๑۩۞۩๑ ( رابطة عـشـاق الـمـيـلان )๑۩۞۩๑

[S a R iVi e D]

لووول على طاري اليوفي ، اماوري و جوفينكو هم اللي سجلوا على الانتر قبل يومين في مباراتهم مع بارما xD

[IL C a p i t a n o]

هلا والله اخوي توكوشي

شوف

^^^
اليوفي يكسرون الخاطر , إصابات مليانة لهم في خط الهجوم , اضطروا يشترون مهاجمين في الشتاء
و مع ذلك , المهاجم إلي شروه توني أذكر إن صارتله إصابة بعد أول مباراة أعتقد مع الفريق!

اليوفي مشكلتهم ادارية وليست بالفريق

لو تشوف المريكاتو اللي قاموا كلفهم اكثر من 60 مليو

وهذا يعني ان في لاعبين اقوياء موجودين بالفريق

ممكن تقولي ان اليوفي مشكلته ان هجومه كل مصاب

صحيح صدقت ولكن هذا سبب من الاسباب

فتكتيك الفريق تعبان جدا يلعب على التسلل وكل ينكسر تسللهم ويتسجل فيهم

ايضا مشاكل بوفون مع الفريق وغيابه

الهفوات الدفاعيه القاتله

والاصابات الكثيره = الطاقم الطبي رايح فيها

المدرب كما يبدو لي ان ضايع شوي تصريحاته دائما تجي عكسيه عليه

+

عنده لاعبين ممتازين ومو عارف يضبط الفريق

يعني كرايتش لاعب سريع وقوي وماتري مهاجم قوي وميلو ارتكاز خارق ودفاعهم اسماءه جيده واكويلاني نص ممتاز وماركيزو ايضا ممتاز ولاعبين كثر اخرين

الا انك لما تتابع مبارياتهم اخطاء × اخطاء

وهذا كل يدل ان مشاكلهم ادارية بحته فسوء الادارة مشكله كبيره

ونتمنى من اليوفي ان يتخطى هذه المشاكل نبي اليوفي القوي السابق

روما اصبروا كثير وبوقت متأخر شالوا المدرب و حطوا مونتيلا إلي يعتبر سوا شيء جيد إذا بنشوف حالة
الفريق

روما الديون اذبحتهم من مده طويله واللحين باعوا النادي

يعني ان شاء الله يرد الفريق من جديد

لأن كان يعاني من عدم وجود لاعبين عند اصابة الاساسيين

الدوري الإيطالي هالموسم جميل , في وجوه جديدة صارت اتنافس , أودينيزي و نابولي و أحيانا لاتزيو
وفي نجوم كثر على عكس المواسم الماضية , أعتقد إن كأس العالم كان له دور في مساعدة الفرق المتوسطة
إلى النهوض و المنافسة على مقاعد الأبطال ,

صدقت اخوي الدوري السنه هذه جميل على عكس اخر 5 سنوات

تحديدا بعد كأس العالم 2006

بمعنى واضح عقب الكالتشيو بولي والمشاكل اللي الحقت بالدوري الايطالي وخروج اللاعبين الكبار منه

أليكس سانشيز أكثر لاعب لفت انتباهي في كأس العالم بعد أوزيل
كنت متمني إن مدريد ياخذونه في الصيف , بس كانت بالنسبة لي استحالة , ومن ثم خذوه أودينيزي بسعر جميل جدا
و الحين شوفوا سعره وصل 40 مليون , يعني لو نشوف الربح إلي بيحققونه أودينيزي في الصفقة , بيكون ربح هائل

اي سانشيز عجييب

بس اللاعب مع اودينيزي من 2006 "^^

طلع اعارة ورد لهم 2008

لو برتب الدوريات الثلاث الكبرى لهذا الموسم بحط هالترتيب

الدوري الإيطالي
الدوري الإنجليزي
الدوري الأسباني

لو تلاحظون إن الدوري الإنجليزي دائما يكون مستواه ثابت و معروف و طبعا عالي
أما الدوري الإيطالي و الأسباني في الفترة الآخيرة , قاموا يتناوبون في المستوى
كنا نشوف الدوري الأسباني صاعد بس نشوف الموسم إلي بعده يقل مستواه و هكذا
و نفس الشيء للدوري الإيطالي

الدروي الانجليزي مافيها روح تعال اخر 6 سنين تطور حييل

بالنسبه لدوري الابطال من 2005 وانت صاعد لازم بالنهائي طرف انجليزي

الا السنه اللي طافت ايضا طبعا هذا غير وجود 4 فرق انجليزي في دوري الثمانيه

وتكررت كذا سنه وجود 3 افرقه انجليزي في دوري الاربعه

وهذه علامه ممتازه للدوري

الدوري الايطالي

مثل ما قلت لك عقب كأس العالم والكالتشيو بولي تأثر الدوري حييل بغياب اللاعبين الكبار وخروجهم

هذه غير اسهم الانديه بدت تطيح

وصار الاحتراف خارج ايطاليا امر افضل للمحترفين

بسبب تدني الرواتب وغيره من الأمور الكثيره

لكن اللحين الحمدلله شوي شوي قاعد يرد الدوري الإيطالي لأيامه ايام ما كان افضل دوري بالعالم ومجمع النجوم

الا ان الى الأن الافضل هو الانجليزي مع اني ما اتابعه

بالاخير الاسباني

الاسباني

اخر السنين المنافسه بين الريال والبرشا فقط واللي يشجع غيرهم يطلع بره احسن او يتابع كأس الاتحاد يمكن ياخذه اشبيليه او اتليتكو

وهذا شيء سلبي للدوري

ليش شيء سلبي

لأن البرشا اذا خسر صارت مفاجأة الموسم في اخر 3 سنين

ما شاء الله عليه مقزرها تهديف واهداف بالطول بالعرض

ففرق المستوى بين البرشا والريال والافرقه الثانيه كبييييييييييييييير جدا

حتى لا اكاد ابالغ ممكن لو تخسر مبارتين بالدوري هذه تكلفك الكثير

يعني البرشا ما شاء الله اللحين كم فوز في 32 جوله

27 فو اربع تعادلات وخسارة وحيده

يعني اذا تبي تفوق عليه لازم يكون عندك في 32 جوله معدل

28 فوز و3 تعادلات وخسارة وحيده

او يكون عندك 28 فوز وتعادلين وخسارتين

يعني معدل صعب وخيالي جدا

وطبعا ما تنحل المشكله هذه الا اذا بعض الافرقه الاسبانيه قامت بميركاتو مثل ما قام فيه الريال قبل سنتين

وهذه صعبه

[IL C a p i t a n o]

لووول على طاري اليوفي ، اماوري و جوفينكو هم اللي سجلوا على الانتر قبل يومين في مباراتهم مع بارما xD

اي بارما نص لاعبينه من اليوفيXD

كاندريفا وجوفينكو واماوري


الحمدلله خسر الانتر

وامس طافك زاراتي ابداع × ابداع

ونابولي خسر من دون دي نتالي اللي في اخر مباراتين سجلهم فيهم هاتريكين

[Tockuchi]

عارف إن اليوفي مو هذا السبب الوحيد في اخفاقاتهم هالموسم
أنا ما أتابع اليوفي إلا يمكن في المناسبات القوية , وحتى الدوري الإيطالي
ما أطالعه بشكل متواصل و أنقطع عنه في فترة الإمتحانات , بس إذا كانت
عندي فرصة , أشوف مبارياته

ترا حتى التحليل عندكم زين , احنا حاطين لنا بو الريش و ربعه >.<

فليبي ميلو محد ضيعه غير مدربهم السابق , خلاه يلعب برعونة و خشونة و استهتار
و نساه ميزاته و بالآخير أكلها في كأس العالم و انطرد و خرب على منتخبه , كانت
صفعة كبيرة له , وبعد تغيير المدرب لناديه و اصراره على تغيير نفسه , تحسن و صار
أحسن من أول , بس ليلحين ما طلع كل إلي عنده

كأني كنت قاري خبر إن إنتقل لأودينيزي .. يمكن غلطان
بس ما أعتقد كان دوره مؤثر نفس الحين صح؟
معذور إذا ما كان , بالنهاية هو توه صغير والمستقبل جدامه
لاحظت إن يقارنونه بكريستيانو , خصوصا إنهم اجنحة و يحبون يسوون حركات وهم أيضا سريعين
و يطوفون المدافعين بطرق جميلة

بخصوص الدوري الإنجليزي
الدوري يتطور كل سنة لكن بشكل متوسط نوعا ما , لا هو صغير و لا هو كبير
لكن ما عمره نزل في المواسم الآخيرة , إذا كلش كلش ما يزيد ولا ينقص يظل ثابت

بخصوص الدوري الأسباني
إلي قلته هو فعلا تنافس فريقين على اللقب هو نقطة سلبية للدوري
فرق الأول عن الثاني يعتبر كبير , وفرق الثاني عن الثالث هائل ,
فرق الأول عن الثالث شيء مو معقول

مع إن فياريال يعتبر وجه جديد في المواسم الماضية و يحرج النوادي الكبيرة ,
و مع إن فالنسيا رد لمستواه و صار أحسن من فترة الهولندي إلي مسكهم
بس مع ذلك , هذا لا يكفي لمجاراة الفريقين , يمكن ما ينلامون بعض الفرق
اب صراحة , خصوصا إن في فرق شاسع بإقتصاد الريال و البرشا و بين الفرق
الثانية , بس عاد مو لهلدرجة ما يكون عندهم طموح >.<

[IL C a p i t a n o]

كأني كنت قاري خبر إن إنتقل لأودينيزي .. يمكن غلطان
بس ما أعتقد كان دوره مؤثر نفس الحين صح؟
معذور إذا ما كان , بالنهاية هو توه صغير والمستقبل جدامه
لاحظت إن يقارنونه بكريستيانو , خصوصا إنهم اجنحة و يحبون يسوون حركات وهم أيضا سريعين
و يطوفون المدافعين بطرق جميلة

والله انا من السنه اللي طافت لاحظت اللاعب

وطبعا السنه هذه فجر موهبته

, يمكن ما ينلامون بعض الفرق
اب صراحة , خصوصا إن في فرق شاسع بإقتصاد الريال و البرشا و بين الفرق
الثانية , بس عاد مو لهلدرجة ما يكون عندهم طموح >.<

مو سالفة طموح او خيبة الأمل

الريال صرف اكثر من 300 مليون في صيف واحد

كريستيانو 90 مليون وكاكا 67 مليون وبن زيما واكزافي الونسو كل واحد 35 مليون

والباقي على 20 مليون وانت نازل مثل ألبيول ...الخ

هذه ميزانية خارقه

وفيها مجازفه كبيره في حال تسلفوا من البنوك او ضحوا في ميزانية النادي

لأن هذا يعني اذا الفريق ما حقق اي بطولة وما نجح

راح ينتهي مجد الفريق مع فشلة ويضيع وديون ويطلعون نجوم الفريق ...ألخ

[S a R iVi e D]

زاراتي رجع يلعب يا كابيتانو ؟ ياخي اختفى فترة وماله حس ، شسالفة ؟ مصاب ولا شنو ؟ معروف عن هاللاعب انه مزاجي شوي ويقولون مشكلجي ، خوفي يكون قاعد احتياط وما عنده اصابة ؟

ابداااع زاراتي والله ، ياريت يطلع من لاتسيو ، مكسب لاي نادي ، وبالنسبة حق اليكسس سانشيز ، يااخي هاللاعب مجنوووون ، كل شي عنده ، راس يشتغل ، وشوت ، ومهارات وسرعة وبنية جسمانية .. من افضل مهاجمي الكالتشيو هو ولافيتزي ، هذول اللي يتسمون مهاجمين مقاتلين بحق وحقيق ، اكبر دفاع بالعالم يتعبوه ، ابغى واحد منهم في ميلان والثاني بالبرشا عشان ارتاح << افلقني لو شفنا واحد منهم ..

سانشيز آخرتها يروح اليونايتد وانا متأكد ، و لافيتزي شكله للسيتي ..

[IL C a p i t a n o]

زاراتي رجع يلعب يا كابيتانو ؟ ياخي اختفى فترة وماله حس ، شسالفة ؟ مصاب ولا شنو ؟ معروف عن هاللاعب انه مزاجي شوي ويقولون مشكلجي ، خوفي يكون قاعد احتياط وما عنده اصابة ؟

والله ما ادري عنه السنه هذه زين اذا تابعت ميلان

بس اذكر قبل مدرب الفريق ريجا ما يلعبه عقابا له لأنه اناني

بس وقت ما يتوهق يدخله وطبعا زاراتي يصنع الفارق XD

[Tockuchi]

والله انا من السنه اللي طافت لاحظت اللاعب

وطبعا السنه هذه فجر موهبته




مو سالفة طموح او خيبة الأمل

الريال صرف اكثر من 300 مليون في صيف واحد

كريستيانو 90 مليون وكاكا 67 مليون وبن زيما واكزافي الونسو كل واحد 35 مليون

والباقي على 20 مليون وانت نازل مثل ألبيول ...الخ

هذه ميزانية خارقه

وفيها مجازفه كبيره في حال تسلفوا من البنوك او ضحوا في ميزانية النادي

لأن هذا يعني اذا الفريق ما حقق اي بطولة وما نجح

راح ينتهي مجد الفريق مع فشلة ويضيع وديون ويطلعون نجوم الفريق ...ألخ

السنة إلي طافت أبد ما شفت الدوري , فقط ميلان X الإنتر , والإنتر X ميلان لول

بخصوص صرف الريال المبالغ الطائلة
الريال صرف تحديدا 250 مليون يورو في صيف 2009
لكن شفت أغلى صفقة في العالم شنو المبالغ إلي طلعتها للنادي؟
الريال ربح من الصفقة دبل السعر إلي دفعه للمان , ونفس الشيء تقريبا
لكاكا , بيريز إلي يميزه إن اقتصادي بحت ويعرف بهالأمور عدل , بس ما يعرف
يجيب لاعبين موهوبين و غير معروفين , عشان جذي كان يوكل هالمهمة لفالدانو
بس هالمره راح يعطي اختيار اللاعبين لمورينهو , وبلا شك هو إلي عارف بإحتياجات
الفريق و النواقص , فراح نشوف صفقات قوية و مفيدة
, بس ما أتوقع بتكون سعر الصفقات أعلى من صفقة كاكا

[IL C a p i t a n o]

السنة إلي طافت أبد ما شفت الدوري , فقط ميلان X الإنتر , والإنتر X ميلان لول

بخصوص صرف الريال المبالغ الطائلة
الريال صرف تحديدا 250 مليون يورو في صيف 2009
لكن شفت أغلى صفقة في العالم شنو المبالغ إلي طلعتها للنادي؟
الريال ربح من الصفقة دبل السعر إلي دفعه للمان , ونفس الشيء تقريبا
لكاكا , بيريز إلي يميزه إن اقتصادي بحت ويعرف بهالأمور عدل

اهو صحيح يطلع دبل بس جم يدفع معاشات وجم مدري شنو ...ألخ

عموما خل نمشي على كلامك

كلامك سليم بس في شيء رئيسي سبب النجاح

اللي اهو ريال مدريد اقصد طبعا اسم النادي

لما لاعب كبير ينتقل نادي كبير اكيد بيصير حدييث الموسم

وإعلانات ...الخ

يعني النادي الكبير يلعب دوور كبير

لكن مثلا نادي مثل مان سيتي

اتمنى اعرف شنو ربح اهل طلع ملايين ولا مستغل الوضع المادي الممتاز لرئيس النادي

واما انك تجييب لاعبين صغار وتعدهم هذه ما يبيلها شخص يبيلها طاقم كامل واداراة كامله

واداراة الريال تعاني من عدم الاستقرار وهذه صعبه عليهم ان يطلعون لاعبين كثر يكونون كبار

فيعتمدون على الشراء وهذا غلط ليش غلط لأنه يقتل المواهب الصغيره

الميلان الأن خالط بين هالامرين لاعبين شباب اباتي وميركل من الفريق وجلب لاعبين كبار مثل ابرا وربينهو

[IL C a p i t a n o]

ههههههههههههههههههههههههههههههههههههههههه

عجيب بالوتيلي

مجنون والله ههههههههههههههههههه

عند الثانيه 36 ريو معصب واهو مستانس

والله ودك فريقك كل لاعبين جذي

بالوتيلي وابرا وفان بومييل وكاسانو وك.رونالدو

وبيبي وهاينزه وجرافيسن وغاتوزو وتدورلك حارس وصخ والله اجرااااام

تعرف فرييييق وصـــــــــــــــــــــخ فريق داش حرب

لازم كل مباراة واحد مطرود او اثنين

نظام واصلين الجوله 20 مبارياتنا كلها مؤجله الفريق الفريق كله متوقف XD <<<<< جني قمت اخورها ههههههههههههههه

[S a R iVi e D]

اثنينهم واحد اسوأ من الثاني بالأخلاق ، فيردناند وبالوتيلي ، بالوتيلي عليه طلعات عجيبة غريبة ..

ايام الانتر يطلع يتصور بشيرت الميلان ، ورمى شيرت الانتر بعد مباراة برشلونة ، وآخرتها بالسيتي يرمي سهام على لاعبين الشباب حق النادي ويعتبرها ( مزحة ثقيلة ) ، وآخرتها المهزلة يوم صوروه وهو مو عارف يرتدي شيرت التدريب حق السيتي في احماء ما قبل احدى مبارياته مع السيتي ، لدرجة اجا مساعد المدرب عشان يعلمه شلونه يرتديه صح .




هذا سكران ، لو مخه بس ينضبط يصير خوش لاعب ، لكن مخه ضارب للأسف وعقليته صعب تغييرها ، الله يخلف على واحد الله يسامحه كان يقارنه في باتو ويفضله على باتو ..

[S a R iVi e D]

لول على الفريق حق اللاعبين اللي تكلمت علهم يا كابيتانو ، هههه حط لهم مورينهو وراح يضبطهم صح ويمشيهم مثل العسل ..

كريستيانو صحيح عليه ملاحظات ويتهور بعض الاحيان ، بس ابد ماهو عصبي ، يمكن يتدلع ، لكنه يتنرفز كثير قدام برشلونة ويفقد اعصابه ، بشكل عام هو احسن من اللي فوق اللي ذكرتهم بالاخلاق ..

بأذن الله يفعلها برسلكوني ويجيبه لنا الموسم الجاي ، خصوصا وانه في اخبار تتكلم عن خروج مورينهو من الريال نهاية الموسم ، ولمح مورينهو انه بقاء رونالدو بالريال مرتبط ببقاءه هو ، وكذلك كريستيانو واضح عليه انه متمسك ببقاء موري ..

[IL C a p i t a n o]

ههههههه عجيييييب بالوتيلي

طلع غبي رسمي XD

واما اذا كريستيانو محترم ودلوع خلاص شيله وجيب كواريزما

<<< لا تخاف الوصاخه موجودين هههههه

[S a R iVi e D]

كواريزما ايام =( ، محد دمره غير مورينهو .

[IL C a p i t a n o]

شباب باتو يشترط على ميلان لتجديد العقد ان يكون راتبه مثل راتب ابرا

اي ما يقارب 10 مليون

انتم شرايكم ؟؟؟

للعلم التجديد راح يكون الى عام 2016

+

ممكن يكون اشاعه بس ابي رايكم

[S a R iVi e D]

مع حبي الكبير له لكن خطأ فادح لو صار هالشي ، مو الوقت المناسب للحديث عن هالموضوع ، يمكن بعد سنة او سنتين يقدر يطالب في هالشي ، لكن الحين خله يستريح ، مسوي لي فيها ميسي ولا كريستيانو ولا ابرا ؟

خله يركز مع الفريق ويخدمه اكثر ويساعده في تحقيق البطولات ويبعد عن الاصابات ، بدري عليه ..

[Tockuchi]

كواريزما ايام =( ، محد دمره غير مورينهو .

أنا من أشد المعجبين بهاللاعب , وحزنت عليه كثير يوم شفته بالإحتياط
أنا ما أدري إذا مورينهو هو طلبه أو موراتي خذه , بس أنا كنت أشوف قبل
لا ينتقل إن ما يصلح لطريقة لعب الإنتر , تمنيته يوم ما يلعب للريال و كان قريب
لذلك بس للأسف ما حصل

[S a R iVi e D]

أنا من أشد المعجبين بهاللاعب , وحزنت عليه كثير يوم شفته بالإحتياط
أنا ما أدري إذا مورينهو هو طلبه أو موراتي خذه , بس أنا كنت أشوف قبل
لا ينتقل إن ما يصلح لطريقة لعب الإنتر , تمنيته يوم ما يلعب للريال و كان قريب
لذلك بس للأسف ما حصل

المصيبة انه مورينهو هو اللي طلبه ! في موسم 2008/2009 اول ما تعاقدوا الانتر مع مورينهو ، اذكر كان معصب مورينهو وصمم على جلب صانع لعب ، حتى القى اللوم وقتها على موراتي والفريق وقال: اريد صانع لعب في الانتر هل العب انا ؟

وهو بنفسه اختار كواريزما ، والمصيبة قعدة عالأحتياط ودمره ودمر معنوياته معاه بس لمجرد كم مباراة ما كان زين فيها ، هذي واحدة من اعظم اخطاء مورينهو ، لانه لو كان داق عليه اساسي ويشركه في كل مباراة كان شفنا كواريزما اللي نعرفه ، لكنه نهاه ..

وحتى اول ما اجا الريال مورينهو ، طلع خبر غريب مفاده انه مورينهو يطلب كواريزما من اجل اللعب لمدريد ، مع انه ما كان يلعبه اساسا لما كان يدرب الانتر ، كان خبر غريب حيل بس على الاغلب اشاعة كان ..

[IL C a p i t a n o]

ل على الفريق حق اللاعبين اللي تكلمت علهم يا كابيتانو ، هههه حط لهم مورينهو وراح يضبطهم صح ويمشيهم مثل العسل

لا غلطان اخوي نبي مدرب وصخ مع اللاعبين

نظام قاعد باالدكه واحلى سيجار XD



وزيد عليهم ستام وايالا وفيرون والحارس شيلفروت مدري شسمه اللي تفل بعيون كارلوس XD

المصيبة انه مورينهو هو اللي طلبه ! في موسم 2008/2009 اول ما تعاقدوا الانتر مع مورينهو ، اذكر كان معصب مورينهو وصمم على جلب صانع لعب ، حتى القى اللوم وقتها على موراتي والفريق وقال: اريد صانع لعب في الانتر هل العب انا ؟

وهو بنفسه اختار كواريزما ، والمصيبة قعدة عالأحتياط ودمره ودمر معنوياته معاه بس لمجرد كم مباراة ما كان زين فيها ، هذي واحدة من اعظم اخطاء مورينهو ، لانه لو كان داق عليه اساسي ويشركه في كل مباراة كان شفنا كواريزما اللي نعرفه ، لكنه نهاه ..

وحتى اول ما اجا الريال مورينهو ، طلع خبر غريب مفاده انه مورينهو يطلب كواريزما من اجل اللعب لمدريد ، مع انه ما كان يلعبه اساسا لما كان يدرب الانتر ، كان خبر غريب حيل بس على الاغلب اشاعة كان ..

اي اذكر وقتها جابوه ب18 مليون

وجاب وياه مانسيني من روما

ولعبهم اساسيين

وكان يلعب ب 3 مهاجمين

لكن سوء نتائج الانتر

قلب فجأه وصار يلعب بمهاجم واحد اللي اهو ابراهيموفيتش

وكسر بالاثنين مانسيني وكواريزما

مانسيني احترم نفسه وسكت

لكن كواريزما شايف نفسه :P

وأدى ذلك ان على طول يتم طرده من الفريق إعارة الى تشلسي

[Tockuchi]

المصيبة انه مورينهو هو اللي طلبه ! في موسم 2008/2009 اول ما تعاقدوا الانتر مع مورينهو ، اذكر كان معصب مورينهو وصمم على جلب صانع لعب ، حتى القى اللوم وقتها على موراتي والفريق وقال: اريد صانع لعب في الانتر هل العب انا ؟

وهو بنفسه اختار كواريزما ، والمصيبة قعدة عالأحتياط ودمره ودمر معنوياته معاه بس لمجرد كم مباراة ما كان زين فيها ، هذي واحدة من اعظم اخطاء مورينهو ، لانه لو كان داق عليه اساسي ويشركه في كل مباراة كان شفنا كواريزما اللي نعرفه ، لكنه نهاه ..

وحتى اول ما اجا الريال مورينهو ، طلع خبر غريب مفاده انه مورينهو يطلب كواريزما من اجل اللعب لمدريد ، مع انه ما كان يلعبه اساسا لما كان يدرب الانتر ، كان خبر غريب حيل بس على الاغلب اشاعة كان ..

غريبة , طلب صانع ألعاب و صمم على كواريزما؟ , أساسا كواريزما يمتاز كجناح
ولا بيفيده كصانع لعب , أول مره أسمع عن هالشيء للأمانة , استعجل في شرائه ,
أساسا الصفقات في الموسم الأول لمورينهو مع الإنتر معظمها إذا مو كلها ما فادت ,
على عكس الموسم الثاني , الموسم الثاني كان كبير بالتعاقدات المفيدة , أسامي
ثقيلة جابها , و أعتقد صحح غلطته و جاب صانع الألعاب الحقيقي وهو شنايدر

بخصوص الخبر , هو ماكان بالصيغة هذي , كانت طالعة إشاعات بأن الإنتر يبون
يدخلون كواريزما في صفقة مورينهو و يعطونهم للريال مقابل مبلغ نسيت كم كان
بالضبط , بس كان زهيد , بس يقولون إن بيريز رفض
تظل إشاعة , ما ندري إذا كان صح أو لأ , بس كنت فرحان وقتها بالخبر و بديت أحلم
إني أشوفه لابس قميص الريال لول , أشوف إن كان يناسبنا , بس يمكن رفضوا لأن
كانوا مفكرين اب دي ماريا من قبل