في احد بثالث السنة ذي ؟

[بليجرو]

بللجيرو

بليجرو ياعمي,بليجرو..بدأت أفكر جدياً في تغيير اسمي..

شباب أشوف محد جاب طاري الإختبار التحصيلي ؟ << ينقض مواجع هههه

والله إلى الان ماادري أسجل ولالا..؟

متى يبدا التسجيل..؟

لإني ما إن أخرج من الإختبار إلا و أسوي Delete لكل المعلومات و الظاهر نص الشعب السعودي مبرمج على كذا

هذي مايبيلها.....جميع الشعب السعودي وليس نصفهم.....

بكرة ماعلينا شي..ولله الحمد...,

[طخيمان]

بليجرو < هاه إفرح يا عم

والله إلى الان ماادري أسجل ولالا..؟

متى يبدا التسجيل..؟

من جدك انت تفكر ؟ .. أكيد لازم تسجل كل الكليات المحترمه تطلب هالإختبار.
و التسجيل طال عمرك يبدا من 5/5/1429 و ينتهي في 5/6/1429 .

~.

شباب اليوم جانا كذا مدرس و يقولون إنه جاهم تعميم من الوزراه يحدد ماهية الأسئلة ( أووم اللقافه يالوزاره ) و قالوا إن الأسئلة بتكون مقسمه إلى .. ( إختياريه - مقاليه ) ..
حسبي الله عليهم ..أخذونا فيران تجارب يجربون فينا تخطيطهم التعبان و المتخلف .. حسافة كل هالميزانيه الضخمه في التعليم و آخرتها الوزاره تدار بأسلوب جاهلي متخلف كأنها مدرسة إبتدائية مو وزاره..نفسية الطلاب تعبت الواحد ما يدري من الجهه اللي بتحدد مستقبله ... قعدنا تحت رحمة الجرايد و مواقع الإنترنت و كلن يصرفلك شي من عنده و الوزاره الموقره ما تقرر إلا قبل شهر و نص من موعد الإختبارات النهائيه.

[بليجرو]

اليوم أختبرت فيزياء..بعد التأجيل من يوم الاحد..

سهل نسبياً...عدم المذاكرة الجيدة كان عائق لي في الاختبار..

بعد ماحليت عدد من الاسئلة...حطيت راسي على الماصة عشان اتذكر بعض القوانين..

مادريت عن نفسي إلا وانا قايم من النوم قبل نهاية الاختبار بـ3دقايق..

تداركت نفسي..حليت جزء من المسائل أي كلام..وسلمت الورقة..

بكرة علينا نحو اختبار رئيسي واختبار اعادة..

بليجرو < هاه إفرح يا عم

..

من جدك انت تفكر ؟ .. أكيد لازم تسجل كل الكليات المحترمه تطلب هالإختبار.
و التسجيل طال عمرك يبدا من 5/5/1429 و ينتهي في 5/6/1429 .

جميل..جميل....

قالوا إن الأسئلة بتكون مقسمه إلى .. ( إختياريه - مقاليه ) ..

يعني يااختيارات..ياعدد واذكر...

حلو...الوزارة كل ماتثبتلي أنها ناويتنا نية *** ***...الله لايبلانا على تخلفهم بس..

والوزاره الموقره ما تقرر إلا قبل شهر و نص من موعد الإختبارات النهائيه.

قررت؟...يارجال إلا الان لايوجد قرار رسمي أو معتمد من الوزارة...

كله كلامXكلام...

الله يعينا على بلوتنا....,

[بليجرو]

<<<<<أطالب بإعادة السمايلي القديم..

مبروك..مبروك رجوع المنتدى..

هذا هو الجدول الموحد لإختبارات ثالث ثانوي النهائية (الدور الاول)....تم تسريبه إلي من قبل مصادر موثوقة..

طبعاً..."حصرياً" على المنتدى..


السبت/رياضيات..

الاحد/نحو-تفسير..

الاثنين/E

الثلاثاء/ادب-فقه..

الاربعاء/احياء..

السبت/فيزياء

الاحد/علم ارض

الاثنين/كيمياء

الثلاثاء/حاسب-توحيد..

الاربعاء/حديث..

لابأس به... يمكن الشي الوحيد اللي اتمناه يتغير هو علم الارض بالنحو...,

[بليجرو]

حسب كلام إدارة مدرستنا الموقرة..

شهادة ثالث ثانوي ستكون باللغة العربية وباللغة الانجليزية..

رأيكم بهذه الخطوة..؟...,

[AL ADMIRAL]

والله إلى الان ماادري أسجل ولالا..؟

متى يبدا التسجيل..؟

مثل ماقالك طخيمان مايبيلها تفكير
والأختبار أسهل من القدرات في راحة الذهن يعني مافي أبو سعد عبا بنزين أمس وستخدم ثلثه وعباه اليوم الثاني خمس ماعبا اليوم الأول خخخخخخهههههه

هذا هو الجدول الموحد لإختبارات ثالث ثانوي النهائية (الدور الاول)....تم تسريبه إلي من قبل مصادر موثوقة..

طبعاً..."حصرياً" على المنتدى..


السبت/رياضيات..

الاحد/نحو-تفسير..

الاثنين/E

الثلاثاء/ادب-فقه..

الاربعاء/احياء..

السبت/فيزياء

الاحد/علم ارض

الاثنين/كيمياء

الثلاثاء/حاسب-توحيد..

الاربعاء/حديث..

يا الله , الله يكون بعونكم ذكرتني
أنا الحين لمن يكون فاصل بين ماده وماده يوم أو يومين أحس أني في ورطه

[The Shadow]

اختبار التحصيلي بدأ التسجيل ، الحقوا اعماركم
بكرة فيزياء ( هو مفروض الفصل الاسطوري التاسع ، بس رحمة الله نزلت وصار الفص العاشر بس ) واختبار حاسب ( فصل الانترنت ، سهل مرة ) في يوم واحد

[بليجرو]

الادميرال..

بما انك قضيت على ثالث ثانوي قبلنا..

انا سمعت ان هالجدول له خمس سنوات وهم يمشون عليه..

صحيح هالكلام..؟..,

[AL ADMIRAL]

احم احم
بحكم خبرتي على مر السنين والعصور
فتقريبا صح (بعد الزحمه طلعت تقريب)
بس يوم القيت نظره ثانيه كأنه جدولي يوم كنت في ثالث

ولا أقول وش عندك ساحب على الدوام !

[بليجرو]

احم احم
بحكم خبرتي على مر السنين والعصور

اييييه..مافي مثلك..

بس يوم القيت نظره ثانيه كأنه جدولي يوم كنت في ثالث

ياخي كنت حاس..معليه نعذر الوزارة...عندهم اشياء "اهم" من الجدول..

ولا أقول وش عندك ساحب على الدوام !

رياضيات...,

[طخيمان]

سلخير شباب


بليجرو

شوي شوي علينا حسيت إنك قوي يوم قريت "مسرب من مصادر موثوقه" خخخخ

تسلم أول شي على الجدول و أنا ألاحظ إنه زي جدول الإختبارات حق الفصل الدراسي الأول بالضبط و الجدول حليو ما عليه .... بس الاحظ إنك مستحقر علم الأرض يخوي تراها ماده علميه يعني بنت حمايل ما يصير تحطها مع ماده ثانيه مثل مواد الطبقه الكادحه .. ( صورة كتاب نحو ههههه ).

و بالنسبة لسالفة الشهاده أشوفها خطوة ممتازة .... خاصه الحين بوابة الإبتعاث مفتوحه على الآخر ... إلا ما قلت لي أنت تفكر في الإبتعاث ؟

.~

على فكرة شباب اليوم جانا مدرس الرياضيات و معه ورقة تبع الوزاره فيها المواصفات المطلوبه للأسئله ... بإختصار تقدروا تقولوا عن الأختبار إنه إختبار وزاره نفس طريقة الأسئلة بالضبط حتى المدرس ما يقدر يحط أسئلة من عنده لابد يتقيد بالنموذج و التوزيع , عاد الأستاذ ما قصر معنا و عطانا رابط لموقع فيه نماذج للأسئله و طريقتها بأطلع عليها إن شاء الله و أسدحها لكم هاهنا .

اليوم ما عندنا شي ... بكره إختبار فقه عاد ما يحتاج المنهج بزيط ( على قولة أستاذنا ).
يا زين البزاطه

المايك لكم.

[بليجرو]

بليجرو

سم..

شوي شوي علينا حسيت إنك قوي يوم قريت "مسرب من مصادر موثوقه" خخخخ

ايه اعجبك انا..

امس دخلت الفصل لقيت واحد معه ورقة مقصوصة من الجريدة...قلت له: وش ذا..؟,قال: جدول الاختبارات..
اثر الجدول منشور من يوم الثلاثاء..وانا مادريت إلا الخميس..طلعت مصادري مخروقة مهوب موثوقة..

تسلم أول شي على الجدول و أنا ألاحظ إنه زي جدول الإختبارات حق الفصل الدراسي الأول بالضبط و الجدول حليو ما عليه .... بس الاحظ إنك مستحقر علم الأرض يخوي تراها ماده علميه يعني بنت حمايل ما يصير تحطها مع ماده ثانيه مثل مواد الطبقه الكادحه .. ( صورة كتاب نحو ههههه ).

كلهن بنات قبايل...مانبي نظلم احد..

لكن علم الارض يحتاج إلى حفظ بس..بينما النحو يحتاج إلى فهم وحفظ في آن واحد....

إلا ما قلت لي أنت تفكر في الإبتعاث ؟

أتمنى....والوالد وعدني بخير إذا مالقيت لي ابتعاث من الحكومة..

اليوم ما عندنا شي ... بكره إختبار فقه عاد ما يحتاج المنهج بزيط ( على قولة أستاذنا ).

يخرب بيتك..,,

من اليوم وانا افكر وشهو ذا البزيط..اثرك تقصد بسيط..

عاد أكيد فصلك بيذاكرون زين ويجيبون 10من10...لان المواضيع اللي فيها خبري خبرك...,

[AL ADMIRAL]

أنا من الناس الي مقهووور أن الأسأله سارت من المدرسه
مو أشني أختبرت وزاره وأبيكم تشوفوها
بس ياخي مره حلو لمن تكون الأسأله موحده للمملكه كلها يني حتى قريبك أو خويك الي في الغرب ولا الشرق تقولها ها وش سويت في السؤال الفلاني ... واليوم الثاني تنزل الأجابات النموذجيه في الجرايد (من جد حماس ^_^ )
هذي من ناحيه
ومن ناحيه ثانيه أفضل لطلاب (وطلاب مهم فاهمين هذي النقطه)
لأن لو أنت فاهم نص ونص نقول تنقص مثلا 12 درجه من 30 في الوزاره بس مهي مشكله الكل حيسلو كدا ولا مو فاهم مره لو ينقص 25 ما عليك
أما يرحلي هذا الي مو فاهم مدرسه في رفحه ولا مدري فين ويجيب 25 و أنت تجيب 17 حرااام

أنا كنت أتمنى أنو يكون الفصلين الأول والثاني من الوزاره


بالجور
أنت تقلي كنت في حصه رياضيات لمن كتبت الرد ؟
أنا آخر رد كتبتو في محاضره ستاتيكا بالجوال ~_^
بس تعال كيف سويت الأقتباس ؟

[بليجرو]

أنا من الناس الي مقهووور أن الأسأله سارت من المدرسه
مو أشني أختبرت وزاره وأبيكم تشوفوها
بس ياخي مره حلو لمن تكون الأسأله موحده للمملكه كلها يني حتى قريبك أو خويك الي في الغرب ولا الشرق تقولها ها وش سويت في السؤال الفلاني ... واليوم الثاني تنزل الأجابات النموذجيه في الجرايد (من جد حماس ^_^ )

وانا من الناس اللي مقهور لأن الدفعات اللي قبلنا ماجربوا المعدل التراكمي..<<<<من جد اتكلم..

ياخي حنا نعيش مأساة نفسية لايعلم بها إلا الله..

أنا كنت أتمنى أنو يكون الفصلين الأول والثاني من الوزاره

خخخ...شكلك من جد حاقد علينا...

بالجور

oh No...لازم في أقرب فرصة أغير أسمي..

أخاف يجي واحد بعدين ويناديني بيجر...

أنت تقلي كنت في حصه رياضيات لمن كتبت الرد ؟
أنا آخر رد كتبتو في محاضره ستاتيكا بالجوال ~_^
بس تعال كيف سويت الأقتباس ؟

لا..انا غايب عن المدرسة لوجود اختبار الرياضيات اليوم..

جربت ادخل للانترنت من الجوال في المدرسة...اكثر شي اكرهه لاجيت اروح للصفحة الثانية في المنتدى...تحتاج إلى معجزة...

الا صحيح...كيف الدكتور ماصادر جوالك...لايكون عندكم ديمخراطية تصفح الجوال في المحاضرة.؟...,

[The Shadow]

هههههههههههههههههه ياخي اسمك ارتكبت فيه جرايم XD ....
اليوم اختبارين = 20 درجة ، طلعت منهم بمقدار 17 درجة ، افففففففف ، مانقول الا الحمدالله

لان المواضيع اللي فيها خبري خبرك...,

بفففهههههههههههههههههه XD ..الله يقطع بليسك ياشيخ

على فكرة شباب اليوم جانا مدرس الرياضيات و معه ورقة تبع الوزاره فيها المواصفات المطلوبه للأسئله ... بإختصار تقدروا تقولوا عن الأختبار إنه إختبار وزاره نفس طريقة الأسئلة بالضبط حتى المدرس ما يقدر يحط أسئلة من عنده لابد يتقيد بالنموذج و التوزيع , عاد الأستاذ ما قصر معنا و عطانا رابط لموقع فيه نماذج للأسئله و طريقتها بأطلع عليها إن شاء الله و أسدحها لكم هاهنا .

ايوا ، امس وصلتهم الاوراق\ديسكات واليوم مسكنا استاذ الجيلوجيا وبدأنا نتناقش في هالجملة ، بالنسبة لي ماتغير شي ، هي فقط طريقة الاسئلة ( السؤال الاول : تعريف \ اختيار متعدد ) ( السؤال الثاني : جدول \ تعريف ) ...الخ ، اهم شي الاسئلة تكون من المدرس ، يعني حنا عارفين ايش هي التعاريف اللي بيجيبها استاذ وايش الجداول المطلوبة والمحددة ، يعني ماتغير شي يارجال الحمدالله