My Blue Hevean Gallery:3rd strike

[L.B]

مرحبا
ممممممممممم رسومات جديدة دعني ابدأ من اخر رسمة لم اعلق عليها تلك التي حاولت فيها ان تقلد اسلوب الكوميكس الامريكي !! عجيبة فعلا الهيئة حلوة بس في خلل صغير بالايد ..?: نفس مأساتي .. الايد يلي ماكنه ع الارض مضبوطة بس الايد يلي طايره بالهوا ناعمة .. لازم تكون اخشن من هيك اكبرحجم بشوي انا شكلي حتى اتغلب على هالمشكلة راح ارسم كوميكس ابطاله كلهم ايديهم سككين و بلطات .. كيف الفكرة معك :!
اخر مجموعة من الرسمات رهبين وخاصة الشخصية الشريرة ذكرتني بمصصي الداماء البورتريه جميل و لا مانع ان تكثر منه اصلا بصراحة اول ما شفته ذكرني بشخصية موجودة في قصصي ^_^ تلوينك رايــــــــــــق و مريح جدا ربما مر عليك هذا التعبير من قبل لكنه فعلا يعجبني


اممممم السيسكو هه اجتزت السيمسترات الاربعة و حصلت امتحان الخصم وشهادة المركز بقي شهادة السيسكو نفسها احتمال ما يعطوني اياه بتهمة الفساد اصلي كنت اعك عك شرير ^_^ متل طبيعتي المهم راح قدم الامتحان بجامعة العلوم والتكنولوجيا حتى حصل شهادة الشركة نفسها بس لهلا ما حددت موعد مو متحمسة و السبب انوا في هالبلد لو طلعت للقمر ما بتلاقي حد يقدر


ناطرين رسمات جديدة منك .. الا بقول شو رئيك تهديني رسمة كاركاتير بسبب نجاحي في السيسكو :6 شوفوا السلبطة !! مع اني انا يلي لازم حلي

[lord zacx]

مرحبا
وااااااااو
روعه
جميل جداً

رسمك تطور بشكل كبير ...^^

والخطوط والالوان روعه..":"
ما شاء الله عليك الله يزيد وبارك..^^
شغلك عدل و ابدعت فيهم...
استمرى

[Taja]

ماشاء الله اخ Touya وضعياتك والشخصيات فضيعه
ولاحظت التطور السريع ماشاء الله من اول رسمه
والحين تشتغل على مايا؟؟؟
عاد رونا شغلك الثري دي

[Touya]

السلام عليكم.. آسف لإني لاأرد مباشرة على تعليقاتكم... ^^;;

تقدرون تعرفون ليه لو لاحظتوا كل ردودي لأني احوال الحق فيها رسمات عشان اربط نفسي بالجاليري واقدم الجديد:6

واليوم عندي شيء واحد جديد بس متعوب عليه... أنا ابحط النسخة الصغيرة 500×500 اما النسخة الأصلية فهي دبل الحجم:6

واللحين نبدا الردود:

BUBLE
اهلين اختي... وينج من زمان ماجفناج.... باين علينا بنشوفك اكثر هالصيف إن شاء الله.. والله للكثير من الأعضاء وحشة اخيراً المنتدى صار اسرع مني وماعد ملحق ارد على شي @@ تصدقون.. وملاحظتج عن الوحش الشيطاني في محلها... ناقصة تفاصيل... يبغالي ادرس اكثر عن تجاعيد الوجه... وحياج ^^

sakura wakky

اهلين ساكورا واكي.. صادقة أنا احاول اغير في اسلوبي اكثر واكثر لن كل اسلوب احاول اتعلمه يعلمني شيء جديد اقدر اضيفه لأسلوبي الخاص في الرسم... وشوي شوي يبدا يطلع اسلوبي وياخذ نقاط عدة م اكثر اسلوب... بدال ماكون مقيد بأسلوب واحد اقدر ادمج عدة اساليب وارس بأسليب مختلفة ايضاً
والرسم إن شاء الله مو موقفة! لما يجي اليوم اللي اقتنع فيه بمستواي ذاك الوقت احس اني انجزت اللي احلم فيه... وشكراً على متابعتج

Neo Cid

هلا والله بالحبيب نبو سيد.... اسكت يارجال.. كل ماحاول اسوي شي بالمايا يعطيني عجينة مو شكل @@ خلها على الله بس البرنامج مو صعب وبس... بس احترافه يطلع بلاوي:6


mai_arumashi
معج حق في موضوع الخلفيات لن 90% من تركيزي هو على تطوير الرسم والأسلوب... لكن زي ماقلت شوي شوي الواحد يحسن من مستوى رسماته واليوم حسب الطلب فيه خلفية (بس هي من المانجا مو مني:6 )

لما اطالع في رسماتي ايام رمضان اللي راح ماصدق ان رسمي تطور بهالشكل.... على قولة سبيس... عقبال مانصير مانجاكاز اربع دانات إن شاء الله.. وعقبالكم بعد;-)

وصراحة اشكر كل اعضاء المنتدى لن بس مطالعة فنهم الجميل خلتني اتحمس اكثر واكثر لني ارسم وارسم وارسم... لو مادشيت قسم الرسم ماتوقع عمري رجعت للرسم. شكراً للجميع:":

Shadow Cat
اهلاً بشادو كات ^^ جميل ان رسمتي في موضوع الأعضاء اعجبتك... اما عن رسماتي فأنا في الأصل مجنون dark and vauge themes لكن تستهوني الLighthearted themes ايضاً.. حياج ^^


L.B
اهلاً بعضوة فريقنا ^^

مشاء الله عالبركة قرب تخرجك من دورة السيسكو ^^ وعقبال شهادة السيسكو بالإمتياز ^^

وبالنسبة لرسمة الأسلوب الأمريكي.. عندج ملاحظات حلوة بخصوص الخشون بس أعتقد انه عندي المنضور صحيح.. يمكن لني حطيت الرسمة في خلفية غير مناسبة؟

وبالنسبة لموضوع الكوميك أول ماتجيني فكرة إن شاء الله ارسم ^^ بس مادري انا صراحة اسلوبي في الكوميك هو الشيء الوحيد اللي مو قادر اطوره ^^ ابحاول إن شاء الله



وارسمي شخصيات بايديهم سكاكين وسيوف... لني احب هالنوع من الشخصيات (يتذكر شخصيات Schif في Blame)


lord zacx
أهلا باللورد حياك^^ من زمان ماشفنا هالأيقونة:6 :6

مشكور على حضورك بس ودي لو تعطينا انتقادات بخصوص التحبير ونصايح حلوة لنك الإستاذ في هالشغلات:#

Taja
اهلاً اهلا ب تاجه ^^ يالله جيهم.. خطوة عزيزة تدشين الجاليري صراحة رسم البكسل لازم نتعلم منه لو الشيء البسيط... مع اني حاولت مرات ارسم بكسل لما كنت اصمم شخصيات في لعبة RPGMaker بس تركت البرنامج من زمان ^^
امم عن المايا فأنا ماستخدمته إلا خمس ايام بس.. وين الحق اتعلمه.. قدامي مشوار الف ميل.. بالكاد تعلمت اسوي texture @@
باقي شغلات الModeling ألله يعين:"

يعني ريض اعرض شي 3d :":


=-=-=-

وهاي رسمة لGatts, Gutts, Gattso...etc etc (اسمه ينطق بأكثر من طريقة) من مانجا بيرسيرك................. بس تصدقون.. الحين قاعد اتمنى اني رسمت Griffith?: <<بانطق علشان هالكلمة

المهم هاي الرسم حجمه نص حجم الأصلية اللي ابحتفظ فيها شوي عشان اضبطها واسوي منها خلفية أو شي محترم ^^

وشكراً للجميع

[mai_arumashi]

ما هذا يا تويا انك تبهرني ..:واو:

ما شاء الله....يعنى مادري صرت اخاف عليك من العين (هههه لا من الشارجة) هههههه* دمي خفيف اليوم*

....المهم...الرسمة عجيبة ..يعنى كل شي تمام..الشعر و العيون...هو صح انا ما شفت الانيمى بس عرفت انه جاتس دون ما تقول .... بس فى كم نقطة

اولا..ليش شكلة حزين...*يمكن شاف حراره الصيف عندكم....اتغشمر*
و ثانيا..اذنه شكلها مثل اذانى الايلفز..(مادرى اذا كتبتها صح) المهم قصدى هو هل اذنه تبدو هكذا فعلا

بس هذى انتقداتى لهذا اليوم....

كيب اب ذا جود ورك
يو ار ذا كووووولست":"

[Touya]

همم بالنسبة لجاتس هو كذا... واللي بيقرا المانجا بيعرف اكثر ليه هو كذ "ومقدار" الحزن اللي فيه... هو مو حزين بالضبط.. مادري شاقول هو طن من المشاعر:6

والمانجا من اوله لآخرها فيها تلميحات لمشاعره... بس اعتقد كلمة Berserk تكفي توصف مشاعره وسط القتال... هذا qoute لPukk (الكوميك ريليف في بيرسيرك وهو fiery)

"Anger, sadness, pain, fear... Theres other emotions as well... It's dark in there.. There is definitly more to it...."

واذن جتس صحيح زي كذا لكن لن اسلوب رسم اذنه لكن هو مو Elf...
والسبب لنه تصميم شخصيته يحتم كذا..لنه ساعات يكون اقرب للdemons

واختصار للوضع كله ابرفق صفحة من المانجا... مالها علاقة في شرح قصته ولاهي spoiler بس جملة جاتس فيها توصف وضعه... العالم كله ساحة قتال له...

[هـداف]

اهلا تويا!

انا فعلا زعلان_OO

عموما،رسمك دايما في تطور مستمر...اعجبتني الرسمه الي في الصفحه السابقه،الي قلت عنها تعويض عن مجيئك لقطر،ترى ولا رسمه تعوض مجئك عندنا واحنا انشاءالله اذا الله احيانا لين 14 اغسطس بنكون موجودين وبانتظارك تويا;-)

وبالنسبه للرسمه،اعجبني الاسلوب والطريقة في التلوين...ابدعت،بس الاحظ في رسمك انك تصغر الايدي،حاول تكبرهم كثر ولو كانت بشكل غير طبيعي ، لاحظ هذا في الانيمي

واما عن الرسمات الأخيرة^^
فاري كووول،شفتهم سابقا

سلام;-)

[BUBLE]

تووويااا:واو:

مشالله عاد صج اهني ابدعت..التلوين بصراحة..عجيييب...تلوين الويه وايد حلو ومرتب ودرجة اللون كانها طبيعية
والشخصية كلها على بعضها..مدهشة في الملامح ويبين مثل ما قلت شاعري ..
بس لو مسوي بالعين تفاصيل اكثر نفس الصورة اللي حاطها بتصير احلى

استمر في هالفن

[Touya]

شاعر: صحيح زعلان لدرجة انك صرت ارهابي على في المسنجر.. @@ شدوة خلاص اببلغك بكل جديد وبتحصل عليه قبل الجمسع... وحتى الjunk مالي بيوصلك.. ارتحت؟:6

BUBLE
عاد شدعوة تقارنيني بالرسام الأصلي.. صج انه اول عمل له لكن هاذي الصورة من اعداد متأخرة.. الرسام تطور كثير عن اول.. وهذا شي لاحظته اليوم لما قعدت اراجع المانجا (عشان احلل القصة) واكتشفت ان اسلوبه في رسم العيون في البداية كان ضعيف... وصار اللحين مستواه عجيب... واللي يشوف كتاب 24 (آخر كتاب اصدر قبل ال25 من هالشهر) بيلاحظ قد ايش مستوى Kentaro Mirua-sempai متطور! بيرسيرك تحفة في الرسم... وهذا اللي مخليها احلة مانجا شفتها في رأيي:0)

وهاذي أول محاولة للرسم بأسلوبه مع اني حاولت اتدرب على رسم عيون شخصياته من قبل.. وإن شاء الله الجايات اكثر:6

اشوه اني ماحطيت الشخصية وهي لابس دروع ولا حطيت جريفيث.... ولا منديكم مسوين لي فرقة اعدام:#

[Touya]

العين حاول اهتم بتفاصيلها لكن للحين ماحترفت خطوطها..

لكن قتقريب للتقاصيل هاذي مقطع من النسخة الكبيرة..:":

[هـداف]

ايه،الحين مرتاح

بالنسبه للرسمه الأخيرة،هذي ماشفتها?: توني ملاحظها^_-

حلو الرداء،شيء رائع،ماشاءالله عليك ضبطت التلوين وخليت القطعه في كسرات طبيعيه^^... واعجبتني حركة الشخطه في النف،هذي الحركه كانت في احد الشخصيات الي قاعد اطورهم كل اشوي:6 ،لكن في اختلاف بسيط ..

وانشاءالله ترسم لنا اكثر:6
سلام;-)

[الخطاف]

تويا...
أخيراً جفنا لك رسمات يداد..
حلوين وطيبيين...
وفي رسمة انت رسمتها من فترة أنا ما رديت عليها
حبيت أرد عليها اللحين لأنها وايد عجبتني
وهي إلي في الصفحة الخامسة إلي تحاول فيها على الأسلوب الأمريكي
عجبتني وايد
وزين سويت وحطيت الخلفية سوده...
وألوان الشخصية روعة مع إن تلوينه عشوائي بس طلع كووووول
أما عن بيرسيرك..
هذي الشخصية وايد عاجبتني.. تستاهل التعب إلي تعبت عليها..
ووضعية اليد وهو ميود السيف مو أي وايحد يقدر يصيدها...
أبدعت بهالحركة
لكن مقبض السيف لة كان أطول جان كان أفضل... يعني طول فيه حتى لو بالغت عادي...
لأن إلي أعرفه إن سيفة وايد وايد عود...
لكن تلوينك له مبدع جداً جداً..تظليلك للعضلات في محله
وشغلات الويه في التلوين حلوة بعد..
وماشالله تحاسب للشعرة بعد...
تفاصيلك حلوة
وأنت ماشي في الطريج الصحيح تويا..
خلك ماشي وتتمرن وباب الفن فاتح لك بابه.

[Rex]

كيف حال الأخ تويا !!

اندهشت جدا من الرسومات الأخيرة بجلريك!!
خاصة اللي تجرب فيها الاسلوب الأمريكي بالرسم !!

الوضعية رهيبه جدا ومتقنه بشكل جيد , مع بعض الأخطاء ومنها الرجل اليسرى (أكثر خطأ واضح) , مع الاستمرار برسم العضلات راح تتقنهم بلا شك
بس فعلا أبدعت فيها^^

ورسمة الmech جيده , لكن يبين كأنه شخص لابس بذلة حديديه ^^;
مثلا حاول تسوي خطوط تجزء جسمه عشان يحس الواحد أنه مركب تركيب !!

ورسمة بيرسك الأخيرة حلوه جدا والخلفية أيضا مناسبه !!
لكن لو خليت جسمه أضخم أكثر بيكون أفضل ... واليد يبيلها تضبيط أكثر ^^

واستمر

[sakura wakky]

شلونك أخوي تويا :0)


واااااااااااااااااااااااااااااااااااااااو بيرزيرك:0)


ما شالله عليك ضابط ملامحه عدل و متقنها بعد عيني عليك باردة ;-)

بس في ملاحظة بسيطة .... (طالع منو يتحجى :": ) .... الرسمة الأولى ملاحظة إنك حجم الأيد و الراس مو متناسقين يعني الأيد صغيرة بالنسبة للراس و يمكن الجسم شوية بس مو ملاحظة عليه كثر الأيد ...هذه غلطات بسيطة ممكن يقع فيها كل فنان و رسم الأيد مو سهل و أنا متأكدة إنك راح تتغلب على هذي النقطة :-)


أتمنى أشوف منك رسوم أكثر و أكثر ...



سي يو ;-)

[Touya]

السلام عليكم والرحمة...
اعذروني لني طولت مارديت عليكم لني صراحة فجأة تجاهلت الجاليري كلياً.. وانعدم وقت رسمي تقريباً بسبب إلتحاقي المفاجيء ببرنامج الدبلوم في الصيف.. لإكمال بقية مواد لم انهيها في البكالوريا.. (بعد ماخلصهم راح احول باكلوريا مرة ثانية)

المهم انا ماعندي في الحقيقة رسمات جديدة.. كان فيه كوميك ودي اخلصه اليوم واحطه لبولبن... ولكن للأسف نسيت الكوميك في غرفته:6

ابعرض شوية junk من اللي ماخلصوا واللي معلقين عندي...


هاذي ماعتبرها Junk لني تعبت عليها... ولكن معلقة حتى اجل آخر..والسبب اني ابغى اسوي modeling لها...