๑۩۞۩๑ ( رابطة عـشـاق الـمـيـلان )๑۩۞۩๑

[Allen Walker]

شكرا لكم شباب على العروض ويعطيك الف عافيه

بالنسبه لي انا ناشفت الا قليل من مباراة ايطاليا واسبانا

كنت اتابع مونتيليفيو كل المبراة شفت انه ياللعب احسن في مركز صانع العاب

وتمنيت يجي الميلان ويلعل في نفس المركز ويرجع بواتينج الى الخلف

شفاني حلم اتمنى انه يتحقق ويجي الميلان

[IL C a p i t a n o]

^^^

مونتليفيو يبون يجيبونه خل يجيبونه يكون بديل لكنه مو المستر X

اذا هذا المستر X راح تكون خيبه كبيره بالنسبه لي

+

برنس بالامام عند المهاجمين افضل من ان يكون بالخلف ويقطع كور

لاعب سريع ويفتح مساحات ويمرر صح غير ان يمتلك تسديد جيد وjump ممتاز

وانضمام مونتليفيو ما راح يخلي برنس يرجع للخلف راح يلعب مونتليفيو مكان بيرلو

بالميلان وطبعا على حساب سيدورف بالتشكيله ^^

واذا لعب سيدورف يشيل غاتوزو او فان بوميل او امبروسيني واحد منهم ^^

برنس مكانه بالتشكيله خلف المهاجمين الا اذا جاء لاعب مختص بصناعة الألعاب عندها برنس يصير وسط ايسر ^^

هذا فيديو لبرنس الموسم الماضي للمصمم الرائع بو جاسم والله عجييب الفيديو قصروا على الموسيقى بما ان حنا برمضان :P



التسديده عند الدقيقه 2:24 لو سجلها قد تكون اجمل الاهداف في مسيرته

[Allen Walker]

بالعكس انا اشوف انه باوتينج يكون في الوسط افضل من انه يكون صانع العاب

لانه عنده لياقه وقويه جسمانيه وسرعه واشوف ان قدراته الدفاعيه اكثر من الهجوميه

مونيليفيو لو جاء وبيلعب مكان بيرلو .....ما ابغاه يجي ابدا اكويلاني افضل منه بكثير

سيدورف + غاتوزو + امبروسيني + فان بوميل

لازم يجوبون بديل لهاذولي كلهم لانهم على الاغلب كلها سنتين بالكثير وينتهون

لو اكويلاني ومونتليفو يجوون مع بعض راح يكون الوسط ممتاز جدا

[IL C a p i t a n o]

برنس مكانه الاصلي ورى الهجوم :P

بس لعبوه بالوسط يوم صار امبروسيني مصاب بأول مباراة بدوري الابطال وابدع ضد اوكسير

وخلوه يلعب بهذا المركز الا ان مستواه مو ذاك الزود لكن لما خلاه ورى المهاجمين اللاعب قدم مستوى رائع جدا ^^

[Allen Walker]

انت لاحظ في الفيديو اللي حطيته

يقطع كور بطريقه رائعه وكانه مثل قاتوزو ايام شبابه

وحتى في المرور من الاعبين جيد جدا يعني الصراحه لاعب

مافي مشكله يلعب في اي محل في الوسط اعتبره افضل صفقه قام بها الميلان في اخر اربعه اعوام <<<<طبعا بعد صفقة ابرا ^^

في الفيديو الدقيقه 3:4 الى الدقيقه 3:10 اعجبني مروره هنا ^ـــ^

[xiico10]

امممممم متى بنشوف غاتوزو في بيروجيا p:

[SOLIDSNAKE OLD]

هدف مونتليفو عجيب
اتفق مع الكبيتانو كلامة صحيح

[IL C a p i t a n o]

انت لاحظ في الفيديو اللي حطيته

يقطع كور بطريقه رائعه وكانه مثل قاتوزو ايام شبابه

وحتى في المرور من الاعبين جيد جدا يعني الصراحه لاعب

مافي مشكله يلعب في اي محل في الوسط اعتبره افضل صفقه قام بها الميلان في اخر اربعه اعوام <<<<طبعا بعد صفقة ابرا ^^

في الفيديو الدقيقه 3:4 الى الدقيقه 3:10 اعجبني مروره هنا ^ـــ^

اوك قلت لك مافي خلاف يصير وسط ايسر بس يجيبون صانع العاب جيد مكانه وكاسانو يطلع طبعا

ومشكور على تواجدك اليومي بالرابطه ^^

[IL C a p i t a n o]

امممممم متى بنشوف غاتوزو في بيروجيا p:

هلا زيكو بالنسبه لغاتوزو

مع ان يملك تاريخ جيد مع الميلان

بس اعتقد وقت خروجه حان الا اني لا اتوقع ان راح يطلع هالموسم خصوصا مع الستايل الجديد اللي مسويه بشعره هه

اعتقد بيصير كابتن هالموسم وامبروسيني يكون بديل له علشان الموسم الجاي يطلع يعني يراضونه يمكن :P

هدف مونتليفو عجيب
اتفق مع الكبيتانو كلامة صحيح

هلا بسنيك الكويتي :P

اكيد عجيب انسى كاكا يسوي جذي ههه << اضحك وياك :P

ومشكور على تواجدك اليومي بالرابطه اسعدني تواجدك ^^

ومشكورين شباب على التواجد اليومي

سعيد لتواجدكم ^^

يالله اللحين بحط هدف من الذاكره :P

[IL C a p i t a n o]

السلام عليكم

بما ان زيكو اليوم موجود عندنا بالرابطه

فلازم نحط هدف على ريال مدريد :P

طبعا الهدف للوحش شيفشنكو T_T

ضد ريال مدريد 2003 طبعا جميعنا نعرف منو الريال سنة 2003 والاسماء اللي يمتلكها من زيدان وفيغو ورونالدو والاسماء الطيبه

طبعا احس جماهير الريال لما تشوف الهدف بتسب سلغادو هههههه مدري ليش احس جذي

والهدف هذا كان هدف الفوز للميلان ^^

وفاز الميلان 1 _ 0 في المباراة

وطبعا نفس الموسم اللي فاز فيه الميلان بدوري الابطال اعتقد افضل موسم لي بدوري ابطال تابعته

لأن واجهنا افرقه قويه جدا الريال والانتر وبايرين واليوفي بالنهائي

عموما ما نطول عليكم ^^

هذا هو الهدف

<

[Allen Walker]

اااااه لو ترجع ايام الميلان بمستواه هذا

كانت كل الفرق تخاف من الميلان .....ما كان فيه فريق يقوفه

حتى برشلونه عطيناه اربعه XP

ان شاء الله كلها سنتين ويرجع الفريق لمستواه زمان ونرجع للفوز بالاقاب

الله يعطيك العافيه كابيتانو وشكرا لك + اختيارك للاهداف جميل جدا ^ــــ*

[IL C a p i t a n o]

العفو يالغالي ومشكور على تفاعلك

بالنسبه للميلان المخيف لكل الافرقه

انت تقصد ميلان اخر الثمانينات واول التسيعينات

ايام فان باستن وخوليت T_T

هذا الفريق كان خارق جدا

مو بس برشلونه فاز عليه 4 _ 0

حتى سحق مدريد 5 _ 0

هاك شوف الاهداف اهم شيء هدف انشلوتي :P

طبعا هدف انشلوتي هو الاول وكان رقمه 11 بو خدود :P




لكن ميلان الألفيه ايضا له نتايجه تاريخيه اهمها السداسية بقيادة شيفشنكو ورفاقه :P

6 _ 0 ضد انتر ميلان اللي كان يحمل ايضا اسماء كبيره ذاك الوقت

طبعا اللي سجلوا الاهدف

هدفين كومنديني

وهدفين شيفشنكو

وهدف غاتي اعتقد جذي اسمه من فاول

وهدف لبطل المباراة سيرجينهو

[Allen Walker]

اجل كنت اقصد هذي الفتره الاسطوريه للميلان واعتبره العصر الذهبي للفريق ولن يتكرر ابدا

لاكن للاسف كان عمري صغير وقتها وماكنت اعرف شيء XD


اعتقد كانت اقوى نتيجه للميلان على فريق قوي كانت مع مان شستر في دوري الابطال اللي انتهت 3_0


هذيك السنه ابدا ماراح انساها كاكا قدم فيها مستواه خارق جدا


وبالنسبه لتواجدي في الرابطه
هذا واجبنا اتجاه نادينا وان شاء الله اشارك اكثر في قسم الرياضه بما ان عندي معرفه كبيره بها

وخاصه في رابطة ريال مدريد لاني اعتبره فريقي المفضل بعد الميلان او يمكن اعتبر الاثنين بمستوا واحد

[IL C a p i t a n o]

حياك الله اخوي سعيدين بتواجدك ^^

بالنسبه ل 3 - 0 مانشتستر كانت من احلى الليالي

وقتها مانشستر ممصخر روما 7 _ 1 وميلاز فايز على بايرين

والكل متوقع يشوف فضيحه ميلانيه

لكن بصراحه ابدعوا الميلان ^^

بس للأسف بعد كذا موسم فازوا علينا ذهاب واياب -_-

ولا بعد 4 _ 0

لو تشيل الموسم هذا اللي فازوا فيه ذهاب واياب

راح تكون مواجهة الفريقين ال10 فيها 5 انتصارات للميلان وانتصار واحد للمان و4 تعادلات -_-

واكبر نتيجه للميلان بس الموسم قبل اللي طاف عطاهم نسبة كبيره في المواجهات -_-

[Allen Walker]

السنتين اللي بعد 2007 كانت اسوء سنوات يمر فيها الفريق

بالنسبه للمواجهات بين الفريقين لاتخاف انا اشوف انه مان شيتسر بدا ينزل مستواه والعكس في ميلان ^ـــ^

والميلان دائما يكون عكس التوقعات اذا كانت مباراة كبيره اتذكر صارت اكثر من مره

[IL C a p i t a n o]

...............................................................................................................................
IL C a p i t a n o
...............................................................................................................................

السلام عليكم



اخواني اتمنى تقرون الموضوع حتى لو كان طويل شوي بس يهمني رأيكم ^^

احب اضع لكم تحليلي البسيط للسيناريو اللي اتوقع راح يسويه نادي اي سي ميلان بالسوق هالصيف

...............................................................................................................................
IL C a p i t a n o
...............................................................................................................................

بعد مشاهدتي لمخلص مباراة ايطاليا واسبانيا وقريت الأخبار وتابعتها

وجدت شغله مهمه جدا راح تأثر حييل بسوق الميلان كما اعتقد حاليا << ممكن يتغير الاعتقاد مع جديد الاخبار

طبعا راح تقولون شاللي صار في مباراة ايطاليا واسبانيا وشدخل هالشيء بالميلان

اللي صار ان مدرب ايطاليا برانديلي استدعى كاسانو للمباراة

وحطه بالتشكيل الأساسي وفوق هذا كله كاسانو اخذ شارة الكابتن

وقاد ايطاليا للفوز ضد اسبانيا

هذا كله عطاني نظره تأمليه لشيء ما كنت حاس فيه ومدركه سابقا

مدرب المنتخب الايطالي سوى جذي لكاسانو مو لأنه فقد 3 كيلو مثل ما تقول الاخبار وتصريحه

سوى جذي لأن يبي لاعب يصنع الفارق للمنتخب الايطالي ويقود المنتخب في امم اوربا 2012 + كأس العالم 2014

لأن اللحين علشان نكون صريحين مافي مواهب ايطاليه كبيره من ناحية المهاره والقوة والعقليه معا

ولو نحاول نحصرها راح نلقى بس كاسانو وروسي وبالوتيلي ويمكن بيرلو

طبعا روسي ما عنده اي خبره وصغير ومو هو اللاعب اللي يقود ايطاليا

وبالوتيلي ما يحتاج مشاكله تارسه اليوتيوب

وبيرلو لاعب كبير بالعمر اصلا قاعد يلعب اساسي بالمنتخب لأن مافي لاعب يغطي مكانه + ما اعتقد يكون متواجد 2014 بكأس العالم

لذى كل الظروف تحد برانديلي ان يختار كاسانو

ويخليه يراهن عليه لأنه الورقه الأخيره له من اجل قيادة المنتخب للإنجازات

...............................................................................................................................
IL C a p i t a n o
...............................................................................................................................

طبعا هذه المشكلة اللي اهي عدم وجود مواهب ايطاليه كبيره نراهن عليها مدرك لها الأن الكل في ايطاليا

اذا فهي مو بس مشكلة المنتخب

بل للأنديه ويجب ان تساهم الانديه في حل هذه المشكلة

وهذا ما لمسته من الاخبار

وحلها راح يكون على مرحلتين كما اعتقد

1- ايصال مستوى لاعبين المنتخب الى المستوى المطلوب

2- انتاج مواهب ايطاليه حتى لا تعود هذه المشكلة

...............................................................................................................................
IL C a p i t a n o
...............................................................................................................................

بالنسبه للمرحله الأولى :-

بعد كل اللي قلته اعتقد راح يصير السيناريو بالوضع الاتي :-

1- اعطاء كامل الثقه لكاسانو وعدم بيعه والمراهنه عليه مع مدرب المنتخب الايطالي خصوصا ان كاسانو يمتلك الموهبه الا ان وزنه زائد + مشاكله

واعطاء كاسانو الثقه قد يساهم في توليد اصرار عند اللاعب ان يشد حيله خصوصا ان النصيب اللي راح ياخذه بيكون قائد ايطاليا

2- سيتم شراء مونتليفيو او اكويلاني او شرائهم اثنينهم ، وذلك من اجل تدعيم النادي بلاعبين طليان يلعبون على اقوى البطولات وافضل المستويات

وعلى هذه النقطتين اعتقد الميلان راح يلعب بإحدى هذه الخطتين لو تحقق اللي قلته توني

...............................................................................................................................
IL C a p i t a n o
...............................................................................................................................

الخطه الأولى ^^

طبعا الاسم اللي بالقوس اي اللي ممكن يكون بدال الاسم اللي انا حاطه اساسي ^^

ابياتي
تايو تايو ....... تياغو سيلفا .... نيستا (ميكسيس) ... اباتي
فان بوميل (امبروسيني ) ... مونتليفيو ( فلاميني - سيدورف )
كيفين برنس .................................... اكويلاني ( غاتوزو )
كاسانو( روبينهو )
ابرا .............................. باتو

الخطة الثانيه نفسها بس يلعب 3 مهاجمين و3 وسط وتصير جذي

فان بوميل ( امبروسيني)
اكويلاني (برنس) ......... مونتليفيو(سيدورف)
ابرا ........ باتو ......... روبينهو ( كاسانو)

...............................................................................................................................
IL C a p i t a n o
...............................................................................................................................

بالنسبه للمرحله الثانيه وهي انتاج مواهب

والميلان بدى في جلب الشعرواي وقط عليه فلوس وخلاه بالفريق الاول ^^

لذى اعتقد هذا السيناريو اللي بيصير بعد قرأتي الأخبار بشكل مفصل

ولن يأتي لا فابري ولا هامسيك ولا شفايني ولا نيله :P

طبعا هذا السيناريو ارشحه بقوة لأن فيه اشياء ايجابيه كثيره للميلان

1- توفيير فلوس :P

2- جلب اسماء ايطاليه للفريق وهذا الشيء من زمان يهتم فيه الميلان

3- تدعيم المنتخب بالنجوم

4- حل مشكلة عدم ظهور المواهب

لكن بالطبع اتمنى ان يأتي فابري او شفايني او هامسيك لأن بقدوم يعطون إضافه كبيره للفريق

واتمنى ان يتم جلب اكويلاني ومونتليفيو ونفس الوقت واحد من الثلاثه اللي فوق

وهني ضرب عصفورين بحجر ساعد ايطاليا وجلب نجم كبير بالوسط ^^

...............................................................................................................................
IL C a p i t a n o
...............................................................................................................................

[xiico10]

هلا زيكو بالنسبه لغاتوزو

مع ان يملك تاريخ جيد مع الميلان

بس اعتقد وقت خروجه حان الا اني لا اتوقع ان راح يطلع هالموسم خصوصا مع الستايل الجديد اللي مسويه بشعره هه

اعتقد بيصير كابتن هالموسم وامبروسيني يكون بديل له علشان الموسم الجاي يطلع يعني يراضونه يمكن :P

- هل من المفروض الفرق الكبيرة تجامل ؟ وخصوصا في مركز حساس مثل هذا !!

- وبالنسبة لأهدافكم هالموسم اعتقد ان شفاينشتايجر افضلهم ومونتليفو ما عندي فكره عنه ابصراحه و اكويلاني ما يصلح للفرق الكبيره لانه يفتقد لمقومات كثيره اما فابريغاس اعتقد انه Overrated

- امممم تذكرون مباراتكم مع ديبورتيفو في دوري الابطال 2004

- جمعة مباركة

[IL C a p i t a n o]

هلا زيكو والله شوف كلامك صحيح المفروض ما يجامل ميلان

والللي ضيع ميلان اخر السنين المجامله الزايده -_-

بالنسبه لشفايني صاج اخوي انا علشان جذي ابيه بس اعتقد صعبه يجي ^^

اما عن ديبورتيفو يا معود لا تذكرنا T_T

من 4-1 الى 4-0 -__-

وتقبل الله منك اخوي

وسعيد لتواجدك بالرابطه ^^

[Allen Walker]

ياسلام عليك ياوحش الرابطه XP

تحليلاتك منطقيه ولاكن احسه صعب جدا يجي مونتيليفيو واكويلاني في نفس الوقت ......ومعاهم كمان احد الثلاثه اللي قلتهم

ابدا احسه معجزه لو صارت XD


بالنسبه للخطه ما عندي شيء اعلق عليه فيها @@

يعطيك العافيه وحشنا على التحليل ........والله يسمع منك ويجي شفايني

[SOLIDSNAKE OLD]

كبيتانو تحليلك يمكن يكون ويمكن لا
شكرا ع المجهود