تعرف على الأنمي

[Marche]

السلام عليكم ورحمة الله وبركاته

^
^
^
لم أستطع تمالك نفسي

اتريا اتريا بعده العرض ما خلص أصلا

الأخ العزيز Zannoun
أكيد في ضرابة هني... أحيدك عندك سرعة بديهة في هالأمور أكثر!؟

Dio-Senpai

1- انته اللي فيك دودة و عقرب لأنه انته اللي فيك حيز لهالأشياء... يوم ما تعرف معنى المصطلح لا تستخدمه... و خصوصا إنه يناسبك أكثر

2- لا تيلس تلف و تدور بسالفة الجريح و ما الجريح، تراك أصلا سخيف.. بكل معنى الكلمة سخيف و ما تعرف شو تقول أصلا و تبغي تطلع عمرك من السالفة... إذا مب هذا قصدك أنا أطلع من هالمنتدى و لو أنه حرام إنه يكون على حساب أشكالك

3- ما طريته إلا إنك تعاني من نقص و تشوف عمرك أقل منه... و هذا شي أشكرك عليه "رحم الله امريء عرف قدر نفسه

4- أكيد عرفت إنك أقل ما يبغي لها وايد... الكتاب ينعرف من عنوانه أصلا... و إذا تحب ردود إنسان تزوجها... أتوقع ما في أسهل من جيه >>>يستخدم نفس أسلوب ردك السخيف

5- السالفة "اللي ما تسوى" هي إنك انصدمت من هالرسالة الشنيعة... مب إني أنا انصدمت إنه في تناقض في الكلام... افهم شوي و خوز هالشحم اللي في مخك... حالتك صعبة شوي

6- أكيد نحن نحس بالنقص يوم نشوف "الزلمات" و نسميهم جيه... إذا أنا كنت منهم ما بعترف بهالمصطلح ولا شو تقول؟

7- أسميك سخيف و تدور عالكلام و ما عندك شي في صلب الموضوع... النقاش ضايع وياك و ما عندي سالفة أكلمك... و تخسي ثم تخسي ثم تخسي إني أنسحب... يا صاحب الصوت الطفولي انته بس

[Dio-Sama]

السلام عليكم^_^

قبل ما أبدا, ترى مارشي شخص عزيز و غالي (بلاكي-ساما ركز: عزيز و غالي), و لا تعتقدون انه الحوار بيني و بينه في مشاحنه, على العكس , كلامه شهد على قلبي^_^. و رجاءا لا تمسحون هالردود لاني اتوقع بالنهاية ممكن يكون فيها عبرة لبعض الناس.
-----
عيناوي^_^, تمالك تمالك نفسك.
------------
زنون

انا already مثبت البرنامج, بس ما اذكر اذا كنت حاط هاييلي او لأ, بس ما عليك أمارة ممكن تحط وصلة التحميل, لأني مب اوكيه بسوالف البحث و جيه^^".
--------------------------

مارشي العزيز^_^

Dio-Senpai

عيون ديو (و لو أنه عيوني تعبانة و نظري ظعيف و ما بتفيدك بشي بس كلي فدى لك, أنا و شحومي العزيزة!), و ليش سمايلي المستحى, ترا ما بينا, على العكس, بينا عيش و ملح على قولة اخواننا المصريين, و جوني روكيتس و الكافيه المغربي بعد ^_^.

- انته اللي فيك دودة و عقرب لأنه انته اللي فيك حيز لهالأشياء... يوم ما تعرف معنى المصطلح لا تستخدمه... و خصوصا إنه يناسبك أكثر

غلطان عزيزي^_^, أصلا من كثر ما أنا متين, ما شي مكان يسد حتى نملة, مش دودة! الدهن شوية و يطفح و تقولي مكان حق ديدان و ثعابين^_^. بس شو بقول, كم بنيلس نعلمكم, بس ما شي فايدة.

2- لا تيلس تلف و تدور بسالفة الجريح و ما الجريح، تراك أصلا سخيف.. بكل معنى الكلمة سخيف و ما تعرف شو تقول أصلا و تبغي تطلع عمرك من السالفة... إذا مب هذا قصدك أنا أطلع من هالمنتدى و لو أنه حرام إنه يكون على حساب أشكالك

ما شي شغل ألف و أدور!! أصلا أنا أمتن من أني أضيع وقتي باللف و الدوران! هذا اذا أقدر أصلا ألف و أدور, شو أسوي بعد متين, و تعرف يا اخوك المتان شقايل ثجال. و يوم أنا سخيف, بإيييييييييييدك تقرا كلامي و لا لأ, محد ضربك على ايدك و قالك اقرا كلامي و اطلع وياية^_^.
و بعدين مثل ما انت حر تقول الي تباه دام انه مب غلط, انا بعد حر^_^, عيل كنت تباني أقول حكالي او روا لي قصة أجاثا كريستي على حساب التشبيه!! و بقول انه هذا مب قصدي^_^, و اذا ما تصدقني بعطيك رقم بلاكي ساما اسأله روحك, ما ادري اذا قوم عزوز و كازي و تي ان تي يعرفون هالمصطلح , بس اعتقد يعرفونه من كلامهم مع بلاكي. بس حقك علي يا اخوية الصغير لأني ما شرحت لك كلمة كلمة^_^. اوه, طبعا باييييييدك بعد اذا تبا تطلع و لا اتم بالمنتدى, بعد محد يجبرك تسوي شي انت ما تباه^_^, و لو اني اجوفها مب حلوة بعضو قدير مثلك يطلع بسبب عناد^_^.

- ما طريته إلا إنك تعاني من نقص و تشوف عمرك أقل منه... و هذا شي أشكرك عليه "رحم الله امريء عرف قدر نفسه

فعلا رحم الله امرء عرف قدر نفسه, و بذمتك الحينه, احترام الناس صار لانه الواحد يجوف نفسه اقل منهم. أول مرة اسمع بهالشي! بعدين, الناس من استوت و هي تاخذ و تعطي مع بعضها, و ما جد سمعت عن واحد يحترم شخص ثاني لانه يحس نفسه اقل منه! عيل الريال يوم تعيبه حرمه و يبى ياخذها, هل هذا معناته انه فيه نقص. طبعا الا لو انت كنت تغار من الشخص اللي انا معجب باسلوبه هذا شي ثاني, اهنيه انا ما اتدخل^_^.

4- أكيد عرفت إنك أقل ما يبغي لها وايد... الكتاب ينعرف من عنوانه أصلا... و إذا تحب ردود إنسان تزوجها... أتوقع ما في أسهل من جيه >>>يستخدم نفس أسلوب ردك السخيف

و الله ودي اتزجها لو كانت بشر^_^, ليش انت غيران. بس على العموم حتى لو كنت بتزوجها بكنسل الفكرة مؤقتا, لأني خاطب already و تعرف ما ييوز اخذ حرمتين بنفس الوقت مراعاة لمشاعرهن^_^.

5- السالفة "اللي ما تسوى" هي إنك انصدمت من هالرسالة الشنيعة... مب إني أنا انصدمت إنه في تناقض في الكلام... افهم شوي و خوز هالشحم اللي في مخك... حالتك صعبة شوي

انصدم من شو يا حسرة, من رسالة واحد الله يهديه ما بغى حد اييب اعلى عنه. بعدين ما احيد المخ يكون عداله شحم! الا جان انت من فصيلة ثانية الله أعلم. بعدين شحومي متركزة على بالكرش, بالزنود, بالوروج, و يمكن الصدر شوي, بس باقي الأماكن. .. همم عادي.

6- أكيد نحن نحس بالنقص يوم نشوف "الزلمات" و نسميهم جيه... إذا أنا كنت منهم ما بعترف بهالمصطلح ولا شو تقول؟

لوووووووووووول. الحمد الله انا نسبتي زينة بالثانوية, صح خيبت آمال وايد ناس بس اجوفها انا زينة^_^ يابت لي الحمد الله بعثة من الديوان للمكان اللي انا اباه, و بعثة من وزارة التربية للمكان اللي أنا أباه^_^, و فوق جيه انقبلت بكلية الطب بجامعة الامارات.غير جيه و ماضية حاااااااااااافل بالانجازات اللي ما يحتاي اقولها, تروم تجيك المنطقة التعليمية لبوظبي و راس الخيمة (اذا تقدر طبعا)^_^, فاخر همي الناس اللي انتو تسمونهم زلمات أو دريسة^_^, لانهم بالنسبة لي و لا شي, ما اقولها غرورا, بس ثقة بالنفس الحمد الله, و اعوذ بالله من غضب الله لو كان برمستي أي نوع من الغرور. بعدين, اللي فيه نقص هو الشخص اللي لو الموت ما يبى يقول نسبته, يخاف الناس تحسده على شو ما ادري, خوفي لانك مسود الويه ما تبى تقول, و تقول عني أغار, لووووووووووول.^_^.

7- أسميك سخيف و تدور عالكلام و ما عندك شي في صلب الموضوع... النقاش ضايع وياك و ما عندي سالفة أكلمك...

يا مارشي يا حبيبي و اخي في الله, كم مرة بفهمك, محد ضربك على إيدك و قالك رد عليه, بامكان ترد و بامكانك تمتنع عن الرد^_^.

... و تخسي ثم تخسي ثم تخسي إني أنسحب...

الله يسامحك, و ها و انا جايفنك و يالس وياك و مسولف وياك و ماكل وياك جيه تقولي, و لا و أكبر عنك بعد و السيمباي مالك, ما اقول الا فعلا الله يسامحك و يهديك و يعينك. لانك بهالرد أحرجت نفسك و بينت نفسك بصورة ما تليق فيك. شكله الشيطان شغال عدل بالوسوسة, دام انه ارمضان باجر. بس فعلا أرجع و اقولها الله يسامحك دنيا و اخرة و بصراحة, ما توقعت يكون في رياييل يتحسسون من أمور بسيطة نفس جيه, بس ما اقول الا : و لله في خلقه شؤون.

يا صاحب الصوت الطفولي انته بس

شو بلاه صوتي, طفولي صح بس انا احيد الرياييل تنقاس باعمالها, مب بصوتها و شكلها. و نفس الشي البشر, و ان اكرمكم عند الله اتقاكم, و لا بعد تباني اعلمك اصول الدين.
بعدين ألف واحد يتمنى صوتي^_^, المساكين اللي ما يتكلمون و محرومين من نعمة الصوت مثال, و اللي أصواتهم كرمت وعر بعد يتمنونه^_^, و اللي يوم بيشيبون و اصواتهم بتستوي خشنه بزيادة بعد بيتمنوه^_^, و صوتي الجميل مليء بالعفوية و المرح, بعدين لو الأصوات الناعمة فيها عيب, جان ما هزتنا أصوات رياييل مقرئين أصواتهم ناعمة مثل السديس الله يحفظه و يخليه ذخر, و خلتنا نصيح بالحرم يوم نسمع قرايتهم. انت اتيي حظرتك و تتطنز على خلقة ربك, مرة ثانية بقول الله يهديك و يسامحك و يحفظك من الشيطان و من عدونيك, آمييييين^_^.

نجوفكم على خير, فمان الله مع السلامة^_^.

[Tyki Mikk]

شفت المقاطع أول مانزلوا وقررت اني أنسحب بكرامة !! بس الحين غيرت رأيي بما أن الأغلبية ماجاوبت صح !!

[zannoun]

يا ناس بسكم

المهم حزمة الهالي Haali موجودة ببرنامج K-Lite وأنا متأكد انك تستعمله

لما تثبته بيسألك عن الصيغ إلي تبي الـK-Lite يشغلها

وانت تختار الصيغ بتحصل كل صيغة ولها أكثر من كود يشغلها

مثلاً الـ AVI بتحصل له كود DivX

وعند ذلك بتقدر انك تغير الكود وتختار كود مختلف

ولو ما فهمت عليّ

أعد تثبيت البرنامج وعند اختيار الصيغ كل ما تشوف مربع اختيار Haali أختره

وان شاء الله بيقدر برنامج الالوك أن يتعرف عليه بشكل أفضل

[zannoun]

ها بعدها الجولة الثالثة؟

يلا نبدأ فيها ترا كان المفروض نبدأ ببداية رمضان

بالانتظار

[Dio-Sama]

^^^^^

اسمحولي على التقصير-_-, بحاول خلال هاليومين احط عشرين فيديو عشان افك عمري من الاسبوع الياي بعد.

[Dio-Sama]

السلام عليكم

أعتذر مرة أخرى للتقصير.

للتحميل

555.wmv - 84.01MB

للمشاهدة

-------------------

ان شاء الله غدا سأضع العشرة مقاطع الأخرى.

[Dio-Sama]

السلام عليكم

المقاطع العشر الأخرى

للتحميل
66.wmv - 104.71MB

للمشاهدة

[zannoun]

لسبب أجهله الروابط ما تفتح عندي

[Dio-Sama]

^^^^^^

جرب مرة ثانية, لحد الآن عضوين جافوها, و اشتغلت عندهم.

[zannoun]

ما في فايدة

الموقع كامل ما طايع يفتح

ممكن حد من الربع يحاول هل الموقع يفتح

بجرب مرة ثانية غداً

[Dio-Sama]

^^^^^

هذي الوصلات على موقع image shack, و مرة ثانية أشكر الأخ خت فت على المساهمة الكبيرة في رفع المقاطع^_^

المقطع الأول

المقطع الثاني

[zannoun]

من المقاطع الي على ايماج شاك

المقطع الأول فتح

ولكن الثاني ما فتح

والسابقة بعدها ما طايعة تفتح

[Dio-Sama]

^^^^^

جرب مرة ثانية, عدلت اللينك و اشتغل^_^

[zannoun]

ها المرة انفتح بدون مشاكل

بطرش لك الاجوبة غداً لأني وراي سفر الحين مسافة ساعتين ونصف تقريباً

فتصبحون على خير