قهوة WoW .. :P

[Karazhan]

انا لو عضو عادي جان حلفت ان انت انا يعني كارازان داش بأسمين

انت من وين طلعت كل هذا ؟ يعني 12 مندوب والصوره بالتوقيع والكلام

حتى بعض كلامك تجيب اقتباسات من كلامي قبل اكثر من سنتين

والسرداب و عجل الله فرجه

انت يا انك شخص تعرفني بره المنتدى معرفه قويه او انك متابعني ومتابع بقوه وحافظ كل شي "يعني معجب ومتحطم فيني"

او صج طلع ملك وله مناديب "جذبت لين صدقت جذبتي"

صج اصدقني القول انت شلون عرفت كل هذا عني ؟؟ يعني استغربت لما قلت في مشاركه فوق ان رفيجك يغمس ككاو كندر بقهوه , هذا انا كاتبها مادري متى ونسيتها , شلون طرت عليك وكتبتها هني

انت من متابعيني يعني او مندوب صج او انت الملك نفسه ؟ لأن ولد بطنها الاصلي اهو ملك اللعبه اللي عروقه بالماي وانا قص علي الشيطان وخلاني اختار اسمه لكن تبت توبه نصوح وغيرت الاسم , فأذا انت مو الملك اتمنى تتوب من هذا العمل وتغير الاسم واذا انت مندوب الملك لازم تعرف القوانين ان مايصير مندوبين

في منتدى واحد , واذا انت الملك بشحمه ولحمه فهذي الساعه المباركه اللي تشرفنا هني وتشوف انجازاتي بالمنتدى , اهو صج في توقيفات لكن ماكو شخص كامل لازم الواحد يتوقف مره ومرتين لكن انجازاتي تغطي على توقيفاتي

اتمنى تقولي برساله خاصه انت منو بالضبط

يالعشير

[ولد بطنها]

انا قاعد بالدوانيه الحين فصعب أركز خاصه وهندي الدوانيه "صبي" قاعد يحوس على راسي

فراح اطلع برا وآخذلي مزتين عشان نحل هالمشكله التي ها هنا تواجهنا كمندوبين للملك

يا انا وانت واحد وداخلين من نتين مختلفين

يا انا من اصحاب الجمس الأسود

يا انا الملك بشحمه ولحمه, وعروقه الممتده بالماي

يا اني أو انت واحد مقلد الثاني بكل التفاصيل لانه معجب فيه, وهذا معقول لأني اطير العقل خاصه لالبست الفانيله والمكسر الناصعين بياض

يا انا مجرد مندوب حالي حالك, وقصة ال12 مندوب هي الصح

انا اشوف الخيار الاول ممكن يفسر ليه مشاركاتي السابقه مطابقه لك تماما, هو وخيار ال12 مندوب

يامعود وين قاعدين ثنين نفس الاسلوب والكلام والتجارب والذكريات, صار فلم هندي

يالعشير شوف الخاص مالي, مالك كله واحد, يمكن اليوم باجر

يتبع في الحلقه القادمه




Outland

[Karazhan]

جمس اسود ؟؟؟؟؟؟

انت 100% تعرفني بره النت \\ بس ضيعت مو جمس اسود تاهو اسود

وكاتب اوت لاند بعد اخر شي , لا انت تعرفني من زماااان ومتابعني

ياولد قولي انت منو لا تعور راسي

[Karazhan]

انت احمد ؟ قولي الصج انت او لأ

[ولد بطنها]

صندوقك الخاص متروس برسايل المعجبين ياولد بطنها #2

راح عليك السبق الصحفي

يارجال فض صندوقك لافض فوك "أعجبك بالفصحى"

سلامة راسك, خذلك حبتين بندول مع سنافي وشوف الصحه كيف بتصير

الصبر ثم الصبر, قزرها صبر, هذه حكمة الي عروقه بالماي

[Karazhan]

لحظه خلني امسح رسايلي الخاصه

تعرف المعجبين كثيرين لدرجه ان اغلبهم يقولون سجلنا بالمنتدى عشان نراسلك

لحظه بمسح

[ولد بطنها]

أيها القوم والجمع الطيب, هذه هي الحقيقه الي كنتم تبونها وتطلبونها من ملك اللعبه كل شوي

صار بابا نويل مو الي عروقه بالماي واتباعه تارسين درب التبانه

هذه هي الحقيقه والسالفه باختصار

http://www.youtube.com/watch?v=4pZPobCbKHU

[Karazhan]

يلا دز

ترى انت اليوم باجر ماخذ توقيف لأنهم راح يوقفونك لأنك تنتحل شخصيتي , لكن المشكله ان اذا وقفوني معاك وقالوا انت داخل بأسمين وتستعبط

يرضيك يعني اكل توقيف بدون مبرر ليش

يلا دزلي خاص قولي انت منو وصدقني ماراح اقول لأحد

وراس الملك تقولي انت منو

وراس كلاش تقولي انت منو

وراس 12 مندوب تقولي انت منو

وراس ابو المندوبين تقولي الحين الحين

[Karazhan]

ياولد لا نفضحني عند الناس شفيك

ترى توقيف يحوشني بسبتك , لا تقعد تسوي جذي

[Karazhan]

والله ابتلشنا فيكم

شوف انا توني ساده من الملك ةقالي في لبس بالموضوع ضروري

مايصير مندوبين بمنتدى واحد , اكيد بالغلط , وقالي اقولك تراجع الملك وتشوف وين قطوك بأي منتدى واذا ماكو منتديات انطر دورك نفس الباقي لين الله يفرجها وتشوف منتدى في قسم ووركرافت يقطونك فيه

[ولد بطنها]

قلنا مظلومين وحظنا ردي, بس ليه يجينا توقيف وحنا ماغلطنا بحق أحد؟

يامعود معقدينك بالقسم من كثر التوقيفات الله ينصر دينك يامندوبنا المكرم

قاعدين نسولف ونتسامر ونتجاذب أطراف الحديث في القهوه, حتى شيشه مانشيش

خلك بطل يابطل لايزعل منك الملك, ويجيك بان في guild wars 2 حتى قبل لاتلعبها

تنبيه: تراني كنت أمزح مع أخونا العزيز وحبيب الجماهير ولد بطنها. أنا مراقب سابق, ولي علاقات طيبه مع أغلب الي بالقسم من أول ما إنفتح. بس ماله داعي تعرفون العضويه هههه.
عجبك التقليد ال100%؟ هههههههه. أحس خرعت ولد العم.

في أمان الله, وسفره دايمه.

[Karazhan]

بعد تعرف جيلد وور 2

ابشرك قدمت اوراقي للملك عشان احجز اول واحد اكون مندوبه للعبه هذي اذا افتحوا قسم لها

عموما وصلتني رسالتك بالخاص وقرأتها وقعدت افكر انت منو منهم بالضبط

قولي يااخي منو فيهم عشان اتمصلح معاك وتعطيني ترقيه , بيني وبينك ودي اصير مندوب توصيل الخمس للبنوك , عالاقل نطلع ب10 دنانير بنزين وباكيتين زقاير ولا مندوب هني , اللي سياستهم

ساعد اكثر توقيف اكثر

خلها على الله بس , عموما شد حيلك لأني راح اترك الاماره لك وتشوف شكثر تحملت قبلك وسكت , ولكن لا تستسلم , خلك مثلي

تدري يا الزميل , كانوا الشباب بالقسم هذا 90% منهم يكرهوني , وفجأه قالوا للأداره عني والاداره مشكوره قامت بتوقيفي وكتبوا سبب التوقيف "تربيه شوارع"

فوق هذا تحملت وصبرت و حاربت و طلعت سيفي من غمده ولا رجعته الى غمده الى ان شفت 99% من الشباب يحبوني باقي 1% اللي اهو بوحا

ماادري متى يحبني ويخلصني , انسان عنيد وما يعجبه العجب , تقول نكته يطالعك مكشر ويقولك "يعني كوميدي"

مادري شقول عشان يضحك , ودي اشوفه يضحك على نكته , كل ضحكاته تكون اذا واحد قال معلومه غلط او تكلم عن اللعبه , تحس ضحكاته استهزاء , بس ضحكه من القلب مايعطي , انسان غامض حاولت افهمه لكن مايعطيني مجال

عموما لما يحبني ويقولي احبك راح يصير القسم 100% يحبوني من بعد ماكانوا يكرهوني

انت خلك نفسي قوي الاراده وكل ما يغلطون عليك تذكر الملك والظلم اللي صارله وراح تهون عليك مصيبتك \ قدس سره كان قدوه لنا كلنا

تحمل ظلم العالم عشان شيعته قصدي مندوبينه وتلاميذه دام ظله

انا اخليك الحين تشوف الوضع هني وتاخذ جوله بالاقسام والمواضيع واي مساعده انا حاضر

[Karazhan]

جنتل مان

ازيروثيان

بلاك جاك

وولف

منو قولي عاد

[Karazhan]

سرك في بير دام قلت انك مو انا خلاص والله مااقول انت منو بس قولي مااحب جذي

[Yoshi]

اتوقع عندكـ إنفصام في الشخصيه ..

الله يهديكـ بس