شوقي حمايم والغناوي ربابه ,....., غنت على لحن الربابه حمايم
ياصاحبي بعض النوايا تشابه ,....., والفعل يفرق بين بايع وسايم
يلي حبيبك فيك زايد عذابه ,......,دايم على باله ولو كان نايم!
قربك سعادة والمفارق كآبه ,......., مشاعرك ورد وغرامك نسايم!
عزمت قلبك للغلا والرحابه ,......, لو كان مابين الحبايب عزايم
لو خافقك يفتح لـ فزاع بابه ,......, لقيت قلبه عن هوى البيض صايم
ولو ان احاسيس القلوب تشابه ,......., سمحت لي كل الذنوب العظايم
القلب لك روضٍ خضر ماوطا به ,......, الا غلاك اللي احييّه دايم
اعذر حبيبك لو يطول غيابه ,......., من طوّل الغيبات جاب الغنايم
.
