تحدي المقاتلات (مسابقة رسم)

[shaheen]

هههههههههههه... مسامحة أختي بس انتي مافهمتيني ترى
.... انا احب المواهب بس ابي اثباتات... فمن السهل لأي واحد ان يحط رسومات غيره ويقول انه راسمها..
وخاصة انتي تخليني اشك فيج ودايما تحطين رسوماتك صغيرة.. هههههههه
بس الحين انا متأكد بان صفحة بيضاء نقية سوف تبدأ بيننا ولا تزعلين

[Rewayah]

شاهين... راحت... الظاهر أنها زعلت... !!
لازم تعتذر لها... !!
أنا كان بيكون شعوري نفس الشيء لو حد قالي أن رسوماتي مو أنا راسمنها... !!

لازم أنراعي الأعضاء يا شاهين -_^ !!

[shaheen]

هههههههههه.. لا مازعلت يا رواية

[tm13]

السلام عليكم .....انا راح اقبل اعتذارك ياشاهين مع انه مو لازم تعتذر الذنب مو ذنبك ذنبي انا لاني على طول اخذ الموضوع بجد علشان كذا.......انا اعتذر يا شاهين لاكن الحين عرفت طبعك زين وانشاء الله نكون مثل الاخوان

[shaheen]

حياك يا تي ام أخت عزيزة وغالية...

وانشاء الله بنستفيد من الأخوة هذي قبل المعلومات.. ههههههه
أقول... ترى بتشتد المنافسة:غضب:


احم احم.. صورة لو سمحت ":"

[Rewayah]

والله ذكريات -_^ !!
!!

[shaheen]

ستعود ستعود... ونعيش الايام
سنعود سنعود... ونعيش احلى الايااااااام



(ههههههه مب حافظهه عدل)

[shaheen]

كتب العضو (زلزولة)
ماشاء الله رسماتكم أكثر من رائعة.. احم، أخوي شاهين؟ وهقت روحك لما حددت رسمة وحده بس أكاهم بيغلبون طحلبتك الوديعة وما تقدر تنافس..
وبعدين لا تقعد ترز اسمي بقصصك بدون استئذان ترى فضحتنا

الأخ رواية.. أفحمت الساحة ما شاء الله عليك.. تف تف "خذ كلينكس" هسكا فريز حلوه وااايد

الأخ جيجا بايت.. :غورا فعلا أموره وحبوبه وانا أرشحك للفوز بس عشان عصير الفراولة لأنه لذيييييييييذ

crying free man :تسلم يدك وراوهم إن في غيرهم بالساحة جايين وبقوة

زلزولة: بسج سوالف وزلازل وأذية للخلق ويوزي أحسن لج..

وأتمنى تقبلوني صديقة جديدة للبرنامج.. أقصد المنتدى وان شاااء الله ما أزلزل المنتدى مثل ما زلزلت بيتنا.. احم
:":

وينك يا زلزولة ؟؟؟ هههههههههه والله أيام... كنا نزلزل في الأوادم هههههههههههه

[orange road]

بما ان الموضوع هو المقاتلات.. هذي مقاتلتي، بس ما احب اطلع اسامي، اذا حبيتوا، عطوني اقتراحات حق اسمها..

[shaheen]

اسلوب جديد
رسمة وايد حلوة وملابس متناسقة
انا اقول هذا يصلح لها اسم: سبايك او نجمة (عشان نجم يفرح)

.. والله وبدينا في المقاتلات مرة ثانية هههههههه

[الخطاف]

وهذه ثاني مشاركة لي وارجو ان تعجبكم...

[orange road]

مشاركتك روعة يالخطاف..
وهذي مشاركة مني بعد..
ادري ان المفروض تندرج تحت موضوع الجنك.. لكتي لقيتها بعد تناسب موضوع المقاتلات..

[Rewayah]

الخطاف, رسمتك رهيبة !!
وعجييييييبة !!
وتفاصيل الأسلحة تسلب النظر !! أنتوا شباب ما تتعبون من هالتفاصيل !!
ما شاء الله عليكم !! خطاف, أكيد أخذت وقت كثير في تلوين التفاصيل !!
مقدر تعبك والله -_^ !!
المزيد !!

والآن إلى مبدعتنا خلود !!
هل أحتاج أن أحكي ؟ ورسوماتك هي التي تحكي ولا تترك لي الفرصة للكلام !!

ما شاء الله عليتش !!
رسمتكِ رهيبة... بس حاولي تنوعين في الأساليب !!
لا تخلين لكِ أسلوب واحد مشترك في كل المناسبات !!
أنا عارف أنتش تحبين بل تموتين على هذا الأسلوب, وأعلم أنك مبدعة بأساليب أخرى حتى !!
حاولي, مو مشكلة !!
بس بالنسبة للرسمة الثانية, لو تشاركين يا خلود برسمة "فريش" طازجة وبآخر أساليبتش للموضوع مو أحسن ؟
عشان تحصلين على نقد سليم ؟!
لأنه شو الفايدة من نقد رسمة قديمة ؟ وأنت قد تغير رسمك كثيراً عن ما مضى -_^ !!

تحياتي !!

[الخطاف]

شكراً لك يا رواية على كلامك المثير الذي يزيدني حماساً للرسم و فعلاً أنا معجب لأختيارك الكلمات الرائعة
وكم أرجوا أن أرى هذا الموضوع ممتلئ بأروع الشخصيات التنافسية.

[الخطاف]

و شكراً لكِ أنت أيضاً أخت orange road وأود أن أخبرك بأني في صف الأخ رواية ...
فهناك فرق شاسع بين هذه الرسمة و الرسمة التي قبلها... ولكنها رائعه أيضاً