تغطية معرض GDC 09 EUROPE من قلب الحدث!!! ( تم اعلان PS3 Slim رسميا )

[Nexun]

ياعيني على الدلع ياسوني

[joker_zambrotta]

http://www.gametrailers.com/video/gc...d-of-war/54639
GOWIII

[HasaWii]

عرضين لـ GOW III

انا اول مرة اشوفهم

[HasaWii]

عرضين لـ GOW III

انا اول مرة اشوفهم

[HasaWii]

عرضين لـ GOW III

انا اول مرة اشوفهم

[soul_UAE]

السلام عليكم ياشباب المنتدى

من ارض الحدث المانيا و بالاخص مدينه koeln المستظيفه لمعرض مطورين الالعاب 2009 .......

اليوم كانت زيارتي للمعرض في اليوم الاول للزوار والمستمر لتاريخ 23 من هذا الشهر .......

كنت حاب اصور لكم كل شي شفته اليوم لانه وباختصار يعتبر حلم وخيال الي شفته لكل محبين عالم الالعاب الالكترونيه ....... لو اوصف كم اوصف مابوفي المعرض حقه لدرجه كنت اريد انام في المعرض وما اطلع لاخر يوم .........

المهم بختصر لكم احداث اليوم بكم صوره صورتها بموبالي لاني ماهتميت بالتصوير لان المواقع الاجنبيه مش مقصرين من تصوير و نقل لاحدف الفيديوهات من قلب المعرض ......


في البدايه رحت دايركت لقسم سوني لا لفيت يمين ولا يسار وطوفت قاعتين عشان اوصل هدفي

اول مادخلت شفت ها المنظر



طبعا قسم كبير و مزين خاص بال sing star الي لها سعبيه كبيره في اوروبا و غير ها القسم لا حظت انهم ناشرين اقسام مصغره للعبه في انحاء المعرض ها اللعبه بالخصوص ماشي سوقها عندهم .......... عقبال ماتنزل نسخه خليجيه فيها اغاني محمد عبدو و عيضه .......

و من بعدها تمشيت في قسم سوني الي قعت فيها اكثر من ساعتين قظيتهن بالبدايه مع البي اس بي go الي عجبني حجمها و خفة وزنها ومع لعبة little big planet الي كان معاها الوقت رهيب ومع الديكورات الساحره عالم ثاني صراحه .........



و مفاجأة المعرض و قنابل سوني في اربع العاب الي هي انشارتيد2 و غاد اوف وور و ماغ و هافي رين كانت محصوره في مساحه خاصه و معزوله و الدخول لها كان بطابور طويل ياخذ منك حوالي نص ساعه ........ بس منو الي يقدر يقاوم ويفوت ها الالعاب ؟ .... وقفت وانتظرت الدور ومع العروض وفرق الرقص والمسابقات الي كانت تقدمها سوني خلت الوقت يمر بسرعه ..... المهم اول مادخلت رحت اول شي لغاد اوف وور ولقيت العالم كلن يتريا دوره وغيرت على هافي رين وكلها دقايق وجا دوري اجرب اللعبه الديمو كان عن المحقق مع الريال الاسمر في سكراب السيارات الي انعرض له فيديو في معارض سابقه بس اللعبه كانت باسلوب جديد غير عن باقي الالعاب وانطباعي عنها انها بتغير مفهوم اللعب الالكتروني شي جديد اخيرا والجرافيكس اروع مايكون ....... ومن بعدها وصلت لمحبوبتي غاد اوف وور شوي كنت بظاربهن وانا اتريا الدور ماقدرت اشوفهم يالعبون وانا اطالع بعيوني ومن مسكت الجهاز دخلت عالمي الخاص ورحت العب ومب حاس بالي عدالي ياناس ها اللعبه مافقدت شي من روعتها بالعكس زادت روعه و الجرافيكس خيااااااااااال انتظروها ...........


شكلي طولت عليكم بختصر عليكم شفت شي في المعرض ماكنت اتوقع اشوفه !!!!!



صح هيدوكوجيما بلحمه ودمه ...... انتبهت له من حشرة الجمهور وصراخهم وكان معاه مذيع ساله كم سؤال..... عن مشروعه القادم ورد عليه بانه مركز حاليا على مشروع ميتل غير بيس ووكر للبي اس بي وبعدها عرضوا تريلر للعبه و كان المذيع ينكت معاه وطبعا دمه كان ثقيل ...... ومن بعدها مشت خطوتين والا اشوف pes2010 في نفس قسم كونامي ...... وجربتها لعبت مباراتين اللعبه بصراحه تطورت وايد او نقدر نقول تغيرت ولكن الجرافيكس مالاحظت في تطور .... وحسيت انها صعبه شوي ولكت التكتيك زاد فيها و حركة انك تمسك الكوره مع ميسي وتقص الملعب رايح جاي مثل الجزء ٢٠٠٩ راحت معاه ...... الدفاع اقوى اي عتراض من اي لاعب يبعد الكوره ولازم تتجنب اللاعبين من مسافه شي حلو الصراحه ...... وكان الديمو فيه فريقين ليفربول و برشلونه طبعا و منتخبين المانيا وفرنسا ......

وهذا باختصار الي صار في اول ....... وعن باقي المعرض بكتب عنه وقت ثاني لاني اريد ارجع له و اصور بالكيمرا الديجتل لاني حصلت العاب كثيره وخاصه قسم البي سي واقسام الشركات المطوره .........

لي عودة ن شاء الله ....

[jinabil]

واو شفت كوجيما حقيقى واللة لحظة لو صارتلى اهة مو عارف شن نقول

[Broken4Ever]

سلمت على كوجيما ؟؟؟!!!!

هههههههههههههه

[Lara Croft]

أوكي بما أن المعرض أنتهى
اليوم الأخير سوف يكون لزوار شوفوا الصور ( ياحظهم )

شوفوا قسم سوني






ياحظها ( أنا ولا في بيتي ماأسوي زي كدا )



تقول جالس في بانيو












باقي الصور

بصراحة عليهم تصاميم لو انا هناك بخاف اجلس على الكرسي الشفاف تقول فقاعة

و على فكرة شعار سوني الجديد و الالوان و الخلفية وايد حلوة مشكور اخوي بس انا فهمت من كلامك بانه المعرض اول كم يوم كان للدعوات و اليوم الاخير للزوار .. هذا يعني انك انت حصلت دعوة او انك صحفي صح ماشاء الله عليك .. حظك .. بس ما قلت لنا مجال عملك شو و اعتذر عن الحشرية

صحيح .. بخصوص كوجيما .. ما سلمت عليه .. انا لو كنت هناك بهجم عليه و بتصور معاه بالغصب ... هذا كوجيما .. اسطورة تصميم الالعاب ... على فكرة الي ما شاف العرض الجديد حق Metal Gear Peace Walker فاحسله يلحق قبل ما يفوته الكثير.

دمتم في امان الله

[soul_UAE]

سلمت على كوجيما ؟؟؟!!!!

هههههههههههههه

سلمت عليه ويرد عليك السلام
وقالي سلم على شباب البحرين كلهم

وقال انه يفكر يسوي مرحله لميتل غير في البحرين ويخلي سنيك يتمشى في المنامه

[Xe'Ngura]

يا نيالك !! ... ان شاء الله تكون استمتعت بالمعرض

[soul_UAE]

يا نيالك !! ... ان شاء الله تكون استمتعت بالمعرض

بصراحه استمعت بدرجه ماتتصورها وكنت اتمنى تكونون معايه .......... تخيل معاك شباب المنتدى مهتمين ويناقشونك وانته في المعرض صراحه كشخه وها الي كن ناقصني بس

[Nexun]

^^^^
ياحظك والله ياريت لو كنت معاك

[Snake-87]

WOOOOOOOOOOOOOOOOW
يبيله T.T

[Broken4Ever]

سلمت عليه ويرد عليك السلام
وقالي سلم على شباب البحرين كلهم

وقال انه يفكر يسوي مرحله لميتل غير في البحرين ويخلي سنيك يتمشى في المنامه

LooooooooooooooLest

LoooooooooooooooooL

Ever

ههههههههههههههههههههه