Orange Road Gallery

**orange road** · 17-01-2002, 03:07 PM

الحمدلله ان فطوم فهمت بسرعة هالمرة..

شاهين انا طبقت اللي قلت لي عليه..
بس بعد ما لونت الرسمة ما حسيت ان في فرق بين القلمين..
بس الرسمة مب للعرض..

سوري..

**orange road** · 21-01-2002, 12:00 AM

وهاي رسوم.. منها اليديد ومنها القديم...

انشاءالله تعجبكم...

واذا كان في رسوم تكررت من قبل فلا حد يزعل... لاني احيانا انسى اللي عرضته

**orange road** · 21-01-2002, 12:04 AM

وهاي الرسمة رسمتها بعد ما قريت الكلمات على دفتر من الدفاتر اللي عندي..

**Ranma Saotome** · 21-01-2002, 12:10 AM

الله عالفن ياخلود
الرسمه وااايد حلوه
ممتازه وروعه
لون الشعر ولمعته جميله وحركة ووقفة الشخصيه أجمل
وهالرسمه ركبه 100% مع الخلفيه وحتى خط الكتابة منقيته عدل
طبعا هذا كله مب شي غريب على فنانتنا خلود

**orange road** · 21-01-2002, 12:10 AM

وهذي رسمة بعد..

بعد قديمة..

ادري بتقولون ليش تعرضين الرسوم القديمة.. بس اجوفهم صالحين للعرض..

**حسين-911** · 21-01-2002, 12:13 AM

احم احم

عتيج الصوف ولا يديد البريسم

**Rex** · 21-01-2002, 12:14 AM

ما شاء الله!!
أبدعت في الرسومات والله يا أورانج روود!!

بس كلش بنات X بنات !!

أتمنى أني أشوف فتيه في الردود القادمة ...

وتابعي في الرسم ...

**orange road** · 21-01-2002, 12:15 AM

شكرا رانما على هالمديح.. والله كنت خايفة ان الرسمة ما تعجبكم..
حسيتها وايد بسيطة...
الحمدلله انها عجبتك

وهذي الرسمة من اوائل الرسوم لي على الفتوشوب..
ممكن تقول انها ثالث او رابع محاولة تلوين..
والله لما لونتها صحت حزتها من الوناسة..

**Ranma Saotome** · 21-01-2002, 12:18 AM

الرسمه الثانيه حلوه واللي عجبني الخلفيه والكلام المكتوب وايد مؤثر
لكن أصابع البنيه مب مضبوطين
كأن رسمتيهم عالسريع وتبين تخلصين الرسمه بسرعه
أنا صراحه رسوك أول مره أشوفها... شلون تقولين قديمه
الرسمه الثالثه ماعليها كلام
الوانها تونس ومفرحه
أخضر وأصفر وأزرق وبني
ماعليها كلام... ومن يتجرأ يتكلم عن رسم الفنانه خلود... بعدين تطرش لنا طرزون بالخازوق
أصلا مب هاذي هو السبب... لأن رسمك رووووووووعه بمعنى الكلمه

**orange road** · 21-01-2002, 12:22 AM

اخ ريفلكس.. انا عرضت كم صورة حق اولاد..
حاسة ان رسمي في الاولاد وايد تحسن عن قبل..
يمكن انك ما جفتهم.. يا ريت تجوفهم وتعلق لي عليهم.. شرايك؟؟؟

ترى آنا راسمة كم صورة حق مقاتلين ورسوم ثانية بس ناطرة اشتري light pen علشان الونهم...

اخ حسين.. حكم حكم.... شكرا

هاي الرسمة بعد قديمة.. هاي ال alian كنت متولعة فيه من مدة.. الخلفية قلدت فيها كوكب ناميك اللي في دراجن بول زي.. وحتى لبسة الالين نفسه.. اذكر اني جفت مثلها في صورة حق دراجن..
والرسمة بعد من اوائل الرسوم لي على الفوتوشوب..

**حسين-911** · 21-01-2002, 12:24 AM

احم احم

انتي ماشاء الله متى بدأتي بالرسم والتلوين في اي سنه وكم كان عمرك ؟ اذا ما في تدخل ؟

**Ranma Saotome** · 21-01-2002, 12:24 AM

بس بس بس بس بس
خلود قلبي شوي شوي عليه
صراحه انصدمت صدمه قويه
ماكذب إذا قلت أن هاذي أحلى تلوين شفته في المنتدى مع احترامي لكل الفنانيين اللي هنيه
من حقك أنك تصيحين... أنا صحت لين ماخلصت دموعي
تلوينك الواحد لو يقعد من اليوم لين بكره مب قادر يجزيه حقه
خلي فطوم على جنب الحين
في بيت شعر للمتنبي وايد حلو ينفع في هالموقف لكن ماتذكره

**orange road** · 21-01-2002, 12:32 AM

واو.. لهالدرجة عجبتكم الرسوم..؟؟؟
تصدقون اني ترددت وايد قبل لا اعرضهم...

الحمدلله.. الحين لي الحق اني اصيح من الفرح

اخ حسين.. ترى آنا بديت ارسم من اول ما عرفت ان القلم يسوي خطوط فوق الورق..

وكنت ارسم في كل مكان..
تصدقون اني لقيت دفتر رسم لي لما كنت في الصف الاول الابتدائي وكان كله عرايس بحر وبنات بأجنحة فراش ومنقبين بالمناجم وناس في العصر الحجري واشياء خيالية على الاخير.. وكان فيها منظور بعد.. والله تعجبت من نفسي..

بس احس رسمي وايد تحسن من التقيت بفطوم.. وانا ما اقول ان ذي مجاملة.. لا صج.. وجود فطوم في حياتي اشعل الحماس وروح المنافسة فيني.. فخلاني احسن رسمي..

الفوتوشوب تعلمت عليه سنة 2000.. يعني الحين صار لي سنتين وانا استعمله...
انشاءالله تكون هذي اجوبه اسئلتك يا اخ حسين..

رانما والله عيونك اللي حلوة...

شكرا

**Rex** · 21-01-2002, 12:36 AM

يا أختي أورانج روود ...

أنتي تحبرين الرسمه لما تكون عالمسوده أو تعملين حركة على الفوتو شوب عشان تخلّي الخطوط كذا ؟؟؟
(لأن الخطوط متساوية العرض في كل الرسمة!!)

لأن خطوط رسماتك رهيبة وواضحة !!

أنتظر ردك ....

**orange road** · 21-01-2002, 09:00 AM

ريفلكس.. انا احبر الرسمة بالقلم الحبر العادي

v5...

هزا هو الجواب

الموضوع: Orange Road Gallery

أدوات الموضوع

ألوان وخطوط جميله حقا

شكرا ريفلكس

المواضيع المتشابهه

معرض رسوم المانجا الى كل من orange road والبنات الى هنا

معرض رسوم المانجا a few orange road pics 4 orange road

الكلمات الدلالية لهذا الموضوع

ضوابط المشاركة