اللعبه بايخه لدرجه عجيبه و الشركه نصاابه

[Karazhan]

ينفعاذا الهت راتنق كاب ينفعوعلى طاري الهيروك انا اقصد انت الحين عندك شخصيه توك الحين وقلتها 85 بصراحه جاوبني ، تدخل هيروك فيها عشان تلبسها فل ازرق او تدخل باتل جراند و تلبسها فل ابك ؟راح تقول فل ابك طبعا ، لأن جير اقوى + ابك = تدخل بعد ما تلبس فل ابك تدخل زل امان و زل قرب راندوم عشان تجمع نقاط وتشتري الترنك اللي فيها هت راتنقاو تلبس نظاره الانجنير و تسوي فوورق عالقطع اللي عندك نفس haste و غيرهم وتصير كاب هت ريت يعني ماتفكر بالهيروك ، واذا تبي قطع FL المزاد مترووووس

[Karazhan]

اعذروني ترى قاعد اكتب من ايفون عشان جذي بدليات و كلام داخل في بعض وبدون ترتيب و بدون الوان ، لكن نقطه نسيتها اني اقول للشباب انها لعبه فاشله بس انتوا مو منتبهين ، نعم اخي الفاضل اللعبه كل باتش تصير بايخه ، واعلم اخي العزيز لو اسوي استفتاء على اللعبه راح تشوف الاغلبيه من الشباب يقولون ان لفل 70 كان اقوى واحلى جزء نزل باللعبه ، من كل النواحي حتى شكل الجير كان بقمه روعته واي واي كان يهبل يخبل ، الحين ماكو شي ، كل باتش ينزل تزيد الانتقادات ويزيدون اللي يتركون اللعبه ، وتقول لا ادخل او روح لعبه غيرها ، انا والله ناطر تنزل لعبه جيلد وور 2 عشان ابدأ من اول الناس ونسوي قسم خاص لها و وورشيف يصير المراقب ونسوي جيلد بعد للي يبرن يلعبون معانا و للعرب بشكل عام ، ونتفق على سيرفر نبدأ فيه ، مو نفس ووركرافت كل واحد بسيرفر ، انا ودي نبدأ مع بعض كلنا بسيرفر واحد ، واللعبه مجانيه بعد يعني اللي ماتعجبه يبيع اكاونته براس مالها او يتركها عنده اذا فكر مستقبلا يلعب لو بعد 3 سنوات ، راح يشوف اكاونته موجود ومايحتاج يجدد اشتراكه*

[supzero99]

يا رجال والله من عقب ما قريت كلامك تحمست ورحت شفت اللعبه والصراحه شي خطيررررر

ما تعرف متى بتنزل

[Karazhan]

يقولون شهر 11 ،،، سألت رفيجي ملك اللعبه اللي عروقه بالماي قالي مو رسمي شهر 11 لأن بعد ما اعلنت بليزرد عن لعبه تيتان قالوا راح نخليها مفاجأه ، بس اتمنى شهر 11

[دايخ باللعبه]

السلام عليكم

انا لاحظت تحمسك للعبة جيلد وور2 فقمت اشوف اليوتيوب


انا كل ما اشوف مقطع للعبة جيلد ور2 القاها تصوير كاميرا من شاشه فمايصير واضح ومع ذلك حلوه


ننتضرها بفارغ الصبر

[Karazhan]

في لها افلام واضحه واللي انا حطيتهم بمشاركات سابقه بنفس الموضوع هذا ، فوق ما ان التصوير من كاميرا شوف الفرق بينها وبين ووركرافت ، بعض الناس يقولون انتوا هامكم الرسم بس ، واحنا نتكلم عن كل شي ومنهم الرسم ، شوف الحركه والرسم والتحكم والحركات وانت تعرف ان اللعبه قويه

[QTR .SOUL]

يلد اوف وور شفت لها فيديو في قيم كون وبصراحه لعبه حلوة وزين بنفتك من واو ومايحتاج اعبي اكوانتي

وفيه لعبه ثانيه المانيه على ما اعتقد بعد بتنزل في وقت قريب من قيلد اوف وور

ماعليه ننطر شهريين ولا ثلاث ماورانا شي الاكاونت مسكر ومش حالك ترافيان هههههه

[Karazhan]

http://m.youtube.com/index?desktop_u...?v=VMTs74eWBJ4

[Karazhan]

يقولولي انت ماتفهم ، ولا تقارن الرسم لأن الرسم مو كل شي ، اذا ما شفت الرسم وقارنته اجل اقارن واشوف شنو ؟ شوفوا المقطع هذا وشوفوا الرسم والاثاره والمتعه كل الاشياء متوفره بلعبه مجانيه قويه ، الامر الاخر يقولولي شنو المتعه فيها اذا كنت تدخل رايد وتذبح بوس بسهوله ، اذا ذبحته وانتهت القصه وبعدين ؟ اقول للأخوان الافاضل ان الهدف باللعبه مو بالطريقه هذي ، وحسب كلام احد الاصدقاء واللي فهمني القصه وشلون راح تكون اللعبه ، الهدف يااخوان مو نفس لعبه ووركرافت ، يعني ووركرافت يقولون في بوس جديد وينزل اخر الاكسبانشن واذا ذبحته خلصت القصه وانتظر الاكسبانشن الجديد ، هذا في ووركرافت ، اما جيلد وور 2 لا تفكرون ان الطريقه نفسها وان اللعبه تعتمد عالبوسات باللعبه ، لأن حسب فهمني من صديقي ان البوسات مو اساس اللعبه ، والهدف اهو المتعه والاثاره قبل كل شي ، يعني اللعبه ماتوقف على بوس تذبحه وتنتظر اكسبانشن جديد ، واللعبه فيها 4 فاكشن وكل فاكشن عدو الثاني ، يعني مقارنه بلعبه ووركرافت تخيل اللعبه بس هورد ، والهورد كلهم اعداء بعض ، وانت باللعبه تخلص كويستات او شي ثاني وتحسن علاقتك مع الفاكشنات الثانيه لغايه ماتصير صديق الفاكشنات كلهم ، اهني تبدأ اللعبه وكلكم يصير لكم عدو واحد واللي اهو ال dragon هذا اللي فهمته ولكن زوجته اتقلت عليه وقالتله تعال بسرعه و قالي بروح واكمل السالفه باجر ، يعني يااخوان لاتفكرون ان اللعبه واقفه عالرايدات والبوسات ، حتى لو كان الرايد سهل وتذبح البوسات بدون مشاكل وبدون تانك وهيلر وكل ماتموت ترجع وتكمل المعركه ، لأن انتوا مشكلتكم انكم قارنتوا هذا الشي بلعبه ووركرافت وهذا غلط ، لأن اللعبه تختلف بالنظام عن نظام وركرافت اللي كل باتش فيه بوس اخير وكل امسبانشن له بوس مشهور وصعب ،، اتمنى توصل الفكره و تبطلون تقارون نظام ووركرافت بجيلد وور 2

[Warchif]

كل شئ بيظهر مع نزول اللعبه رسميا وقتها بنطقها ليل ونهار
انا خلاص سويت Per-Order من موقع اوف جيمرز وشريت اللعبه
صامل عليها الله لا يردها
أخوي ميكافيلي شارك معنا و لك جائزه في حسانا فله عباره عن صنوق كوسه + بر حساوي

[Karazhan]

هذا ال pvp

http://www.youtube.com/watch?v=xvHV7HB2BDc&feature=relmfu

مافي بعد stun وهالخرابيط

شوف البي في بي باللعبه

وشوف شلون اللاعب يقدر يسوي شي اذا عليه 2

مو نفس ووركرافت اذا عليك 2 ماتسوي شي يذكر

ولاحظ ان مايموت بسرعه , يقعد يقاتل للنجاه

[Karazhan]

تخيل انك warrior وطلعلك ميج

هههههههههههههههههههههه

وبنهايه الفيلم يعطيك /spit

فوق ما انت ميت قهر هم يعطيك spit

وتقولون هذي لعبه بعد

[Warchif]

^
خوش مهمه ههههه تقول ماهم قادرين يذبحون الفيران

الواريور كان دايما يتعب مع الميج ولما عطوه الفرصه بالدبل شارج نيرف على طول

[usoppu]

غريبه الواريور كان دايمن يتعب مع الميج لا غلطان فيها انت

بس لو كان نوب صح يمكن اما الواريور أول كان ممصخر الميج اليحن سار مصخره

قبل الشارجين كانت مسويه زحمه للميج

[Karazhan]

السلام عليكم

شباب جبت لكم اخبار طازه و حصريه عن اللعبه

الافلام اللي يذبحون الدراجون هذي كلها بوسات world boss

نفس ووركرافت مع doomlord kazzak

نظام التالنت طلع في تالنت خاص ومايصلح الا pve وهذا يستخدم لل solo dungeon

يعني بروحك تروح دنجن وتلعب بروحك اذا حبيت بدون قروب , والتالنت هذا يخليك اذا حصلت اي ضربه صارت طاقتك 80% وتحت تنقلب الضربه 50% هييل لك

يعني تضمن ان ضربات الموبات 50% هييل عليك اذا طاقتك 80% واقل , طبعا تنترس الطاقه وتكمل الدنجن

شنو الميزه بالسولو دنجن ؟ انك تدخل عشان تجمع اسلحه او حركات جديده , يعني الدنجن مو بس يعطيكم جير و اسلحه , هم يعطيكم حركات جديده للشخصيه او شخصيات ثانيه تقدر تبيعهم للاعبين اخرين

يعني مثلا نقول انك في ووركرافت تدخل دنجن عشان تاخذ الكتاب حق الميج اللي يخلي الsheep يصير سلحفاة بدل خروف

هذي نفس الطريقه لكن للكلاسات كلها , وحركات جديده لهم كلهم

ثاني شي السولو دنجن هذي مو نفس ووركرافت انك ماتقدر تروح الا دنجنات لفلها اقل بكثير من لفلك عشان تقدر تروح بروحك واذا طاحوا اغراض ماتقدر تبيعهم لأنهم سول باوند

هذا لا تقدر تروح كل دنجن ولكن البعض يعتقد بالسهوله يروح

لا مو بسهوله , لأن السولو دنجن لازم تكون geared يعني تشتري اغراض من المزاد واللي عارضينهم ناس طاحتلهم واهم مسوين سولو دنجن او قروب جماعي

انت تشتري الاغراض وتجمع , يعني نص بالنص , مثلا حركه الهييل اللي اذا ضربوك الموبات يعطيك 50% هيل , هذي مثلا يدخلون ناس في قروب دنجن و تطيح لشخص الحركه هذي , اهو مايحتاجها يروح يبيعها عليك وانت تشتريها منه وتضيفها عندك

غير الحركات من الدرب يعطيك بعد عشان تقدر تسوي سولو دنجن

هذي حركات السولو افضل من الجير والجير باللعبه اهو عباره عن شكل , عكس لعبه ووركرافت اللي مركزين عالجير

جيلد وور 2 لو تروح دنجن بدون ولا قطعه بالجير عندك تقدر تخلصه اذا كانت عندك الحركات solo dungeon

اما بخصوص القروب في الدنجن , فهناك حركات خاصه بعد هم تتعلمهم من المدرب او الكتب اللي تاخذها من الدنجن واللي يطلق عليها اسم support هذي الحركات يقولك اذا تستخدمهم يقللون الدمج ولكن يعطون هييل للقروب كله

يعني مثلا عندك ضربه تدمج 1000 , يقولك اذا استخدمت السبورت راح تقلل من الدمج ويصير 700 و تعطي القروب هييل 300 او اكثر شوي

في شي بعد , في باللعبه كويستات يطلقون عليها الشباب اسم day quest و night quest هذا الاسم مو متأكدين من الشباب ولكن اطلقوا عليه الاسم هذا لأن الكويستات خاصه بالنهار و الليل

اللي بالنهار تسويهم مع الناس اللي اونلاين مثل اي كويست بلعبه ووركرافت

اما كويستات الليل تكون مثل chain quest اللي تسويهم بدون ماتشوف اللاعبين الثانيين ولا يشوفونك , يعني تكون بعالم ثاني

مثل كويستات ووركرافت خصوصا كويست اللي تروح تساعد ثرال في اundercity والكويستات هذي تصلح للناس اللي تحب تسوي كويستات بدون pvp يعني مايبون احد يأذيهم او يذبحهم واهم يسوون الكويستات

السولو دنجن يااخوان نفس ماتكلمت عنه بالبدايه

اهو انك تروح بروحك للدنجن وتكون مجمع حركات خاصه وتالنت خاص , بالنهايه البوس اللي تذبحه يعطيك شي من عده اشياء , كل شي له chance يطيح

انت تاخذ القطعه اللي يقطها واذا ماتحتاجها تبيعها

يعني كأنك تفرم عالجولد في ووركرافت او تجمع ماينق او ورود ولكن جيلد وور 2 تكون داخل دنجن

والدنجن تلعب بروحك كأنك تلعب بلايستيشن

ملاحظه : التالنت الخاص هذا واللي كل ماتوصل طاقتك 80% وتزيد بالضربات ماينفع للpvp , يعني لايقول احد ان راح يستخدم التالنت هذا عشان يلعب pvp ومايموت

لأن لو تستخدم التالنت هذا بالبي في بي ماراح يعطيك مفعوله وراح تموت , المفعول يطلع بالدنجن فقط , بالدنجن فقط انتبهوا


وبالسولو دنجن مو معناته انك ماتموت , يعني مو تدخل الدنجن بروحك وتجمعهم عليك وتذبحهم وتخلص

لا مو جذي , لازم تاخذ واحد واحد وتذبحه او 2 وبعدهم 2 عشان تتحمل الضرب والهيل تاخذه وانت تسوي تكتيك خاص فيك تتفادى الضربات , ونفس ماقلت اللعبه بدون تانك او هيلر فكل شخص يعتمد على نفسه باللعبه

واللعبه فيها بالانس balance بالكلاسات , يعني كل الشخصيات متساويه

الكل dps والكل عنده self heal والكل عنده dodge او block

وانت شيل عمرك بنفسك , يعني لما تموت ما تسب اللعبه وتقول ظلم وماكو مقارنه

يعني ماكو نفس ووركرافت , تضرب druid ولما تقرب تذبحه ربط رجولك root وراح بعيد قعد ياكل او يختفي او يعطي نفسه هييل ويرجعلك طاقه متروسه وانت نص

ولا ميج يحولك خروف ويروح بعيد ياخذ هيل ويرجع

ولا شامان تضرب فيه ليل نهار ولما يقرب يموت يحول ضفدع ويعطي نفسه هيل ويضربك لين تموت

هذا كله مافي , اللعبه تعتمد على مهارتك بس , ماكو واحد اقوى من الثاني , السريع والشاطر يفوز

يعني مثلا اطلعوا بره اورقمار وشوفوا ديول بين شخصين متمرسين بكلاساتهم , والشخصيتين ماعندهم هيل مثل وورير و وورلوك او ميج

شوفوا النهايه شلون راح تكون , راح تكون واحد يذبح الثاني وتشوف الفائز شوي ويموت , يعني في تقارب بينهم

هذا الاساس اللي مبنيه عليه لعبه جيلد وور 2 , ان الكل دي بي اس والكل عنده هييل خاص واللي يفوز يكون بجداره مو حظ بعد مايعطي نفسه 10 مرات هيل

يعني مو نفس الحين في ووركرافت في شخصيات عندهم هيل ويقعد يهيل نفسه وانت تمل من كثر ما تضرب فيه ولا اكو فايده , لغايه مايتجمعون عليك ربعه ويذبحونك

اما جيلد وور 2 كل واحد عنده هييل و الفنان اللي يعرف متى يستخدمه , لان كلكم متساوين بكل شي واللي عندك عند اللي جدامك

انا اكتفي بالقدر هذا مع ان في جعبتي المزيد عن اللعبه خصوصا الpvp وان يعتمد عالتكتيك نفس الارينا في ووركرافت ان كان 2v2 ويكونون ميج و روج

يعني كل شي محسوب حسبه عدله

والحين عرفتوا ان البوسات اللي تشوفونهم مجرد world bosses ونظام الدنجن و السولو دنجن و عطيتك نظره عامه عن البي في بي ولكن الارينا الشرح طويل والباتل جراند هم يطول الشرح عليهم ولكن لما سمعتهم عرفت ان اللعبه في قمه المتعه والتسليه وان اللي مسوينها ماقصورا على اللاعبين بشي


بالنهايه اشكر الاخ Almu6laq اللي عطاني هذي المعلومات و عطاني معلومات كثيره ولكن احتاج وقت كبير لكتابتها

ولكن اكتفيت بالقدر هذا لغايه ما يتسنى الوقت واكتب المزيد

شكرا للمتابعه