oO مجلــس منتديــات البـلاي ستيشـن Oo

[Snake Fang]

ماشاء الله واضح ان الموضوع ناجح و اعجب الجميع ..

همممم بالنسبة للمواقف المضحكة ..
مرة كنت ألعب بلايستيشن 2 ,, و كان معي احد الأصدقاء , أتذكر اني كنت ألعب برن أوت 3 ,,, المهم .. كان في جنبنا صنية فيها بيبسي و شاورما , و الصنية كبيرة و عالية شوي , يعني لو ترفعها من جهة من الجهات راح يطير اي شي فيها للجهة الثانية ,, المهم صاحبي هذا و هو خارج عفس على الصنية من وحدة من الجهات بقوة من غير قصد (و ممكن بقصد مدري ) فطار البيبسي كله على ... راسي انا ,, و الشاورما ضلت في مكانها ,, من هذاك اليوم ما جبت صاحبي هذا مرة ثانية للبيت أبدآ


و شكرآ

[Kaze]

انا مرة من المرات كنت جالس العب وكنت من دمج حدي مع اللعب ^^
وكان ابوي يناديني بس ما كنت اسمعة اتصدقون قعدت من بعد العشاء
الى الصبح الثاني وطول الوقت عبالهم اني برع البيت واسمع اصراخ برع
عبالي حق خواني ولا هم قاعدين بنطروني ارجع البيت جان ابطل الباب
مرة وحدة اقولهم شنو صاير و يستحمق ابوي ويعطيني محاظرة عن
الالتزام بالوقت وخرابيط ثانية , بعد 1 ساعة تقريبا ابوي كمل المحاظرة
وارد عليه يبه تر انا من امس في غرفتي والخدامة تشهد اقولكم الوالد
اعتفس .
والله شيء ما روح انساة

[Flanteus]

اذا تبي تضحك قبل ما تحزن ، في نفس مخزن الاسلحة الشهية في دجاج مشوي وبلاليط خذ اي وحدة منهم وبيجيك عرض مضحك جداً فيه لقطة ، سنايبر كفته ياخذ صحن البلاليط ويجيبه في وجهك وبعدين ينكتب لك جيم اوفر لقد هزمت بواسطة لعنة البلاليط تايم بارادوكس

فاتت علي ..

بخصوص المواقف المضحكة . انا كتبت موقف وراح أجيبه .. بعد قليل ..


سلام

[Flanteus]

في الجزء من سلسلة تومب رايدر .. عند النهاية تكون ماسك حبل وتجتاز حفرة كبيرة جدا ومظلمة .. في البداية كنت اعدي المنطقة بكل بساطة ولكن احد الشباب قالي انك تقدر تنزل للأسفل .. وطبعا انا ما صدقت عدت المرحلة على اساس اني اكتشف طريق وفعلا اكتشفته الا ان وصلت الى القاع .. فمشيت قليلا وارى بجانبي هياكل عظمية .. ما فهمت السالفة قمت مشيت كمان كم حبة .. الا واشوف الأرض تنهز !!!



وما اصحى الا وقدامي دينصور !!!!!!!!
طبعا انا من الخرعة وقفت واكلني الداينصور ورحت تخاصمت مع صاحبي لنه مسويها مقلب فيني

هع ... وسلامتكم

[Soliden]

موقف.. و يحصل كثيرا في أيام الأسبوع..

جالس ألعب ميتل جير.. أو أي لعبة ثانية.. المهم, طول ماني ألعب محد يدخل علي.. (في الوقت إللي اقدر أوقف فيه اللعبة).. لكن بمجرد يبدأ عرض سينيمائي (ما ابغى أحد يكلمني عشان أفهم القصة) تدخل أمي -الله يحفظها- يا ولد! ليش ما رحت المدرسة !! يعني كل يوم بنقعد على الموال ذا!!.. شوف.. حتى الأكل ما كلف نفسه ينزل معاه !! قوم افتح لك كتاب ادرس فيه!! شوف يمين هادم الظالمين لو رجعت لك بعد خمس دقائق و لقيتك على الوضع هذا لا تشوف شئ ما حصل لك (سوّت لي كومبو من الكلام).. و تخرج و ما عاد ترجع.. و أنا .. خرب الشغل كله.. أعيد اللعبة و المشوار إللي قطعته عشان أشوف المشهد.. و بعدين أروح و أسلم على راسها و كم كلمة حلوه.. و في حاجة تنبسط منها.. أقول لها جزء من الآية (واخفض لهما جانح الذل من الرحمة).. و انتهى الفيلم الذي سيتكرر غدا.. ربما بعد لحظات من كتابة هذا الرد..

و مواقف أخرى لاحقا..

[evil eye]

السلام عليكم ................. أما أنا من الاحداث التي لن أنساها وهو حدث أمتحان العربي في أول سنه لي في الثانويه وكان هذا الكلام قبل شي 6 سنوات ........... المهم أذكر أني أشتريت لعبة جي تي 2 على البلاي ستيشن الأول من أو ما نزلت على العموم أنا خليت اللعبه في جارور طاولتي وبالصدفه نسيتها من كثر ما كان أذبحونا في الأمتحانات (خبرك قسم العلمي مافيه رحمه أبدا) على العموم شفت اللعبه وانا أدور على أوراق المراجعة مال العربي وكان هذا الكلام قبل يوم من الأمتحان النهائي لأمتحان العربي ؟؟؟ على العموم ظليت ألعب في اللعبه وأطلع من السيارات وحصلت السوزوكي وأخيط في هالسيارات والسباقات ....... المهم راحت اليوم الثاني وأنا متصفح الكتاب أشوي وصدقنوني كنت فرحااااااااااااااااااااااااااااان جدا ومو مفتكر بتاتا ... والمقلب هنا ألي صادني أولا كان الأمتحان 12 ورقه تقريبا ما حليت ألا 7 أوراق وعلى خرطي .......... وأحلى شي التعبير كل ما أبي أبتدي في الكتابه أذكر السيارات والمبالغ ألي كسبتها وخصوصا عداد السرعه في السوزوكي الخارقه وما كتبت ألا خرابيط ......... وزفت حدي في الأمتحان بس مع ذلك ما أزال سعيدا لأني بحق أستمتعت في اللعب ............سلااااااااام

[evil eye]

مشهد ثاني ............ ابوي من أشوفني ألعب بلاي ستيشن يقوم يتطنز علي وقول لي شوف الناس أكبرون وهذا يصغر ومن أقواله : ألحين وش الفرق بين أخوك الصغير وانت ما في فرق ؟؟؟؟ وأيضا : أنت الحين وش كبرك وفي الجامعه لكن مازال عقلك صغير ؟؟؟؟ ومن أشوفني ألعب : لو سمحت أنا أبي أشوف الموجز الأخباري مو تفجيراتك في هذه اللعبه (ميتل جير سوليد 3)؟؟؟؟ أحسن شي أمي لأنها من أشوفني ألعب أجي تقعد وياي وتشوفني ألعب ولا وأشجعني بعد وساعات تلعب معاي بس تعرفون واجبه كأم ما يسمح لها ولا أحسن شي إذا شافني أبوي ويا أمي قاعد أتشجعني أقول : الظاهر ما باقي ألا أنا في هالبيت ألا موصاحي ؟؟؟؟ ما عليكم منه خليت مره أبوي يلعب وياي وغلبته وشان أطيح أطنازه عليه بس للأسف ردها لي ( ما عطاني مصروفي أهى أهى ) ...سلااااام

[Squall 9]

ياكثرها معي

اولها في فاينل فانتسي 8 :

حيث الضربات احياناً كانت توصل صدف في ال9999 وانا في البدايه طبعاً في صالحي هذا خخخخخخ


وايضا في GTA:

اثناء اللعب امشي في الطريق احصل الخريطه تتغير 180 درجه احصل نفسي امشي وتحتي بحر

وايضا في ميد نايت :

لمن اصدم واحد وانا مصفي الطبلون احصل الي صدمته معلق في الهواء


واذا افتكرت راح اكتب ..

[The Last Fantasy]

مشـاري
هئهئ .. صدق أنك حول

Snake Fang
لوووووول .. موقف قوي .. صعبة علي إني أتقبل واحد يكب على راسي ببسي .. ابنزل عليه تشويت

Angle of devil
لووووول .. والله شكلك كنت منسجم معها .. كنت في عالم ثاااااااني

Flanteus
خخخخ .. والله خف بك خويك ..

evil eye
خخخ .. أنا في أيام الاختبارات ما أفكر في البلاي ستيشن أبد .. لأني لو أخذت درجة مو زينة راح .... " لا تعليـــق " ..
ما فيه أمل ألعب بلاي ستيشن في الصالة قدام أهلي واخواني .. كل واحد يقولي غير القناة .. والله إزعـــاج

Squall 9
لوول .. مرات الألعاب تجيب لك حركات ما لها داعي ..

.ســ.ــلــ.ــمــ.ــلــ.ــم.

[The Last Fantasy]

أنا عندي موقفين بقولهم ::

الموقف الأول ::
مرة يوم كنت في المتوسط كنت في البيت وكانوا أهلي كلهم طالعين للسوق .. و كنت قاعد ألعب NBA " كرة السلة " في الليل الساعة 11 تقريبا .. وكنت متحمممممس .. أقولكم متحمس مرة .. وكانت مباراة قبل نهائية .. وأنا قاعد ألعب ومنسجم .. فجــأة .. طفى الكهرب عن كل البيت .... صنمت في مكاني .. مدري وش أسوي .. تعرفون كيف كان شعوري .. كان شعور واحد معصصصب بس خايف من الظلمة .. خلاص حسيت إني ضايع مدري وش أسوي .. بس مسكت أعصابي وقعدت على أقرب كنبة ومسكت جوالي وقعدت أشوف الصور اللي مصورها بالجوال إلين رجع الكهرب .. لما رجع رحت طلعت الشريط ورميته في الدرج وحرمت ألعبه ..

الموقف الثاني ::
أنا لما شريت درايفر 2 على البلاي ستيشن الأول .. كان عاجبني .. وكنت ألعبه يوميا .. وكانت المهام صعبة شوي .. وكنت قممة في الحماس في مهمة سيارة تطاردني .. " وعلى فكرة كنت أخزن في خانة وحدة في الميموري كارد " المهم انهزمت كثير .. وفي آخر مرة وصلت النهاية والسيارة وراي .. النهاية كانت عند البحر فوق خشبة .. المهم .. كنت مسرع من بعييييييد .. ولما وصلت النهاية .. السيارة زحفت على جنب حتى طاحت في البحر .. وقالولي Mission Completed .. وسألوني إذا كنت أبي أخزن اللعبة .. طبعا أنا مبسوط .. رحت خزنت على نفس الخانة .. ولما جيت ألعب المهمة اللي بعدها .. لقيت السيارة معلقة في البحر -____- حاولت أطلعها ما قدرت .. السيارة مو راضية .. حاولت أعيد الشريط وألعب التخزينة .. تطلع نفس المشكلة >< وترا كانت مهمة بعييدة .. يعني وصلت كثير في اللعبة .. عصــــــبت .. رحت صكيت الكمبيوتر ومعد لعبت درايفر 2 أبد ...

هـــــل مــــــن مـــــــزيــــد ؟

.ســ.ــلــ.ــمــ.ــلــ.ــم.

[Dark Watch]

ارعب موقف لما لعبت ريزدنت ايفيل الجزء الأول

طفيت من نافذة الغرفة ^_^ من الخو ف

[evil eye]

حلووووووووووووووووووه أخ سكوال المواقف الي ذكرتها وأنا صادني نفس الشئ ...... الموقف كان مع لعبة؟؟؟ ما أدري على ما أعتقد لعبة ميتل جير أو تومب رايدر على البلاي ستيشن الأول وكان أخوي الصغير توه متعلم يحبي وتصدق وأنا منسجم مع اللعبه ما شفت ألا الشاشه صارت سوداء وأنذهلت ليش وفي النهاية طلع الأخ كريم الصغير طفى الكهرباء من المحول الرئيسي الي متصل به كل ألأجهزه وضاع كل شي؟؟؟؟ ...........

[Flanteus]

متعلم يحبي وتصدق وأنا منسجم مع اللعبه ما شفت ألا الشاشه صارت سوداء وأنذهلت ليش وفي النهاية طلع الأخ كريم الصغير طفى الكهرباء من المحول الرئيسي الي متصل به كل ألأجهزه وضاع كل شي؟؟؟؟

اشوا ما تكهرب بس ...



لي تعليق على الموضوع بس عندي كلية


سلام

[evil eye]

السلام عليكم ........... أسف أخي Flantus خاني التعبير على العموم أنا أقصد السويش(soket) ألي داخل البيت ودائما يوضع فيه قطعه تقدر أتوصل التيار الكهربائي لأكثر من جهاز كهربائي أي موزع (أحنا أنسميه المحول).......... ولا يكون راح بالك أبعيد للمصدر الرئيسي للكهرباء للمنزل ؟؟؟؟ هذا مستحيل.............. ولا تفاول على أخي الصغير الحبوب وأبعيد الشر عنه وعنك يا أخي العزيزFlantus .............. على العموم شكرا على التعقيب .............سلااااام

[Flanteus]

السلام عليكم ........... أسف أخي Flantus خاني التعبير على العموم أنا أقصد السويش(soket) ألي داخل البيت ودائما يوضع فيه قطعه تقدر أتوصل التيار الكهربائي لأكثر من جهاز كهربائي أي موزع (أحنا أنسميه المحول).......... ولا يكون راح بالك أبعيد للمصدر الرئيسي للكهرباء للمنزل ؟؟؟؟ هذا مستحيل.............. ولا تفاول على أخي الصغير الحبوب وأبعيد الشر عنه وعنك يا أخي العزيزFlantus .............. على العموم شكرا على التعقيب .............سلااااام

يتربى في عزك ..


أحد المواقف اللي صارت لي في الألعاب وهي من المواقف النادرة جدا جدا جدا جدا جدا


تعرفون طبعا لعبة درايفر 1 ... والتي ابهرتنا بـ المدري شنو المهم ..

درايفر كما هو معروف كان فيها نوع من الاخطاء البرمجية الظريفة جدا وهي ان احيانا كانت السيارة تطير في الهوا اذا صدمتك سيارة مسرعة جدا وكنت بجانب بناية ( ولا عمري سويتها ) ..

او احينا تدخل داخل البناية وتصير في العالم السفلي
( سويتها في جي تي ايه فايس سيتي .. في بناية طويلة جدا تطير بالدبابة وتدخل من الأعلى وتلاقي نفسك في العالم السفلي تحت الناس وتحت البحر )

المهم ..
في وقت من الأوقات كنت في خط سفر .. ولو تذكرون كان طول الخط تلاقي كومة رمال صغيرة ..بين اعمدة النور ..
المهم اللي حصل اني كنت اتلاعب فوق الرمال في كل مرة أعدي بالسيارة ..
وفجأة صار حادث غريب .. ما ادري ايش صار صدمت في سيارة احد المواطنين وفجأةاختفى ..
انا تعجبت الف الكاميرا يمين يسار ما الاقيه ..

المهم كملت طريقي في السفر واجتزت كبري .. الا شوي واشوف شيء اسود يتحرك معاي

وكل ماله يكبر أكثر واكثر ..


حتى نزل علي وانا ماشي في الخط وضرب كبوت السيارة وسيارتي سوت جمباز طبعا وتدمرت كليا ..

عارفين ايش اللي نزل علي .. ؟؟

ما راح تصدقون .. السيارة اللي صدمتها اتضح لي انها طارت في الهوا وخلال 30 ثانية سقطت علي بعد ما تجاوزت الكبري .. !!


حوادث انتقام !!


سلام