الموضوع الرسمي لSuper Mario Galaxy

[cantona222]

I bought the game yesterday. I haven't started playing it though

[wario2002]

السلام عليكم ...

في البدايه اتمنى من المراقبين عدم دمج الموضوع مع الموضوع الرسمي لماريو جالكسي لان محد جاب خبره .. واذا كان الدمج لازم فاتمنى يكون بعد اسبوع من هالموضوع ^^

المهم



اخيرا جاني وقت ادخل فيه المنتدى واعطيكم انطباعاتي عن اللعبه الاسطوره بكل معنى الكلمه .. انا الحقيقه طول هالفتره كنت مشغول بماريو جالكسي .. يعني من جد من المتعه الي في اللعبه ماقدرت اترك اليد ابد

لدرجة اني جمعت 65 نجمه في 3 ايام (( كان يمديني بيومين )) وبمدة 16 ساعه ونص من اللعب .. والحين بامكاني اروح واباري باوزر بالمعركه الاخيره واخلص اللعبه .. معنى كلامي ان اللعبه طويله للي يبغى يجمع 120 نجمه (( مثلي طبعن )) اما الكاجول قيمرز يقدرون ينهون اللعبه بسرعه


<< (( جودة الصور سيئه كالعاده ولا عالتلفزيون بالـ 480 p شي ثاني ))

تخيلوا فتحت معركة باوزر .. وباقيلي جالكسي كامل مانفتح .. والقالكسي الي قبله مالعبت فيه شي .. وفيه نجوم بالمراحل السابقه باقي ماجمعتها وفيه مراحل جانبيه مالعبتها توني

اللعبه ولله الحمد انها طويله للي يبغى يجمع الـ 120 نجمه كلها .. لعبه جباره الحقيقه .. افضل لعبة وي نزلت لحد الحين .. وتستاهل تشتري الجهاز عشانها (( مايمديك تخلصها الا سماش تنزل وياسلام بس ))

المهم تفضلوا انطباعاتي

الجرافيكس : 9,5
افضل جرافيكس عالوي .. يعني من جد يحسسك انك تلعب لعبه تنافس بعض العاب الاجهزه الثانيه بالجرافيكس .. ابداع والله ياننتندو

الصوت : 10
اووف بس عالاصوات باللعبه ..الموسيقى والمؤثرات الصوتيه .. الموسيقى ياناس اسطوريه .. كل مرحله لها موسيقى تقول انا احسن من الثانيه .. يالله بس على هالابداع .. وش اقول بس يعني من اول مرحله الموسيقى رهيبه ومتعوب عليها ..شف الي بعدها عاد وش يجيك .. وفيه موسيقى بعد مخصصه لمراحل الـ Puzzle رهييييبه .. و المؤثرات الصوتيه باللعبه واصوات الشخصيات ابداع بعد .. خصوصا اصوات ماريو

الـ Gameplay : اكيد 10
يعني بكل صراحه ياشباب وبدون تعصب الحقيقه .. والله متعه لاتوصف .. انا اشوف انها افضل لعبة ماريو نزلت للحين .. يعني المراحل والبازلز وغيره وغيره .. يعني تنوع كثير باللعبه .. كل ماتروح مرحله يطلع شي جديد باللعبه .. يعني لو تشوفوني بس كل يوم العب 5 ساعات تقريبا .. عيوني تفقعت *_* .. من جد ادمان .. عاد شف وشلون اذا جمعت الـ 120 نجمه انشالله .. هذي المتعه الحقيقيه


عيوب اللعبه :

طبعن اكيد كل لعبه لازم يكون فيها عيوب مافيه لعبه كامله .. عيب هاللعبه الوحيد هو تحكم الكاميرا .. يعني الخيارات حقتها مب كامله .. لان هم معتمدين باللعبه انهم يحطون كاميرات مخصصه لبعض المناطق ولا يمديك تغير الكاميرا ابد .. والخيارات الموجوده المتاحه لك يعني .. هي انك تلف الكاميرا يمين ويسار .. وخيار الـ First Person فقط .. خيار الـ Zoom Out غير متوفر مادري ليش .. مع ان ماياموتو عودنا بالعابه مثل زيلدا وبيكمن وماريو سن شاين و ماريو 64 ان يكون تحكم الكاميرا دقيق مره .. لكن بالوي خصوصا زيلدا توايلات برنسس وماريو جالكسي الخيار هذا مب موجود .. .. عالعموم ترى الكاميرا باللعبه حلوه بس ياليت الخيارات كانت اكثر


تقييمي الكامل للعبه : 9,8 / 10


تستاهل .. اسطوره


بانتظار ردودكم ^^

[wario2002]

تحرير

تخيلوا فتحت معركة باوزر ..

اقصد المعركه الثالثه والاخيره ..

[ERGO PROXY]

يعطيك العافيه
والله شوقتني عليها راح اشتريها باجر او يمكن بعد يومين
تستاهل والله

[xbox x360]

باين عليها لعبه قويه و مسليه

[Snake-87]

( او ينزلها)

على إيدك نبي رابط زين .. نسخة البال تشتغل على الأمريكية ؟

[Snake-87]

حمستني .. ناطرها تنزل بالنت ^^"
لعبتها مرة وعطاني ولد عمي مرحلة بازل .. تعقدت من الكاميرا ><" ما تعودت عليها بعد

[Uaq-Boost]

انا استخدمت الرابط اللي كان مسرب من اسبوعين
واللعبة شغاله تمام
بتلقى الرابط في موضوع ماريو جالاكسي في الاسواق
بس لازم اتسوي تحديث حق الويكي

[ahmadkb]

السلام عليكم ورحمة الله وبركاته

مبروك شباب.

أخذت اللعبه يوم الخميس الماضي وجربتها. فعلاً عجيبه.

وأخذت معاها ريزدنت إيفل.

اللعبتان جميلتان وبالذات إني من عشاق ألعاب الشوتنج.

[شميليfox]

أنا عيني عورتني من هاي اللعبة ^^


بس تستاهل

[devil x]

لوووووووووووول ...

اللعبه ولله الحمد انها طويله للي يبغى يجمع الـ 120 نجمه كلها .. لعبه جباره الحقيقه .. افضل لعبة وي نزلت لحد الحين .. وتستاهل تشتري الجهاز عشانها (( مايمديك تخلصها الا سماش تنزل وياسلام بس ))

أنا شاري الويي عشانها ..

شريتها مره وحده مع الجهاز ..

فعلا تستاهل ...

انا الحين جمعت 8 نجمات ..لووووووووووول تو الناس ..

[BIG TROLLEY]

اللعبة شريتها امس

صراحة اللعبة اسطورة بالفعل

مب مثل نيو سوبر ماريو برذر عالدي اس يجيب الملل خخخخخخ

الرسم رائع للغاية ومن افضل الرسوم عالوي

الشيء السلبي الوحيد باللعبة هو التحكم

يعني تتحكم بماريو عن طريق الننشك فقط وهذا يجعل التحكم في غاية التصعوبة

غير كذا تحكم بالكاميرا غبي للغاية

صراحة انصح للي يبي يلعبها انه يلعبها على كنترولر الكيوب

وشكرا

[haseo]

^
^
او بدال ما يرجع للقديم يشتري كنترولر وي

[KSA_BOY]

الوحيد الي سمعته ينتقد التحكم والكاميرا هو فرفشلي ..

[haseo]

^
^
واريو قبل 5 سنين ( يقصد 2002 ) انتقد الكاميرا وقال انها معقدة ...شوف موضوعه في القسم ما لي خلق اجيب الرابط