لكل مشترك مع خدمة أرامكس الرجاء المساعدة

[BLACK _G]

السلام عليكم ورحمة الله

أخواني الأحباء انا مقبل على الاشتراك في خدمة ARAMEX Shop & Ship والماستر كارد راح تكون من نفسه ARAMEX (مع ان الأهلي يقدم بطاقة مسبوقة الدفع) لو تكرمتوا أبيكم تساعدوني شوي الله يوفقكم

أولاً للأسف الموقع اللي بتعامل معه أمازون ومافيه قطع هاردوير كثيرة غير نظام العرض السيئ المهم :

حصلت القطعة المرادة والتاجرTigerDirect فهل سينجح أماوزن بالوساطة بينه وبيني أنا عضو في خدمة Shop & Ship ؟ لان سمعت البعض يواجه مشاكل من الشراء منه..

ثانياً : أين أجد تكلفة الشحن من أمازون الى البريد الخاص بي ؟

ثالثاً : كيف لي ان أعرفف هل الموقع الفلاني يقبل بطاقة مصدرة من خارج أمريكا أو لا يقبل ؟

سمعت بالبعض بانه استطاع الشراء من الموقع المتميز newegg (حبيب جيمر في عرض القطع ) مره واحدة فقط فهل أجازف واطلب

شكراً للجميع وأرجو التفاعل مع الموضوع جزاكم الله خير

.. .

[هاوي الليــــل]

أولاً للأسف الموقع اللي بتعامل معه أمازون ومافيه قطع هاردوير كثيرة غير نظام العرض السيئ

فعلا اخوي امازون سئ في عرض بضاعته .. ولكن يسمح بالبطاقات التي من خارج امريكا .... وهذا هو عزاءه الوحيد ... وكذلك احيانا تجد ما تريد وبارخص من اي موقع ثاني ...

حصلت القطعة المرادة والتاجرTigerDirect فهل سينجح أماوزن بالوساطة بينه وبيني أنا عضو في خدمة Shop & Ship ؟ لان سمعت البعض يواجه مشاكل من الشراء منه..

نعم ستستطيع شراء القطعه اذا كان امازون هو الوسيط .. لان المبلغ المالي سيذهب لامازون .. وسيقوم امازون بعمل الاوردر للتاجر وسيدفع له ... يعني انت برى السالفه كلها ...

اما اذا قمت بالشراء مباشره فسيرفض البطاقه ...

ثانياً : أين أجد تكلفة الشحن من أمازون الى البريد الخاص بي ؟

حبيبي لما تعمل الاوردر بيطلع لك خيارات الشحن ... بالعاده تطلع لك 3 خيارات .. ستاندر .. وخلال 3-5 ايام .. والخيار الثالث 1-2 يوم .. وكل واحد من الخيارات له سعر معين راح يبين سعر اي خيار بعد ما تطلع لك الفاتوره على الشاشه .. وبعد ما تطلع الفاتوره تقدر تلغي امر الشراء او تختار خيار اخر للشحن وهو يبين لك مبلغ الشحن ...

وفيه خيار رابع يطلع على بعض القطع كعرض خاص وهو الشحن المجاني .. وهذا طبعا ببلاش .. وتلقى اربع خيارات بدل ثلاث وانت تعمل الاوردر ويكون الخيار المجاني قبل خيار ستاندر ...

اخوي فيه رابط يبين تكلفة الشحن .. بس والله ما راح تفهم منه شي .. لانه بشكل معقد وغير مفهوم بتاتا ..

وهذا هو الرابط ...

http://www.amazon.com/exec/obidos/tg...223778-6263357

ثالثاً : كيف لي ان أعرفف هل الموقع الفلاني يقبل بطاقة مصدرة من خارج أمريكا أو لا يقبل ؟

سمعت بالبعض بانه استطاع الشراء من الموقع المتميز newegg (حبيب جيمر في عرض القطع ) مره واحدة فقط فهل أجازف واطلب

والله يا خوي هذي ما اعرفها ... اسمحلي ...

بس اذا جربت انك تشتري مباشره من موقع نيوايج .. راح يعملون بلوك على بطاقتك .. وما راح يسمحون لك تشتري مره ثانيه .. وراح ينلغي الاوردر اللي عملته على طول ... وكذلك لو بطاقتك من امريكا اعتقد كذلك بيرفضون طلبك .. لانهم مسويين بلوك على عنوان ارامكس في امريكا ... هذا الكلام اللي انا فهمته من الاخ بندر في المنتدى ...


اتمنى اني اكون جاوبتك على اسفسارك .. وانا حاضر لاي استفسار ثاني ...

تقبل تحياتي

اخوك

هاوي الليــــل

[Cyber Master]

ملاحظة بخصوص موقع newegg اغلب الأحيان يرفض وفي حالات نادره يمشي لك اول طلب فقط وهذا حصل معي مرتين لاكن انتبه لاتجرب او تغامر بمبلغ كبير تحتاجه لأن لو رفضت العلميه بيعلق فلوسك من 15-30 يوم اذا ماعندك مشكله في ذلك فجرب حظك بس لاتستخدم غير بطاقة ارمكس الى عنوانها نفس عنوان بريدك في امريكا

[Marvix]

الحين المشكله هذي بس معا newegg ولا كل المواقع نفس الشي؟؟؟ انا ناوي اشترك بأرامكس بالكويت هاليومين..بس خوفتوني والله :vereymad:
لأنه موقع أمازون مافيه خيارات كثيره للهاردوير..في مواقع ثانيه مثل newegg بس تكون مجربه و مضمونه و فيها كل اللي نبيه ؟
ساعدونا يا اخوان

[Gentleman]

اخوي مارفكس انا مشترك بأرامكس من الكويت

وطلبت من امازون القطع الي ابيها ومافي مشكله وأسعار مناسبه

لا تخاف وتوكل

[هاوي الليــــل]

الحين المشكله هذي بس معا newegg ولا كل المواقع نفس الشي؟؟؟ انا ناوي اشترك بأرامكس بالكويت هاليومين..بس خوفتوني والله :vereymad:
لأنه موقع أمازون مافيه خيارات كثيره للهاردوير..في مواقع ثانيه مثل newegg بس تكون مجربه و مضمونه و فيها كل اللي نبيه ؟
ساعدونا يا اخوان

اخوي Marvix ..

اولا تحياتي لك ...

ثانيا .. المشكله مع اغلبية المواقع الامريكيه وليس نيوايج فقط ... باستثناء امازون ويمكن كم موقع ثاني انا ما اعرفه ...

الاشتراك بأرامكس ممتاز جدا ... ولو تشتري من امازون بس راح توفر على نفسك الكثير من اسعار قطع الهاردوير...

وصحيح انه لا يوجد الكثير من خيارات الهاروير في موقع امازون .. بس على القليله اللي بتلقاه موجود راح يوفر عليك من 50% الى 30% من اسعار نفس القطع في بلدك ...

وللأسف ما اعرف اي موقع ثاني غير امازون يسمح بالشراء ببطاقات ائتمان من خارج امريكا .. يمكن الاخوان يشاركون ويفيدونك ويفيدوني ...

اتمنى اني اكون جاوبت على استفسارك ...

تحياتي

اخوك

هاوي الليــــل

[BLACK _G]

أخوي هاوي الليل

والله ما أعرف كيف أشكرك على ردك الوافي الله يجزاك كل خير

بالنسبة للشحن والله ماقدرت أوصل للتكلفة لأن لازم ادخل معلوماتي حول موقعي وزي كذا

المهم اتوقع هاذي الصفحة فيها معلومات عن الشحن المحلي

http://www.amazon.com/exec/obidos/tg...596913-7853530

المشلكة يقول تكلفة الشحن تبدأ من 8 دولار وعلى كل باوند 0.65 دولار صحيح هالكلام ؟

وفي نفس الوقت يقول البضاعة اللي أكثر من 25 دولار شحن مجاني

ونفس الكلام يقوله TigerDircet

http://www.amazon.com/gp/help/seller...=A9B09ZK9BZJQ6

ياريت حد يأكدلي على أسعار الشحن هاذي الله يرضى عليكم


أخوي لو افترضنا اني بطلب كرت شاشة مثلا بـ370 دولار تقدر تشوفلي كم الشحن يطلع تكلفته ؟

http://www.amazon.com/exec/obidos/tg...ictures&img=14

------------

أخوي Cyber Master

أشكرك أخوي على تنبيهك واهتمامك وانا للأسف المبلغ اللي عندي محدود واللي بطلبه شي كبير ومادام الفرق بين اللي ابيه في Newegg وأمازون 20 دولار بلاش المحاولة !

بس مع أسعار الشحن حقت أمازون الظاهر اني بأجازف في نيو اج

................

مشكورررررررين شباب على التفاعل

.. .

[Ti3gib]

السلام عليكم و رحمة الله و بركاته

عندي إشتراك أرامكس و مرة طلبت مودم ADSL عن طريق كرت Mastercard محلي

من أمازون بريطانيا Amazon.co.uk

و وصلتني الطلبية بدون أي مشاكل

====================

على فكرة في الجهاز الي أريد أجمعه كله من NEWEGG

و حتى الآن ما فكرت في طريقة للشحن و الدفع من أمريكا

من عنده أفكار ؟ ...

تحياتي ,,,

[هاوي الليــــل]

أخوي هاوي الليل





والله ما أعرف كيف أشكرك على ردك الوافي الله يجزاك كل خير

بالنسبة للشحن والله ماقدرت أوصل للتكلفة لأن لازم ادخل معلوماتي حول موقعي وزي كذا

المهم اتوقع هاذي الصفحة فيها معلومات عن الشحن المحلي

http://www.amazon.com/exec/obidos/tg...596913-7853530

المشلكة يقول تكلفة الشحن تبدأ من 8 دولار وعلى كل باوند 0.65 دولار صحيح هالكلام ؟

وفي نفس الوقت يقول البضاعة اللي أكثر من 25 دولار شحن مجاني

ونفس الكلام يقوله TigerDircet

http://www.amazon.com/gp/help/seller...=A9B09ZK9BZJQ6

ياريت حد يأكدلي على أسعار الشحن هاذي الله يرضى عليكم


أخوي لو افترضنا اني بطلب كرت شاشة مثلا بـ370 دولار تقدر تشوفلي كم الشحن يطلع تكلفته ؟

http://www.amazon.com/exec/obidos/tg...ictures&img=14

------------

أخوي Cyber Master

أشكرك أخوي على تنبيهك واهتمامك وانا للأسف المبلغ اللي عندي محدود واللي بطلبه شي كبير ومادام الفرق بين اللي ابيه في Newegg وأمازون 20 دولار بلاش المحاولة !

بس مع أسعار الشحن حقت أمازون الظاهر اني بأجازف في نيو اج

................

مشكورررررررين شباب على التفاعل

.. .

اخوي BLACK _G ...

لا شكر على واجب ... والف شكر لك على هذه الدعوه الحلوة

اخوي انت فهمت سعر الشحن غلط ... وحطيت لك اسعار الشحن من نفس التاجر اللي انت تبي تشتري منه ... وعلى نفس قطعتك اللي تبيها... اتمنى انه يفيدك ...

داخل امريكا ..

الشحن العادي خلال 3-7 ايام 6.99$ للشحن .. و 0.50$ للباوند الواحد ...
الشحن السريع خلال 1-3 ايام 12.99$ للشحن ... و 0.99$ للباوند الواحد ..


ولكن كل سعر راح يعتمد على نوعية الشحن اللي انت تختاره ... يعني شحن عادي .. او شحن مستعجل ..

وبعدين انت على كل حال سعر القطعه اللي تبيها اكثر من 25 دولار .. يعني شحن مجاني .. واذا لا ما راح يتعدى ال 7 دولار .. وهذا مو سعر شحن امازون هذا سعر شحن التاجر ...

انا شريت 6 قطع من امازون .. قطعتين وصلوا .. و4 قطع بتوصل بكره ان شاء الله .. ومنها ماوس ليزر وماوس باد وجويستك وفلايت سميوليتر2004 واركتك سلفر 5 قطعتين .. وما خذو علي شحن الا على القطع اللي من تجار خارج موقع امازون وذلك كالتالي ..

شحن مجاني على كل من .. ليزر ماوس ... فلايت سيميوليتر2004 .... جويستك ...

شحن بقيمه اجماليه 6.39 دولا لكل من... اركتك سلفر 5 قطعتين ... 80mm chrome grill اربع قطع ...

شحن بقيمة اجماليه 6.17 دولار على الماوس باد...

اخوي ما انصحك تغامر وتحجز اموالك عند موقع نيوايج .. خلك في المضمون احسن لك ..

انتظر ردك .. واي استفسار اخر منك اخوي ..

اخوك

هاوي الليــــل

[BLACK _G]

هلا أخوي هاوي الليل

صراحة ماتقصر على ردودك الوافية وبديت أنحرج منك والله ..

بالنسة لتكلفة الشحن صراحة ماعرفت هل هي مجاناً على اعتبار القطعة اللي أبيها فوق 25 دولار والا 6.99 دولار حق الشحن الأولى وبعدين 0.50 لكل باوند من حجم البضاعة ؟؟

في الحالة الثانية أكون مافهمت تكلفة الشحن غلط زي ماقلت والا

ياريت اخوي تقلي كم تكلفة الشحن للقطعة فهمي ثقييل يعني ضيفها كأنك بتشريتها وشوف كم يقولون لك تكلفة الشحن .. وزي ماشفت القطعة راح تكون عن طريق تاجر والله يعيني على نظام امازون هذا

----------------

يوووه ذكرتني اشيك على البادات الموجودة في امازون انا فعلاً محتاج لباد

الا أقول سمعت انك تبي تجمع جهاز ليش ماتاخذه من أمازون

تحياتي لك يالغالي

.. .

[هاوي الليــــل]

هلا أخوي هاوي الليل


صراحة ماتقصر على ردودك الوافية وبديت أنحرج منك والله ..

اخوي BLACK _G ...

اخوي هذا كله لعيون المنتدى واعضاء المنتدى .. وانا حاضر للخدمه اذا اقدر اخدمكم .. ما راح انسى اني في يوم من الايام وما زلت احتاج خدمتكم لي ... ولا تنحرج اخوي .. انا حاضر .. واليوم انت تستفسر وبكره انا استفسر ...

بالنسة لتكلفة الشحن صراحة ماعرفت هل هي مجاناً على اعتبار القطعة اللي أبيها فوق 25 دولار والا 6.99 دولار حق الشحن الأولى وبعدين 0.50 لكل باوند من حجم البضاعة ؟؟

في الحالة الثانية أكون مافهمت تكلفة الشحن غلط زي ماقلت والا

ياريت اخوي تقلي كم تكلفة الشحن للقطعة فهمي ثقييل

اخوي .. خلنا ناخذها ببساطه ..

لنفترض ان تكلفة الشحن الاجماليه هي 10$ وهذا يعني 37 ريال سعودي .. يعني لو تضيفها على سعر القطعه اللي تبيها بيطلع في الاجمالي ارخص من نفس القطعه لو تاخذها من نفس بلدك ...

مع اني ما اتوقع توصل لل 10$ في اسوأ الاحتمالات .. اقولك ليش ..

لنفترض ان سعر الشحن 6.99$ ... وان وزن القطعه 1.5 كيلو .. وهذا يعني ان ..

6.99+0.5+0.5+0.5= 8.49$ ... = 32 ريال سعودي ...

يعني ضيفها كأنك بتشريتها وشوف كم يقولون لك تكلفة الشحن ..

اخاف اضيفها واحط رقم البطاقه وبعدين يقولون لي ما ينلغي الاوردر ... وابتلش .. لانهم يمكن يكونون متوهقين بها

وزي ماشفت القطعة راح تكون عن طريق تاجر والله يعيني على نظام امازون هذا

نظام امازون رائع بالنسبه لي .. وما اشوف فيه اي مشاكل كدفع او توصيل .. بالعكس لما تجرب مره ما راح تغير وما راح تكون اخر مره .. لا تتخوف .. لاني مثلك .. اول مره تخوفت .. بس بعد كذا انبسطت على الموضوع

يوووه ذكرتني اشيك على البادات الموجودة في امازون انا فعلاً محتاج لباد

انصحك بهذه الباد

http://www.amazon.com/exec/obidos/tg...=UTF8&v=glance

ما جربتها .. ولكني سئلت عنها كثير ونصحوني فيها ...

الا أقول سمعت انك تبي تجمع جهاز ليش ماتاخذه من أمازون

تحياتي لك يالغالي

.. .

انا اخوي ما ابي اجمع جهاز جديد .. كل ما في الموضوع انه عندي معالج انتل .. ومذربورد انتل .. وابي اغير المذربورد لان اللي عندي فاشله ..

فافكر بما اني بشتري مذربورد جديده ليش ما اغير المعالج بالمره الى amd ...


تقبل تحياتي اخوي .. وحاضر لاي استفسار اخر .. وانا في الخدمه

تقبل تحياتي

اخوك

هاوي الليــــل

[هاوي الليــــل]

على فكرة في الجهاز الي أريد أجمعه كله من NEWEGG

و حتى الآن ما فكرت في طريقة للشحن و الدفع من أمريكا

من عنده أفكار ؟ ...

تحياتي ,,,

اخوي Ti3gib ..

تحياتي لك ..

والله يا اخوي تقدر تاخذ ارقام الموديلات للقطع من موقع نيوايج .. وتبحث عنها في امازون .. وتشتريها ...

ولكن انك تشتري على طول من نيوايج .. فأعتقد ما فيه مجال .. لانهم بيرفضون الاوردر على طول ...

اتمنى انك تلقى طريقه ويفيدك احد الاخوان اكثر مني ...

اخوك

هاوي الليــــل

[BLACK _G]

مرحباً أخوي هاوي الليل

كلام جميل وانا معك ان حتى 20 دولار للشحن مازلت مناسبة لكن للأسف انت نسيت تكاليف اشتراك أرامكس والبطاقة غير تكلفة الشحن من البريد الى الرياض وعاد مدري عن الضرايب والخرابيط الثانية !

ولا تبتلش ولا شي انا فهمت السالفة كلها وعموماً الشحن المجاني يكون للبضائع الخاصة بموقع أمازون والتي تزيد عن 25 دولار..

بس أشوف ان هناك مصيبة لو اللي قريته طلع صح وزي مافهمت

هذا TigerDircet مايشحن للـP.O . Box !!!!!!!!!!!!!!

http://www.amazon.com/gp/help/seller...=A9B09ZK9BZJQ6

لاحظ الجدول الثاني وش مكتوب !!

هذا هو استفساري في بداية الموضوع

-----------------

الله يسعدك على الباد اللي طرحتها لي !
هاذي الباد عند الأخ وناسة وقمت بتجربتها شخصياً وأقول انها تستحق كل ريال يندفع لها

[haby]

سلام
الا يا شباب شلون اشتري من المواقع <<<<<<<<<<< واحد خاش عرض
لاني ناوي اشتري قطع وباخذ بطاقة الاهلي بس وش اللي لازم اسويه

[هاوي الليــــل]

مرحباً أخوي هاوي الليل



كلام جميل وانا معك ان حتى 20 دولار للشحن مازلت مناسبة لكن للأسف انت نسيت تكاليف اشتراك أرامكس والبطاقة غير تكلفة الشحن من البريد الى الرياض وعاد مدري عن الضرايب والخرابيط الثانية !

اخوي ..

بالنسبه لتكاليف اشتراك ارامكس هي 125 ريال .. للأبد ... يعني مافيه اشتراك لا شهري ولا سنوي ...

بطاقة ارامكس اشتراكها سنوي ... 75 ريال ..

تكاليف الشحن لو كنت في الرياض .. 15 دولار لاول نصف كيلو .. و 5.5 دولار لكل نصف كيلو اضافي ...

http://www.aramex.com/shopandship/Rates.aspx

لا يوجد ضرايب ولا حاجه .. هذا كل ما في الموضوع ...

باختصار راح تدفع 200 ريال وبتفك روحك .. ولو تفكر فيها ممكن تدفع هالمبلغ لكل قطعه راح تشتريها من بلدك وذلك لفرق السعر الكبير بين امازون والخليج بشكل عام ..

هذا بالاضافه الى انه مو كل شي متوفر في الخليج ...

ولا تبتلش ولا شي انا فهمت السالفة كلها وعموماً الشحن المجاني يكون للبضائع الخاصة بموقع أمازون والتي تزيد عن 25 دولار..

لا اخوي .. الشحن المجاني يكون على اغلبية القطع ويكون بشكل عرض خاص على القطع .. ومو شرط تكون باكثر من 25$ ..

ولكن زي ما قلتلك في ردي السابق .. انا شريت قطع وما طلع لي عليها شحن من امازون .. وشريت قطع ثانيه وطلع عليها شحن .. واكثر مبلغ دفعته لشحن قطعه هو 6.39$ هذا طبعا غير شحن ارامكس ... ولا قطعه من القطع الست اللي انا شريتها طلع لي عليها ضريبه ...

ارجع لردي السابق وبتلقى الامثله ...

بس أشوف ان هناك مصيبة لو اللي قريته طلع صح وزي مافهمت

هذا TigerDircet مايشحن للـP.O . Box !!!!!!!!!!!!!!

http://www.amazon.com/gp/help/seller...=A9B09ZK9BZJQ6

لاحظ الجدول الثاني وش مكتوب !!

هذا هو استفساري في بداية الموضوع

-----------------

اخوي انا اكلمك كمجرب .. ومتأكد انه هذا الكلام غير صحيح .. وعن تجربه ...

وبعدين انت لو تفكر فيها ... انت مو قاعد ترسله لصندوق بريد .. انت ترسله لعنوان ... والموظفين اللي في ارامكس في امريكا هم اللي راح يستلمون اغراضك من امازون .. صندوق البريد اللي راح يعطونك اياه ارامكس لما تشترك معاهم هو ليس صندوق بريد فعلي .. هو عباره عن كود خاص فيك .. عن طريقه يعرفون ان هذه الاغراض لفلان اللي في الدوله الفلانيه .. وبواسطه هذا الرقم يعرفون عنوانك ويرسلون الاغراض لاقرب ارامكس منك .. وفي بلدك يطلبون منك رقم الصندوق ( الكود حقك ) ويتأكدون انه انت الشخص المالك لهذا الكود .. وراح يطلبون منك بطاقة الهوية لمطابقتها مع البيانات المسجله لصاحب الصندوق (الكود) ..

اخوي انا اقولك اني مجرب ومو فاهم الموضوع وخلاص ...

اللي هم يرفضونه انك تشتري اغراض وتطلبها تجيك على صندوق بريدك العادي في بلدك .. يوم كانوا يقبلون الشحن لخارج امريكا.. اما الان فانت تشحنها لامريكا ... وهنا انتهى دورهم .. ويقوم بالباقي ارامكس...

الله يسعدك على الباد اللي طرحتها لي !
هاذي الباد عند الأخ وناسة وقمت بتجربتها شخصياً وأقول انها تستحق كل ريال يندفع لها

شاكر لك هالدعوه الحلوه .. والحمد لله انه وفقني ونصحتك بشي يستاهل ..

وعلى فكره هذي الماوس باد بتوصلني بكره عن طريق ارامكس .. وانا شاريها من امازون .. .. واللي نصحني فيها اخوي وناسة جزاه الله خير

تحياتي لك اخوي .. واكرر انا جاهز لاي استفسار منك او من الاعضاء الكرام

اخوك

هاوي الليــــل