إلى كل من يريد نزول الكوبي أقرأ لتعرف

[wishbagi]

^^^^^^^^^^^^^^^^^^^^^^^^^^^
سرقه 100% والامر هذا مفروض ما فيه نقاش الكوبي سرقه واشلون ما يعتبر من حقوق الملكيه مثال انا اسوي لعبه واقط عليها مبلغ وقدره فرضا5 ملايين دولار وابيع النسخه 50 دولار ويجي صاحب المحل حضرته ينزل اللعبه من النت في بلاش ويشتري ديفيديات(او بلوراي اذا فرضنا المثال لسوني3) فارغه وينزل اللعبه ويبيعها باضعاف الي انا بعته وهو حضرته الي ما تعب عليها ولا سو شي الا شويه نسخ باي حق تشوف هذا مو سرقه وعدل انا مو ضد الكوبي بس هم لازم اعترف ان سرقه لان ما يصير اقص على روحي واقول انا مو شاريه شي يعتبر سرقه فكريه

تعرف وشي الحقوق الفكريه ؟
هي انك انت تفكر بفكره وتنسب لك
لكن اذا جاك احد وقال ان الفكره فرقته كذا سرقه
لكن اخذ فكرتك وانشرها للناس مي سرقه الفكره لسى باسمك
هم مهبسرقه وهم ما بعترف انها سرقه

[wishbagi]

متى ينزل الكوبي

يمكن ينزل يمكن ما ينزل
اتوقع ينزل بس بعد مده
الصبر

[rare games]

تعرف وشي الحقوق الفكريه ؟
هي انك انت تفكر بفكره وتنسب لك
لكن اذا جاك احد وقال ان الفكره فرقته كذا سرقه
لكن اخذ فكرتك وانشرها للناس مي سرقه الفكره لسى باسمك
هم مهبسرقه وهم ما بعترف انها سرقه

هههههههههههههههههه ضحكتني حلوه هذي والاخ صاحب المحل قاعد يربح من وراي ذهب وتقولي مو سرقه خلك واقعي ومفروض انك ما تناقش نفسك بالامور وتقولي انسخ سيديات بس ظلت الفكره فكره الشركه هذا اسميه جدال عقيم للاسف ميؤوس منه المثال الي ضربته لك واضح وما يحتاج اعيد

[الجام العربي]

مثل ما قال أخوي
اللعبة خسرانيين عليها بالملايين وانت فقد تدفع مبلغ رمزي

[wishbagi]

مثل ما قال أخوي
اللعبة خسرانيين عليها بالملايين وانت فقد تدفع مبلغ رمزي

يا اخوان انتوا يا وحده من ثنتين
الاولى انكم ما تقرون ردودي الثانيه انكم تقرون وما تفهمون
طيب ذا يدفع اصلي وهذا يدفع اصلي يجبوا القيمه واكثر
بعدين المشروع واللعبه مايسوها الشركه الا بعد ما يتاكدون انهم يربحون دبل بعد

[wishbagi]

هههههههههههههههههه ضحكتني حلوه

الحقيقه تظحك احيانا
يالتيني دايم اشوف الظحكه ذي

هذي والاخ صاحب المحل قاعد يربح من وراي ذهب

ليش فاتح المحل عشين يخسر!!!

وتقولي مو سرقه خلك واقعي ومفروض انك ما تناقش نفسك بالامور وتقولي انسخ سيديات بس ظلت الفكره فكره الشركه هذا اسميه جدال عقيم للاسف ميؤوس منه المثال الي ضربته لك واضح وما يحتاج اعي

مثال ظعيف ليه لا ترمي كلام كذا بدون ماتبين صح ولا خطا
وما في شي اسمه نقاش عقيم في شي اسمه نقاش طويل ونقاش عادي

الشغله كسل

ردك الاخير ذا لا زاد ولا نقص

[rare games]

اخwishbagi
ردك الاخير ذا لا زاد ولا نقص
حلوه منك وتسلم يالغالي لو تفرض انك صاحب الشركه راح ترضى احدينسخ العابك ويبيعها ويربح كثرك ويمكن اكثر مو بس هذا هم راح يطيح سوقك لان الناس راح تخلي الاصلي (سلعتك) وتشتري كوبي هل راح ترضى طبعا ماراح ترضى لان هذا جهدك حقك تعبك والاخ صاحب المحل بسلامته بس قاعد ينسخ بسيديات فاضيه وسعرها رخيص جدا ومبسوط ويبيع كثرك ويطيح سوقك بعد فكر بعقلك وخل عنك سالفه تبرير الاخطاء وليس الخطا الذي يقع به الانسان انما الخطا هو الاصرار عليه وعدم الاعتراف فيه

[wishbagi]

اخwishbagi
ردك الاخير ذا لا زاد ولا نقص

حلوه منك وتسلم يالغالي لو تفرض انك صاحب الشركه راح ترضى احدينسخ العابك ويبيعها ويربح كثرك ويمكن اكثر مو بس هذا هم راح يطيح سوقك لان الناس راح تخلي الاصلي (سلعتك) وتشتري كوبي هل راح ترضى طبعا ماراح ترضى لان هذا جهدك حقك تعبك والاخ صاحب المحل بسلامته بس قاعد ينسخ بسيديات فاضيه وسعرها رخيص جدا ومبسوط ويبيع كثرك ويطيح سوقك بعد فكر بعقلك وخل عنك سالفه تبرير الاخطاء وليس الخطا الذي يقع به الانسان انما الخطا هو الاصرار عليه وعدم الاعتراف فيه

هنا الكلام صاحب المحل كذا حيصير موزع صح
ويسير غيره موزعين كثار
ابد بيع عليهم النسخه الاصليه انفسهم بس بسعر عااااااااااااااااااااااااالي وهو ينسخ يربح يخسر شغلته
وكذا كل الناس ماشيه ميه ميه


اصلا لو كل لعبه بدولار وشرهاه مليون شخص جابو راس مالهم

[dro]

ألي يشوفكم .. يقول خلاص كل المحلات راح تبيع أصلي وتستغني عن الكوبي .. أو كلهم راح يبيعون كوبي و يستغنون عن الأصلي .. ^^


خلاص الموضوع أنتهى .. ماله داعي كل المشاركات ألي بزيادة ..



خلاصة الموضوع ..


ألي يبغى أصلي يشتري أصلي ..

وألي يبغى كوبي يشتري كوبي ..




بس أنتهى الموضوع .. ^^

[wishbagi]

خلاصة الموضوع ..


ألي يبغى أصلي يشتري أصلي ..

وألي يبغى كوبي يشتري كوبي ..

يا عيني عليك
لكن في ناس ما تبغاك تشتري كوبي عشينه يدفع مبلغ كبير بالاصلي

[dro]

يا عيني عليك
لكن في ناس ما تبغاك تشتري كوبي عشينه يدفع مبلغ كبير بالاصلي

شفت الناس ألي تقصدهم .. ما عليك منهم .. ^^

أشتر كوبي وبس .. والأصلي خله للألعاب الغالية على قلبك زي ميتل جير سوليد و فاينل فانتسي ..

أيش رايك ؟

[البيكهام هام]

مانقدر نستغني عن الكوبي

الله عطاك كمل حلاك انت ملاك بين الاجهزه انت الوحيد حبك اكيد خله الحسود ميت قهر

[wishbagi]

شفت الناس ألي تقصدهم .. ما عليك منهم .. ^^ أشتر كوبي وبس .. والأصلي خله للألعاب الغالية على قلبك زي ميتل جير سوليد و فاينل فانتسي .. أيش رايك ؟

وليش
اذا كانت اللعبه عليها اون لاين وتحتاج اصلي ممكن اشتري
واذا كانت لعبه غاليه على قلبي مثل فيانل وميتل قير (مدري اش دراك اني احبها)

اشريها كوبي الا اذا كان بالكوبي عطل او خلل
يمكن اذا زنقت معاي اشري اصلي الله المستعان

[zidane.10]

انا سمعت من شخص انه بعد فتره راح ينزلون قطعه على سوني 3 تشغل الكوبي وكلامه منطقي لانه يقول السوني على فكره خاجرالدول العربيه ماتشغل غير الاصلي اما عندنا او ماتنزل يركبون قطعه يسمونها (شب او جب) تشغل الكوبي ويقول انه راح تنطبق على سوني 3 قريبا والله اعلم ان كان صاج او جاذب لكن انا اتوقع هشي يصير 80%

[Yusuke Urameshi]

انا مادري ليش الي يشترون اصلي متضايقين كأنه لهم نصيب من ورا هل ربح من الشركه...........مادام راعي المحل يشتري اصلي و يحطهم على الرف و يكون (دافع) للشركه ربحها فمافي اي داعي اشتري اصلي علشان مغلف و ملون بينما الكوبي محطوط في كيس.............اضرب مثال يمكن شوي يفيدكم يعني الحين اشتري سياره سعرها غالي فيها مميزات مثل سنسر و شاشه او اشتري سياره ارخص مثل التيما 2008 سعرها ارخص و فيها نفس المميزات............و اذا شريتها اكون خسرت الشركه الثانيه علشان ارخص و فيها نفس المميزات ؟؟؟؟؟؟

الموضوع اساسه عن المصلحه العامه و الشخصية الي يبي يشتري اصلي على راحته و الي يبي الكوبي همن على راحته.........انا اشوف مصلحتي لم ينزل الكوبي لانه شي اكيد بروح للكوبي مادام يفيد المصلحه العامه...............

و الي يقول حرام الكوبي و الحقوق الملكيه ...............هل هو حلال رفع الاسعار والمبالغه فيه؟؟؟؟