التحدي الكبير (الجزء الثاني)

[tis tis]

والله محد معاكم ...لانه الكل مشغولين وانا مالاقي وقت ارسم فيه الا نهاية الاسبوع...يعني رسم صح مهو اي كلام والسلام..وفي المدرسه سكيتشات بس ونهاية الاسبوع تطبيق...

سلام ستري..

[VIP 007]

يعني وانا رسمتي سيئه لحد هذه الدرجه


انا اعرف ان رسمت ارنج رود لا تقارن برسمتي (فرق كبير)




بس ما اعتقد انك شفتها اصلا او أحد اهتم فيها،،،،،



لأني بكل بساطه مو مراقب ومشاركاتي على قدي،،،،،،


حتى شاهين سألته عن رسمتي وماجاوب أو رد علي وما أحد علق على الرسمه :" :" :" :"

[Rewayah]

وأنا بعد أبي أشارك!
ولا خلاص مايصير؟ :#

[alucardracula]

السلام عليكم
هاه! أشوف التحدّي في عطلة و أنتو بالعكس..
أخويي VIP 007 وين رسمتك؟؟ انا ما شفتها!! رجعت كم صفحة ورا ما شفت لك رد فيه رسمة! اعذرني لو شفتها كان علّقت عليها...
على العموم أتمنى تشتد نار الحماس في هالموضوع كما أتمنى التوفيق للجميع..

[Ranma Saotome]

الرسالة الأصلية كتبت بواسطة VIP 007
يعني وانا رسمتي سيئه لحد هذه الدرجه


انا اعرف ان رسمت ارنج رود لا تقارن برسمتي (فرق كبير)

بس ما اعتقد انك شفتها اصلا او أحد اهتم فيها،،،،،

لأني بكل بساطه مو مراقب ومشاركاتي على قدي،،،،،،

اخوي انا شفت كل الرسوم هذا اولا..
ثانيا: انا ماعلقت على اي رسمه عشان تقول اني ماعلقت على رسمتك
ثالثا: انا تم وضعي حكم على اجماع معظم الاعضاء
رابعا: عند اعلان النتايج اقول الفريق اللي فاز والرسمه او الرسوم اللي اهلته يفوز بالجوله.. وشكرا

الحين بدت الجولة الثالثه والكل ممكن يشارك ويفوز.. يمكن رسمتك تفوز في هالجوله ليش لا

[Ranma Saotome]

اهلييييين استاذ روايه..
اكيد تقدر تشارك.. الكل يقدر يشارك لكن اهم شي مايتأخر وطبعا ماودنا ينتهي التحدي وروايه ماعرض اي شي ;-)

لورد الوكارد اهلا اهلا.. بس تعال تعال.. بس تدخل وتطلع ولا تقول بتشارك ولا شي.. يلا عاد بس مشاركه بسيطه يمكن تربّح الصبيان، ولا ماتبيهم يفوزون

بغيت اذكر ان هذي هي الجولة الثالثه وموضوعها:
- البطل الوسيم القوي.
وآخر يوم لعرض الرسوم راح يكون تاريخ 6\10 وبعدها التحكيم وبداية الجولة الرابعه..

بعد الجولة الثالثه راح تبقى 3 جولات.. ممكن الواحد يبدا يجهز للجولة الخامسه او غيرها من الحين ومايشارك في الجوله الحاليه لكن المهم ان الكل يشارك.. نبي نشوف تنافس.. عشان اللي يفوز في الاخير يفوز بجداره..

كأني طولت في الكلام?: اوكي اخليكم الحين
بااااااااااي

[orange road]

فزنا فزنا

اخيرا اخيرا

ههههههههه

الحين البطل الوسيم القوي

وشاهين ورواية بيشاركون
ما في امل

الا اذا يات لولي واشتركت
حزتها بنفوز

او فطوم

وينكم :"

[Rewayah]

الرسالة الأصلية كتبت بواسطة Ranma Saotome
اهلييييين استاذ روايه..

بغيت اذكر ان هذي هي الجولة الثالثه وموضوعها:
- البطل الوسيم القوي.
وآخر يوم لعرض الرسوم راح يكون تاريخ 6\10 وبعدها التحكيم وبداية الجولة الرابعه..

حراااااااام!! :"

فاتني رسم بنت وحيوان مدلل مفترس (من الأشياء اللي أجيدها)...
والكيوت لولد وبنت... وهاي لي فيها بعد...

... :غضب:

... ... عادي!

باقي...
- البطل الوسيم القوي
- قصة مخيفة
- رسم مركبة خيالية
- فتاة نصف حيوان
راح أبذل قصارى جهدي! -_^

شكراً رانما!

[shaheen]

للأسف ماراح اشترك... عذرا.

لم اتوقع منك هذا أخي العزيز.

[alucardracula]

يا ليت لو عندي وقت يا رانما يا ليت والله ما كنت راح أتأخر...
ما أتوقع أن راح أعرض شي أصلا مو بس في هالموضوع حتى
الله المعين بالتوفيق ان شاء الله..

[alucardracula]

الرسالة الأصلية كتبت بواسطة shaheen
للأسف ماراح اشترك... عذرا.

لم اتوقع منك هذا أخي العزيز.

استغفر الله العلي العظيم
شنو صاير أخويي شاهين؟؟
ليش هالقرار هذا؟

[Ranma Saotome]

انا اسف اخوي شاهين ولكن..

انا اكثر من مره طلبت ان يتم تحديد وقت لكل جوله واعتقد اورنج رود نفس الشي لكن ماشفنا منك اي رد على هالنقطه..
وبصراحه نطرنا وايد والموضوع مافيه ذاك الاهتمام مثل الجزء الاول..
ومادري افتكر 10 ايام فترة كافيه لكل جولة، في الجزء الاول سمايلي وضع فقط 6 ايام وكان الكل يشارك..

well.. اذا كنت تبي تمدد تخلي كل جولة اسبوعين.. it's up to u في الاخير هذا موضوعك انا بس بغيت ان اضبط المواعيد والجولات
واتمنى ان تحدد فترة كل جوله بسرعه عشان المتسابقين يكونون جاهزين

[shaheen]

الرسالة الأصلية كتبت بواسطة shaheen
أنا عندي كلام...

بما ان الثلاثاء مر وانت ماحطيت تحكيمك فليش مانخلي الفترة بدل 10 ايام نخليها اسبوعين.. يعني الجمعة الجاية تحط التحكيم ونبدأ الموضوع الثالث وننتظر بعد اسبوعين للتحكيم اللي بعده شرايكم؟

اعتقد اني قلت رأيي.. اليوم اخر يوم من المسابقة الثانية... وغدا نبدأ الثالثة والفترة هي اسبوعين.

[Ranma Saotome]

okey master.. whatever u say

[Ranma Saotome]

السلام على من اتبع الهدى

انتهى يوم الجمعه.. ومددنا يومين كما امر السيد شاهين.. والله اني 24 ساعه على المنتدى انطر يعرض رسمته.. لكن هههههههههه مادري ليش اضحك....

اولا بغيت اقول.. الجولة الاولى بدت من اول مابدا الموضوع يعني تاريخ
19\8 واعلنت النتيجه في تاريخ 10\9.. يعني الجولة الاولى خذت 22يوم بالضبط....

الجولة الثانيه بدأت يوم 10\9 وانا اعلنت النتيجه تاريخ 25\9 اعتقد.. يعني لو كانت فترة كل جولة اسبوعين فأنا اعلنت النتيجه في الوقت المحدد.. لكن شاهين قال بعد فوات الاوان خل نمدد لين يوم الجمعه يعني زيادة على الاسبوعين 4 ايام.. صح ولا انا غلطان

في الجولة الاولى الكل انتظر عشان شاهين يخلص رسمته.. وفي الجولة الثانيه بعد انتظرنا ومددت الفتره لكن ماشفت رسمتك.. للأسف
الناس يرسمون ويتعبون للمسابقه وشاهين يرسم على راحته ويقعد على الرسمه اسبوعين عكس الناس كلهم..

بصراحه مب بس انا.. اعضاء وااايد قالوا لي ان الموضوع مهمل وسايب ومحد مهتم فيه.. وكنت اكرر نبي تنظيم للمسابقه لكن لاحياة لمن تنادي... ففكرت ان انا احسن من غيري لأني الحكم ان انظم المسابقه..
وبعد ماعلنت النتيجه.. الغى الاستاذ شاهين النتيجه وقال انتظروا يومين.. والحين انتظرنا ولكن لا فائده..

بس قبل مانسى.. خل اعيد اعلان النتيجه.. واللي الكل يعرفها.. ان البنات فازوا في هالجوله

ياريت الكل يدخل موضوع التحدي الاول ويشوف الفرق بينه وبين هالجزء..
زميلي سمايلي اعلن كل شي من اول مره وحدد المواعيد والقوانين وكان الكل متحمس ليييش؟؟ لأن كان في منافسه

انا مابي اتكلم عن الحماس وغيره.. انا بس مستغرب من سالفة تمديد المده بعد انتهاء الوقت بدل الضائع حتى من دون اي فائدة تذكر.. واتمنى امووووت واعرف ليش تم تمديد المده.. وقبل مانسى.. استاذ شاهين مادري اذا انت راضي عن نتيجة هالجولة ولا تبيني اغيرها بعد.. ولا شرايك نخليها معلقه ونبدا في غيرها لين تقول متى تنتهي..

المهم الحين هالجولة انتهت.. وبصراحه مادري متى بتنتهي الجولة الثالثه..
وهل بتكون المدة اسبوعين او 10 ايام او سنه.. الحين.... ننتظر شاهين يعلن بداية الجولة الثالثه