واخيرا.....الحل العربي الكامل للعبة (فاينل فانتسي7)

[الطنيجي]

الصراحة تُشكر، بس بعدني بتعبك زيادة،و يمكن تمل مني:


أول شي بالنسبة لغابة الإينشينت يعني هي نفسها غابة الضفادع ، و أنا دخلت الصراحة فيها و حصلت السلاح ، بس لما شفته ما يستقبل ماتيريا زيادة رحت و بعته ، ما عليه أنا ألحين ألعب اللعبة مرة ثانية بالحل الكامل في المنتدى.


ثاني شي بالنسبة للطريقة إللي قالي عنها صاحبي قال إنه لازم يكون كلاود بروحه ، ولازم حتى أصحابه ما يكونون وياه بالمرة، لأنه حتى لو ذبحتهم ما تفيد الطريقة.



ما أكثر عليك بس ما شاء الله عليكم خليتوا معلوماتي غزيرة في فاينال فانتاسي 7، و عقبال الجزء الثامن ، أنا الصراحة خلصت الثامن بس لما وصلت حق الزعيم الأخير الصراحة ما قدرت لها ، و استخدمت الجيم شارك عشان أخلصها ، و بالنسبة للتاسع قدرت أخصها بس ما كنت مكتشف كل شي فيها ، إن شاء الله بيكون لي مع كل جزء رجعه ، و إذا واجهني شي إن شاء الله راح أرجع لكم و أنا أعرف إنكم ما بتبخلون وياي، أما بالنسبة للجزء العاشر خلصته بعد بس مب بكل أسراره ، و أنا قررت إني ما ألعبها إلا لما تصدر النسخة الخاصة إللي بتصدر في اليابان ، و أنا متأكد إنها بتكون أكثر إثارة من الجزء السابق ، و هذا كل إللي عندي .":"


أخوكم من الإمارات،
الطنيجي

[تركواز]

ايوه صح عليك هي نفسها غابة الضفادع والسلاح الي بعته تراه يفيد بالمتريا لكنه يعتبر في هذي الخاصيه سلاح ذو حدين لانه يعبي كثير اي بي للمتريا ولكن في نفس الوقت هو ما ياخذ الا 2 من المتريا ولا 3 على ما اعتقد .


اما عن الطريقه حقت كلاود اول مره اسمع بها لكن انت شوف اول فرصه تجيك في اللعبة ويكون كلاود لحاله روح لهذا المكان يمكن تنفع لكن انا عن نفسي ما اذكر ان كلاود عمره صا بروحه على خريطة العالم وغيرها من طرق ما اذكر .


على العموم انا بسال ناس خبراء بفاينل فانتسي 7 يعني افضل مني بكثير وارد عليك باسرع وقت انشاء الله .


واذا بغيت اماكن متريات او سيوف او اي شيء انا بالخدمه

[الطنيجي]

أنا الصراحة بعد هالمعلومات الصراحة شكلي مكتفي فيها ، و تعرف أنا رديت ألعب الجزء السابع لأنها أحلى قصة من بين الأجزاء الأربعة الأخيرة ، و إذا وفقنا ربنا و اشترينا النسخة الخاصة من الجزء العاشر ، إن شاء الله راح نتساعد كلنا عشان نخلصها مع بعض ، نسويلها حل كامل مع بعض، و مشكورين مرة ثانية على كل الخدمات و المساعدات .

أخوكم من الإمارات،
الطنيجي.

[الطنيجي]

كيف الحال يا جماعة ،

الصراحة أنا أسعى إني أكون عضو فعال في هذا المنتدى ، و أنا محتاج المساعدة منكم عشان يتحقق مرادي .


و مثل العادة أنا عندي سؤال ، أبغي أعرف كيف ممكن أتغلب على الويبون إللي تحت الماي و شكراً.


أخوكم من الإمارات":" ،
الطنيجي.

[تركواز]

يبغا لك اشياء كثير عشان تفوز عليه يبغا لك اول شي يكون عندك ثلاث لاعبين لفل 99 وغير كذا متريات كثير انت ما جبتها واهمها نايتس اوف ذا راوند . وانا شرحت عدة مرات في مواضيع غير هذا كيف تقدر تفوز عليه وانا صراحة ما معي وقت اني اكتب عنه الحين بجي مرة ثانيه واسوي موضوع عن كيفية الفوز على الويبونز .

[kid346]

مشكور تركواز ولك بوسه مني

[الطنيجي]

أنا الصراحة أدور باقي الحل الكامل في هالمنتدى ، بس الظاهر إنكم بعدكم ما كملتوه ، أنا رجعت ألعب مرة ثانية ، و مع إني بعدني ما وصلت اصطبل الشوكوبو بس إني آخذ الحل الكامل من منتداكم و أطبعه على أوراق عشان يسهل علي القراءة ، و هذا لأن كل موضوع في مكان، بس ما خلصتوا الحل لحد ألحين، متى بتخلصونه ، أبغي أكمل متطلبات اللعبة، و بعدين في حركة حلوة حصلتها مع إنها مرهقة بس تريح على آخر شي ، إللي كاتب الحل من البداية يقول إنه لازم يكون اللفل 25 قبل لا أدخل المزرعة، و أنا ما قريت كل الحل ، بس في عندي اقتراح عشان نرتاح في الحل إنه تذكرون في كل منطقة كم لازم يكون اللفل لكل لاعب عشان نكون على آخر اللعبة موصلين لأعلى ليفيل موجود و اللي هو 99 ، و شكراً.

كل احترامي و امتناني،
الطنيجي

[تركواز]

اوكي انا بكمل لكم الحل وراح اكمل على طريقتي الي اوريكم كم يكون اللفل بس مو الحين بكرة برجع واكمله .



باي ":"

[سنشب]

مشكوور وايد ياجماعة وشكر خاص لتركواز والاخ المتالق التنجى ..وكمان مجهودات B-ROCK فى المواضيع الاخرى اذا كان مايسمعنى ...وكل عام وانتم بالف خير ..وعساكم من عواده

[Chandler]

والله ما اقدر اعبر عن شعوري....


اولا اشكركم كلكم...


وثانيا...اشكر تركواز على تعبه وانتشارتد على نقله للموضوع....


اما ثالثا...

بأبين لكم سبب ابتعادي عن الموضوع...وهو اني مشغول بمواضيع كثيييييرة وكل واحد اطول من الثاني هذا زود على اني صرت مراقب يعني صعب جدا اني اتابع هالموضوع بنفس الكثافة السابقة.....لكن باحاول اني اخلي هذا الموضوع من اولوياتي وان ما قدرت اكتب مع تركواز بادعم كلامه بالصور واي اسأله انا جاهز

[تركواز]

هلا ناف وين هالغيبات شلونك علومك عساك بخير والله نور المنتدى .


اقول ناف ابغا منك طلب وهو انك توكلني على الحل الكامل وما عليك منه انا امسكه لك واحله عنك وانا عارف انك مشغول وانت بنفسك قلت انك ما راح تدخل الانترنت فترة وخصوصا ان الامتحانات قربت هذا يمنعك زياده فلو توكل لي عملية انهاء الحل اكون لك شاكر . يعني اكمله بالنيابه عنك مو شويه انت وشويه انا هذا طبعا لانشغالك فقط .

[Chandler]

مشكور يا اخوي...


اصلا انا معتمد عليك....


ومتى ما انا قدرت باساعدك في الكتابة...


اما الدعم بالصور فهذا اقل شي ممكن اسويه....

[cobra]

الصراحه هو مو سؤال واحد سؤلين بس يالله نبتدي

1- ياريت لو تعلمني كل شي عن الشوكبو.

2-انا توني ماخذ الكي ستون من الملاهي وجا Cait Cah و اخذها مني ليش سوى كذا و هو قال انه جاجوس لـ(مجموعه مدري منهم) مين تطلع هذي المجموعه وليش يلاحقون كلاود وبعدين وين اروح بعد ما اطلع من الفندق.

[الطنيجي]

كيف الحال يا أخ كوبرا،
أنا عندي الجواب لسؤالك الثاني:

بالنسبة للعصابة هي فرقة التوروكس من شركة الشينرا إللي هي عدوتك و عدوة سيفيروث ،و بعد ما ياخذون عنك المفتاح لازم ترجع للطيارة و تروح لأسفل الخريط بشرط إنك تدورلك على درب عشان توصل الجزيرة إللي في ها غابة في نصها هرم أخظر يسمى مبنى القدماء ، فيه بتكون معاك إريز شخصية إجبارية و شخصية اخيتارية ، بتحصلها تحت في الخريطة ، و بالنسبة لسؤالك الأول بحاول أجاوب لك عليه المرة الجاية إذا ما جاوب عليه أحد.

[cobra]

انا اعرف المدينه هذي من زمان بس ما كنت اعرف فيدتها
ومشكووووووووووووووووور على المساعده