الموضوع الرسمي | Heavy Rain ~ Are You Prepared To Suffer

[NsaN]

ما عندي اعتراض على طريقة اللعبة..بالعكس..جداً ممتعة كانت بالنسبة لي..
اصلاً هذا توجه اللعبة كان..
و الي يقول ان الاكشن فيها بارد..which part؟؟
بصراحة..انا اكون على اعصابي بمشاهد الاكشن..والله حتى راسي يعورني يوم اهز الكنترول..ههههه..

و بخصوص المشاكل التقنية...اي مشاكل؟؟
عن شو تتكلمون؟

انا امس بس اول مرة..علقت اللعبة عندي..مادري اذا هالي تقصدونه..
لانها صارت معاي مرة وحدة بس..و توقعت الغلط من جهازي..

[Yamato]

انسان
انا اول مرة لعبت اللعبة وخلصتها من دون مشاكل

بس من عقبها تطلع لي مشاكل باللعبة

اغلب اللاعبين وانا معاهم نظن انه المشكلة اساسا من الابديت اللي نزلناه

[NsaN]

ياماتو

انزين شو هي المشاكل؟؟ انا للحين ما عرفت عن شو تتكلمون..

بعدين سؤال..

الي اعرفه اني اروم اختار الفصل الي اباه و ارد العبه..
انزين لو اخترت فصل مثلاً من نص اللعبة..عقب اروم اكمل اللعبة منه مباشرة؟
و لا بس بكون لاعب الفصل نفسه؟؟

[Yamato]

المشاكل انه تعلق اللعبة معاك ولا ما يكون في صوت لما حد يتكلم او اجسام داشة في بعض ولا الراس تشوفه كانه لف على نفسه بشكل خطافي !!

بالنسبة لاختيار الفصول
في تروفيز تابعة لتشابتر بروحه.. يعني تبدا الشابتر وتنهيه.. بتكون حصلت التروفي.. فما تحتاج تحفظ اللعبة..
وفي تروفيز معينة لازم تبدا من شابتر معين لنهاية اللعبة عشان تحصلها!

[NsaN]

انزين..انا انهيت اللعبة و عندي تقريباً 40% من التروفيز..
شو افضل تشابتر اعيد منه اللعبة؟
يعني ما ابغي اعيد فصول ما تأثر لا على سير القصة و لا التروفيز..

[Modi]

^
^
قبل لا اجاوبك .. زين شفناك هنا .. يوم شفتك رجعتني سنين ورا
لأيام منتدى الانمي .. صحيح ماعرفك بس كنت احب اقرا ردودك هناك ^_^

نرجع للعبه

كأبعد مكان يتعبتك من اول هو Crime scene .. اذا كنت تبي تطلع تروفي Nerd
ومن بعده يجي hassan shop عشان تبدا تروفي Perfect Crime
و المكان الاول الي الـ FBI تقدر تعتقلك لأنها متعلقه بأحد النهايات
واغلب الباقي يالنهايات بالتشابترات الاخيره

شرح لتروفيز
http://guides.ign.com/guides/811232/page_2.html
http://faqs.ign.com/articles/107/1070908p1.html

[فـ؛ـاfasterسـ؛تـ؛ـر]

يعطيكم العافيه ياشباب وشكلي تحمست له زياده!!
من زمان مالعبت لعبه فيه غموض!

[NsaN]

Modi

عزيز و غالي..
بس حسستني اني من هب مشارك من سنين..انا دومي موجود..و الحينه حتى مشاركاتي هني اكثر عن الانمي..

مشكور عاللنكات..

انا بـCrime Scene اذكر اني حصلت كل الـClues..
بس ضيعت كم وحدة من الباقين..

[بو طبيع]

موضوع أروع من الروعة

و الله انك مبدع يا كاسح , متابع لك دايماً و للفريق

عن اللعبه

أفضل لعبة من ناحية القصة و الشخصيات و الدراما , تأثرت صراحه بالاغنية

يعني الصراحه , حبيتها وابغي اشتريها لكن , آآآآخ

ممنوعة ف الامارات للأسف


أشكرك كاسح ع الموضوع الرائع جداً , في انتظار جديدك و ابداعاتك المستمرة

و السموحه ع القصور

[hemo memo]

اخيرا جبت هالبلاتينيوم الله لا يفقه تعبني تعب
المفروض من امس لأن اللعبه فيها اخطاء XD

ايميلك على الخاص تكفى ياذيب ههههه

[hemo memo]

http://www.gamearena.com.au/ps3/game...php?id=5062444

شباب احد يترجم مالي خلق اقرا>>تصريفه

وبعدين يالله شدو حيلكم النهايات وكيف نجيبها مابي اللي كاتبينها بالمنتديات لانها مو دقيقه

[hemo memo]

خبر سريع هيفي راين تنسحب من الاسواق السعودية امس والملام في الموضوع الامارات ..
انا متأكد الوكيل لما جابها ماكان عارف ولما سمعوا ان الامارات منعت اللعبة قاموا اخواننا ومنعوها >_< تخلف !

امس رحت السوق مع خويي عشان ناخذ نسخة قالنا راعي المحل اللعبة
انمنعت والوزارة جات وأخذت كل النسخ في كل المحلات حتى الجنوبية سحبوا منها النسخ ..

الحين سعرها حيرتفع من جديد .. بالراحة تلاقي الجديدة 300 ريال

الله يبشرك بالخير شباب اللعبه عندي اللي يبيها هذا ايميلي >> نذل هههههه

[سكوال الصنديد]

شباب

1-هل أسلوب اللعبة مشابه لأسلوب رزدينت إيفل الخاص بمهمة ليون وكروزر الأولى ؟؟؟

فقط تطلق النار واللعبة تتحرك لوحدها ؟؟؟

2- تعبت وأنا أدور على اللعبة فين أقدر ألقاها في السعودية ؟؟؟؟

3- حسب الرودود ذكرتم أن أسلوب اللعبة أسلوب جديد تماماً في عالم الألعاب القتالية

فهل يمكن إتقان هذا الأسلوب بسرعة أم يتطلب الأمر بعض الوقت ؟؟؟؟ أقصد أسلوب

Heavy Rain القتالي ؟؟؟؟

[cooool_boy]

^
اسلوب اللعبة يتطلب ردة فعل سريعة شوي, يعني اثناء الاكشن بتطلع لك ازارير على الشاشة والمطلوب منك تضغطها بسرعة, تقدر تقول مثل ريزدنت ايفل 4 و5 احيانا يوم تطلع لك ازارير عالشاشة وتضغطها بسرعة

ومن ناحية ثانية, تعتمد على اتخاذ القرارات, في مواقف في اللعبة راح يطلع لك اكثر من خيار , وانت تختار الي تشوفه مناسب على حسب رؤيتك وتقييمك للموقف, هذه القرارات هي الي بتأثر على نوع النهاية والسيناريو
يعني يبغالها لغة انجليزية جيدة عشان تعترف انت وش واخترت او وش راح تختار

[biohazard x]

السلام عليكم

صح صحو يا شباب موضوع تعبان فيه الأخ العزيز كاسح والأخوان وشغل عدل حرام يموت وخاصة

أنه يتكلم عن لعبه جباره مثل heavy rain أنا صارلي أيام أدخل و أطلع ما شوف حركه تذكر

أو حلول مع العلم أنه في شباب مخلصين اللعبه 100%

أنا توقعت أني ماراح الحق مع الردود على العموم أنا قاعد أحاول أخلص اللعبه 100% على الراحه

باقي لي 4 تروفيات على البلاتينيوم و أي سؤال أناحاضر بلي أعرفه

أتمنى ينتعش الموضوع