قصة جديدة.....((في يوم من الايام رحت انا و..))....ايه تذكرت...هذا العنوان...

**نور محمد** · 04-08-2001, 02:07 AM

الله يرحم عزوز كان طيب ... آآآآآه

**Chandler** · 04-08-2001, 02:12 AM

سوسن....

انتي قريتي القصة؟؟...

عزوز ما مات...

اقريها مرة ثانية...

**نور محمد** · 04-08-2001, 02:17 AM

:واو: لاه أنــــــا أقصد بالحقيقة

بس حلووووة القصة

وزيييين لأن عزوز ما مات

**Chandler** · 04-08-2001, 02:23 AM

عزوز مات؟؟؟!!!؟؟؟؟!!!!...

متى وكيف ولماذا ولأن وwhyوwhen.......

المهم...

انا ان شاء الله بعد شوي...

باجمع القصة كلها في ردود متتالية...

**Chandler** · 04-08-2001, 03:06 AM

هذا اول جزء
===============
القصة ان سوسن عزمت بعض بنات المنتدى اللي تعرفهم...اللي هم...ديكستر...و ياورد...و سيلفي...وبيوتي روز...وسورا...((لا لا..بلاش سورا))...عزمتهم على بارتي...--->(يا القراوى يعني حفلة)...

اول ناس وصلوا هم...ياورد وسيلفي..(لأنهم قريبين)...

سوسن: اهلين بنات...شلونكم...ترى....

ياورد: ايه..ايه..عارفين...البيت بيتنا.....((ذابة وجهها بقوة))...

سوسن: ايه..بالضبط...البيت بيتكم...وترى الماما والبابا...طالعين...يعني خذوا راحتكم...

سيلفي: والله...(وتقوم...تناقز وتصارخ...عشان تطلع اللي في قلبها...المسكينة ما قدرت تتحمل السكوت)...

سوسن: بس بس...ترى الخرفان نايمة..ابغى شوية هدوء...

ياورد: اقول بس...من اي مطعم تبغون تطلبون...وش رايكم ببيتزا هت...

وتاخذ التليفون...بس ما امداها تدق الا والجرس يرن....

سوسن: مييييييين...

بيوتي روز: اهلين سوسن...انا بيوتي روز...

سوسن: بيوتي مين...انا ما اعرف احد بهذا الاسم...((على بالها تمزح))..

بيوتي روز: طيب معليش انا شكلي غلطانه...((الخبلة صدقت))...

سوسن: ههههههه...وش فيك صدقتي..انا امزح معك...

بيوتي روز:..تصدقين خفت اني ضيعت.....

سوسن: ادخلي بسرعة وقولي طلبك لياورد...

وقبل ما ينصك الباب...تجي ديكستر....

ديكستر: لا لا تسكرون الباب......

سوسن: طيب طيب ادخلي.....شخبارك...

ديكستر: الحمد لله..وانتي..

سوسن: الحمد لله طيبه..والخراف طيبة....((تبغى تدخل الخراف بالقوة...))

ديكستر: ما شاء الله...اجل انا آخر وحده جت...

سيلفي: بسرعة...قولي طلبك لياورد...من بيتزا هت...

ياورد:..(((قاعدة تهبل في الفلبيني اللي ياخذ الطلب)))...شوف...ابغى نص البيتزا فيها فلفل..ونصها الثاني بدون جبن...بس النص الاول ابغى ربعه..سميك وربعه رقيق...اما البيتزا التاسعة..فأبغاك تطبخها ساعة ونص...فاهم...واذا صار اي شي غلط ترى بأخذ الاكل بدون فلوس...

سوسن:...ليه هذا التعقيد...

سيلفي: هذي حركة دايما نسويها...ودايما يغلطون...وناحذ الاكل ببلاش...

بيوتي روز: شوفوا بنات...ليه ما نروح نشوف الخرفان بعد ما نطلب....

سوسن: ايه..اكيد...((ما صدقت احد يطلب منها))...

ويوم راحوا البنات للخرفان...

سوسن: شوفوا...هذا خلود...وهذ دحوم...وهذا سنفور...اما هذاك الاشقر..((عندها خروف اشقر))..اسمه شقور....و...و...و...

سيلفي: اقول...خرفانك شكلهم ما يخلصون...خلصينا...

بيوتي روز: ما عليك منها...كملي...كملي..

سوسن: خرفاني 200...اما خرفان اخواني..450...وخرفان ابوي...300...بس وين ياورد وديكستر...

سيلفي: قاعدين يسولفون من الطفش...

سوسن:..طيب بأكمل...هذا فرفور...وهذا الحلو...اسمه..قرقور...اما حبيب قلبي....شكلي ضيعته....غريبة....وينه....بنات ساعدوني...

بيوتي روز:وش القصة...

سوسن:ما لقيت عزوز...شكلي بأموت...وينه..لا يكون صاير له شي...

سيلفي:يمكن انخطف...(متأثره بالافلام)..

ديكستر: احسن..خلاص خلينا نرجع البيت...

ياورد: وش نسوي في البيت...خلينا ندور على الخروف...

سيلفي: اخيرا فيه آكشن....((متأثره بقوة بالافلام))...
====================

**Chandler** · 04-08-2001, 03:08 AM

وهذا الجزء الثاني
==============
بعد ما ضاع عزوز...

طلعوا البنات يدورونه...في انحاء البيت...

سوسن: عزووووووووووز....عزوووووووووووز....

بيوتي روز: عزوووووووووووز....عزووووووووز....

ياورد:وينه...شكلي بذبحه اذا لقيناه...

سوسن: حرااااااام....عليك...ما سوى لك شي...

سيلفي:انا قلت لكم...اكيد انخطف...

ياورد: مين بيخطف خروف....

سوسن: خروف بس...هذا ملك جمال الخرفان...

بيوتي روز: طيب خلاص...خلونا ندور....

سيلفي:..اكيييد انخطف...--->((قايل لكم متأثره بالافلام))...

ياورد: بنات...وين ديكستر...وين راحت له....

بيوتي روز: قالت انها راحت تنام....لأنها طفشت...

سيلفي:وين تنام....بيت ابوها...

ياورد: اقول بنات...وش رايكم نروح ننام..والصباح رباح...

سوسن:لأ...محد منكم بينام لما نلقى عزوز....يعني ما فيه عزوز...ما فيه نوم..

ياورد: اجل بيوتي روز....روحي قومي ديكستر...وش معنى هي تنام وحنا لأ..

ديكستر: وهي جاية...مين قال اني نمت...اصلا ما جاني النوم....

بيوتي روز: اجل خلونا ندور....

وبعد 6 ساعات من التدوير....

سوسن: راح عزوز...خلاص...راح....

ياورد: بالطقاق يطقه....تكسرت رجولنا وحنا ندور...جعله يموت...

سوسن:اهيء اهيء...خلاص..رااااح...--->((جاها انهيار عصبي))..

ديكستر: اجل يله بنات...سلام...الصبح طلع..وانا لازم اروح...

سيلفي: مع السلامة ديكستر..

وبعد ما راحت ديكستر....

ياورد: بنات خلونا نتمشى برا شوي...انا انكتمت...

بيوتي روز:والله فكرة...يله سوسن...ورينا بيتكم كله...

قعدوا يتمشون لما وصلوا للبوابة...ويوم وصلوا...

سوسن: حنا ما دورنا في الشارع....يمكن عزوز طلع برا..

ياورد: كيف يا حبيبيتي....ينط من فوق البوابة....هههههههههههه...

سيلفي: ههههههههههههههه...

سوسن: خلينا نجرب...ما ضرنا شي...

بيوتي روز: صح ما ضرنا شي...

سيلفي: ما فيه احد....ارتاح قلبك...

سوسن: لأ....بالعكس...انا خايفة اكثر على عزوز...

ياورد: اقول بنات....مب هذي سيارة داج وعلوش....(الدينه)...

سيلفي: ايه والله..حتى انها نفس اللون...

بيوتي روز: فيه ناس قاعدين عندها...ومعهم بنت...

سوسن: مب هذاك داح واللي جنبه...علوش...و ايفل نيفر داي..وزيل...

ياورد: طيب مين البنت اللي معهم....ووش فيهم يضحكون....

=================

**Chandler** · 04-08-2001, 03:14 AM

وهذا الثالث
===================
سوسن: بنات هذي ديكستر...

سيلفي: وينها...وش مقعدها...هي قالت انها بتروح...

ياورد: الا هي....وقاعده تضحك...

بيوتي روز: وش هذا اللي مربطينه في السيارة....

سوسن: عزووووزي...هذا عزوزي...

سيلفي: اجل ديكستر هي اللي خطفته...خلونا نلحقها..
------------------
ديكستر: شباب..البنات انتبهوا لنا...شغلوا...خلينا نهرب...

داج: طيب...اركبوا بسرعة...

علووش: يله ايفل وش تنتظر...
------------------

ياورد: بيهربون بالسيارة...

سيلفي: (وهي تطلع الجوال)...لازم نكلم احد معه سيارة...

سوسن: مين بتكلمين...اكيد سكوال...

بيوتي روز: بس سكوال معه اودي...والاودي ما تاخذنا كلنا...

سيلفي: شششش...سكوت....الو...اهلين naf...

ناف:هلا وغلا..شلونك سيلفي...

سيلفي: بسرعة بسرعة ابغاك تجي عند بيت سوسن..

ناف: انا جاي...بس ليه...

سيلفي: يله باي...الفاتورة علي...

سوسن: وش معه نواف...

بيوتي روز: بيتل (الخنفسه)...

ياورد: هذا هو وصل....

ناف: بسرعة اركبوا....

ناف: وش القصة...

ياورد: (.........)....وهذا اللي صار....بسرعة الحقهم...
-----------------------
طبعا الدينة....اول ما شغلها داج مشت معه شوي بعدين طفت...وقعدوا يحاولون يصلحونها......واول ما اشتغلت.....شافهم ناف...وقام يلحقهم...

==================

**Chandler** · 04-08-2001, 03:18 AM

وهذا الرابع
===================
اشتغلت المطاردة...

الشباب ومعهم دكس في الدينة...

والبنات ومعهم انا في البيتل...

طبعا واكيد و واضح ان البيتل بتلحق الدينة....لكن دكس طلعت الجوال ودقت على باتي...

دكس: الو باتي شلونك....ابغى الفزعة...

باتي: اهلين....اي فزعة...بسرعة..فيه احد غلط عليك...قولي لي وانا افقع وجهه...

دكس: لا لا ابغاك تسوي كذا وكذا.(.....)...ok...فهمت...

باتي: OK...

وفي نفس اللحظة كانت ياورد تقول لناف: بسرعة ادعس لا يبعدون..

ناف: شوي شوي...ما ورانا شي..وش فيك...تراهم راكبين دينة..الحقهم وانا مغمض...

بيوتي: هههههههههه....

سوسن: عزوووزي...شوفوا عزوز....

سيلفي: اقول ناف...لا تصير خواف...ادعس...(هي راكبه قدام جنبي)...

وتجي تدعس رجلي اللي على البنزين.....السيارة انطلقت وتعدت الدينة...

ناف: شفتي هذا اللي تبغينه...

سيلفي: لو انك دعست بنفسك ما كن صار اللي صار....

وتجي دورية شرطة...(طاط طاط...وقف يا راعي البيتل وقف)...انا وقفت..

ناف: ايوه هذا اللي ناقصني...

ياورد: ادعس ادعس...والله ما يقدر يلحقك...

ناف: بس يقدر يلقط رقم اللوحة...

سوسن: بس هذي مو سيارتك...

ناف: عارف هذي سيارة ولد عمتي.....تبغيني اورط السهران...

ويجي الشرطي...بس مين طلع......؟؟؟؟

باتيقول....

باتي: ههههههههههه...لعبت عليكم...

ياورد: ايش....انت وش جابك هنا...

باتي: دكس قالت لي وانا ما اقول لها لأ...

سيلفي: بس كيف دبرت السيارة...

باتي: ما لك دخل....اهم شي انكم ضيعتوا الدينة...ههههههههه...

سوسن: وتضحك بعد...

ياورد: انا اوريك....

ناف: بنات بنات هدوا الوضع...

سيلفي: اي وضع...باتي يبيله تليين...

وينزلون البنات....ويستلمون باتي تصفيق...

بوم طاخ زووووووووو....آآآآآآي....طاخ طك بوم...آي آي...خلاص خلاص والله اسف...ما عاد اتعودها...والله..

ياورد: يكفي يا بنات...خلاص ارحموه....

البنات كلهم وقفوا الا سوسن....

ياورد: هيه سوسن وش فيك...

سوسن: انا عزوز راح علي ولازم اطلع حرتي فيه....بوم طك طاخ....

وبعد ساعتين..وفي بيت سوسن..

باتي: (مربط)...فكووووووني...

ناف: قل لنا وين راحوا وبعدين نفكك...

باتي: ما ادري والله...

سوسن: شكلك ما تلينت مضبوط.....يبيلك كم من كف على شوية ترفيس و شوية تفقيع...

باتي: لا لا خلاص...والله بقول لكم...بس تفكوني..

سيلفي:نشوف...

باتي: طيب...هم مجتمعين في.......
=====================

**Chandler** · 04-08-2001, 03:24 AM

===============
باتي: هم مجتمعين عند داج في بيته....

سيلفي: كلهم...

باتي: ايه...

سوسن: ومعهم عزوز...؟؟

باتي: ايه... وقالوا انهم خطفوا عزوز عشانهم بيسوون حفلة شواء وما عندهم لحم....يعني ناوين ياكلونه...

سوسن:ايييييييش....لاااااااااااااااا.....والله لأوريهم....وما اكون سوسن اذا ما تفقعت وجيههم كلهم...

سيلفي: هدي الوضع...

بيوتي: البنت بيجيها انهيار عصبي...

ناف: (وهو يعطيها كف) انا قريت ان اللي تنهار اعصابهم لازم ينصفقون كف...

سوسن: آآي.....تطقني....والله لأوريك....

ناف: خلاص سوسن ما صار الا الخير...

سوسن: اي خير..ان ما صفقتك ما اكون سوسن....ما يكفي عزوز تجي تصفقني...

ناف: وهو يهرب....اعقلي يا سوسن...اعقلي...

سوسن: والله ما اتركك....

ياورد: يعني الحين وش نسوي....

سيلفي: هم كلهم اولاد وحنا بنات وضعاف...

ياورد: ضعاف...ههههههه....ضحكتيني...ولا نسيتي هذاك اللي مسحت فيه الارض يوم حاول يغازلني...

سيلفي: بس حتى ولو لازم نجيب فزعة...

بيوتي: طيب مين نجيب...؟؟

ياورد: ولا يهمكم...انا اعرف مين نجيب...

سوسن: (وهي تلهث)...انا باجيب خرفاني...

سيلفي: وين ناف...

سوسن: بتلقونه متصفط جنب الطاولة....ههههه...ما بقى الا هالاشكال تصفقني...

ياورد: وهي ترفع السماعة....انا باجيب احسن فزعة...ههههههه
===============

**Chandler** · 04-08-2001, 03:28 AM

واخيرا..
===================
ياورد: (وهي تنعم صوتها)...الوووووو....اهلين ادمين شلونك...والله مشتاقين...

ادمين: اهلين ياورد....وش تبغين...انا مشغول...عندي كم من واحد باطرده وكم من موضوع باحذفه...

ياورد: ليه...فيها شي...لا سمح الله...

ادمين: لا ابد...بس كذا...شر...لقيت نفسي فاضي وقلت خليني اقهرلي كم من عضو...

ياورد: (وهي واصله معها بس تتمصلح)...ههههههههه....الله يقطع سوالفك يا ادمين...(اموت يالمصلحه)....المهم...

ادمين: انا ما قلت شي يضحك...

ياورد: (طاح وجهها)...مو هذا موضوعنا....انا بس كنت ابغاك في سالفة صغيرة.....

ادمين: بسرعة انا مشغول...

ياورد: (.............) وهذي كل السالفة...وانا ابغى الفزعة....

ادمين: طيب انتي تامرين امر....بس خليني اطرد سكوال وسورا وسنورلاكس....

ياورد: طيب يالله مع السلامة...

بيوتي: هاه وش صار...

ياورد: هذا المشرف....يعني اتحداهم يقولون حرف واحد...

سيلفي: هههههههههههههههههه....تعجبيني...بس وينه متى بيجي...

<طين طون طان طرررن....(جرس سيكل)>

سوسن: انا اسمع جرس الباب...اكيد هذا هو...

بيوتي: (وهي تفتح الباب)....اهلين ادمين...

ادمين: بسرعة خلونا نروح لبيت داج2222....

ناف: اهلين ادمين....يالله اركبو السيارة....

ويروحون كلهم لبيت دجو...

اول ما وصلوا...الا يلقون البيت محصن وحوله ألغام...

ناف: وش ذا...صارت حرب...

ادمين: (وهو يطلع الميكرفون حقه)....دجو وعلوش ودكستر وزيل وايفل...سلموا نفسكم.....((فيلم مصري))....

داج: رحنا فيها...جانا المشرف....

دكس: خلك قوي...ما يقدر يسوي شي...

علوش: (وهو يكلم ادمين من الشباك)....نعم وش تبغى انت...

ادمين: اذا ما سلمتوا عزوز ترا باطردكم كلكم من المنتدى...

ايفل: خربانه خربانه.....اقول اذلف انت واللي معك...

سوسن: هذا يعني الحرب بين ابناء العمومة....<=== (الزير سالم) داخل بالغلط....

علوش: تبون مضاربة....طيب....خلوكم تحت...حنا نازلين نرفع بكم...

وينزلون الشباب...وتبدا مضاربة عنيفة جدا....اول من بدا الطق هو علوش...هجم على المشرف هجمه انتحاريه وقام يبكس فيه(حاقد عليه عشانه طرده)....

وبعدين جت سوسن وبيوتي ونطوا على زيل...واشتغلوا ضرب فيه...وناف ودجو يضاربون بعض بس بشويش....(زي همام والزير سالم)....وياورد مستلمه ايفل وقاعده تطبق عليه الحركات اللي يسوونها في المصارعة...

ودكس متعلقه براس سيلفي وقاعده تمعط شعرها....بعدين جا المشرف وضرب علوش لكمة خطافيه...في الخشة...وياورد تعطي ايفل ركلة بين رجوله...(المسكين طلع من المضاربه بعاهه مستديمه)...

وناف ودجو قاعدين يناظرون بعض...اما سوسن..فاستفردت بزيل وطلعت حرتها كلها فيه...وبيوتي راحت تساعد المشرف...

وتجيك سيلفي مقلعة(ودكس الى الان متعلقة براسها)...وتضرب راسها بالجدار...دكس على طول راحت للاسعاف...وناف ودجو راحوا يساعدون ايفل اللي قعد يتلوى من الاصابة...اما علوش فما قدر يتحمل ضربات المشرف مع عضات بيوتي روز...وانسحب....

وهكذا انتهت المضاربة باسترجاع عزوز وبدون اي اصابات خطيرة....
==========================

انا عدت القصة لأني عارفران فيه ناس عجازين يرجعون للصفحة الاولى...

**MoaeD** · 04-08-2001, 08:44 AM

اجل كل هذا على 6 اجزاء والله حاله

**النايم** · 04-08-2001, 12:49 PM

القصة رائعة جداااااااااااااا

**Chandler** · 04-08-2001, 03:00 PM

مشكور يا النايم...

ويا باربيكيو....ليه (والله حالة)....

يعني ما اعجبتك القصة..؟؟...

وممكن تقولون لي وش احسن جزء من القصة؟؟...

**شروق** · 04-08-2001, 03:04 PM

أفضل جزء الأأول والأخير لأن لقوا فيه عزوز

**Chandler** · 04-08-2001, 03:33 PM

مشكورة يا شروق...

ونسيت اقول لك (يا هلا فيك)....لأني ما لحقت على موضوع الترحيب فيك...(معليش متأخر شوي)...

الموضوع: قصة جديدة.....((في يوم من الايام رحت انا و..))....ايه تذكرت...هذا العنوان...

أدوات الموضوع

ضوابط المشاركة