سؤال عن أقوى معالج على وجه الأرض

[(The Shark)]

بسم الله الرحمن الرحيم
و الصلاة و السلام على أشرف الأنبياء و المرسلين نبينا محمد صلى الله عليه و سلم
السلام عليكم و رحمة الله و بركاته

أعتقد أن الأغلبية سمعوا عن معالج الخلية الذي صممته Sony لجهازها القادم PS3 , و هذا المعالج هو أقوى معالج على وحه الكرة الأرضية , و كلفت صناعته مليار دولار ((1000000000$)) , و هذا المعالج كما تعرفون قادم من سنة 2027 , بمعنى أننا لو تتبعنا التطور المفترض للمعالجات لكان هذا المعالج من المفترض أن يظهر عام 2027 !

لكن السؤال الذي حيرني أنا و الأعضاء في منتدى البلاي ستيشن هو :ما هي النتائج التي ستجنيها سوني من وضعها لمعالج خارق كمعالج الخلية ؟ و ما أثر هذا المعالج على الألعاب ؟

[عمود ارتكاز]

والله ياخوي ما أقدر أفيدك بشي لأني ما أعرف معلومات كثيرة عنه

بس الصراحة اسمك غريب "عاشق PS2" وعضو في فريق XBOX
ومشكور جدا

[JoOoKeR]

والله ياخوي ما أقدر أفيدك بشي لأني ما أعرف معلومات كثيرة عنه

بس الصراحة اسمك غريب "عاشق PS2" وعضو في فريق XBOX
ومشكور جدا

هههههههههههه من جد حتى انا

نرجع لمحور حديثنا

امم كلامك غريب وانا ما سمعت عن هذا الشي بس الظاهر أن المقصود به معالج خاص بأجهزة الكونسل

يعني مثلاً أقوى معالج حالياً موجود لأجهزة البي سي هو AMD FX-57 وسعرة في أمريكا ب 1099 دويلا يعني تقريباً 4150 ريال سعودي

هذا معناه ان المعالج الي تتكلم عنه سعرة راح يكون غالي مرة وبعدين هل تتوقع أحد راح يشتري بلي ستيشين ب 2000 دولار مثلاً


أتوقع المقصود به هو معالج مصغر خاص بأجهزة الكونسل

[كوول علطوول]

بس الصراحة اسمك غريب "عاشق PS2" وعضو في فريق XBOX
ومشكور جدا

يعشقهم كلهم ياخي ^_^

[aifo]

والله انا اتمنى ان ينزل بلايستيشن 3 بسعر 2000 دولار

يا ليت


بعدين يصير نتحسس "القوة" من الجهاز


لكني سمعت ان الجهاز راح ينزل بسعر 500 دولار

[BIG-M]

لمعالج ننتظر مواصفاته الكامله من ناحية L2 & L1 لكي نحكم عليه .

ولكن حتى الان هو الاسرع في الساعة حيث تبلغ 3,2 بينما معالج FX-57 2,8 .

والمعالج الثنائي النواة الجبار X 2 4600+ & 4800+ يبلغون فقط 2,4

[aifo]

ترو الارقام ماهي كل شي يا اخوان

فيه اشياء خفيه بتركيب المعالجات

ما يعرف لها الا البروفشنل

احيانا اشياء ماهي معروفه تأثر على الاداء اكثر بكثير من الاشياء المعروفه

مثلا معالجات amd افضل بكثير من انتل في برامج الالعاب

وذلك يعود الى اشياء لا يعرفها العامه موجوده في المعالج مثل sse3 و 3dnow

هذي اشياء قد تكون اهم من الاشياء المعروفه مثل frequency و fsb

من حيث الالعاب


المقصود

ان 3.2 ماهي بالضروره أهم شي في معالج سوني الجديد

أنا سمعت ان معالج الحليه راح يحتوي على 9 sse3

8 تشتغل

وواحده احتياط في حال خراب واحده من الثمانيه

ومثل ما ذكرت لكم الsse3 مهم حجا في الالعاب

بينما المعالجات للبي سي الموجوده الان تحتوي على sse3 واحده فقط

[BIG-M]

في السيل فيه 8 نوه 7تشتغل وواحد للأحتياط مما يوفر عملية نقل للبيانات بسرعة هائلة .

تماما مثل البايبس في كروت الشاشة

[(The Shark)]

في السيل فيه 8 نوه 7تشتغل وواحد للأحتياط مما يوفر عملية نقل للبيانات بسرعة هائلة .

تماما مثل البايبس في كروت الشاشة

ايوا انت قلتها ((مما يوفر عملية نقل للبيانات بسرعة هائلة)) الحين وش فايدة نقل البيانات بسرعة خارقة على الألعاب ؟؟ يعني وش راح يسوي في اللعبة ؟ حيخلي رسمها رائع ؟ و لا فيزيائيتها رائعة ؟ و لا عدد الشخصيات على الشاشة كثير ؟ و لا سرعة اللعبة كبيرة ؟ و لا وش ؟

[keeeper]

أقولكم ما فائدة المعالج

تقدر تلعب فاينل فانتسي أو ريزيدنت أيفيل أوت بريك من دون ما يطلعلك كل شوي شاشة سوداء

تقدر تلعب باللعبة الجرفيكس للعبة مثل الحقيقة

وأهم شي تقدر تلعب باللعبة ضد أعداء ذكيين جدا جدا يعني الذكاء الأصطناعي عالي جدا يعني الشخصيات ذكية جدا


تخيل نفسك تلعب بلعبة مثل ديفل ماي كري وفي الكثيير من الأعداء وجميعهم أذكياء جدا؟

تخيل نفسك تلعب ويننج إلفين وكل الحركات موجوده واللاعبين عندهم نفس الخبره والمهارات عند اللاعبين الحقيقين؟
وسعر المعالج 101$ مش مثل ما تفكروا 1000$!!!!!!!!!!!!!!!!
من متوقعين يشتري بلاي ستيشن 3 لو كان سعر 2000$!!!؟
وسعر البلاي ستيشن 3 399$ رخيصة

وهذا موضوع كتبته بخصوص سعر البلاي ستيشن 3 وسعر قطعها وسعر الأكس بوكس
http://www.montada.com/showthread.php?t=402266

[BIG-M]

ايوا انت قلتها ((مما يوفر عملية نقل للبيانات بسرعة هائلة)) الحين وش فايدة نقل البيانات بسرعة خارقة على الألعاب ؟؟ يعني وش راح يسوي في اللعبة ؟ حيخلي رسمها رائع ؟ و لا فيزيائيتها رائعة ؟ و لا عدد الشخصيات على الشاشة كثير ؟ و لا سرعة اللعبة كبيرة ؟ و لا وش ؟

فيزيائية اللعبة راح تكون واقعية لدرجة كبيرة حيث المعالج سوف يتمكن من رسم الانفجار و الشطايا وسقوط وتكسر النوافذ وكل هذه الامور بسرعة لاتحسب في جزء من الثانية !

ايضا في حركة الجيوش للألعاب الاستراتجية.

انا امس ركبت معالجي X 2 ولعبت AOE وحطيت 11الف جندي لكل فريق ( 3 فرق ) المعالج بالقوة يشتغل و الحركة تحسها فيها بطئ (طبعا على اعلى دقه ) .

قمت حطيت نفس التخزين في جهازي القديم 2.8 بريسكوت , ولكن شعلت مجموع الجيوش 11 الف فلم استطع تحريك جندي من مكانه دون تعليق !!

ارأيت النقطة التي ارمي اليها .

[الخيال المتلاعب]

فيزيائية اللعبة راح تكون واقعية لدرجة كبيرة حيث المعالج سوف يتمكن من رسم الانفجار و الشطايا وسقوط وتكسر النوافذ وكل هذه الامور بسرعة لاتحسب في جزء من الثانية !

ايضا في حركة الجيوش للألعاب الاستراتجية.

انا امس ركبت معالجي X 2 ولعبت AOE وحطيت 11الف جندي لكل فريق ( 3 فرق ) المعالج بالقوة يشتغل و الحركة تحسها فيها بطئ (طبعا على اعلى دقه ) .

قمت حطيت نفس التخزين في جهازي القديم 2.8 بريسكوت , ولكن شعلت مجموع الجيوش 11 الف فلم استطع تحريك جندي من مكانه دون تعليق !!

ارأيت النقطة التي ارمي اليها .

ما شاء الله عليك وصلت للX2

بس أخوي ما تشوف أن كل هذي القوه ....... شيء إضافي لن نحتاجه في الوقت الراهن !!!

وفي المستقبل القريب أيضا

[BIG-M]

ما شاء الله عليك وصلت للX2


بس أخوي ما تشوف أن كل هذي القوه ....... شيء إضافي لن نحتاجه في الوقت الراهن !!!

وفي المستقبل القريب أيضا

اشتريت الـ X 2 وماركبته علشان اذا رديت امريكا ما يعذبوني بالمطار .



وفي رأي فعلا نحتاج لهذه القوة الهائله.

اريدك ان تجرب لعبة AOE بالاف الجنود ( عن طريق كريت سيناريو ) وجها لوجه .ما احلى المعركة!!

وجربها بـ200 جندي وانظر كيف مملة المعركة .



اعتقد ان هذه القوة مناسبة لألعاب الاستراتجية الحربية اكثر من غيرها . ما رأيكم ؟

[الخيال المتلاعب]

اشتريت الـ X 2 وماركبته علشان اذا رديت امريكا ما يعذبوني بالمطار .



وفي رأي فعلا نحتاج لهذه القوة الهائله.

اريدك ان تجرب لعبة AOE بالاف الجنود ( عن طريق كريت سيناريو ) وجها لوجه .ما احلى المعركة!!

وجربها بـ200 جندي وانظر كيف مملة المعركة .



اعتقد ان هذه القوة مناسبة لألعاب الاستراتجية الحربية اكثر من غيرها . ما رأيكم ؟

هممممممممممممممممممم


الصراحه ما أعرف وش هي لعبة AOE

إذا كنت تقصد Age Of Empires فهي لعبه قديمه ولا تحتاج معالج بنتيوم 4 أصلا

وش هي هذي اللعبه ؟؟؟



ما أقدر أحكم قبل ما أعرف اللعبه

[(The Shark)]

طيب شباب أنا فاهم عليكم , لكن المشكلة هي :
وش فايدة معالج بهاذي القوة الخارقة ؟ يعني لو نزلت معالج متطور شوي مو كان أحسن
يعني تتوقعوا سوني وش تخطط تسوي بهالمعالج من وجهة نظركم ؟