الموضوع الرسمي | نقاش الالعاب العام

[PS Player]

قوقل بلس فتح للعامه قبل يومين ونبي دائره خاصه باعضاء المنتدى
اللي مو عارف شنو قوقل بلس يسوي بحث عنه ويعرف
صفتحي بالتوقيع انشالله نشوفكم هناك

[Falling Angel]

CD Projekt to livestream The Witcher 2 version 2.0 announcements, gameplay

[tsubasa010]

شباب شفت اليوم في الستور الأمريكي resident evil 4 ماعندكم فكرة اذا تدعم hd وكم حجمها 3 gb ولا أكثر ؟
وكيف اشترك في خدمة plus يعني لازم يكون عندي فيزا أو ماستر كارد ولا موشرط لان عندي بطاقة الستور

[Falling Angel]

^^
تدعم الـ HD ..
حجمها 3333MB
طيب استخدم بطاقة الستور وبعدها ادخل على قسم البلاس..
ثم اشترك بالخدمة اللي تعجبك 3 شهور أو سنة .. وفقط

شباب .. أنا ناوي اشتري HTC سينسيشن
وهو عجبني .. لكن احيانا الشخص يغفل عن تفاصيل ماتشوفها عينه ..
كيف تنصحوني فيه وإلا لا؟..

[المجهول الحقيقي]

اعتذر من اخواني هذا الرد ليس له علاقة بالموضوع فهو موجه للأخ محمد darkitp

لقد قمت بمراسلتك لبريدك الأمر مهم جداً يرجى الرد لو سمحت حاولت أن اتواصل معك أكثر من مرة ولكن لم أرى أي رد منك ، بإنتظار ردك ...

تقبل تحياتي

[Arashi]

شباب .. أنا ناوي اشتري HTC سينسيشن
وهو عجبني .. لكن احيانا الشخص يغفل عن تفاصيل ماتشوفها عينه ..
كيف تنصحوني فيه وإلا لا؟..

سألت اختي الصغيره عنه لأنها مسويه بحث من فتره
تقول يمدحونه وما سمعت عليه عيوب ويمكن يكون احسن من الايفون

[dro]

المجهول الحقيقي ~ تم ايصال رسالتك لـ Darkitp

[Nez 17]

ياشباب الي عنده خبر عن السماعاة الجديدة لشركة سوني

Sony Wireless Stereo Headset





هل هي تعطيك نقل الصوت من التلفزيون بالكامل إلى السماعة او انها بس تعطيك الكلام و الصوت من التلفزيون ياليت انا اهم شي يهمني فيها لاني باخذها

هل هي تنقل الصوت كله مع الماثرات يعني يعطيك كتم التلفزيون و كل الاصوات في السماعة او انه الاصوات مقسمه مثل بعض السماعاة نص التلفزيون و نص السمااعات

مثل سماعة سوني القديمة الموثرات في التلفزيون و الصوت الكلام في السماعة ياليت احد يفهمني لاني ابي سماعة تكمل الاصوات فيها و كتم التلفاز وشكراً

[dely10]

شباب .. أنا ناوي اشتري HTC سينسيشن
وهو عجبني .. لكن احيانا الشخص يغفل عن تفاصيل ماتشوفها عينه ..
كيف تنصحوني فيه وإلا لا؟..

واحد من الربع شراة .. ويقول حلو بس معقد شوي ولكن سامسونغ جالاكسي2 والايفون4 افضل منه
انا شخصيا شفته وتعبثت فيه
شكله مثل الاجهزه الكفيه الحديثة شاشة كبيرة وتصميم مناسب بس القوائم يبيلها تتعود هليها فما اقدر احكم عليه

ياشباب الي عنده خبر عن السماعاة الجديدة لشركة سوني

Sony Wireless Stereo Headset

عن السماعه
ووايد يمدحونها لانه تقدر تستخدمها عالبلي ستيشن والاب توب
ويقولون تعيشك جو اللعب بكامل مؤثراته



هذا انطباع لواحد

بعد تجربة 5 العاب كل الي اقدر اقوله ان سماعة سوني فعلا سماعة تستحق الاقتناء والي صممها ابدع فيها بشكل كبير .. لم اجرب سماعات اخرى محيطية وهذي اول تجربه لي لكن كانت ممتازه ومرضية .. صحيح ان ليس كل الالعاب اصواتها مميزه لكن جربت العاب كانت ممتازه جدا بالاصوات مثل Bad Company2 و Fifa11 و Mortal Kombat وتجعلك تفتخر انك اقتنيت السماعة .. كذلك سمعت اصوات داخل هذه الالعاب ماسمعتها من قبل بسبب الوضوح الكبير فيها


اذا كنت محتار فـ سماعة البلاي ستيشن اكثر من مناسبة للاقتناء بسبب سعرها الرخيص مقارنة بالسماعات الاخرى كذلك اداءها ممتاز مع البلاي ستيشن والذي راح يعجب الجميع

وهاذي الايجابيات والسلبيات من وجهة نظرة

( الايجابيات )

1- اداء ممتاز مع الالعاب وصوت محيطي رائع
2- سعر مناسب
3- سهوله الاستخدام والربط مع البلاي ستيشن
4- سماعة لاسلكية بمعنى راح ترتاح من الاسلاك المزعجة
5- التحكم الكامل بالسماعة بشكل سلس وسريع ووجود مربع صغير يظهر لك حالة السماعة
6- امكانيه سماع اصوات اللعبة والمحادثات بوقت واحد , او الغاء اصوات المحادثات وسماع اصوات اللعبة او العكس
7- سهولة شحن السماعة عن طريق الـ USB
8- جودة متوسطة
9- مريحه وتحتوي على الأذن بشكل مريح وغير مزعج
10- تستطيع شبكها في الـ Pc و الـ Laptop والاستمتاع برامج المحادثات ومتابعة الافلام

( السلبيات )

1- عدم انتشارها بشكل كبير في الاسواق الخليجية ( ان شاءلله مسالة وقت فقط )
2- مرتبطه بشكل تام مع قطعة الـUSB , لو ضاعت راح تكون السماعه بدون فائدة
3- عدم وجود سلك USB لشحنها عند شراء السماعة

عن نفسي راح اشتري السماعه + الشاشه 3d sony

يصراحة الكل يمدح بالشاشه رهيبه ولي عودة بالحديث عنها

[yami vergil]

نايس مواصفات السماعه جدا

كنت اشوف review لها عاليوتيوب وووووو طلعت بالمعلومات الاتيه

يقول لكم ان مشكلة الضوء الازرق لما تشغل السماعه يكون على المكرفون واذا بتلعبون
فالظلام بيكون الضوء قوي ومزعج لاانه عالمكرفون مب عالسماعه نفس وضع سماعة البلوتوث

وشغله ثانيه ان للسماعه اكثر من version مثل 7.1 و 5.1 وفي امزون موجود اخر اصدار 7.1

يقول المراجع 7.1 ماينفع مع الافلام ما ادري شيقصد بهالكلام >_>

وتقدرون تعدلون تضبيط السماعه بالطريقه الي تحبونها عالكمبيوتر بس مادري شلون دخل على خصائص السماعه وقام يضبط فيها
ومشكله مايصير تعدل في تضبيط المكرفون بس السماعه وحتى عالبلايستيشن لو تبون تضبطونه مايتغير ومايصير اعلى من level 3

في امازون السماعه ماخذه تقييم ممتاز من المشترين 66 واحد ماعطي السماعه 5 نجوم ^^

[kaled1987]

المشكلة بأن RE4 مافيها تروفي البلاتينوم
أصحاب الأكس بوكس راح يآخذون الاشيفمنت 1000/ 1000

[NiN RevO]

نيز .. انا عندي هذه السماعه

http://www.amazon.com/Tritton-Digital-Precision-Gaming-Headset-Pc/dp/B0017IUFAE/ref=sr_1_18?ie=UTF8&qid=1316774283&sr=8-18

بـصراحه روعه وجودتها عاليه وخفيفه

وتشتغل على الـ PC , PS3 , Xbox360

تنقل لك الصوت من التلفزيون الى اذنك وفيها الشات بعد

ولا تحتاج شحن لأنها موصوله بسلك وسلكها طويييل اطول من اي سماعه ثانيه

[Arashi]

( السلبيات )

1- عدم انتشارها بشكل كبير في الاسواق الخليجية ( ان شاءلله مسالة وقت فقط )
2- مرتبطه بشكل تام مع قطعة الـUSB , لو ضاعت راح تكون السماعه بدون فائدة
3- عدم وجود سلك USB لشحنها عند شراء السماعة

ماجوفها سلبيات شنيعه....يعني كأن السماعه من غير سلبيات

[dely10]

ماجوفها سلبيات شنيعه....يعني كأن السماعه من غير سلبيات

شنيعه ههههههههههههXD

والله ما ادري هاذا انطباع شخص


السماعه حلوة وسعرها احلى ...بس عق المشاكل اللي ذكرتها يامي !!!
خلتني افكر شوي وانطر انصباع واحد من الشباب اللي عندنا بالمنتدى

نيز .. انا عندي هذه السماعه

http://www.amazon.com/Tritton-Digital-Precision-Gaming-Headset-Pc/dp/B0017IUFAE/ref=sr_1_18?ie=UTF8&qid=1316774283&sr=8-18

بـصراحه روعه وجودتها عاليه وخفيفه

وتشتغل على الـ PC , PS3 , Xbox360

تنقل لك الصوت من التلفزيون الى اذنك وفيها الشات بعد

ولا تحتاج شحن لأنها موصوله بسلك وسلكها طويييل اطول من اي سماعه ثانيه

سمع عن هذا السماعه وهم يمدحونها ... امممممممممم يبيلها تفكير ماني مستعجل بالاختيار

[Nez 17]

يعطيكم العافية على المعلومات

ديلي نصيحة لك اذا باتخذ 3D اخذ من شركة LG ماكو احسن منه اقوى 3D شفته من بين كل التلفزيونات الثانية الصراحة قوي لدرجة ماتوقعها روح الافنيوز دش مجمع الغانم الي عند الباب الي من صوب اكيا

ودخل راح تحصل اخر شي تلفزيونات للعرض شوف LG 3D حاطينه لك و حاطيلك لعبة او فلم 3D اخذ النظارات من الموضف هناك قوله بجربه وشوف الاجواء مو طبيعية لدرجة انه صاحبي اخذه من اول تجربه في المحل

وفوق هذا LG اذا بتاخذه تاكدة انه يدعم 3D Cinema لانه اضنه هو الوحيد الي يدعمها من كل الشركاة و فوق هذا شفت لعبة على 3D من صج قويه

ادخل مراجعات وشوف افضل حتا من تلفزيون السوني على ماضن و في خاصية جانبية اكتشفها صاحبي تقدر تشغلك الهاردسك الي فيه افلام بترجمة SUB. على التلفزيون ويقدر يقراء الترجمة مُجربه من صاحبي

وشكراً