انا شاكر المجهود اللي تقومون فيه لإخراج الدوري الاماراتي وشايفين انه الكل منتظر هذا الاصدار فياليت توضحون لنا بعض الاستفسارات:
1- الموعد المتوقع لصدور الدوري الاماراتي.
2- بعض الصور عن أشكال الاطقم والشعارات والقوائم اللي شغالين عليها حالياً.
3-عدد وأسماء الفرق اللي موجودة.
كما اني اعيد واكرر لظهور إصدار خالي من الاخطاء ( قدر الامكان ) يجب أن يكون العمل جماعي يشارك فيه اللي عندهم خبرة في هذا المجال يعني فريق عمل مكون من عدة أشخاص وتوكل لكل شخص مهمة معينة وهذه العملية اصبحت أسهل بعد وجود برامج تسهل عملية إرسال بيانات اللاعبين.
أرفق لكم صور من تجربتي الخاصة في هذا المجال وإذا محتاجين اي خدمه تراني حاضر والهدف أنه يطلع إصدار يستفيد منه الجميع.
الرسالة الأصلية كتبت بواسطة الوصلاوي أوكيه أخوي البواسل عطني الي تقدر عليه ...
و أنا راح أحاول الحصول على معومات عن الخليج ...
الوصلاوي
اخوي لازلت اشكرك على ثقتك بس انت للحين ما وضحتلي اللي اعمله انا اقدر اجيبلك كل التفاصيل لنادي الامارات بس انت حددلي اللي تبغيه بالضبط
وهذا نص من ردي السابق
المعلومات اللي تبيها هل تقتصر على فقط اعطيك شو اشكالهم ام صورهم الحقيقية ولا فقط اقول كيف هذا شكله طويل قصير او ابيض او اسمر وبالنسبة للطاقات هل انت اللي بتحددها
وعن اللبس انا عندي صورة للاعب واضح فيه شعار النادي مع لبسه والشركة الراعية وهل هذا احطه لك بعد
يا ريت انك تدخل على الاقل كل يومين لننتهي من هالشريط اللي ينتظره الشارع الامارتي بفارغ الصبر
أنا برد على استفساراتك ..
1- الموعد لم يتم تحديدة بعد ..(( بس باجي الطاقات )) و أنا أبي واحد يساعدني ... أنا راح أكتب طاقات العين و الوحدة( خلصتهم) و الوصل و الأهلي .. و أريد من أي واحد يقدر يحط طاقات باجي الأندية يسويها و يحطها في هذا الموضوع .. (( و أنا راح أعلمكم بالطريقة في الرد التالي ))
البواسل :
أنا ابي منك : أشكال اللاعبين ( وصف فقط .. و ما يحتاج صور ) و أيضا صورة بها اللبس الأصلي و الإحياط ( حاول تييب أوضح و أبر صورة ) و الطاقات راح أخبرك عن الطريقة في الرد التالي ) ..
و بالنسبة للصورة يا البواسل فهذي من صناعة alkhaj هو سوى نشخة من قبل (( لو لاحظت .. ملابس العين الي في الصورة هي الي لبسوها في الدوري .. أما الي سويتها أنا فهي الي لبسوها في الآسيوية )) ..
و بالنسبة للطاقات (( للي يبا يساعدني .. و لك يا البواسل )) فهي كالتالي :
تكتب طاقات اللاعبين على حسب الترتيب الي راح أحطه الحين (( تكتب اسم اللاعب و على طول الطاقات بالترتيب الصحيح ))
1- الهجوم ( القوة الهجومية )
2- الدفاع ( القوة الدفاعية )
3- التوازن الجسماني
4- اللياقة البدنية
5- السرعة
6- التسارع
7- التجاوب ( سرعة تجاوب اللاعب مع الكور )
8- دقة توجيه الكرة ( المراوغة )
9- سرعة توجيه الكرة ( المراوغة)
10- دقة التمريرات القصيرة
11- سرعة التمريرات الطويلة
12- دقة التمريرات الطويلة
13- سرعة التمريرات الطويلة
14- دقة التسديد
15- قوة التسديد
16- تقنية التسديد ( مهارة اللاعب في التسديد من كل الوضعيات )
17- دقة ضربات الرأس
18- قوة القفز
19- التقنية ( التقنية الي يمتلكها اللاعب و مهارته )
20- لف الكرة ( الكروف )
21- العدوانية في الملعب
22- العقلانية في الملعب
23- قوة الاستحمال
24- الظربات الحرة ( مهارة اللاعب في الظربات الحرة )
25- اللعب الجماعي (اللاعب يلعب لعب جماعي )
=====================
المهارات الخاصة (( النجوم )) :
1- توجيه الكرة
2- الوقوف عند القائم
3- التمركز
4- الهرب من المدافعين
5- التهديف
6- صانع ألعاب
7- لاعب مساعد
8- هجوم مخادع
9- تسديد ضربات الجزاء
10- تسديد الانفراد مع الحارس
11- رمية تماس طويلة ( لاعب يرمي الكرة لمسافة بعيدة )
12- لعب مستيم
13- خارجي
14- مرقبة اللاعب للمهاجمين
15- قيادة خط الدفاع
16- الحارس يسدد ضربة مرمى ممتازة
17- الحارس يصد ضربات الجزاء
18- الحارس يصد الانفرادات
الاصابات : A - B - C
(( المهارات الخاصة يكتفي بذكر رقم المهارة فقط ))
______________________
ان شاء الله يكون شرحي واضح ..
و بالنسبة للرسالة الي طرشتها لي : فهذا هو ايميلي :
ahd_alwasel@hotmail.com] ahd_alwasel@hotmail.com[/EMAIL]
و ان شاء الله تخلص الجزء بأسرع وقت (( لأن الكل قاعد يسألني عن النسخة )) بس وين الأخ بوسنيدة ؟
اخوي وصلاوي يا ريت توضح بعض النقاط مثل
التسارع
المهارات الخاصة (( النجوم )
لاعب مساعدد
-الاصابات : A - B - C
لعب مستيم
خارجي
(( المهارات الخاصة يكتفي بذكر رقم المهارة فقط )) (انا ما فهمت قصدك)
آسف اخوي وصلاوي لكن صج ما اعرف اقيم هالمهارات اللي تتكلم عنها ويا ريت توضحها لأقيم
وعن حارس المرمى فيه اطاقات انت ذاكرها ما تجوز عليه الا ثلاث مهارات ذاكرها له
عضو مميز
