First Cooperation Cup "Saidai Tournament" for 3rd strike

[Black_Berserker]

السموحه يالصيعري دورت على الفيدي ولكن بلا جدوي, ماحصلته

عيل بلاك اكيد عنده,

والله البطوله كانت حلوه الصراحه و تمنيت اني اكون متواجد وياكم لكن خير ان شاء الله المره اليايه ^_^

الصراحه ماشاءالله على ربيعنا اودي, بدع والله D:

شبااب عندي اقتراح

هالبطوله ماشاءالله فيها وايد لقطات حلوه, ليش ما تسون فيديو و يكون مقطع مثلا يطلع اسم بلاك تحت و تحطون اللقطات الحلوه من مبارياته و ما يخالف لو من البطوله الجديمه, و مثلا الزعيم و الكومبوهات و الميكس اب يلي سواها, يعني والله فكره حلوه و اتمني حد يسويها

والله الفكرة في بالي والزعيم كان ناوي يسويها قبل البطولة بس لاتخاف إن شاء الله نسويها بس الشغلة مطولة شوي...خلنا نخلص من الأشياء الي عندنا والله كريم

[xCODYx]

مبروك الفوز لفريق DARK-C يستاهلون بكل جداره ما شاء الله عليهم

انا عن نفسي اعتبر الكل فايز لانه الكل كان مستانس و غير جو

و نحن سوينا الي علينا بلاك و انا و الشباب المنظمين و اتمنى ما نكون قصرنا في شي و اتمنى انا الجوائز نالت اعجاب الفائزين

بالنسبه لفريقنا قدمنا الي نقدر عليه لاكن هذا مستوانا

في النهاية اتمنى اني ما اكون قصرت في فيديو افتتاح البطوله و اتمنى انه يكون نال اعجاب الجميع

مشكورين مشكورين مشكورين

[MaNForUaE]

مبروك الفوز لفريق DARK-C يستاهلون بكل جداره ما شاء الله عليهم

انا عن نفسي اعتبر الكل فايز لانه الكل كان مستانس و غير جو

و نحن سوينا الي علينا بلاك و انا و الشباب المنظمين و اتمنى ما نكون قصرنا في شي و اتمنى انا الجوائز نالت اعجاب الفائزين

بالنسبه لفريقنا قدمنا الي نقدر عليه لاكن هذا مستوانا

في النهاية اتمنى اني ما اكون قصرت في فيديو افتتاح البطوله و اتمنى انه يكون نال اعجاب الجميع

مشكورين مشكورين مشكورين

مبروك لفريق DARK-C

بعد الحمدلله طلعنا فايزين بشوفتكم و هذا المطلوب ......................

[Oni.Musa]

Al Sallam 3alikem shabab ,i guess im new to this montada thing and to be honest it looks pretty good. EVERYONE IS HERE! xD
Its Me Musa AKA sephm
Glad to be here with the shabab hopefully ill try to be updated with u guys and thank you Black Berserker and Team Al-Ain for hosting and organizing the tournament along with ayman and of course envy's efforts for making it watchable for everyone in the world Justin.Tv FTW!
had much fun yesterday, Win or loose didnt matter too me it was fun very competitive everyone who played was a straight up pro
Rank A's were flying everywhere! xD
thanks shabab and hope to see you guys in the future upcoming tournaments

[MoMeNTuM]

شباب هالفيديو الصراحه مفيد وايد و اتمنى انكم تشوفونه و فيه توتريال لكل الشخصيات

هم 4 فيديوهات و التوتريال للشخصيات يبدا من دقيقه 17:20 من الفصل الاول و اتمني الكل يستفيد D:

















enjoy

[bbsilver]

السلام عليكم يا شباب

في البداية أحب أهني فريق DARK-C على الفوز بالبطولة ، مشاء الله قدموا مستوا رائع جدا ونتمى لهم وللجميع التوفيق في البطولات القادمة.
البطولة كانت مميزة في كل المقاييس، من ناحية المكان و فيديو الإفتتاح و المباريات وصولا إلى التكريم و فيديو الختام ، كل شي كان على أعلى مستوى ولله الحمد،،،
ومشاء الله موسى و المعلقين كان لهم دور نشر الحماس في الجمهور و التشجيع فجزاهم الله خير ونتمى أنه يكون لهم دايما دور في التعليق للمناسبات القادمة...
في النهاية أحب أشكر كل من ساهم في إنجاح هاذي البطولة وإن شا الله يكون لنا دور مساهم في التنظيم للبطولات القادمة وعذرونا على أدائنا المتواضع هاذي المرة...
وجزاكم الله خير

[AL999e3ry]

مره ثانيه مشكورين شباب و ما قصرتو و الصراحه فكرت النقل المباشر وايد روعه اتخلي الواحد ما يفكر يبطل بيات شتوي(بديت افكر ازيد ساعات الرقاد لول)... بدون مجامله اللي استانست على لعبهم انفي و بلاك و شين فيرجل... اما الفلبيني اودي لاعب يان و ايمن بـ 12 هذيلا بروحهم حفله خاصه و زعلان الصراحه من الزعيم انه ما خلانا نستانس على التشيكن كومبو الا في الاخير... بس اللي لاحظت عليه اسلوبه متغير ريزو... صار لعبه يعتمد على المايند جيم اكثر و هالشي طيب... الوكارد و جامبيت مستواهم كان طايح شوي... توقعنا منهم اكثر و من كان مستواهم طايح شوي ضاعت علينا المتعه و خصوصا شباب من مستواهم القوي... اما موسى و شين اكوما شغالين في المطار اقلاع و هبوط بـ الاير هوريكن و ولد عمكم(اير فاير بول لول) و الله اني كنت اتريا مبارياتهم على طول... و عندك خالد فعفوط لاعب دادلي و الله انه وحش و التايمنج عنده مش طبيعي... لاعب هيوغو يامازاكي تلقاه يتحبس يكفخونه عادي بس من يمسك مره ماشالله عليه ما يوقف لين الدامج يلتعن ابو خيره(بس مباراته ويا ريزو و الله مت من الضحكو اللي شافها بيعرف على شوه اقصد و خاصة سالم السويدي يعرف كيف احتفلنا فيهم و نحن انطالعهم هههههههههاي) ... و ثاني ماشالله عليه شغال ستان صح و لو انه اغلاطه كانت شوي لكن مع ذلك شغال صح بـ ماكوتو و اتمنى يضبط الستان كومبو عالبطوله اليايه ... اما سكوبي عطيته لقب من شفته في هالبطوله(ملك الراندوم) ياخي كل ما يسوي راندوم اتيي صح(ماشالله عليه)... زعلت على لعيبة تشان لي(طارق و فرقان) انهم ما ظهرو بالمستوى المعهود و ان شا لله يمتعونا في البطولات اليايه... جود جيمز للكل و السموحه اذا نسيت حد من الشباب و الكل و الله ابدع... حبايبي و الله ترفعون الراس به المستويات القويه و شدو حيلكم اكثر و الله تلحقون اليابانيين و بتتجاوزونهم ان شا لله

[Alucard.4.ever]

شكراً للمنتظمين على هذه البطولة الرائعه ...

الصراحه كـ تنظيم + القاعه + نظام اللعب + فيديو البداية + تايم مانجمنت + الحماس = ممتاز ورقم 1 بدون مجامله ( جلبتها معادله رياضيه XD )

ومبروك لتيم دارك والصراحه يستاهلونها البطولة

بلاك ماشاء الله بدع في الباري ...ماشاء الله عليه وكذلك انفي و فعفوط ..

ولاتنسون الشيبة اللي يحر على مكينة ديزل ...على آخر اللحظات اورو توحش مرة وحده ..

الوكارد و جامبيت مستواهم كان طايح شوي

شوي ؟؟! ظلمتنا تبى الصدق ، قول الا في الحضيض .

ماعملنا اي شي وحليله جامبت ولا مرة ضبط انبلوك ابل بسبة التوقيت ..

بس ان شاء الله نعوض على البطولة الياية ..

بخصوص ريو خلاص قررت اعطيه سنوية ، مسكين من البطولة الاولى وهو يكافح معي ...واذا يبى اركبه الشاحنه واوصله لنص الطريق انا حاضر ( ending of impact and NG ) ماقصر ..

وهدفي التالي ان شاء الله افكر بيورين ...خلاص راح ابدأ اشتغل عليه بإذن الله ..


بخصوص موسى الصراحه بدأ على آخر لحظة شغال ميكس اب وراندوم مش طبيعي ...احس لو يلعب وبجنبه مايكروفون انسى تغلبه .


بخصوص اللايف ستريمينج فكرة جميلة جداً ان شاء الله لو ما حضرت مشاهدة بطولة السوبر راح اشوفها اونلاين ...


----------------------------------

القعده مع حمد و دووق فليد ونااسه وزين يوم شفتهم على اللايف ، وكذلك كلٍ من باسترد و بي بي سيلفر واخونا المبدع شين فيرجل فرحت يوم شفتهم ..

ان شاء الله نكثر من اليلسات ...


------------------------

السويدي وصلني سلامك من مايد ،

بشر عن مستواك ان شاء الله تووب ؟؟ تراه مايد مخطط على اول ماتوصل راح نجتمع في العين مثل المرة اللي طافت ..

ان شاء الله ترد بالسلامة ..

[UAE4HAMAD]

السلام عليكم

الصراحه بالنسبه لبطولة ثيرد سترايك حبيت اقول انها بطوله كانت حماسية وماشاء الله مستوياتكم كلكم مب طبيعية وخاصه الفلبيني صعقني بمستواه يوم كان يلعب بـــ ين ....... بس الصراحه الكل مستواه عالي وياليت لو نطور نحن لعيبه الفور في مستوياتنا وبطولاتنا

ومشكورين كل من بلاك بيرسيركر والوكارد وبيغ بوس وغامبت وموسى ( ههههههه) وكل اللي كانوا موجودين مابخص حد .... واليلسه وياكم اتونس وان شاء الله نتلاقا مرات ثانية

وكل الشكر للمنظمين اللي تعبوا من ناحيه الاعداد والجوائز وشغلات النقل على النت كلكم ماقصرتوا ويعطيكم العافيه


المهم

نترياكم في بطولتنا تاريخ 18-2 ولا تنسووووون تعالوا شاركونا

[MoMeNTuM]

هلا والله حمد ان شا الله انت و دوق فليد استانستو

عاد والله تمنينا انكم تشاركون، ماكوتو و ريمي p:

و يا حيكم بطولت ال٤ الله يوفقكم و لو لن موجود كنت شاركت وياكم و رفعت ضغطكم شوي بالهندي خخخخخ يالله تريو ان شا الله يوم ارد ان شا الله تسون بطولة ٤ و اشاركم بدالسيم D:

--------

الوكارد ان ماشالله عليك قبل البطولة وحش و في البطولة مستواك يتغير خخخخ شسالفه لازم اتشوف حل ويه التوتر لكن ماشالله عليك ابدعت

[xCODYx]

حمد

ان شاء الله بطولتكم تكون مثل بطولة الثيرد و احسن

والله يوفقكم في البطولة

بخصوص فيديو افتتاح بطولة الثيرد بنرفعه على اليوتيوب و بحط الكم الرابط و اتمنى ان ينال اعجابكم

احتمال اعتزل
Big Boss

[MoMeNTuM]

اوه اوه يا بيج بوس شو هالخبر الصاعق.؟ شسالفه.؟ و ليش.؟

[Black_Berserker]

[SIZE=4]
احتمال اعتزل
Big Boss

خخخخخ ليش ياريال؟ إذا تعبان من الفايت خذلك بريك شهر أو شهرين بس إعتزال مرة وحدة....شوف لو إنت إعتزلت خلاص أنا بلحقك....بقعد أنظم بطولات الثيرد فقط

==================================================================================================== ========

بس بغيت أستسمح من فهد والله نيت أشكره حليله ماقصر وياب الكاميرا الخاصه فيه مع الستاند وشغله وايد حلو يعطيه العافية وبردلك إياها إن شاء الله في بطولة السوبر

[MoMeNTuM]

خخخخخخ شسالفه يعني الكل يعتزل من شوي الزعيم و احينه بلاك خخخخخخخخخ جان تهدون اعصابكم

حاليا الحمدلله صار لنا كوميونيتي و ترتيب بطولات و منافسات

ف انتو فكرو فيها ^_*

[Alucard.4.ever]

^^

شكل النفسية تعبانه عندهم ، ما الومهم من الدوام ..

ان شاء الله بعد مرور فترة راحه لهم راح يفكرون يرجعون ..

وإبنتظار فيديو المقدمة