ارجو منكم وضع اللمسات الاخيرة لاختيار المعالج والرام واللوحة الام !!!

[PC-PS2]

المعالج انتل بانتيوم 4 --- 3.00 قيقا والكاش 512
اللوحة الام (محتار) اما 1- msi 875 neo
2- او قيقا بايت 875 وش رايكم ؟
المهم انها تدعم خاصية ديول شنل او ديول دي دي رام .
الرامات ... اسبستيك ام اكزايزر على ما اعتقد اسمها كذا ولا اعرف عنهم شيء بس عندي سؤال اهم وهو هل الرامات نوعين نوع يدعم اليول (dull) ديول دي دي رام والثاني عادي ام انها كلها نوع واحد اقصد هل كلها تنفع لاستخدام الراما الثنائية ديول دي دي رام ؟!!!

الباقس لايهم ... ولكن هذا اهم شيء والقطع الاخرى يمكنني اختيارها بشكل جيد ..


وش رايكم ياشباب ارجو انكم تردون علي بأسرع وقت !!!

[radeon]

أتمنى أن تأخذ بنصيحتي لأنك أن شاء الله لن تندم

عموماً هي عصارة تجربة مررت بها
1- المعالج 2800 لكن الكاش ميموري 1MB
2- المذر بورد ASUS أو ABIT فكلاهما يعانقان القمة من نفس الشبس طبعاً 875 أما خدمة الدول شانل لرامات فهي موجودة أصلا في كل المذرب بوردات التي تعتمد على الشبسات 875و865 لكن لا تتحمس لها كثيراً لأنها مارح تفيدك خاص لمستخدمي الألعاب فائدتها 1% أو أقل

3- أووووووووووه الرامات عالم ملئ بوجع الرأس
"اسبستيك ام اكزايزر على ما اعتقد اسمها كذا ولا اعرف عنهم شيء بس عندي سؤال اهم وهو هل الرامات نوعين نوع يدعم اليول (dull) ديول دي دي رام والثاني عادي ام انها كلها نوع واحد اقصد هل كلها تنفع لاستخدام الراما الثنائية ديول دي دي رام ؟!!!"

لازم تشوف كل رام تراجعها في الموقع الخاص بالمذربورد تشوف هي تدعم ولا لا لأنه يعتمد على المذر بورد وليس على الرام لكن تبي نصيحتي لا تهمك الدول شانل ولا غيره المهم هو الرام نفسها شئ في مواصفات الرام لم أرى أحد هنا يهتم له مع أنه يهمنا نحن مستخدمي الألعاب كثيراً وهو التوقييييييييييييت مهم جدا جدا جدا ... إلى مالى نهاية في سرعة وسلاسة العبة

والسبكتك أسوء أنواع الرامات على الإطلاق خذ من هذه الماركات التي سوف أذكرها لك :
1- CORSAIR لكن لو تصيح مارح تحصلها في أسواقنا للإسف
2- OCz ماراح تحصله بعد لكن لو لقيتها بيع سريرك الي في غرفتك واشترها لأنك مارح تندم أبد
3- "ماشكين" مافيه أمل تلقى أحد يعرف إسمها على شان يبيعها
4- GELL ممكن ولا بالحلم تحصلها
5- KING STON هذي هي الي موجودة في أسواقنا قليلاً ولازم الي تشتريها تكون ذات مواصفات التالية:

1-التوقيت لا يزود عن 2-3-2-6 أبد أهم شئ الأول من اليمين لازم يكون رقم 2
2-ولازم يكون سرعتها 3200 PC
3-ولازم ما يقل عن 1 جيجا يعني تأخذ ثنتين 512×2=G1 وإن شاء الله راح تدعي لي

*التوقيت كلما قل كلما أصبح أفضل

[wellknownQ8]

السلام عليكم
أوافق الأخ راديون كثيرا، فما قاله صحيح و سليم 100% ...ماشاء الله عليك..

و عجبني جمع كلمة Chipset الى شبسات

و توكل على الله أخي PC PS2

[PC-PS2]

اخواني ماقصرتوا ابدا ... واشكر تفاعلكم ... ولو اني اخوي radeon احبطني بقصة الرامات ... وكل القطع اللي ذكرها ماهي موجوده تصدقون حتى النوع اللي ذكره بالاخير برضه مالقيتة ولو اني مادورت زين !!!

وعندي تساؤل .. كيف اقرأ التوقيت وين ينكتب على القطعة وايضا ماذا عن السرعة كيف اتعرف عليها؟؟!!... وبالنسبة للرام 512 مافيه شريحة وحده الا اني اخذها اربعة شرائح 256 علشان تكمل 1 قيقا ... !!! وش رايك ينفع اربع شرائح على ام اس اي 875 ... وعلى فكرة هالمذربورد لها ست شقوق ممكن احط اثنين يمين واثنين يسار بس هل يفرق لو احط اربعة 256 عن شريحتين 512 ؟؟!!

واسف على الازعاج !!

[radeon]

ممتاز يا أخي على أخذك لنصيحتي ولا سويت نفسك أبو العريف زي بعض الشباب الله يهديهم
وأنا ما أمدح نفسي لكن كلأ له تخصصه لو تسألني بلبلاي استيشن كان أقولك يفتح الله
عموما الرمات الي قلت لك عليها لازم ما تخرج عن إطارها ولا تقولي بكرى العبة الفلانية تقطع
كينك سوتن تلقها في محل باث ممكن يوفرها لك وهو شاب سعودي أمين ولا نزكي على الله أحد راح يعطيك المعلومات الصحيحه عن التوقيت والسرعة لكل رام
بنسبة لتوقيت لازم ترجع لشركة في موقعهم على الإنتر نت وتأخذ رقم القطعة وتقارنه مع الموجودة في الموقع وتستخلص المعلومات هذي الطريقة الوحيدة للإسف إذا لم يكتب التوقيت على الرامات
أما بخصوص السرعة فهو دائماً يكتب وراح تحصله بهذا الشكل يكون :PC 3200 أو PC 2700 أو PC3500

طبعاً على فرض أنك قررت وإخترت كينك ستون
فيه نوعين عادي ونوع خاص إسمه هايبر إكس والفرق بينهم أنه هايبر إكس فيها مشتت (مبرد) أما العادي ما عليها شئ

www.kingston.com هذا موقهم حاول تصفح وتقراء معلومات

[PC-PS2]

تسلم والله ... بس كان كملت معروفك ياغالي وجاوبت على تساؤلاتي اللي طرحتها عليك .. وبطمع وازيدها عن موقع المحل (باث) اللي قلت علية ؟؟!!
وينه فية ؟؟

ومرسي دبل على المشاركة !!

[BLACK _G]

محل باث وانا خوك قبل القصيم بخمسه كيلو لوووووووووووووووووول

عند صحيفة الجزيره

www.pc-path.com

الناس كلها تقول باث باث أزعوجنا باث باث قلنا يا بوك خلنا ندز عندهم وتم التكريف أمس والحمد الله وصلت عندهم وما تشوف اللي يعني قايله كذا هذا هو باث ؟!!! محل لا تتجاوز مساحة العرض 3*4 متر مربع لكن صراحة بضاعته محترمه جداً ماشاء الله

[dungeon]

التوقيت احيانا يكتب على الرامات بهذا الشكل C2 , C3, C25
مثلا ً رام 400 Mhz توقيت CL.3 او بتوقيت CL2
تجيك زي كذا PC3200C3 او PC3200CL2 او PC3200C25 واحيانا تكون (مفرقة)
يعني زي كذا PC3200 C2
فدائما ً ابحث عن الحرف C .. وركز على الرقم الذي يليه مباشرة ويكون واضح على (بعض) من انواع الرامات وبعضها يكتب CL والبعض يكتفي فقط بـ C .. بدون كتابة حرف L

اذا مالقيت الحرف على الرام , يجوز مدون في الخلف ... ولكن اغلبها يُكتب عليها C

[MoaeD]

ترى باث فيه شخصين واحد عليمي انت يا هاني تغطي علي هههههه وواحد ماشاء الله عليه خبره


على الله تطيح بالثاني .. ولا طحت بالأول الله يعينك لازم تروح وتجي مره ثانيه


دق قبل ما تروح ازيلك

[hataky_kakashi]

3-
1- CORSAIR لكن لو تصيح مارح تحصلها في أسواقنا للإسف

أنا حصلتها بسهولة تنصحني فيها ولا كينجستون سرعته 500 ؟؟؟

[PC-PS2]

وين حصلتها ... !!؟؟

وبعدين كينجستون 512 م اظن موجودة !! واذا فية وين بعد ؟؟
وعلى فكرة ترى نزلت الرامات الـ(bus) حقها 400 مو اللي موجود بالسوق 333 على ما اظن !! انت تقصد اي (bus)؟؟

=========

برايفت ل،،BLACK _G...
ويييييييينك ارسلت لك 5 رسايل على ما اظن وفيها رقم الجوال .. ولا رديت الشباب يسألون عنك !!!

[hataky_kakashi]

وين حصلتها ... !!؟؟

وبعدين كينجستون 512 م اظن موجودة !! واذا فية وين بعد ؟؟
وعلى فكرة ترى نزلت الرامات الـ(bus) حقها 400 مو اللي موجود بالسوق 333 على ما اظن !! انت تقصد اي (bus)؟؟

=========

برايفت ل،،BLACK _G...
ويييييييينك ارسلت لك 5 رسايل على ما اظن وفيها رقم الجوال .. ولا رديت الشباب يسألون عنك !!!

أنا بالكويت - لا حبيبي ما أقصد كينجستون 512 أقصد البص 500 أعتقد أسمها PC4000