تصحيح لموضوع : الرسم و التلوين بالفتوشوب .... ( بس بجنوون !)

**MZM** · 21-12-2002, 10:34 PM

الحين نرجع لرسمتنا الأساسيه

و نطبق نفس الإسلوب

........ نفتح صورة اللمعات ... و نحطهم داخل صورة الشخصيه و نشدهم و نعدلهم و نركبهم بنعومه على كل خصله بشكل سريع
و ما ننسى ان اللمعات لازم تكون فوق طبقة الشعر
و بعدها نحرق الشعر ( بطبقة الشعر) و نغمق أطرافه بأداة الـ Burn
و راح اعرض الصور بالتريب ..... و منها تعرف الخطوات من دون شرح
انقل اللمعات و نسقها على أطراف الشعر بالشكل المناسب ^^

اتبع الصور و لاحظ .. راح تغنيك عن الكلام الكثير

**MZM** · 21-12-2002, 10:37 PM

استمر بوضع اللمعات بمكانها الصحيح ..... و مسح الأطراف الزايده

**MZM** · 21-12-2002, 10:39 PM

استمر (( واضحه اللمعه بالجهه اليمين ..... حركها و إستخدمها بالمكان المناسب ^^ ))

**MZM** · 21-12-2002, 10:43 PM

بنفس الوقت إحرق و غمق أطراف الشعر ....... و قمة الراس .....(( يمكن تكون الصور لونها داكن و مو باينه التفاصيل ..... فتح ألوان شاشتك و زود السطوع على شان تبان الألوان بالشكل الصحيح و تبان التفاصيل))

**MZM** · 21-12-2002, 10:46 PM

استمر و زيد التفصيل بالحرق و اللمعات

**MZM** · 21-12-2002, 10:48 PM

**MZM** · 21-12-2002, 11:08 PM

إنتهينا من تلوين الشعر و الوجه بالكامل

و الحين وصلنا للعين .....^^

حبيت أخليها آخر شي لانها على الرغم من بساطة خطواتها إلا إن تأثيرها قوي جدا على الرسمه ....

نعمل طبقه جديده للعين ..... و تكون ها الطبقه تحت طبقة الجلد و الشعر و الحدود ........ يعني آخر طبقه من تحت
و مثل ما تعلمنى كيف نلون الوجه و نحط طبقات مفصله ..... و مثل الشعر كيف فصلناه ..... الحين جا دورك ترسم دائرة سَواد العين بنفس المبادىء
يعني حط لها طبقه .... تحت كل الطبقات .... و حط لون الأساس ..... بعدين الطبقات للألوان ..... و طبقةاللمعات ....... لما تكتمل معاك العين كلها

**MZM** · 21-12-2002, 11:13 PM

و الحين بعد ما إكتملت الرسمه بالكامل من ناحية التعبيه و التلوين
جاء دور اللمسات الأخيره .......
مثل الظلال ...... و تعديل حواف الشعر الدائريه .... و نخليها حاده ... و مسح أي أخطاء و تعديلها .... يعني نظره عامه على الرسمه بعنايه مع التعديل

اولا الظلال
نبدأ بظل الجفن الخفيف على العين
اولا نسوي طبقه فوق كللل طبقات البشره ..
ناخذ الفرشاه العاديه .... و نختار اللون الأسود ..... و نختار حجم الفرشاه المناسب للعين .....و نخط خط عريض و كبير على الجفن العلوي للعين (( مثل ما هو موضح بالصوره ))

**MZM** · 21-12-2002, 11:15 PM

نأشر على طبقة اللون الأسود (( طبقة الظل للعين اللي في قمه طبقات البشره )) ... و نزيد من شفافيتها (( نخفض الـOpacity))..... و نخليها مثل الطيف الناعم

**MZM** · 21-12-2002, 11:19 PM

نمسح الظل اللي طالع برا العين ....... و نخلي الطبقه شفافه أكثر .... مثل ما في الصوره ...

الحين خلصنا من ظل العين

**MZM** · 21-12-2002, 11:24 PM

نبدا بظل الشعر بنفس الطريقه ........ حط طبقه جديده تحت طبقه الشعر و فوق طبقة الجلد ..... يعني بينهم (( على شان الظل مكانه الحقيقي فوق الجلد و تحت الشعر ))
و حط خطوط سودا فوق الجلد بطبقة الظلال تتماشى مع خصلات الشعر ...... و بعدين خل الطبقه شفافه .....و مسِّح الزوائد .... و بعدها ينتج معاك ها الشكل ^^

**MZM** · 21-12-2002, 11:31 PM

نلاحظ الحين ....... ان الظلال على الجبهه خفيف يحتاج سواد أكثر (( من نظراتك الأخيره للرسمه تعرف النقص و تحاول تعدل فيه ..... ليما تطلع الرسمه بالشكل الأفضل ))
نزيد طبقه للظل بعد ..... و نخليها طبعا بين الشعر و الجلد
و نلون باللون الأسود على المنطقه المطلوبه

**MZM** · 21-12-2002, 11:34 PM

نخلي الطبقه أكثر شفافيه ..... و تطلع بها الشكل

**MZM** · 21-12-2002, 11:37 PM

و أخيرا .......إنتهت رسمه راس الشخصيه .... بشكلها النهائي
لكن صبر ?:
ليما الحين فيه بعض المناطق فيها شي غلط

...... مثلا اطراف الشعر .... او الخصله اللي يم الإذن شكلها غريب :6

**MZM** · 21-12-2002, 11:46 PM

عندك المساحه ..... و عندك كل الأدوات ..... دبر عمرك الحين يا فنان انا ما اعرفك

ههههههههه خيانه :6
اترك لك ساحة المعركه ;-)
و الخلفيه أمرها بسيط ....... بكل بساطه أرسم خلفيه مناسبه للشخصيه

شفت شلون الامر بسيط ههههههه.... و حطها بطبقه أسف كللللل الطبقات
و إنتهينا يا فنان و يا فنانه :6

الموضوع: تصحيح لموضوع : الرسم و التلوين بالفتوشوب .... ( بس بجنوون !)

أدوات الموضوع

ضوابط المشاركة