في مواضيع جدا مهمه احب نتكلم فيها قبل ما ننتهي من الموضوع
هل توافقون على واحد او وحده لهم سوابق؟
مثلا اللي يدخلون التشات ولهم علاقات بالنت او تليفون او قابلوا بالسر؟
احنا عندنا يشترطون ان الطرف الثاني ماله سوابق من هالنواحي
وفي رأيي اللي عليهم سوابق مالهم امان خاصة انهم مايعترفون بهالشي لما تسألهم اثناء المقابله وياما ناس كذبوا واهلهم ستروا عليهم >_>
وسؤال اخر
هل ترضون بمطلق او مطلقه؟
اكثر الاحيان يقبلون بمطلق لكن المطلقات حاطين عليهم X
انا برأيي انهم مب سيئين الا اذا كانوا هم سبب الطلاق
طبعا لو ماتتوفر المعلومات الكافيه والادله الموثوقه عن سبب الطلاق فكلهم X
وسؤال اخر هو
هل ترضى تتزوج اكثر من وحده؟ وهل ترضين بواحد متزوج تكوين زوجته الثانيه؟ وهل ترضين زوجج يتزوج عليج ثانيه (بعد ما يستأذنج طبعا) ؟ او هل ترضون تتزوجون واحد او وحده مطلقين او ارامل وعندهم عيال؟
بالنسبه للزوج اللي يبي يجمع برأيي طبعا لازم بعد موافقه الزوجه..لكن الافضل انه ما يبلش نفسه بالجمع الا اذا زوجته ماتقدر تجيب له عيال...او انه يبي يتزوج فلانه يتيمه وحيده ومحتاجه مساعده..طبعا شرط انها تكون متفاهمه مع زوجته وتحبها مثل اختها
اما اللي يتزوجون وعندهم عيال فمب مشكله شرط ان العيال يكونون متقبلين هالشي 100%
عندنا وحده تزوجت واحد مطلق عنده 3 بنات وما شاء الله ربتهم احسن من تربية امهم الحقيقيه بعد لدرجه ان احنا دايما ننسى (والبنات بعد ينسون) انها مب امهم الحقيقيه
حتى البنات صاروا يشبهونها وكأنها هي أمهم XD
الحين ما شاء الله زوجت بنتين..الله يسعدهم ^_^
واخت هالأم تزوجها واحد متزوج (يعني هي الزوجه الثانيه) وفي نفس يوم العرس الزوجه الاولى جابت ولد...الحين هالولد يموت في الزوجه الثانيه وكأنها امه الثانيه..سبحان الله وهي مسكينه ماتقدر تجيب عيال لكن الله عوضها بولد الزوجه الاولى ^^
...واهل ابوه عصبوا وجدتهم قالت ليش ماخطب بنتنا؟ بس هو ما كان يهتم وخذ البنت اللي في خاطره..وعلمها ان انا ويامي مثل خواته وهي تقبلت و صرنا نلعب مع بعض جيمز...نهايه سعيده صح؟ 
