قهوة WoW .. :P

[ولد بطنها]

انت واضح انك كويتي , من شفت كاتب جبد

انت من اي منطقه بالكويت ؟ هذا سؤال صجي

الاستعباطي
انت منو واسطتك اللي قطك المنتدى هني واهو في مندوب موجود قبلك ؟ ها

ليش الفرز ما احذفوك منتدى ثاني او اجنبي او اسيوي , واسطتك هذا قوي اللي حطك على قلبي

الملك وصلت عروقه بالفضاء الخارجي, وانت تكلمني على الإحتكار؟ هذه سياسة التوسع الجديده الي يتبعها ملكنا الموقر

وطول مايستطيع المندوبون التعايش سلميا, فما فيه قانون عروقه بالماي يمنع هالتعايش والتقارب, بشرط يوافق الشرع والقانون الإسلامي

شكلك موديلك قديم ومعذور ياولد بطنها المكنى بكارازان, يعني مو كرزه وحده

الصج
وش الهرج ذا؟ تبا تخبرني ولا لا يالسبال؟ طاف أتغمشر معاك ولد عمي!
أقلك تسمع بطارق العلي؟ بخيت وبخيته؟ ربنا يخليهلكم, الراقل ده أصيل وقدع أوي!
كم لهجه بالسطرين الي فوق؟ خخخخخخخخ, وصلت المعلومه؟ ههههههه
شوف هالمقطع بعد ليفسر لك:
http://www.youtube.com/watch?v=JT9pQ_O3qtg
من عند 1:48

يمكن أكون كويتي يمكن لأ؟ هههههههه
بس الآي بي كويتي حالياً, مو مشغل البوت..اااعع.. البرنامج. أي مراقب ملقوف عنده صلاحيات يقدر يشوف ويعرف هههههه
ترا ملقوف مو سبه, تكفون لاتصكوني إيقاف وأنا بعز الشباب
هههههه

[Karazhan]

انت ليش كلامك داش ابعض ؟ تدخل سالفه تطلع من سالفه بنفس الوقت

[Karazhan]

بتقولي انت منو او لأ

[ولد بطنها]

ولد بطنها#2, ماعندك صلاحيات تستجوب أي مندوب بعد نبذك للعبه وترويجك لمنافستها في المشمش والبطيخ طبعاً, guild wars 2

منظمة ملك اللعبه الي عروقه بالماي, تقوم على تغليب مصالح اللعبه على مصالحنا ومصالح الجميع

انت خرقت عدة بروتوكولات, الحين تستجوب, بكرا تبي تحل المنتدى وتستقيل, شي يجذب شي, وبيتدمر كيان واو

ملك اللعبه سره لزيز, ومايحس بحلاوته الا الي وفي له ومجابل واو 29 ساعه

الحين إنت منو, باجر عطني سلف, باجر طقلي الكرت مالي, عطني مزه, ادفع لي نص حق الشيشه

وترا الي مو مع الملك, مع الإرهاب يكون, عاش الملك وعيال بطونها جميعا

وعطه بريك دانس

[Karazhan]

اي كأني صدتك شفت دخلت بأسمك الاصلي ولما قرأت الكلام طلعت ودخلت بالاسم هذا عشان ترد

كأني صدتك بس بنطر شوي لين اتأكد 100%

لأني كل المعطيات تشير الى انك اهو و اهو انت ليش لأن اهو كويتي و مراقب سابق و يتابعني بشغف

المهم شرايك الحين امرك ونتعرف على بعض ونروح الشويخ الصناعيه عشان بشتري سنسر اقزوز لسيارتي واركبه , مايطول , لأن سيارتي فيها تشغيل عن بعد والمشكله ان علمت علامه المكينه اللي صوب العداد فأن السياره ماتشتغل عن بعد لازم اسويها

فأنا ابي خوي يروح معاي هناك ومنها نتعرف واذا تبي اوديك شيشه ونسولف عن اللعبه انا حاضر خصوصا وانت شكلك مدمن شيشه لأن كل موضوع لازم تجيب الطاري

[Karazhan]

واسمعك


http://www.4shared.com/file/102872641/b79dbaac/_-_.html


طق تشغيل واسمع

والجو بديع اليوم

ونمر ابو شنب نقعد عنده شوي لأني باخذ منه شغله ونروح الشيشه بعدها

[ولد بطنها]

خلنا نتكلم بالمنطق يابعد حيي. شلون أكون متابع بشغف وبصمت؟ يعني على قولتك لو عضو ثاني يشوف مشاركاتي ومشاركاتك السابقه, مابيميز, بيقولون فيه إنفصام ولا يحب يجّمع عضويات. يعني يا إني أعرفك شخصياً, أو إني عضو قديم بالقسم هذا ومستمر معاكم. يعني لاحظ الدقه حتى بالهمزات. هذا كله يدل إني متواصل معاكم ومستمر, خاصه إني مو بس نظامك أعرفه, أعرف أغلب الي صارلهم أكثر من سنتين مسنترين هنا لول. بعضوية أخوي ماشاركت ألا بموضوع حق سيرفر, والموضوع الثاني جاي أبيع إشتراكي بعد مازهقت. كنت ألعب بالأمريكي أيام عضويتي الأصليه, ومتعرف على شباب يلعبون بالأمريكي بعد, مع إنهم كانوا قله.

وعموماً, الكلام ببلاش.

بخصوص الصناعيه, أنا ماروحلها ألا عشان أسوق تحت جسر قريندايزر, وأشغل أغنيته. مره العربيه ومره اليابانيه. جو! وأكون قبلها مار الرحاب ومطعم البطريق. أيا باااااااااه!
يمكن بالمستقبل, نتنور بوجودك وطلتك البهيه! وبخصوص الشيشه, مادخن ولا أشيش مطلقاً. بس رفيجي الروح بالروح يدخن طول الوقت وبأي مكان الله يهديه.

هذا المقطع حق الي عندهم فروست ميج ولا الي مخططين على واحد لووول
http://www.youtube.com/watch?v=W-Z6t...ature=youtu.be

=مقهور لأن مسوي فروست ميج وطلع له كلاس ثاني وكفخه

فديتك عالدعوه وااااااي تهبل XD بس باقي تمرني مع بوحا ونشوف ليه رايق هاليومين مع عيال بطونها

[Karazhan]

زين يالحبيب انت مخزن صوري من قبل سنتين عندك وحاطهم الحين

اخاف مخزن صورتي وانا لابس فانيله و سروال بعد

استر علي الله يستر عليك مو تنشرها بمواقع ثانيه

ترى الستر زين , تخيل عندك خوات ترضى يصير فيهم هالشي ؟ اذا عندك امسحها عشان ما ينسرق كمبيوتر او هكر يدخل جهازك وياخذ الصور ويفضحني , انا وراي زواج وتعرف ان اطلعت الصوره تنتشر في مجتمعنا بسرعه البرق واطيح بجبد اهلي

انا ماهقيت ان في ناس معجبين فيني ويخزنون صوري , لو ادري ما حطيتها , لأني يوم حطيتها حاولت اسوي حفظ لها عشان اتأكد ان محد يقدر يحفظها , لكن اذا انت قدرت تاخذها اتمنى تمسحها

كما تدين تدان , انا بلحظه ضعف مني + الشيطان قص علي + مشيت خلف شهواتي الدنيئه = حطيت الصوره , لكن تحسفت وشلتها , وماادري كم واحد اخذها وركب عليها جسم وقال هذا ولد بطنها الشاذ

لأني توني عرفت اهوال الفوتوشوب وان يسوي كل شي , يامعود ترضاها بأحد من اهلك يصير نفس اللي تسويه معاي ؟ اكيد ما ترضى , ولا يقص عليك الشيطان ويخليك تمشي ورى شهواتك الشيطانيه وتفضحني

انا مستعد اعطيك 10000 جولد كاش بس عطني الصوره وتحلف ان ماعندك نسخ ثانيه منها وتسوي لجهازك فورمات

[ولد بطنها]

ههههههههههههههههههه شهوات شيطانيه وإستر علي! يامعود الشرع حلل أربع, بس أنا وحده وساتره علي. لاتحاول يعني.

أنا كان فيني شوية لقافه تقدر تقول, أصور وأسجل كل حدث مهم بالمنتدى بأي قسم أشارك فيه. بجهازي القديم فيه صور مراقبين ومشرفين وأعضاء من قسم منتدى المنتدى للألعاب العام "كح كح", وبلاوي ثانيه ههههه.

أنا أدري إن ودك بقطوه تنام على سريرك, فبوريك إنت وكل شخص لزيز ورايق صورة الفيرال كات الي عندي:


Uploaded with ImageShack.us

وهذه صوره حق مارشمالو الجلكسي بخلطتي السريه:


Uploaded with ImageShack.us

ترا مو بس يوشي وإنت الي تعرفون حق الطبخ

كلك حركات

وبخصوص الصور, يامعود للأسف مامداني, شكلي بقبل دعوتك لي حق الشيشه وأفر راسك بمعسل, وبصورك من جديد بالفانيله والمكسر. بس تكفى إبعد عنك الشهوات هههههههههههههههههههههههه

[Karazhan]

هذي ايدك اللي خانق فيها القطو ؟

الله يعينها لا تذبحها في احد يمسك قطو جذي

واضح من ايدك انك وحش اللي بس الكف غطى القطو كله

يبا هونت مابيك تخاويني الصناعيه ولا الشيشه بروح بروحي

[Karazhan]

زين انا بسألك وجاوبني بصراحه

ليش اخترتني انا بالذات ؟ يعني ليش ما اخترت شخص ثاني وقعدت تسوي نفس ماتسوي معاي الحين

انت تدري ان العين علي , مهما اقول للناس ان مالي شغل مايصدقوني

وفوق هذا صارتلي تجارب سابقه مع اعضاء دخلوا بأسماء مشابه لي او يدعون بطريقه غير مباشره انهم انا , وبالنهايه ياخذون توقيف وانا بعد اخذ توقيف

يعني انت هدفك اني اتوقف ؟

او ليش ماتدخل بأسم جديد وتشارك عادي , ليش اخذت اسمي وصرت تشارك فيه وتقول كلامي و الملك والمندوب وغيره

وانا مادري بالضبط شنو قصتك مع بوحا حتى بالتوقيع كاتب بوحا . يعني تبي تشعللها بيني وبينه او انت اهو وتقول انا مراقب سابق

انا مابي تقول كلام وتنسبه لي والناس يمكن مازالوا يعتقدون انك انا وتصير مشاكل بيني وبينهم بسببك

اترك الضحك الحين وقولي ليش يعني اخترتني بالذات ؟ ليش ماتسوي عضويه و تكون انسان طبيعي فيها مو تستخدم اسلوبي وطريقه كلامي

انت احسن مافيك انك ماراحت اقسام ثانيه وفضحتني هناك , مكتفي بالقسم هذا

الحين قولي ليش تسوي جذي

[ولد بطنها]

هذي ايدك اللي خانق فيها القطو ؟

الله يعينها لا تذبحها في احد يمسك قطو جذي

واضح من ايدك انك وحش اللي بس الكف غطى القطو كله

يبا هونت مابيك تخاويني الصناعيه ولا الشيشه بروح بروحي

ههههههههه هذه الصوره يوم كان عمرها 4 أسابيع. وأنا مو خانقها يامعود, مثبتها براحة إيدي وجوانبها عشان تطالع فيني وأصورها. لو خانقها ماتشوفها مبتسمه وتناظر الكامرا خخخخخخخخ.

وترا لاتغرك الصوره, أنا يوم إنولدت كنت أبيض مثل جبنة كيري أو أبو الولد. يتوهقون لاقعدوا يصورون فيني, كله أعكس. بس الزمن لعب في لوني, وطيح درجات الأبيض عندي.

وبخصوص ردك الأخير, مثل ماقلت لك. أنا أعرفك من أيام Outland, يعني يوم كنت شرير إنت. وبعدين إنت نزلت رد وقلت إنك كنت تلعب وتتغشمر وإنك في الحقيقه والواقع إنسان مختلف جذرياً عن شخصك السابق بالقسم.

وبخصوص التوقيت والسبب: أنا كنت فاضي ومروق, وقلت خل أتغشمر معاكم ونروق الموضوع شوي. شفتك إنت وبوحا طابين بواحد مسكين, وصرتم ربع وحبايب, من هنا جت:
"بوحا (تدري) إنتا ولا ماتدري, أحبك يابعد (ش)بدي"

عرفتا؟ هههههه

مو الهدف أخرب سمعتك ولا أسوي مشاكل. لو كان هذا الهدف, جان على قولتك داخل بمواضيعك الثانيه ولاحقك بالأقسام ومتحرش بالأمه إلخ. بس أنا مسوي هالعضويه لأغير جو القسم شوي, صاير يخنق.

وبيني وبينك "حلوه هذه", لا صج. أفكر أسوي عضويه ثانيه لافضيت اليوم. لأن ماني قادر أرجع عضويتي القديمه الأثريه, ولا أحب أقعد أشارك بعضوية أخوي.

ولو تلاحظ, ماأذيت أحد بالقسم ولا برا القسم بالعضويه هذه هههههه. بس عشان تعرف إن النوايا سليمه.

Cheers

[Karazhan]

انت قولي شنو عضويتك وانا ارجعها لك افا عليك

ترى عندي واسطه بالمنتدى لايغرك اني اتوقف بالشهر مره تقول راتب بس ترى عندي معارف واضبطك

انت بس قولي شنو اسم عضويتك وانا ادزها لمراقب يسوي لها ريست او يغير اسمك هذا "ولد بطنها" الى "الاسم القديم" وتنتهي السالفه

بس انا اقول واكرر الناس لو تحلف لها انك مو انا مايصدقون . انا ابيك تستوعب هالنقطه بس

يعني لا تفكر انك تقول ياجماعه ترى انا مو ولد بطنها حسبالك يقولون لا والله ايييييي مسكين ظلمناه

لا مايدور هذا , انت بنظرهم انا الحين , فكني يااخي مو ناقص

[ولد بطنها]

ههههههه تسلم لي عالواسطه. بس أنا كنت موجود قبل لايصير داركتيب المشرف العام. يعني على أيام بدر والصقر وباقي الإخوه الله يرحمهم دنيا وآخره.
"كح"

لاتشيل هم. ولايهمك العذّال يابطل. على قولة الشاعر: "قول عني ماتقول.. ترارام, دربي كم صعب الوصول"

وتراك دوختني, مره تعزمني على مطعم ريم الغانم, وبعدين تجي وتقول فكني وروح انتحر. شالحل معاك؟ أفصخ دلاغاتي وأعصب يعني؟؟

تراني مواصل من الساعه 2 الظهر أمس. ماقدرت أنام بسبب الإوكسي ليت برو. داش كورس تضخيم وظاربه فيوزاتي.

متى تمرني صج؟ هههههههههههه

خلنا نسولف عن واو والباندا الي ملهاش حل. وتعشيني على حسابك بمجمع الأفنيوز عند إيكيا. البوفيه شغل عدل مدل زي أبله عطيات

لا.. وتوه داق علي واحد من الربع. الأخ مملج, يعني بالشرع والقانون متزوج الله يباركله. بس يقولي مو قادر يشوف حرمته أو حتى يسمع صوتها ألا بعد العرس, يعني بعد 8 شهور.
شيشته وقلت له القانون والشرع معاك, بس يقولي التقاليد ضدي وأنا أخوك. والحين بيمرني يبي يعوض حنان.

يعني لازم أعصب وأرفس المخده الحين؟؟؟ ليش ليش؟؟

[Karazhan]

انا ادري ان بوحا يحبني ويموت فيني

واذا توقفت يزعل ومايشارك الا لما ارجع , مثل مره اخذت توقيف امام كنت شرير ودخل قال ليش ولد بطنها متوقف عسى ماشر , الظاهر ردوا عليه بالخاص عن السبب اني متحرش بعضوه بالمنتدى وانا كان قصدي شريف

المهم اهو اعتزل المشاركه الى ان رجعت , بيني وبينك انا اعرف من بين السطور اذا كان الشخص يجبني او لأ , وبوحا مستعد احلف الحين ان يحبني ويحب شوفتي بالمنتدى ويتابعني بصمت , كل موضوع اكتبه بأي قسم يدخل ويقرأه ويطلع بدون ما يشارك

بس اهو عنده عزه نفس شوي ومايقول الصج , بس لو تنومه مغناطيسي وتخاطب عقله الباطن تشوف طول النومه يردد " ولد بطنها ولد بطنها ولد بطنها الملك الملك الملك اللي عروقه بالماي اللي عروقه بالماي "

بس بالصج مايقول , ومافي محبه الى بعد عداوه صدقني

بس اهو عنيد و ثقيل

نرجع لمحور حديثنا

عطني عضويتك السابقه وانا بأذن الله ارجعها لك