الموضوع الرسمي | نقاش الالعاب العام

[ab..d]

يب وراح يكون ثلاثية بعد صحيح احداثة بريكول للثلاثية العقد الماضي مستواها ممتاز على فكرة مو لازم تربط مشاهدتك بيه تابع الي تبي تتابعه .
عيب تحط ريبووت باتمان معا باقي الشلة فرق السماء على الارض من كل النواحي P:

[Tockuchi]

^
أنا آسف P:

[ab..d]

لووول

[dro]

تابع تغطية قسم FINAL FANTASY لألعاب Square Enix و صور مباشرة من المعرض و كل جديد من معرض طوكيو للألعاب ~

http://www.montada.com/showthread.php?t=718757&p=7228762&posted=1#post7228762

[Arashi]

جاب نفس الميزانية الي انتجوه بيها وزيادة شوي = فلم ناجح تجارية
فالينق كنسله وضيف X men first class اذا تابعت السلسلة طبعا هو و thor افضل فلمين سوبر هيروز هالسنة
تذكرت افلام بتنزل هالسنة ممكن نتوقع شيء ممتاز منها اذا حاب ممكن اضيفها على القائمة

اخخخ نسيت سالفة X men.....لازم احطه في اللسته >_<

btw اروش تابعتي the exorcist ولا لسى ؟ P:

تقصد the exorcism of emily rose

كنت منتظرته يعيدونه عل mbc 2 لكن ما عادوه
وخالي سجل عالشريط

فقاعده أحمله ويمكن اليوم او بعد يومين يخلص (حسب سرعة النت التعيس مالنا) >_>

بالنسبه لقائمة الأفلام اللي عرضتها...شنو اللي نزل لها dvdrip ؟ @@

انا في بالي: bad teacher و Real Steel ....طبعا معاهم x men بس اظن في لهم dvdrip

أبي انزل هالافلام من الحين..هالمره مابي اتأخر لأن جدامي قائمه طويله عريضه >_<

اوووف مب ملحقه...اول مره تمر علي سنه مليانه افلام

[yami vergil]

^^^^خلاص عيل عشان تلحقين كل واحد يشوف حلقات المصارعه الي فاتتنا بروحه ماينفع مع بعض والافلام خليهم حق وقت العشى XD

[Nez 17]

انا راسلت كاسح على موضوع الافلام وياليت يقتنع و ماضن انها محرمة مثل الاغاني لانه الفرق كبير الافلام مدتها ساعتين ولا ساعة و نص وفقط المسيقى فيها ولا الاقطات المخله للأدب مايتعدو الـ 30 ثانيه ولا دقيقه بالكثير وااكيد كل واحد بياخر المشاهد هذي من غير تفكير

وعلى فكره قلتله ندمج الموضوع يعني نخليه موضوع رسمي حق [ الافلام / الانمي / المسلسلات ] جذي نكون اخذنا فرصة في فتح موضوع مستقل للشغلات هذي بما انه كل الاعضاء يتابعون ولا يدرون وين يحصلون نصايح و افلام ورا اروح و ننتظر الاداره كاسح وافق :@

[Arashi]

^^^^
ممكن نستغني عن صور الأغلفه لو فيها نسوان وعن الفيديوهات...اللي عجبته فكرة الفلم او المسلسل يقدر يطلع تريلر في اليوتيوب في دقيقه وحده @@

الانيمي له قسمه وموضوع النقاش الخاص فيه فماظن مسموح نتكلم عن الانيمي هني @@

[zack77]

مبروك على رجوع سيرفرات انشارتد2 في stc بعد حجبها ( في كم واحد راح يشغلها بعد قرائة الخبر^^)

[Falling Angel]

^^
هههههه أنا لعبتها .. حسيت نفسي نوب ..

يعطيك العافية Ab..d ونيز على القائمة ...
أنا شفت من القائمة Bad Teacher

btw اروش تابعتي the exorcist ولا لسى ؟ P:

أنا لما تابعته بالزود أبلع ريقي.. هههههه
في فيلم Grave Encounters ..
ما أعرف شنو قصته.. بس شكله مرعب من الترايلر
من يتابعه عني ^^

أراشي في فيلم Abnormal Activites 1 & 2 ..
تابعيه إذا تحبي أفلام الرعب وطرد الأرواح والشياطين..

[dely10]

dely10

المشغل هذا ماجربته ولاكن جربت wd hub عجيب حيل و حلو ويدعم تقريبا كل الصيغ للأفلام و الترجمات و الاصوات لاكن فيه اخطاء قليله لدرجة انها ماتعيب الجهاز

مثل التاخير في الفلم مثل تبي تاخر حده x16 و عندك عند التوقف تاخذ الشاشه الي فيها الوقت من 10 إلى 15 ثانية تقريبا عشان تروح مب على طول تروح وكذا خطأ لاكن مايمنعك انك تجرب الجهاز عجيب واهم مافيه يقراء الترجمة العربية و يدعم الترجمة من نوع SUB وهو اشهر نوع للترجمات فقط حط اسم الترجمة مثل اسم الفلم و هي تندمج من نفسها و الجهاز يشغلها وعندك تكبير الخط و تصغيره و تغير لونه و الخط مايدعم للأسف و هذي تعتبر اكثر عيب فيه عند اناس وانا اشوف انها عادية وانا تعودة عليها وقمت اشوفها 100% و جميله الي هي خط الترجمة مو مثل ام بي سي 2 و مثل الابتوب لا يغير الخط الجهاز يخليه تقريبا مثل السينماا ..

واسف على الاطاله .. وجاري مراسلة كاسح عن موضوع رسمي لعشاق الافلام و اذا وافقو نشوفكم هناك ان شاء الله ^_^

شوف يالغالي المشكله عندي ان اكس تريمر موموجود بالكويت ...موجود بالسعوديه ودول بره ديرتي >>> يعني راح اطلبه
الموجود عندنا فقط wd hub ...
مشكور على توضيحك ...

من كلامك شكل الجهاز يمشي حاله , انا قريت عن الجهاز وعرفت عيوبه (التعامل مع ترجمه والدمج .. خط..صيغ الافلام )
الحين الحمد لله تقدر تلقى اغلب صيغ للافلام من عده مواقع بس يبيله بحث
والله شكلي بنطر شوي وبطلب اكس تريمر لان جهاااز فتاك بحكم تجربتي >>> وانصحك وانصح الشباب يقرون عنه

وعلى فكره قلتله ندمج الموضوع يعني نخليه موضوع رسمي حق [ الافلام / الانمي / المسلسلات ] جذي نكون اخذنا فرصة في فتح موضوع مستقل للشغلات هذي بما انه كل الاعضاء يتابعون ولا يدرون وين يحصلون نصايح و افلام ورا اروح و ننتظر الاداره كاسح وافق :@

فكرة حلوة وخاصة ان عشاق الانمي والافلام وايد
بدال لا نروح لموقع ومنتدى ثاني ياريت يكون هني قسم يلبي رغباتنا
بصراحة قسم الانمي عندنا كل ما ادخله اضيع @_@! >>>> سالفة ثانيه

مكن نستغني عن صور الأغلفه لو فيها نسوان وعن الفيديوهات...اللي عجبته فكرة الفلم او المسلسل يقدر يطلع تريلر في اليوتيوب في دقيقه وحده @@

اكيد راح يكون هنالك قوانين بالقسم تمنع بعض الاشياء اللي تنافي دينا وعاداتنا


يارب كاسح يقتنع بالفكرة

[dely10]

مبروك على رجوع سيرفرات انشارتد2 في stc بعد حجبها ( في كم واحد راح يشغلها بعد قرائة الخبر^^)

ليش اهم صكروها؟!!

[zack77]

^^


يس.. حجبتها شركة الأتصالات اللي في السعوديه لأسباب مجهوله .. هاذا الكلام صارله 6 شهور تقريبا


بعد مراسلات الأعضاء في المنتديات الأخرى لي انترنت السعوديه ( الموقع المتخصص للحجب )في رفع الحجب عن السيرفر تم رفعه اخيرا ^^

[Arashi]

أنا شفت من القائمة Bad Teacher

اهم شي....كان يموت ضحك؟ XD

أنا لما تابعته بالزود أبلع ريقي.. هههههه

زين زين هذا المطلوب XD

في فيلم Grave Encounters ..
ما أعرف شنو قصته.. بس شكله مرعب من الترايلر
من يتابعه عني ^^

انا اتابعه عنك <<< عز الطلب
اظنه يرويك تجارب واقعيه مع الن والاشباح

ذكرني بأنيمي Ghost Hunt...نفس الشي بالضبط @_@

أراشي في فيلم Abnormal Activites 1 & 2 ..
تابعيه إذا تحبي أفلام الرعب وطرد الأرواح والشياطين..

يس أعرفه بس ما جذبني @@

اكيد راح يكون هنالك قوانين بالقسم تمنع بعض الاشياء اللي تنافي دينا وعاداتنا


يارب كاسح يقتنع بالفكرة

يارب >_<
مع ان في عضو اقترح قسم للأفلام والمسلسلات (هو خبير فيهم بعد) لكن دارك ما رد عليه...هل عدم الرد يعني الرفض؟ @@"

[NsaN]

كان في قسم خاص بالافلام (سينماك) سابقا..و لكن تم اغلاقه و انفصل فيما بعد ليصبح منتدى مستقل..
سياسة المنتدى ترفض الافلام و الموسيقى بشكل عام (شخصيا استغربت فتح مواضيع الـOST)

اتوقع مبدأهم ان ما يبون ياخذون اثم حد..و الله اعلم..

الي يبا يتناقش بالانمي..عنده قسم كامل..خل نشوف لكم مشاركات هناك..