موضوع للنقاش حول Manga Naruto2

[UCHIHA_ITACHI]

لا والله
ترى الجيرايا الغبي الي لحق البنية مو ايتاجي

وجيرايا اهوة الي خزي للرجال ما بقى بنت ما لحقها

[الشبح1]

بخصوص أقوى شخصية بالمسلسل اللخبطة تزيد بشكل كبير ..
جيرايا عليه 100 علامة استفهام .. هو من أقوى شخصيات المسلسل أكيد .. و لكن هل هو الأقوى ؟؟
حتى الآن نعرف أن إيتاشي أقوى من أورو أو على الأقل شخصية مخيفة بالنسبة لأوروتشيمارو ..
و زعيم الأكاتسكي بالتأكيد اقوى من إيتاشي .. السؤال هو .. أين موقع جيرايا من الإعراب ؟؟
لو كان فعلا ً أقوى من إيتاشي كان أورو أيضا ً خاف من جيرايا ..

شلون جيرايا اقوى منهم و اهوة لما كيسامي وقف جنبه لما تبارى ايتاجي و ساسكي ما قدر يسوي شي

لا تقولي يبي يخلي ساسكي يتقاتل

ساسكي قال لجيرايا و ناروتو بالحرف الواحد : " don't interfere " يعني لا تتدخلون ..
و كيسامي حاول يمنع جيرايا من التدخل لكن ناورتو شغله عن هذا بهذا الوقت جيرايا سوا الجتسو اللي تخليهم داخل معدة أو فم ضفدع .. يعني الوقت اللي وقف فيه كيسامي جنب جيرايا كان قصير و واضح أن جيرايا ما تحرك مو لأنه خايف ..

و بعدين على فكرة كيسامي مو شخصية هينة .. شفنا قتاله مع Gai و كيف أنه اضطر يفتح 6 بوابات علشان يهزم كيسامي بثلث قوته ..

و شكرا ً

[naqbi]

السلام عليكم ورحمة الله وبركاته

بالنسبة لمن هو أقوى

مممممممممممممممممممممم

والله في هذا المسلسل الحسابات فيه معقدة شوي

بس سبق وأن قلت ( أنه لكل قتال ظروفه الخاصة )
مثلا ( ناروتو لين اتقاتل ضد أبو عظم ممكن يكون اسمه ( ككمارو ) ما فعل أي شي , وكان بإمكان ( أبو عظم ) يقتل ناروتو لولا تدخل ( روك لي )... :You_Rock_

ولكن لين تقاتل مع ساسكي ظهر بوجه آخر واستطاع اظهار قوة الكيوبي بشكل أكبر :firedevil ( ممكن العاطفة لعبت دور ) مجرد توقع

وفي النهاية هذا مجرد رأي


وشكرا

[الداعي إلى الله]

عدل كلامك اخوي بس ايتاجي بنفسه اعترف اهومع كيسامي (( بو كسمه )) ^^

المهم بس انا اتوقع ان نارتو اقوى من كيميمارو لأن نارتو لو كان يبي كيميمارو لعب فيه لعب ^^ ..
مو عدل اخوي
وانا اتوقع ان الكومك الجاي يكون القتال بين نارتو واورو وساكرا وساي مع كابوتو ^^
يعني
نارتو VS اوروجيمارو
سكرا & ساي VS كابوتو ^^

وياموتو يبي يروح البقالة يبي يشتريله حاجات ^^

[UCHIHA_ITACHI]

اقووول ترى كيميمارو مستواه يصك على كابوتو و كاكاشي

كفاية البلود لاين ماله

اذا ضربة قارا ryuusa bakuryo sabaku taiso ما أثرت فيه لا يكون تبون روسينغان تقتله

و هذا و اهوة مريض عيل لو مو مريض جان شنو سوة فيهم

[HIME-SAMA]

السلام عليكم جميعا *^ـــ^*
شلونكم شخباركم ^ــ^ مشاءالله النقاشات حلوة ^ـــ^

و انا قلت لكم اتوقع ناروتو راح يباري ساسكي
و بعدين ترى شينو مو شخصية مهمة وايد
لازم يركزون على شخصية عدلة مثل ايتاجي(شخصيته بعد لازم ي ركز عليها) لووول

لا اتغشمر ترى شينو خوش ش خصية بس مو معطينه حقه بالانيمي

مم ساسكي اي ممكن يتدخل بس مو الكومك القادم بعد كومك او كومكين تقريبا

يعني لما تبدي مباراة ناروتو واورو بعدين راح يتدخل ساسكي بينهم

لا ترا شينو شخصيه غاااامضه وصج قوي بس اصبر عليه اشوي اهو صحيح ماعطوه حقه بالانمي كلش بس اصبر عليه شوي اكيد بيطلع بشي قوي

المهم انا ما اتوقع انه راح تصير فيه تدخلات الحين الا اذا هالتدخل كان من طرف اورو
يمكن يكون عنده اتباع يدد غير الساوند فايف و يمكن يكون عندم كورسد سيل

مم اي ليش لأ معن توقع ضعييييف عندي

بس انا اتوقع تدخل من فريق ناروتو يعني ممكن كاكاشي او جاي او اي احد يتدخل ^ــ^

السلام عليكم ..
اتمنى ما أكون ضيف ثقيل عليكم .. و لكني من مدة طويلة و أنا أراقب الموضوع من بعيد و متردد بالمشاركة .. بعدها قررت الانضمام لمجموعة الانمي مخصوص لهذا الموضوع

وعليكم السلام ياهلا اخي الشبح اهلا فيك بينا

نقاشكم راقي و رائع لكن عندكم بعض الثوابت الغريبة .. مثل أن معظمكم يعتقدون أن أوريتشمارو هو الشخصية الأقوى في المسلسل ..

لا انا ما عتقد انه اقوى واحد ^^

أتمنى ظهوره بالتشابتر الجاي .. و لو إني أتوقع قتال مباشر بين أورو و ناروتو .. و ناروتو راح يظهر تقنيات جديدة تعلمها من جيرايا و يفاجئ أورو .. مع ذلك ما راح يتغلب عليه .. و بعدها ممكن يتدخل ساسكي بالتشابتر اللي بعده ..

اييي انا اتوقع انه ناروتو عنده واااايد حركات وتقنيات يديده وخطيره ^ــ^

واكيد حاسه انه ماراح يتغلب عليه واكيد ماراح تكتمل الهوشه يعني اورو راح يطلع ويروح اعتقد

وانا ناطره الكومك القادم على احر من الجمر راح يصيييير اكشن قوي ^O^

نارتو VS اوروجيمارو
سكرا & ساي VS كابوتو ^^

وياموتو يبي يروح البقالة يبي يشتريله حاجات ^^

انا اتوقع نفس الشي بس مع اورو مو بس ناروتو لا معاه بعد ياموتو

وساكورا مع ساي اكيد ضد كابوتو

بس اتوقع انه ياموتو راح يتعب وايد بالهوشه اليايه واتوقع احد راح يوصل وينقذهم

[UCHIHA_ITACHI]

اقولكم ساسكي راح يباري ناروتو

تكفة ترى ناروتو ليلحينه ما وصل لمستوى اورو
بس اتوقع انه ياماتو راح يستخدم جيتسو من جيتسوات الهوكاج الثاني

و اتوقع انه يصير للهوكاج الاول و الثاني

حتى الربطة مالته مثل ماله الهوكاج الثاني

و يستخدم جيتسوات الهوكاج الاول (اهوة الوحيد الي قدر يستخدمها )

[Kisame]

شباب




أنا حاس بشي صراااحه أتوقع أن زيتسو موجود بالمعركه بس محد يدري ...

وأتوقع يجي ساسكي ويقاتل نارتو ....


وأكثر شي أتوقع جيرايا أو واحد من العصااابه يدخل ...

[الشبح1]

الأخ ايتاشي و الأخت هايمي شكرا ً على الترحيب و يعطيكم ألف عافية ..

نرجع لنقاشنا ..

بس سبق وأن قلت ( أنه لكل قتال ظروفه الخاصة )

فعلا ً لكل قتال ظروفه الخاصة .. و لا يمكن أن نحكم على أفضلية شخصية على شخصية أخرى إلا لو رأينا مواجهة مباشرة بينهما .. هذا اللي يعقد الموضوع ..

المهم بس انا اتوقع ان نارتو اقوى من كيميمارو

صعبة أخي الكريم .. كيميمارو شخصية قوية و لولا المرض كان الوضع اختلف في القتال مع جارا و روك لي ..

اذا ضربة قارا ryuusa bakuryo sabaku taiso ما أثرت فيه لا يكون تبون روسينغان تقتله

نعم .. ما اتوقع ناروتو يساوي شيء امام كيميمارو .. اورو كان معجب بكيميمارو و البعض يتوقعون
أنه راح يستخدم Edo Tensei حتى يعيده للحياة لو احتاج انه يبني جيش جديد لغزو كونوها >> مجرد توقع بعيد ..

انا اتوقع نفس الشي بس مع اورو مو بس ناروتو لا معاه بعد ياموتو

هذا توقعي أيضا ً ياماتو راح يكون له دور في القصة ..

بس اتوقع انه ياماتو راح يستخدم جيتسو من جيتسوات الهوكاج الثاني

و اتوقع انه يصير للهوكاج الاول و الثاني

حتى الربطة مالته مثل ماله الهوكاج الثاني

أتمنى إني اشوف تقنيات الاول و الثاني تظهر مرة ثانية .. القتال مع ساروتوبي كان أروع قتال في المسلسل بالنسبة لي
(( أكيد الكثير يخالفوني الرأي و لكن أنا ما أتكلم عن الأكشن .. أتكلم عن المستوى .. لاحظوا بس نواتج المعركة .. موجة و فيضان - غابة - جبل - استدعاء حاصد الأرواح .. هذا فقط يدلك على أن مو أي شينوبي تقاتلوا .. بقية الشخصيات تحتاج لقرون حتى تصل لهذا المستوى ))

عموما ً .. أنتظر رؤية تقنيات Nidaime-sama مرة اخرى .. و بخصوص أن ياماتو يقرب شي للأول و الثاني .. أتوقع إن هذا الكلام صحيح بدرجة كبيرة ..

أنا حاس بشي صراااحه أتوقع أن زيتسو موجود بالمعركه بس محد يدري ...

زيتسو هذا عفريت .. يطلع لنا من حيث لا نعلم .. ما استبعد وجوده بالمعركة

و آسف على الإطالة .. بإنتظار عودة النقاش ..

[abdulaziz1]

ايتاشي..معاك حق..أتوقع سوا حراس 5..أو 4..

الشبح..

وعليكم السلام..

حياك الله معانا..وأعتبر البيت بيتك..

شوف..جكاية أقوى واحد..مادري..بس 90% رئيس الأكاتسوكي..بس اذا من الا ظهروا..أقلكم جيرايا..

ولمن قاعدين تقولوا ايتاشي..بالله شوفوا كم عمرو أول حاجه؟ تاني حاجه..هل معقوله انو ايتاشي يكون أقوى واحد في المنظمه بعد الرئيس؟ أتوقع زيتسو بعد الرئيس..بعدين اثنين أو واحد..بعدين ايتاشي..

لا تستعجل على رزقك ..
أكيد كيشيموتو ناوي يدخل الصغار بالقصة قريبا ً .. ممكن بعد العودة من مهمة ساسكي ..
و راح نشوف وقتها قوة بقية الأفرقة .. Team shino - Team Neji - Ino-Shika-Cho
منتظرين رؤيتهم على أحر من الجمر ..

من الحلقه 74 واحنا نستنى..--__--

ونرجع لحكاية القرش..هل تتوقعوا انو كيسامي داخلو في وحش "قرش"؟

آسف ماقدرت آخذ كل كلامكم..بس ماشاءالله الموضوع رجع نشط..بفضل الله..ثم عودة الأخ غارا..ودخول الأخوان الشبح وايتاشي..ولا ننسى الأعضاء القدامى..

بس خساره..كثير من الأعضاء مايقدروا يخشوا بسبة الحجب..T_T

هيه جارا..

من جدك انو ناروتو يهزم كيميمارو؟

أنا أتوقع انو نيجي شينو روكو "روك ري" أقوى من ناروتو وساسكي..

وكانكورو ماحيكون هين..لا تنسوا انو وحش جارا راح..فكيف الرمل حيتقووا؟؟

وايش توقعاتكم عن العجوز حق الرمل؟

لا ترا شينو شخصيه غاااامضه وصج قوي بس اصبر عليه اشوي اهو صحيح ماعطوه حقه بالانمي كلش بس اصبر عليه شوي اكيد بيطلع بشي قوي

هنا الكلام..XD

تكفة ترى ناروتو ليلحينه ما وصل لمستوى اورو

ياحبيبي هذا لو وصل لمستوى "المذكورين فوق" نعمه..تقلي أورو..

وانتوا من جدكم انو ناروتو ضد أورو؟

وحتى لو لعبوا..يا ياماتو حيدخل..أو أحد من برى..تسونادي ولا جيرايا ولا أي جني..

أما راس براس ما أعتقد..

تحياتي..