعكر؟

2: ليش كلا معصب؟

[Evil Gaara]

1:اشلونك واشلون مزاجك انشأ الله متعكر؟

2: ليش كلا معصب؟

أنا إبخير و لله الحمد , و مزاجي متعكّر لإنه إختلط مع ماء الجير و ثاني أكسيد الكربون ,ها ها ها
و أنا مو إمعصّب و لا شيء , مبسووط .

[DEATH DRAGON]

هههههههههه
انا امووت و اعرف...شلون عندك دوام وتشارك الساعه 5 و 6 الفجر!!!!!!!!!!!!!!!!!!!!!؟

وانت تحب العيش الابيض!!!!!!!!!!!!!!!!!!!!هذي اكره اكله عندي بحياتي كللللللللللللللهاااااااااااااااااا

انت شنو تسوي بعد السحور مباشره؟؟

[RIGHT-STEP]

انا اجاوبك يا ديث اهو يروح بعد السحور

يلعب كره بعدين يروح احضر حق الوام ويكون ما با قي الا نص ساعه عاد يكون سهران طول اليوم عشان جذي انام بالحصه

[Vanquish Vii]

يللا.......وسعوا وسعوا جاء دوري....
همممممممممممم...
1- ليش أسمك إيفل؟
2-كم عمرك؟
3-وش أسمك الحقيقي الأول بس؟
4-ليش سجلت في هذا المنتدى؟
5-ليش تحب العيش والشربة؟
6-ليش شعرك أحمر؟
7-ليش حاط مكياج بوجهك؟
8-ليش تحب ريال مدريد؟
9-ليش تحب زيدان؟
10-ليش ماتحب رونالدو أو رؤول؟
11-كيف حالك؟
12-كيف الأولاد؟
13-عندك سوني ولا لأ؟
14-أيش أكتر مادة تحبها؟
15-أيش أكتر مادة تكرهها؟
16-مين أكتر مدرس تحبه؟
17-مين أكتر مدرس تكرهه؟
18-تتابع قريقعان ولا لأ؟
........................................
يللا جاوب وريني ................هاهاهاهاهاها!!!

[المفنوووووده]

انا عندي سؤال كم عمرك ومن وين انت ومنو اكثر الاعضاء الي تحبهم

[is me]

هل انت مغرور ؟
بأي سنة تدرس ؟ او وش شغلتك اذا ماكنت تدرس ؟
وش ودك تدرس بالكلية ؟
انت جمهوري ولا ديموقراطي ؟

[Evil Gaara]

هههههههههه
انا امووت و اعرف...شلون عندك دوام وتشارك الساعه 5 و 6 الفجر!!!!!!!!!!!!!!!!!!!!!؟

أنا مو بالثانوية , أنا إمخلّصها من قبل كم سنة , و دوامي يبدي الساعة 9:30 و بعض المرّات الساعة 10

وانت تحب العيش الابيض!!!!!!!!!!!!!!!!!!!!هذي اكره اكله عندي بحياتي كللللللللللللللهاااااااااااااااااا

هه ههه , ليش , شنو إمسويتلك هذي الأكلة , إشحلاتها و إشزينها إتهبّل

انت شنو تسوي بعد السحور مباشره؟؟

يا أدش على المنتدى أو أشاهد التلفاز أو أنسدح بالفراش

[Evil Gaara]

1- ليش أسمك إيفل؟

لإني أحب الشر , بس مو شرير , و دايما من و أنا صغير أشجّع الأشرار

2-كم عمرك؟

فوق الـ 18

3-وش أسمك الحقيقي الأول بس؟

ما أقدر أقول , لإن في بعض الناس في المنتدى أنا أعرفهم و هم ما يعرفوني , بس إذا عرفوني راح يسوون لي مشاكل كثير أوي أوي , فـ الأحسن إنيّ ما أقول .
4-ليش سجلت في هذا المنتدى؟
لإن هذا أوّل منتدى وقعت عليه عيناي
5-ليش تحب العيش والشربة؟
لإن من و أنا صغير مو متعاوّد آكل إلا العيش ة الشوربة , بس مع الوقت قمت إشوي إشوي أتعوّد على بعض الأشياء
6-ليش شعرك أحمر؟
شعر صورتي أحمر لإن ضاربته الشمس , و لإن من كثر الدم إللي أشربه
7-ليش حاط مكياج بوجهك؟
الله يسلمك هذا مو مكياج , هذا من الله أهو جذيه
8-ليش تحب ريال مدريد؟
لإن هو فريق و لا فيه زيّوه بهذا العالم , كلّه نجوم و محترفين
9-ليش تحب زيدان؟
لإن عنده حركات كثيرة مشهورة , و لإن هو أصلع و هذا شي كافي
10-ليش ماتحب رونالدو أو رؤول؟
أنا أحبهم بس مو كثر ما أحب زيدان
11-كيف حالك؟
تمام , و إيش صحّتك إنت ؟
12-كيف الأولاد؟
مع الأسف مو متزوّج , بس إنشاء الله بعد سنتين بالكثير و أكون متزوّج
13-عندك سوني ولا لأ؟
إي عندي , بس ما ألعب وايد
14-أيش أكتر مادة تحبها؟
الإنجليزي
15-أيش أكتر مادة تكرهها؟
الأحياء
16-مين أكتر مدرس تحبه؟
مممم , و لا واحد
17-مين أكتر مدرس تكرهه؟
مدرّس الإجتماعيّات مال رابعة إبتدائي .
18-تتابع قريقعان ولا لأ؟
أتابعه بس ما أحرص على متابعته .

[Evil Gaara]

انا عندي سؤال كم عمرك ومن وين انت ومنو اكثر الاعضاء الي تحبهم

هذا سؤال و إلا ثلاثة أسئلة
ههه ههه , عمري فوق الـ18 و تحت الـ25 , ما أقدر أقول كم عمري لإن أخاف تعطوني عين أو ماشابه
و أنا من الكويت
و أكثر الأعضاء إللي أحبهم هم أعضاء المنتدى الترفيهي