[ الموضوع الرسمي ] FINAL FANTASY XII - انطباعات + اراء + استفسارات

[finaldream]

finadream انا خذيت الشكوبو بس مادري وين اروح والمدينه الي تقول عنه ماله طريق طريقه مسكر ..؟

لاتخاف انا كنت زيك
شوف الجندي ايش يقلك
لازم تتبع اثار الشوكوبو
بعد ما تاخذ الشوكوبو وتطلع من المكان اللي في االجندي راح تحصل قدامك كم شكوبو
لو تدقق على الارض بتحصل علامة زي اثار الاقدام انت امش ورا الاثار لانه هنا السر
حتمشي في منطقة ما تقدر توصلها من دون الشوكوبو
ان شاء الله تكون وضحت الصورة
وبحاول ادور على خريطة عشان اوريك

[kyo]

كيفكم شباب اخيرا انهيت اللعبه بس ياخسارة اقول على اللعبه خربوها ^^
وانا العب ماكني العب فاينل فانتيسي فينك ياكلاود وسكوال اللعبه مره مو كد كذه
وتسلم حبيبي عالموضوع

[BOGEYNIGHT]

وش هي النهايه شباب

[BOGEYNIGHT]

شباب تكفون وش هي النهايه شكلها ما عجبتكم

[HAMAD 11]

شباب انا توني ببداية اللعبة .. وقاعد العب مهام صيد الوحوش , الحين واصل عند الوحش الثاني اسمه Thextera وهو ذئب كبير , المهم الوحش قوي جداً الحين اكثر عن 5 مرات قتلني

فقلت اروح اطور نفسي واشتري لي سلاح مثل الناس وارجع له أدبه

شباب اشتريت سحرين Cure و Fire ... لكن ما اقدر استخدمهم ليش ؟؟ ما اقدر استخدم الا التكتيك Steal وهذا بعد مدري شو فايدته

وبعد اشتريت سلاح Broadsword وهذا بعد ما اقدر استخدمه .. اساساً ما اقدر احطه عشان استخدمه محطوط لي سلاح Mythril Sword الغبي ..

خبروني كيف اقدر احط الأسحار والأسلحة

[Mr_Gamer]

حمد الله يعينك هذي اول مره تلعب فاينل فانتسي راح تضيع
المهم

لازم تكون عند رخصه لحمل السلاح << تراني اتكلم من جد

روح لقائمة المنيو وشوف اللسينز

اصلا الرجال شرح لك بعد ماذبحت الطماطه مافهمت منه

[finaldream]

وين حصلت هذا الوحش بالتحديد Thextera

[Flanteus]

انا حاليا قاعد العب اللعبة


امس جبتها


الصراحة كل شيء قلته هنا موضح باللعبة .. وفيه قائمة help تقدر تقراها وتستفيد منها ..

انا مستغرب محد قراها ..وتبون تلعبون اللعبة


وتقريبا اللعبة فيها شرح لجميع أساسياتها حتى طريقة ايجاد الوحوش وقتلها ..




المزيد من القراءة لو سمحتم .. واذا ما بتفهموا انقليزي بعد .. فليش انتظرتوها ؟؟؟؟؟؟؟؟؟؟؟

[Zero]

HAMAD 11 ، لما تفتح القائمة وتشوف قائمة الرخص Lincense ، ولما تفتحها بتشوف مجموعات مربعات مجمتعة وعليها أرقام ، مجموعات مربعات في الشمال الشرقي وأخرى في الجنوب الغربي .. الأولى خاصة بتطوير المهارات والثانية خاصة بتطوير الأسلحة ، وكل مربع لما تضع المؤشر عليه راح تشوف مستطيل في الأسفل يظهر لك فائدة هذا المربع ، طيب ولماذا الأرقام ؟ لما تنظر جنب اسم الشخصية بتشوف LP وجنبه أرقام ، وما هي فائدته ؟ راح أشرح لك بمثال .. أنت ذهبت إلأى أحد المربعات الذي يرخص لك استعمال القبعة ( هي أحد أجزاء الدروع طبعا ) ، وحتى تستعملها تحتاج إلى 15 نقطة LP ، وأنت لديك 30 نقطة LP مثلا .. تقوم بتفعيل هذه الخاصية ثم ستنقص نقاطك على حسب الشيء اللي استعملته ألا وهو القبعة ، ثم ستصبح النقاط 15 ، هناك الكثير من المربعات .. ولكل منها فوائده وهذه لعبة آر بي جي يجب أن تطور شخصياتك بشكل مستمر ..

كما أحب أقول لك شي ، السحرين اللي شريتهم ( حتى لو ما شريتهم تقدر تحصلهم ) ، تقدر تفعلهم من هذه القائمة .. تختار المربع تبعهم ويجب أن يكون لديك نقاط LP كافية .. فهي تحتاج 20 وأنت لديك 15 مثلا .. تحتاج إلى المزيد من القتال والتقوية .. حتى تزداد النقاط

أما Steal فهي خاصية السرقة ، هي لا تنجح دائما ولكنها تمكنك من الحصول على أشياء مفيدة من الأعداء ..

وإذا ما فهمت الشرح يا حمد مستعد أعيد بطريقة أخرى ..

[BOGEYNIGHT]

يعني محد جاوبني وش هي النهايه ابي اعرفها تكفووووووووووووووووووووون

[ناروتو]

انا رحت الى الهندي وعطاني سيف وبعدين رحت لمكان وطل عرض واخذوا السيف وبعدين؟
وين اروح

[alshautan]

السلام عليكم ورحمة الله وبركاتة

اصراحه العبة روعه ونظام القتال متعوب عليه


وان واصل لمدينه فران ولفلي 27

واصراحه الى الآن العبة ماعليها كلام

لكن فيها شوي صعوبه

اصعب عن الاجزاء الثانيه

[HAMAD 11]

Mr_Gamer و Zero والله تسلم أيديكم , الحين فهمت السالفة

بس سؤالي الثاني : النقاط اجمعها من القتال صحيح ؟

finaldream هذا الوحش انا بعدت تعبت حتى القاه .. شوف انت لازم تروح للصحراء من البوابة الغربية موب الشرقية .. انا اول سرت من ناحية البوابة الشرقية ولفيت المكان كله وخسرت وايد بس بعدين قلت اروح من البوابة الغربية وطلعت لي مناطق جديدة من الصحراء والوحش موجود في أول منطقة بالضبط من الصحراء في ناحية البوابة الغربية واسمها Galtea Downs .. أمسك يسارك وتقدم ورح تحصله هو على فكرة مثله مثل الذئاب بس هو كبير وايد وسريع جداً ووياه ثلاث ذئاب رح يحرسوه وهم الى رح يصعبوا المهمة .. وحظ موفق في أصطياده

على العموم انا حالف اني اليوم اعلمه الأدب .. وبعدها بإذن الله رح أبدا بالمهام الرئيسية للعبة

[TiTaN]

انا رحت الى الهندي وعطاني سيف وبعدين رحت لمكان وطل عرض واخذوا السيف وبعدين؟
وين اروح

حسب مني فاكر تروح للمقهى SANDSEA و تطلع فوق

[shadow057]

انا حبيت اعطي رأيي عن اللعبة
اللعبة من اجمل ماصنعت سكويرا لانها جمعت بين المتعه وجمال الجرافكس
انا ماادري ليه البعض لازم كل شيء يكون 100%
اهم شئ يكون فيه متعه وبس

شكراً