ساحة المناقشة للانمي Gundam SEED Destiny

[ShinGundam]

السلام عليكم

كيف الحال أخوي سراب ^_^ ؟؟

كنت اتوقع دستني بيكون احلى من سيد لكن للاسف خيب آمالي , عن قصته كانت حلوه لكن الي ماخلاه بنفس قوت سيد عدم وجود تضحيات وكان جدا مما جعل بعض المعارك اشك وين الطرف الخير من العكس فما دخلت فيلنج معاه فيهم وايضا للاسف مافي احد من الابطال مات XD

مشكلة GSD أن نهاية القصة ما هي بقوة بدايتها لكن الفكرة الأساسية أن تكون مواجه بين الشخصيات
القديمة و الجديدة أعتبرها رائعة لكن الأحداث كانت بطيئة و توحي أن القصة راح تطول لكن وقفوا
على الخمسين +__+ و أعلنوا عن الحلقة خاصة ^_~ .... أما قضية موت الأبطال فإسمح لي
هذا شي مستحيل !!

وايضا الاحداث كانت عاديه ثم سرعوها في اخر حلقات مما افسد متعت المعارك الي في هذه الحلقات

في الواقع هي مب أحداث عادية >_> سقوط جينيوس 7 على الأرض و إختطاف Kagali و حلقة
المختبر و إنكسار هيبة آثران في المينرفا و موت ستيلار و صراحة في موقف ثانية بس ليش صارت
عادية ؟

لكن ككل الانمي اعطيه 8 من 10 وسيد اعطيه 9.5 من 10

ما عندي أي تعليق على تقييمك صراحة ^_^ لكن أحب أقولك عن شيء من وضع GSD
في اليابان لك و لبقية الأنمي نجح في اليابان بشكل واضح جداً أولها مبيعات DVDs أغلب
ديفيديات حازت على المركز الأول في المبيعات و مع نزول DVD العاشر أصبح عدد
النسخ المباعه من GSD على قولتهم::
’’ over a million DVD copies of Gundam Seed Destiny have been shipped in Japan ‘‘ مصدر ANN
هذا غير تصويت الشهري و السنوي ...الي بقوله أن الانمي ممتاز لكن كان ممكن يكون
أحسن من جذي

والان بعد ماانهيت سيد ودستني ابي اشوف جزء اخر من جندام , وانا نصحوني في زيتا جندام فشنو رايكم + زيتا جندام مو مرتبط باجزاء قبله او عادي اشوفه بدون ماشوف الي قبله ؟

Zeta Gundam أسطورة لكن تتحمل رسم شوي قديم ?_?
إذا ما تحب رسم القديم في له ثلاث أفلام الأول نزل في اليابان برسم معدل و هذي صور له ::1 - 2 - 3
على العموم هو الجزء الثاني للقصة الأصلية و هو مرتبط بعض الشيء بالجزء الأول أو First Gundam

وايضا شنو الاجزاء الي تنصحوني اني اشوفها والاجزاء الي تنصحوني ماشوفها واقرب يمها ؟

- عليك الأن بـGundam: The 08th MS Team :: هنا ’’ Dual Audio ‘‘

؟واخيرا متى يصدر الجزء اليديد من سلسله جندام ؟؟

تصريحات Sunrise تقول أن الجزء الجديد سيعرض 10/2006 يعني المعلومات الرسمية
راح تكون متوافرة في شهر 7 أو 8

اتمنى انكم تردون على اسالتي واسف اذا ازعجتكم

لا أبدا ما في إزعاج أخوي ^_^

سلااااام

[King Sarab]

السلام عليكم

كيف الحال أخوي سراب ^_^ ؟؟

وعليكم السلام ورحمه الله
انا الحمد لله بخير وصحه واتمنى انك تكون كذالك ^_^

مشكلة GSD أن نهاية القصة ما هي بقوة بدايتها لكن الفكرة الأساسية أن تكون مواجه بين الشخصيات
القديمة و الجديدة أعتبرها رائعة لكن الأحداث كانت بطيئة و توحي أن القصة راح تطول لكن وقفوا
على الخمسين +__+ و أعلنوا عن الحلقة خاصة ^_~ .... أما قضية موت الأبطال فإسمح لي
هذا شي مستحيل !!

هني اوافقك الراي , المسلسل تغيرت سرعه عرضه للاحداث في اخر الحلقات وماكان لازم ينتهي عند الخمسين , خاصتا الاحداث الي تصير كانوا لازم يستغلونها اكثر من انهم يخلونها في حلقتين او 3 مو متاكد << يقصد خطه دستني .
اما عن موت الابطال المفروض كانوا يموت احد منهم عشان يقوي القصه خاصتا وانه الجزء ذي فيه ابطال جدد ومختلفين مع الابطال مال الجزء الي قبل فالمفروض انه تصير تضحيات او يقتل اي احد من الطرفين - يموت على المآسي من النوع هذا - , بس معذورين لانه لو مات احد بتعقد القصه زود ومستحيل بعدين ينهونه في الحلقه 50 ^^

في الواقع هي مب أحداث عادية >_> سقوط جينيوس 7 على الأرض و إختطاف Kagali و حلقة
المختبر و إنكسار هيبة آثران في المينرفا و موت ستيلار و صراحة في موقف ثانية بس ليش صارت
عادية ؟

كنت اقصد سرعت عرض الاحداث كانت عاديه مو سريعه

ما عندي أي تعليق على تقييمك صراحة ^_^ لكن أحب أقولك عن شيء من وضع GSD
في اليابان لك و لبقية الأنمي نجح في اليابان بشكل واضح جداً أولها مبيعات DVDs أغلب
ديفيديات حازت على المركز الأول في المبيعات و مع نزول DVD العاشر أصبح عدد
النسخ المباعه من GSD على قولتهم::
’’ over a million DVD copies of Gundam Seed Destiny have been shipped in Japan ‘‘ مصدر ANN
هذا غير تصويت الشهري و السنوي ...الي بقوله أن الانمي ممتاز لكن كان ممكن يكون
أحسن من جذي

ايه اكيد كان ممكن يكون احسن من جذي بوايد لو ماخلوه فقط 50 حلقه , احسهم اختصروه كثير , ناوي اقرى المانجا واتاكد
وعن المبيعات ماستغرب لانه الاحداث كانت جدا روعه وماتقدر تصبر على الحلقه اليايه - الحمد لله انا بديت اشوفه يوم انتهى XD - لكن المشكله الوحيده سرعت احداث النهايه -_- , خلتني اغير رايي في الانمي كامل XD
بس ان شاء الله يعوضون في الحلقه الاسبشل ويفرحونا بالجزء الثالث له

Zeta Gundam أسطورة لكن تتحمل رسم شوي قديم ?_?
إذا ما تحب رسم القديم في له ثلاث أفلام الأول نزل في اليابان برسم معدل و هذي صور له ::1 - 2 - 3
على العموم هو الجزء الثاني للقصة الأصلية و هو مرتبط بعض الشيء بالجزء الأول أو First Gundam

لاء عادي عندي الرسم القديم , بالعكس احبه وايد يذكرني بايام الاول , احسه مور اموشنل
انزين الان عادي اشوفه قبل الجزء الاول ؟؟ اي انا حاليا نزلت 75% من زيتا و 6% من الفيرست فتنصحني انتظر الفيرست ينزل الاول ؟؟

عليك الأن بـGundam: The 08th MS Team :: هنا ’’ Dual Audio ‘‘

اشوفه قبل زيتا ؟؟

تصريحات Sunrise تقول أن الجزء الجديد سيعرض 10/2006 يعني المعلومات الرسمية
راح تكون متوافرة في شهر 7 أو 8

باقي 10 شهور T_T
بس يالله ربنا كريم ننتظر وان شاء الله مايخيبونا ^^
___
تسلم اخوي على ردك علي ومشكور كفيت ووفيت واشوفك على خير في القريب ان شاء الله

[Thunder Strike]

أوهـــــــــــايوووووووو

[ShinGundam]

انا الحمد لله بخير وصحه واتمنى انك تكون كذالك ^_^

الحمد لله بخير

هني اوافقك الراي , المسلسل تغيرت سرعه عرضه للاحداث في اخر الحلقات وماكان لازم ينتهي عند الخمسين , خاصتا الاحداث الي تصير كانوا لازم يستغلونها اكثر من انهم يخلونها في حلقتين او 3 مو متاكد << يقصد خطه دستني .

صحيح حتى أذكر الأعضاء الي ناقشوا معنا شككوا في أن نهاية ديستني عند الخمسين و أذكر أن يوم أعلنوا
عن إنتهاء ديستني عند الخمسين الوحيد الي إستانس و فرح أنا لأن مخي ضرب من كثر ما تأثرت بالخبر

اما عن موت الابطال المفروض كانوا يموت احد منهم عشان يقوي القصه خاصتا وانه الجزء ذي فيه ابطال جدد ومختلفين مع الابطال مال الجزء الي قبل فالمفروض انه تصير تضحيات او يقتل اي احد من الطرفين - يموت على المآسي من النوع هذا - , بس معذورين لانه لو مات احد بتعقد القصه زود ومستحيل بعدين ينهونه في الحلقه 50 ^^

و فوق أن القصة راح تتعقد وايد و لا تنسى أن سييد ديستني مرتبط بعامل تجاري كبير و واسع و عليه
إقبال حتى مع هذه النهاية و أي شي يصير مثل هذي الحركات و السوالف راح يطير راس المؤلف
من Fans و الشركات المنتجة بعد XD

كنت اقصد سرعت عرض الاحداث كانت عاديه مو سريعه

هني أتفق معاك ^_~

ايه اكيد كان ممكن يكون احسن من جذي بوايد لو ماخلوه فقط 50 حلقه , احسهم اختصروه كثير

تحس أنهم إختصروا الكثير و أقولك نعم إختصروا الكثير و هذا ما يبيله كلام و راح أوضح لك

ناوي اقرى المانجا واتاكد

مع الاسف أنا ما حصلت الحين غير الفوليوم الثاني لـDestiny Astray أما الأول ما حصلته بس
لإذا تبيه نزله و راح أرفع لك الفوليوم الاول إذا تبي و هذا الفوليوم الثاني هني .

و هذي صورة حق مانجا The Edge O_O :: هنا
و هذي المانجا هي قصة آثران في GSD و تركيز كله عليه و تناسب واحد مثلي لأني من عشاق
شخصية آثران و حطيت الـScans الي عندي في موضوع نقاش المانجا ^_^ :: هنا

وعن المبيعات ماستغرب لانه الاحداث كانت جدا روعه وماتقدر تصبر على الحلقه اليايه - الحمد لله انا بديت اشوفه يوم انتهى XD - لكن المشكله الوحيده سرعت احداث النهايه -_- , خلتني اغير رايي في الانمي كامل XD

الصراحة الحلقة الاخيرة ما احس أنها نهاية للشخصيات بس أعتبرها نهاية أكشن و نهاية لجيلبرت
و تاليا و ريي

بس ان شاء الله يعوضون في الحلقه الاسبشل ويفرحونا بالجزء الثالث له

عاد تصدق Sunrise تقول أن ما راح يكون جزء ثالث حق SEED +_+ !! بس حتى لو ما كان
جزء لسييد أتمنى أن يكون شي قوي و متعوب عليه و أتمنى OVA لأحداث ما قبل SEED و
الشخصية الرئيسية يكون Mwu la Flaga و Raoul و Gilbert

لاء عادي عندي الرسم القديم , بالعكس احبه وايد يذكرني بايام الاول , احسه مور اموشنل
انزين الان عادي اشوفه قبل الجزء الاول ؟؟ اي انا حاليا نزلت 75% من زيتا و 6% من الفيرست فتنصحني انتظر الفيرست ينزل الاول ؟؟

توكل على الله و إبدي بالـFirst ثم Zeta ثم فلم Char’s Counterattack و أحب أعطيك
معلومة و هي أن الـFirst Gundam هي Old Generation و SEED هو New Generation
يعني أن SEED هو نفسه First العجوز و أضافوا له أفكار يديدة و شخصيات و أحداث مختلفة
و ردوه شباب و معاصر

اشوفه قبل زيتا ؟؟

خلص من الفيرست ثم طالع الـOVA و لعلمك أعتبره أفضل OVA جاندام بدون مبالغة و هو شي
خيالي

باقي 10 شهور T_T
بس يالله ربنا كريم ننتظر وان شاء الله مايخيبونا ^^

إن شاء الله ^_^

تسلم اخوي على ردك علي ومشكور كفيت ووفيت واشوفك على خير في القريب ان شاء الله

إذا في أي أسئلة أنا حاضر و نشوفك على خير ^_^

Kira yamato
الشلونك !!!
ييت في وقتك ! عندي لك أنمي لازم تشوفه و هو شي خيالي بدون مبالغة هذي الوصلة :: هنا
مع تمنياتي لمشاهدة متأكشنه XD

سلااااام

[ShinGundam]

السلام عليكم

أخيراً +_________+ !!!!

هذي وصلة لفلم Zeta الأول ’’ Heirs to the Stars ‘‘ :: هنا

نشوفكم على خير ^___________^ !!!

[DarkLordDragon]

السلام عليكم

أخيراً +_________+ !!!!

هذي وصلة لفلم Zeta الأول ’’ Heirs to the Stars ‘‘ :: هنا

نشوفكم على خير ^___________^ !!!

و عليكم السلام... أشكرك أخي على الوصلة, بصراحة كنت اريد اضع الوصلة خصيصا لك ^_~ لكن ما شاء الله عليك متابع آخر التطورات... على كل حبيت أسألك, هل الفلم مترجم إلى الإنجليزية؟

[ShinGundam]

و عليكم السلام... أشكرك أخي على الوصلة, بصراحة كنت اريد اضع الوصلة خصيصا لك ^_~ لكن ما شاء الله عليك متابع آخر التطورات... على كل حبيت أسألك, هل الفلم مترجم إلى الإنجليزية؟

أصلا ما أكون ShinGundam إذا ما تابعت آخر أخبار الجاندام و الأنمي عموما ^^...
أنا ما شفت الفلم الى الأن لكن هو مترجم بالعنجليزي من tv nihon الي يترجم Gaiking اليديد الحين
على العموم إن شاء الله لي عودة بعد مشاهدة الفلم ^_____^ ... سلااااام و مشكور وايد على عرض سينت سييا ^_~

[The Wahish]

Salam Guys

Long time no see/hear/discuss

Here's some news:
Still not sure if they are true

Speaking of Bandai and Sunrise, the Gundam SEED Destiny special conclusion episode is airing December 25th late night from 25:50 to 26:45. That means it’s technically airing December 26th early early morning in Japan from 1:50AM to 2:45AM. And that translates to 11:50AM to 12:45PM EST (East Coast, USA) on Christmas Day. I look forward to seeing if they can salvage any dignity the series has left.


Source:
http://randomc.animeblogger.net/2005...e-brief-notes/

[ShinGundam]

Salam Guys

و عليكم السلام ^^

Here's some news:
Still not sure if they are true

الخبر صحيح 100% ^^ و إحتمال يحطون في آخر هذا الإسبوع Preview و حالياً ما عندي أي فكرة
عن الحلقة خاصة غير أنها تكملة لنهاية الأنمي

مشكور أخوي و نشوفك على خير

[crazy vash]

اعزائي الكرام عشاق سلسلة Gundam SEED كيف حالكم وانشاء الله اموركم على ما يرام كل العادة. احب ان اشارك بهاذه الكليبات التي اتمنى ان تعجبكم و اقبلوها اعتذار مني لكم على عدم المشاركة طوال هذه الفترة

http://video.google.com/ThumbnailSer...SiKG_5Sx9JLD4Y
G-SEED Destiny 2nd opening

http://video.google.com/ThumbnailSer...RBc3bmyXNf0ogE
G-SEED Destiny 2nd ending

http://video.google.com/ThumbnailSer...cnekfFe5TY2v8w
G-SEED Destiny 3rd ending



http://video.google.com/ThumbnailSer...DnNf4k_x00AXvQ
G-SEED 3rd Opening


http://video.google.com/ThumbnailSer...imjpWy4GOJ2R_0
Z Gundam - Movie soundtrack

هذه القطعة بالذات هي مفاجئة سارة لعشاق العاب الGundam على جهاز الPlay Station 2 قريبا في الاسواق انشاء لله
http://video.google.com/ThumbnailSer...GaYS4BanYpQnOI
Another Century Episode - intro movie (PS2)

[**Relena**]

King Sarab

السلام عليكم ورحمه الله ^_^

وعليكم السلام ورحمة الله^_^

باك بعد ماشاهدت سيد ودستني

ولكم باك,أخي العزيز,وان شاء الله تكون استمتعت بالمشاهدة^^

كنت اتوقع دستني بيكون احلى من سيد لكن للاسف خيب آمالي

كلمة خيب آمالي هذي,تحطم يا سراب÷_÷

عن قصته كانت حلوه لكن الي ماخلاه بنفس قوت سيد عدم وجود تضحيات

قصة ديستني تمتاز بالغموض,على عكس سيد اللي كان متأكشن طول الوقت^^,يعني تقدر تقول نوع من التغير^_^

وكان جدا مما جعل بعض المعارك اشك وين الطرف الخير من العكس فما دخلت فيلنج معاه فيهم

بصراحة,كلهم هدفهم واحد وهو السلام,وزوال الحروب,لكن اكيد جلبيرت ومن معه,استخدموا الطريقة الخاطئة لنشر السلام,واسمح لي اعطيك رأيي,,,عدم معرفة من الجانب الطيب من الشرير اعطى للمسلسل اثارة وتشويق أكثر,والا ايش رأيك؟^_^

للاسف مافي احد من الابطال مات XD

ألف حمد وشكر لك يارب,ليه يموتون حرام عليك

وايضا الاحداث كانت عاديه ثم سرعوها في اخر حلقات مما افسد متعت المعارك الي في هذه الحلقات

للأسف هذي نقطة الضعف الكبيرة في المسلسل><اعتقد انه صار مشكلة,مما ادى لسرعة نهاية المسلسل,والا مستحيل مسلسل بقوة ديستني ينتهي بهذا الشكل

لكن ككل الانمي اعطيه 8 من 10

خسر نقطتين بس عشان تسارع الاحداث اللي افسد المسلسل×_×

وسيد اعطيه 9.5 من 10

نتيجة حلوة^^

النص الي فقده سيد بسبب تصرفات كيرا الغبيه فيه

حرااااااام,انت قاسي على قلبو كيرا Y_Y

واسف اذا ازعجتكم

اي ازعاج الله يهديك,بالعكس,لنا كل الشرف
لانك شاركت معانا في الساحة,وان شاء الله دووووم تشرفنا بمشاركاتك^__^

تصير تضحيات او يقتل اي احد من الطرفين - يموت على المآسي من النوع هذا

بصراحة اغلبنا توقع ان شين يموت في النهاية,بس مثل ماتعودنا احنا اعضاء الساحة,نفكر لكن المؤلف دائما له رأي مخالف

بس معذورين لانه لو مات احد بتعقد القصه زود ومستحيل بعدين ينهونه في الحلقه 50 ^^

اعتقد انه كان المفروض اكثر من 50 حلقة,بس يمكن صار عندهم مشكلة او خلل في جدول العمل,اضطرهم يغيرون الخطة,والله أعلم>_>

بس ان شاء الله يعوضون في الحلقه الاسبشل ويفرحونا بالجزء الثالث له

الله يسمع منك يااارب,اللهم آميييين
على كذا سراب صرت Gundam Fun ?? ألف ألف مبروووووك اخوي

[**Relena**]

ShinGundam

فوق أن القصة راح تتعقد وايد و لا تنسى أن سييد ديستني مرتبط بعامل تجاري كبير و واسع و عليه
إقبال حتى مع هذه النهاية و أي شي يصير مثل هذي الحركات و السوالف راح يطير راس المؤلف
من Fans و الشركات المنتجة بعد XD

اذا تسمح لي اخوي,احب اضيف نقطة بعد اذنك,بالنسبة لكلامك كان صحيح تماما
لكن هذا مايمنع ان نهاية المسلسل اثرت على سمعته ولو قليلا^^"

الصراحة الحلقة الاخيرة ما احس أنها نهاية للشخصيات بس أعتبرها نهاية أكشن و نهاية لجيلبرت و تاليا و ريي

بإذن الله الحلقة الخاصة,راح تكون توضيح لما بعد احداث الحلقة الاخيرة^_^

توكل على الله و إبدي بالـFirst ثم Zeta ثم فلم Char’s Counterattack و أحب أعطيك معلومة و هي أن الـFirst Gundam هي Old Generation و SEED هو New Generation يعني أن SEED هو نفسه First العجوز و أضافوا له أفكار يديدة و شخصيات و أحداث مختلفة و ردوه شباب و معاصر

احب انا ايضا اشكرك على المعلومات والتوضيح لاني استفدت منها جدا
تسلم يدك اخوي ماقصرت^__^

أخيراً +_________+ !!!!
هذي وصلة لفلم Zeta الأول ’’ Heirs to the Stars ‘‘ :: هنا

واخيييييييييييييييييييييييرا,ما بغى يطلع
ألف ألف ألف ألف ألف ألف مبروووووووووووووووووووووووك للجميع
ولعشاق زيتا خاصةً
وتسلم يدك اخوي,ماقصرت والله,ربي يعطيك العافية على مجهودك^__^
بس الحجم كبير شوي,كم يحتاج؟على الاقل 3 ايام متواصله×_×
بس مو خسارة فيه^^,ومشكوووور اخوي مرة ثانية,جزاك الله خير^__^

----------------------------------------

The Wahish

Guys
Long time no see/hear/discuss
Here's some news:
Still not sure if they are true
Speaking of Bandai and Sunrise, the Gundam SEED Destiny special conclusion episode is airing December 25th late night from 25:50 to 26:45. That means it’s technically airing December 26th early early morning in Japan from 1:50AM to 2:45AM. And that translates to 11:50AM to 12:45PM EST (East Coast, USA) on Christmas Day. I look forward to seeing if they can salvage any dignity the series has left.

وعليكم السلام^_^
أهلييييين اخوي وحش,كيف حالك^^
طمنا عن امتحاناتك؟ان شاء الله تمام
بالنسبة للخبر,مثل ماقال اخونا ShinGundam الخبر صحيح^^
وان شاء الله تكون حلقة تبرد قلوب عشاق ديستني بعد النهاية الرهيبة ÷_÷
مشكووووور اخوي عالخبر,جزاك الله خير, وان شاء الله نشوفك في اقرب وقت لاننا
راح نستكمل النقاش ,وموضوعنا هو حلقة ديستني الخاصة,بالاضافة الى فلم زيتا الاول ^_^

[**Relena**]

crazy vash

اعزائي الكرام عشاق سلسلة Gundam SEED كيف حالكم وانشاء الله اموركم على ما يرام كل العادة. احب ان اشارك بهاذه الكليبات التي اتمنى ان تعجبكم و اقبلوها اعتذار مني لكم على عدم المشاركة طوال هذه الفترة

اهلييييييين اخوي C.V كيف حالك؟عساك بخير؟^^
احنا الحمدلله بخير
مشكووووور اخوي على الكليبات جزاك الله خير^__^
ومافيه داعي للاعتذار,كلنا نمر بظروف تمنعنا من المشاركة
شكرا مرة ثانية وان شاء الله نشوفك في اقرب وقت لاننا
راح نستكمل النقاش ,وموضوعنا هو حلقة ديستني الخاصة بالاضافة الى فلم زيتا الاول ^_^

[crazy vash]

هذه المرة ايها الاحبة اضع لكم وصلة تعمل 100% انشاء الله

CLICK HERE

لا تنسوا ان تشاهدوا الصفحة الثانية من الكليبات, خاصة كليب Another Century Episode game على PS2, وانشاء الله اراكم عن قريب مع جديد اخر

[Kira]

السلام عليكم
كيف حالكم
^^
بعد غيبه طويله والله اشتقت لمناقشاتكم وروعتها
أذا كنت مقصّر بالمناقشات أسمحولي هو سببه الظروف
انشاء الله يكون هناك جزء ثالث من سييد
وراح أكون متابع معكم
مادري الحلقات اللي تحطونها هنا هل رسمها وقدرتها زي سييد
اذا كان اي فخبروني
أخوكم المحب كيرا